ankawa
منتدى الهجرة واللجوء => الهجرة و واللاجئين => الموضوع حرر بواسطة: Um haya في 18:10 30/10/2013
-
السلام عليكم
بالنسبه الي ما عنده كفيل وحب ايغير الولايه عند الوصول شنو هي الاجرائات المتبعه بحيث متضيع مني كل مبلغ الولكم مني لان الي عرفته ايكونون همه المنظمه اماجرين البيت ومزوديه بالاثاث
يا ريت الي عنده معلومات اكيده ايجاوبني
-
لازم اكو ع الاقل كفيل حتى التغيير يتم وفق عنوان بديل او ثاني يعتمد من قبل المنظمة
حاولوا ان تغيروا الولاية او المدينة او ايجاد كفيل قبل موعد السفر حتى تضمنون حقكم عند الوصول
تحياتي
-
up
-
اي والله ياريت تفصيل اكثر لان اني نفس الموضوع لان ولايتي كاليفورنيا ويكولون حيل غاليه
-
والله يا اخويه ما عندي كفيل وما اريد اخلي ﻻن اياخر السفر واني سبق ان تاجل سفري صار اكثر من سنه وهسه يله كملت اﻻمنيه
-
اختي العزيزه تكدرين تغيرين الولايه باي وقت . وافضل وقت اول متوصلين وقبل متوقعين عقد الايجار حتى تستلمين حقوقج كامله . والتحويل يكون بابلاغ المنظمه اول متوصلون قبل ميفتحولكم ملف يمهم ويضطرون لاغلاقه واحتمال ياخذ وقت . بلغيهم بمجرد وصولكم برغبتكم بالتحويل ومايعترضون على اي شي . وماتحتاجين كفيل .
بالتوفيق ان شاء الله
-
تسلمين اختي ام اديان بس كوليلي اذا وصلنه ولكيناهم ماجريلنه شلون لو همه ميكدرون اياجرون اله بتوقيع مني يا ريت لو تفهميني ﻻن اني اريد احول من اول يوم
-
اختي العزيزه حتى اذا لكيتيهم ماجرين شقه .عقد الايجار مايكمل الا لمن توصولون وتوقعون عليه . لذلك اذا شخص متعجبه الشقه ممكن يرفضها ويطلب ياجرون غيرها يعني الاجراء مو نهائي وميكدرون يجبروكم تبقون بالولايه اذا ماتريدوها وممكن تنطوهم اسباب ولو احنه لمن حولنه محد طلب من عدنه اسباب التحويل . وافقو بمجرد ان بلغناهم برغبتنه بالتحويل .
واكو اعضاء من المنتدى غيرو الولايه لمن وصلو للمطار يعني حتى قبل ميوصلون لوجهتهم النهائيه واستلمو حقوقهم كامله.
بالتوفيق
-
اختي العزيزه حتى اذا لكيتيهم ماجرين شقه .عقد الايجار مايكمل الا لمن توصولون وتوقعون عليه . لذلك اذا شخص متعجبه الشقه ممكن يرفضها ويطلب ياجرون غيرها يعني الاجراء مو نهائي وميكدرون يجبروكم تبقون بالولايه اذا ماتريدوها وممكن تنطوهم اسباب ولو احنه لمن حولنه محد طلب من عدنه اسباب التحويل . وافقو بمجرد ان بلغناهم برغبتنه بالتحويل .
واكو اعضاء من المنتدى غيرو الولايه لمن وصلو للمطار يعني حتى قبل ميوصلون لوجهتهم النهائيه واستلمو حقوقهم كامله.
بالتوفيق
كلام اختي ام اديان سليم 100 %
-
شكرا عيني ام اديان وياربي ربي ايجازيج بالخير مثل ما فدتيني ﻻن هذا الموضوع مسويلي ارق ﻻن الوﻻيه الي اختارولياها ممقتنعه ابد بيه والثانيه عندي كفيل بيه وان شاء الله بلكي اكدر اغير من المطار ﻻن واحد ايريد يخلص ويستقر هو واﻻطفال وشكرا جزيﻻ
-
شكرا عيني ام اديان وياربي ربي ايجازيج بالخير مثل ما فدتيني ﻻن هذا الموضوع مسويلي ارق ﻻن الوﻻيه الي اختارولياها ممقتنعه ابد بيه والثانيه عندي كفيل بيه وان شاء الله بلكي اكدر اغير من المطار ﻻن واحد ايريد يخلص ويستقر هو واﻻطفال وشكرا جزيﻻ
لا شكر على واجب اختي العزيزه والف شكر الج على دعائج الي . وان شاء الله يارب تسافرون وتستقرون بالولايه اللي ترتاحون بيها والله يوفقكم ويوفق الجميع يارب .
-
رفع للفائدة العامة
أبو الحكم