منتدى الهجرة واللجوء => الهجرة و واللاجئين => الموضوع حرر بواسطة: الخيال والواقع في 06:05 02/11/2013
العنوان: السفر و ما تحتاجه في اميركا
أرسل بواسطة: الخيال والواقع في 06:05 02/11/2013
اخواني في المنتدى
ارجوا المعذرة كوني تاخرت عليكم بالكتابة فمنذ وصولي الى اميركا اسبوع لازلت بدون انترنت حيث لايمكن شراء انترنت الا عند حصولك على السوشل سكيورتي نمبر وسادخل في الموضوع المهم لضيق الوقت اولا السفر من بغداد والي يدور راحتة احجز جمسي يجيك للبيت وينتظرك الى حين حصولك على التذاكر حتى تخلص من بهذلة الجنط بالنسبة الى الوزن الزائد مو مشكلة يعني اذا الجنطة ام 23 كغم صارت 25 كغم مو مشكلة الذهب لازم ينلبس من قبل النساء وعدم وضعه في حقائب الشحن الفلوس محد فتش بس كل شخص بالغ من حقة 10 الاف دولار والاخوان في المطار موظفين وظباط الجوازات وشرطة ومنظفين وحمالين و الجميع اخلاقهم جدا عالية و كل شي تكدر تجيب جيب بس لا اجهزة كهربائية لان متفيدك هنا طبعا ضمن الوزن الطبيعي لا تبالغ جكاير هم جيب بهارات هم جيب اهم شي قوري وكتلي لان ماكو هنا مثل الي متعودين عليه اول ايام تعب بسبب السفر الطويل والمنظمة ما تنطيك مجال بين مقابلات على الفود ستامب وعلى السوشل وعلى دروس اللغة وعلى الفحص الطبي وعلى مدارس الاطفال وعلى الجوب كلاس دروس كيفيةايجاد العمل يعني دوخة وركضة بس الحمد لله المهم سلامة الوصول
مع خالص تحياتي
العنوان: رد: السفر و ما تحتاجه في اميركا
أرسل بواسطة: texasddddd في 08:35 02/11/2013
حمد لله عالسلامه وشوكرا عالمعلومات زين سؤال الرحله طويله اني اريد اخلي الذهب بالجنطه النسائيه عادي؟؟ لو الا ينلبس؟؟
العنوان: رد: السفر و ما تحتاجه في اميركا
أرسل بواسطة: slam hawk في 08:48 02/11/2013
الحمدلله على سلامتكم
العنوان: رد: السفر و ما تحتاجه في اميركا
أرسل بواسطة: أبوقيصر في 09:34 02/11/2013
حمدلله على سلامتكم وبالموفقيه بالحياة الجديده :)
العنوان: رد: السفر و ما تحتاجه في اميركا
أرسل بواسطة: *Ray في 10:17 02/11/2013
الحمد لله ع سلامه الوصول وبالتوفيق
اختك راي / تركيا
العنوان: رد: السفر و ما تحتاجه في اميركا
أرسل بواسطة: coloradoG في 10:41 02/11/2013
الحمد لله على سلامة وصولكم كل التوفيق بالحياة الجديدة .
العنوان: رد: السفر و ما تحتاجه في اميركا
أرسل بواسطة: امين عبد الله في 11:14 02/11/2013
الحمد لله على سلامة الوصول وبالتوفيق ان شاء الله
العنوان: رد: السفر و ما تحتاجه في اميركا
أرسل بواسطة: برنسو في 20:14 02/11/2013
الف مبروك السفر والحمد لله عل ىسلامتكم ..... اتمنالكم الموفقية
تحياتي .... برنسو
العنوان: رد: السفر و ما تحتاجه في اميركا
أرسل بواسطة: أبو الحكم في 20:20 02/11/2013
الحمد لله على السلامة وشكرا على النصائح الهامة
أبو الحكم
العنوان: رد: السفر و ما تحتاجه في اميركا
أرسل بواسطة: فنان في 09:58 03/11/2013
الف مبروك والحمد لله على سلامة وصولكم وشكرا على النصائح
تحيااااتي فناااان
العنوان: رد: السفر و ما تحتاجه في اميركا
أرسل بواسطة: الخيال والواقع في 14:15 03/11/2013
شكرا اخواني مثل ما كلت الذهب ينلبس والرحلة طويلة بالنسبة الي عمان نيويورك مباشر تقريبا 13 ساعة بعد نيويورك تعتمد اذا مكانك بعيد عنها رح تبات ليلة ورها تطير الى ولايتك حتى مرات مرتين طيران حسب الولاية واذا مو بعيد من نيويورك يمكن حتى بسيارة توصل
شغلة اخرى كلش مهمة بعمان رح ينطوك علاكة مال اي او ام من ضمن الاشياء الي بيها استمارة الي يسموها I-94 والي همة تارسيها وميحتاج كلشي تترس بيها والي هي تمثل الوايت كارد من توصل اول نقطة دخول الى امريكا مثل ما صار وياية بنيويورك ام المنظمة كلتلي ذبها متحتاجها بس اني بقيتها وفعلا احتاجيتها من قدمت على السوشل سكيورتي نمبر (بالعربي رقم الضمان الاجتماعي) والي هوة كلش مهم اهنا لان بدون سوشل لا تستطيع عمل اي شي مثل فتح حساب وهاي بعدين مو هسة من البداية بس بالبداية مثل شراء خط هاتف مع خط انترنت مع قنوات تلفزيون او شراء سيارة وبعدني انتظر السوشل مع الشكر
العنوان: رد: السفر و ما تحتاجه في اميركا
أرسل بواسطة: سامي75 في 14:22 03/11/2013
ألف مبروك أخي الخيال والواقع والحمد لله على سلامة الوصول.. كل التوفيق والنجاح
سامي75 تحياتي
العنوان: رد: السفر و ما تحتاجه في اميركا
أرسل بواسطة: الخيال والواقع في 15:10 03/11/2013