ankawa
منتدى الهجرة واللجوء => الهجرة و واللاجئين => الموضوع حرر بواسطة: مجروح واكابر في 15:50 30/10/2013
-
السلام عليكم..
اني وصلت والحمدلله حاليا ولأول مرة حصريا.. امشي بالشارع وما اتلفت واواكف بأي مكان يعجبني ..
ابدي بسيطرة اربيل تأخرت 4 ساعات يلا دخلوني لان اعزب ورحم الله والديهم لان حلفت ما ارجع للعراق بعد ..
رحلتي كانت على الملكية الاردنيه طيران مريح طياره جديده خدمات ممتازة وموظف اي او ام اربيل جان كولش خوش ولد ومتعاون .. وصلنا لعمان لكانا ابو ال IOM استقبلنا سوالنا اوراق وديرو بالكم لان واحد شوية جبير بالعمر وميضبط الشغله زين .. انطوه 20$ يسوي اوراقكم بسرعه وميخلي عدكم نقص.. اجرائات الدخول اكثر من طبيعيه جانت بالمطار .. بعدين رحنا للفندق مال المطار وبقينا هناك 24 ساعه وطرنا لنيويورك ... اول موصلنا نيويورك ازدحامات وهوسة واستقبلونا موظفين اي او ام اللي همة اكثر من مخربطين ...اتعاركو اول ما وصلنا بيناتهم كل واحد يكول شكل.. المهم ختمنا جوازات وطبيت نيويورك .. مثل الافلام اول مطلعت من المطار حتى ادخن لكيت سيارات شرطه والجو مال نيويورك وعالم من كل الجنسيات .. وراها بساعتين صعدت رحت للترمنال وكملت رحلتي الى مدينه ثانيه بشمال نيويورك .. وصلت استقبلوني ولد عراقيين خوش ولد حيل كلت هاي شنو حتى النفسيات تتغير من الناس تجي هنا .. طلع العيب بالبلد مو بالشعب ... وخلوني بشقة وية ولد هم اعزب ..
راح ابديلكم بالمساعدات اللي استلمتها لحد هسه ..
40$ كاش ( الكيس ووركر مشتريتلي منها وجبه عشاء مقفصة 19 دولار )
200 دولار كاش اشتريت بيها نظارة ..
110 دولار صارفتها الكيس وركر على المواد مال تنظيف ومال مطبخ الي هي سجينه وفراش تخت وهل سوالف..
ايجار 650$ نصها ادفعها اني الي هسه 325$
بعد 5 ايام من وصولي استلمت فود ستامب بي 202$
رحنا للمدرسة يسوون تيست للانكليزي اني كالولي لا تجي للمدرسة بس يكمل سوشيل نلكيلك شغله حسب خبرتك .. والحمدلله اني خوش خبرة عندي ولغتي ما تفرق عنهم ..
السوشيل ميطلع الا بعد عشر ايام من الوصول
الكرين كارد اسبوعين كالولي استلمه ..
المعنده سياره ف يكضيها وية ادنى طبقات بالمجتمع .. ويديح بالباصات والميعرف جدول الباصات يكضيله ساعه انتظار بكل محطه..
جنط واوزان زايده لتجيبون لان واحد جايب وحدة زايده مكدر يستلمها الا وقع على الفلوس مال شحن .. يلا نطوها اله ..
علاجات وجكاير شكد بيكم جيبو محد يكوللكم شنو هاي ... باكيت الجكاير هنا ب 9.5 $
الأكل رخيص حيل ارخص من العراق بهواية الملابس رخيصه وكلها ماركات البانزين ب 3.6$
شغل يمكن ماكو اني بعدني ممدور بس هيج داشوف لان 80% من الامريكان يشتغلون اعمال بسيطه وبالمصانع وبالمحلات ..
خابرو كفيلكم خلي هو يلكيلكم شقه ويتعب نفسه لان المنظمة عموما هناا شققها كلهاا مو خوش شقق ديأجرون للناس ..
الوضع طبيعي الحكومة كلها تشتغل بس أزمة اقتصاديه موجوده وباعتراف هواية امريكان التقيت بيهم كالو متأذين بسبب الاقتصاد..
