ankawa
منتدى الهجرة واللجوء => الهجرة و واللاجئين => الموضوع حرر بواسطة: husseinhah في 16:29 02/11/2013
-
أخوان ألي يعرف شي عن طريق بغداد عمان ألبري هالأيام ليبخل هل هو أمن أم لا .... لأن باقيلي كم يوم وأسافر وأتوكل أن شاء ألله
-
لا عمي الطريق مو امان انوب انت اسمك حسين :o روح بالطيارة احسنلك اخسرك كم فلس احسن من ما تنصك ;D
تحياتي
-
الطريق امان وكلشي ماكو اخوية
-
اخوية العزيز حسين اسمع كلامي اني اخوك واني سني ويأسفني اكلك هذا الكلام لان الشرفاء كلهم اخوة من كل الطوائف لاتجي بالسيارة ابد من بغداد الى عمان الطريق غير امن ابد ولايغرك سوالف الحكومة التعبانة انو هم مسيطرين على الوضع هذا الكلام غير صحيح والله العظيم انت اخونا وعرضك هو عرضنا لاسامح الله من يوكفوك تنتهي الشغلة تعال بالطيارة واي واحد يكلك غير هذا الكلام مع احترامي لاتسمع منه نهائيا مع تمنياتي الك بالموفقية والسداد
اخوك ابو مصطفى
-
شكراً أخواني سنكل مان سلام وسعد أكيد ألنصيحة واجب علينا كلنا وجزيل ألشكر لنصائحكم ألقيمة بس تعرفون ألوضع ألمادي الله كريم ألله يسهل ويسر وأكيد كلنا أخوة وأن شاء ألله محد يفرقنا بس هذا قدرنا صار بيد ألجهلة وضعفاء ألنفوس ألله يكون بعون الجميع ويسهل امورنا اجمعين أللهم امين يارب ألعالمين
-
اخوية العزيز حسين اسمع كلامي اني اخوك واني سني ويأسفني اكلك هذا الكلام لان الشرفاء كلهم اخوة من كل الطوائف لاتجي بالسيارة ابد من بغداد الى عمان الطريق غير امن ابد ولايغرك سوالف الحكومة التعبانة انو هم مسيطرين على الوضع هذا الكلام غير صحيح والله العظيم انت اخونا وعرضك هو عرضنا لاسامح الله من يوكفوك تنتهي الشغلة تعال بالطيارة واي واحد يكلك غير هذا الكلام مع احترامي لاتسمع منه نهائيا مع تمنياتي الك بالموفقية والسداد
اخوك ابو مصطفى
مضبوط
-
قبل ايام رايت مقطع فيديو على اليو تيوب يظهر فيه مسلحين يقتلون 3 مسيحيين رميا بالرصاص على الطريق البري ومن خلال تواجدهم الكثيف في الشارع تبدو السيطرة مطلقة لهم ولاوجود للحكومة وهذا رابط للمشهد
http://www.youtube.com/watch?v=KzTg5f7_mOg
-
اخي العزيز زياد هذولة مو مسحيين هذولة نصيرية من سوريا وعلى اي حال هو الطريق تعبان وغير امن ونسأل الرب جل جلاله ان يعيد الامن الى بلدنا العزيز
سعد احمد
-
للاسف الطريق غير آمن لتتورط