من اللي عرفته وكنت اعرفه وبكل مكان معروف .. اللي يريد ينجح يتعب بالبدايه ..يعني دراسه+شغل (يكتل روحه) سنتين 3 ويصير براسه خير كل العمر
الناس بمدينة سيراكوز مثقفين واجتماعيين ( عدهم نسوان يموتن) بحيث الامريكان يكولون هنا اكثر نسوان حلوات بمريكا.. لحد يروح نايت كلب ميعرف الباكراوند مالته لان اني رحت واحد بي مخدرات مثل الجكاير مسالة طبيعيه ومشبوه حيل..
اللي عنده سؤال خل يدزلي رساله ويتدلل ع اي استفسار اني حاضر واللي يريد اصير كفيلة هم اني حاضر .. تحياتي الكم .
-
الف الف مبرووووووووووووووك
-
الف مبروك والحمد لله على سلامة الوصول
-
الحمدلله على سلامه وصولك ويا رب تحقق كل امنياتك وادعو من الله الفرج القريب لباقي الاخوه والاخوات
ابو نمر مر من هنااا
كالفورنيا
-
الف مبروك والحمد لله على سلامة وصولك وانشاء الله تتوفق بحياتك الجديده
تحيااااتي اخوك فنااااان
-
الف الف مبروك والحمد لله على سلامة الوصول وان شاء الله تنجح وتتوفق بحياتك
-
الف الف مبروك والحمد لله على السلامة و اتمنى لك ايام جميلة .
سيراكوس مدينة جميلة جدا و رخيصة العقارات ولكن باردة في الشتاء.
ارجوا ان تكتب لنا كل شي عن المدينة اول بأول لأن كثير من العراقيين سوف يرسلوا يمكم نظرا لرخص السكن في المدينة نسبيا.
تحية طيبة
-
ملـــــــــــــــــــــــــــــــــــــــــــــــــــــــــــــــــيـــــــــــــــــــــــــــــــــــــــــــــــــون مبروك تستاهل ولله ;) ;)
-
الف مبروووك و حمد الله على السلامه .. ان شاء الله موفق و دوام النجاح بالحياة الجديده
-
السلام عليكم..
اني وصلت والحمدلله حاليا ولأول مرة حصريا.. امشي بالشارع وما اتلفت واواكف بأي مكان يعجبني ..
ابدي بسيطرة اربيل تأخرت 4 ساعات يلا دخلوني لان اعزب ورحم الله والديهم لان حلفت ما ارجع للعراق بعد ..
رحلتي كانت على الملكية الاردنيه طيران مريح طياره جديده خدمات ممتازة وموظف اي او ام اربيل جان كولش خوش ولد ومتعاون .. وصلنا لعمان لكانا ابو ال IOM استقبلنا سوالنا اوراق وديرو بالكم لان واحد شوية جبير بالعمر وميضبط الشغله زين .. انطوه 20$ يسوي اوراقكم بسرعه وميخلي عدكم نقص.. اجرائات الدخول اكثر من طبيعيه جانت بالمطار .. بعدين رحنا للفندق مال المطار وبقينا هناك 24 ساعه وطرنا لنيويورك ... اول موصلنا نيويورك ازدحامات وهوسة واستقبلونا موظفين اي او ام اللي همة اكثر من مخربطين ...اتعاركو اول ما وصلنا بيناتهم كل واحد يكول شكل.. المهم ختمنا جوازات وطبيت نيويورك .. مثل الافلام اول مطلعت من المطار حتى ادخن لكيت سيارات شرطه والجو مال نيويورك وعالم من كل الجنسيات .. وراها بساعتين صعدت رحت للترمنال وكملت رحلتي الى مدينه ثانيه بشمال نيويورك .. وصلت استقبلوني ولد عراقيين خوش ولد حيل كلت هاي شنو حتى النفسيات تتغير من الناس تجي هنا .. طلع العيب بالبلد مو بالشعب ... وخلوني بشقة وية ولد هم اعزب ..
راح ابديلكم بالمساعدات اللي استلمتها لحد هسه ..
40$ كاش ( الكيس ووركر مشتريتلي منها وجبه عشاء مقفصة 19 دولار )
200 دولار كاش اشتريت بيها نظارة ..
110 دولار صارفتها الكيس وركر على المواد مال تنظيف ومال مطبخ الي هي سجينه وفراش تخت وهل سوالف..
ايجار 650$ نصها ادفعها اني الي هسه 325$
بعد 5 ايام من وصولي استلمت فود ستامب بي 202$
رحنا للمدرسة يسوون تيست للانكليزي اني كالولي لا تجي للمدرسة بس يكمل سوشيل نلكيلك شغله حسب خبرتك .. والحمدلله اني خوش خبرة عندي ولغتي ما تفرق عنهم ..
السوشيل ميطلع الا بعد عشر ايام من الوصول
الكرين كارد اسبوعين كالولي استلمه ..
المعنده سياره ف يكضيها وية ادنى طبقات بالمجتمع .. ويديح بالباصات والميعرف جدول الباصات يكضيله ساعه انتظار بكل محطه..
جنط واوزان زايده لتجيبون لان واحد جايب وحدة زايده مكدر يستلمها الا وقع على الفلوس مال شحن .. يلا نطوها اله ..
علاجات وجكاير شكد بيكم جيبو محد يكوللكم شنو هاي ... باكيت الجكاير هنا ب 9.5 $
الأكل رخيص حيل ارخص من العراق بهواية الملابس رخيصه وكلها ماركات البانزين ب 3.6$
شغل يمكن ماكو اني بعدني ممدور بس هيج داشوف لان 80% من الامريكان يشتغلون اعمال بسيطه وبالمصانع وبالمحلات ..
خابرو كفيلكم خلي هو يلكيلكم شقه ويتعب نفسه لان المنظمة عموما هناا شققها كلهاا مو خوش شقق ديأجرون للناس ..
الوضع طبيعي الحكومة كلها تشتغل بس أزمة اقتصاديه موجوده وباعتراف هواية امريكان التقيت بيهم كالو متأذين بسبب الاقتصاد..
من اللي عرفته وكنت اعرفه وبكل مكان معروف .. اللي يريد ينجح يتعب بالبدايه ..يعني دراسه+شغل (يكتل روحه) سنتين 3 ويصير براسه خير كل العمر
الناس بمدينة سيراكوز مثقفين واجتماعيين ( عدهم نسوان يموتن) بحيث الامريكان يكولون هنا اكثر نسوان حلوات بمريكا.. لحد يروح نايت كلب ميعرف الباكراوند مالته لان اني رحت واحد بي مخدرات مثل الجكاير مسالة طبيعيه ومشبوه حيل..
اللي عنده سؤال خل يدزلي رساله ويتدلل ع اي استفسار اني حاضر واللي يريد اصير كفيلة هم اني حاضر .. تحياتي الكم .
و عليكم السلام اخي الكريم
الف مبروك و بالتوفيق ان شاء الله
تحياتي
-
الف مبررروك على سلامه الوصول ياربي تتوفق بحياتك الجديده وتحقق كل احلامك
تحياتي
اختك صبيه
-
الف مبروك اخويه ع الوصول ويارب تتوفق بحياتك امين ومبين ابن خير انت وتحب اساعد العالم ربي يحفظك
-
الف مبورك اخونا على سلامة الوصول وانشاء الله الموفقية والنجاح في بلدك الجديد.
تحياتي
Gamma
-
اخي العزيز بالموفقية بس سؤال واحد اشون سافرت عن طريق اربيل اني مقيم في اربيل اكدر اطلب اصير سفري منا
شكرا
-
شكرا ع دعواتكم الحلوة مثل روحكم .. بالنسبة لسؤال الاخ على مود تحديد مكان السفر اني SIV وهمة يكولون شنو اقرب مطار الك واني اردلهم اقرب مطار الية ... ما اعرف الاي او ام يصير او لا .. تحياتي الك
ويا رب سفر الكل لان صدك ماكو مقارنه بين هنا وبين العراق بس الاهل شوية يكسرون الضهر الباقي كله مليار % احسن من العراق لان صدك تحس روحك بين بشر وناس يستحقون الحياة ..
تحياتي الكم
-
الف مبروووووووووووك والحمد لله ع سلامتك
-
الف الف مبروووك وبالتوفيق ان شاء الله
تحياتي
اختك ام شاهين
-
الف مبروووووووووووووك السفر اخوية العزيز ..... بالتوفيق
-
الف الحمد الله على السلامة وان شاء الله الموفقية بحياتك
-
اول شي الف حمدلله ع سلامه
انشالله حياه حديدة سعيدة مستقرة وامنه
سوال
الذهب والفلوس شنو فلمهم؟؟
سوال 2
اذا زيادة كيلوين تلاثه مشكله ؟؟؟؟ ميزاني ممضبوط :(
والهاند باك يوزنوها ؟؟ لو المهم حجمها يصعط بطيارة ؟
شنو جان رالروت تعب ؟؟؟؟