ankawa
منتدى الهجرة واللجوء => الهجرة و واللاجئين => الموضوع حرر بواسطة: دايخ بزمانة في 19:59 03/11/2013
-
السلام عليكم
اليوم فتحت موقع عمان لكيت الامنية مكتملة بس بالملف الخاص بوالدتي وبالملف الخاص بية وبعائلتي بعدة (بانتضار النتيجة) والامنية (بالانتضار) علما احنة من قدمنة بسورية سألتنة الموظفة تريدون الربط قوي لو ضعيف اختارينة ضعيف لان جنة منعرف شنو ضعيف او قوي ومنرجعنة البغداد قابلنة اولى ومحلفين سوة بنفس اليوم .... انجدوني يعني راح يطلعون امي وحدهه لامريكة قبلة وهية ما تعرف كلشي وشنو العمل بهيج حالة اكدر اعالج الموضوع.
-
اخي العزيز نصيحه خليهه الوالدتك اتسافر وحدهه شنو المشكله لان اذا اجلتو السفر انتو والشهرين يعني راح ترجع امنيتهه بالنتظار مره ثانيه خليهه تروح بالسلامه لان همه اهناك ناس بقمه الانسانيه راح ايداروهه اكثر ما تتصور او وراهه من شهرين الى اربعه اشهر انتو تلحكوهه \ لان اني صديقي صارت بيه نفس شغلتك طلعو والده او والدته او وراهه اب 4 اشهر طلعوه هو وعائلتهاو عندي صديق ثاني انطو الى والدته موعد سفر وحدهه او هو ماقبل ايطلعهه اجلوهه او وراهه بشهرين انطوهه موعد سفر ثاني وحدهه مره ثانيه او من وره هذا الشي همه رفضو ايسافرون بس الحجي بيناتنه همه متندمين هسه
-
اخي العزيز البغدادي 5 اشكرك على النصيحة بس صديقك الي ذكرتة ما قبل امة تطلع وحدهه وبعدين رفضو السفرة كلهه مثل ما افتهمت من حضرتك احنة ما راح نرفض السفر او نطلب التاجيل الهه يعني والدتي.. احنة انريد جمعون موعدنة سوة لان هي مدبرهه وحدهه واحنة شغلتنة يمكن اتطول لان عدنة مولود جديد ولسة ما ضايفينة على الملف وصار 15 يوم ادزلهم رسائل اطلب اضافة المولود للملف ومحد جاوبنة لسة
-
استاذي العزيز صديقي الي ذكرته الك موضوعهم اتصور مثلك لان همه عائله بس بيهه 3 ارقام كيسات اول شي انطوهم موعد سفر الى والدتهم او همه جاوبو المنظمه بان امنه مره جبيره او لاتقرأ ولا تكتب فانريدهه تسافر ويانه يعني المنظمه اعتبرو هذا الحجي طلب تاجيل السفر الجماعه ضلو ينتظرون وره شهرين رجعو المنظمه انطو موعد سفر ثاني الى امهم وحدهه \ بس الولد ماقبلو او بنفس الوقت واحد من الولد طلعله تعين اهنا بالعراق فاهمه مارادو يسافرون يعني مو المنظمه لغو سفرهم ماقبلو ايسافرون لان مرتين ينطون الى والدتهم موعد وحدهه والسبب الثاني واحد من الولد رفض ايسافر
وانت بكيفك حسب ضروفك الي بالمكان الي انته بيه اذا مستقر او لا بس خلي في بالك هذا قرار كلش مهم بالنسبه الى قضيتك
-
السلام عليكم
اليوم فتحت موقع عمان لكيت الامنية مكتملة بس بالملف الخاص بوالدتي وبالملف الخاص بية وبعائلتي بعدة (بانتضار النتيجة) والامنية (بالانتضار) علما احنة من قدمنة بسورية سألتنة الموظفة تريدون الربط قوي لو ضعيف اختارينة ضعيف لان جنة منعرف شنو ضعيف او قوي ومنرجعنة البغداد قابلنة اولى ومحلفين سوة بنفس اليوم .... انجدوني يعني راح يطلعون امي وحدهه لامريكة قبلة وهية ما تعرف كلشي وشنو العمل بهيج حالة اكدر اعالج الموضوع.
اخي العزيز انشاء الله يكمل بالايام الجايه
-
انتظر اشويه لان اني صار بيه نفس الحاله بعدين طلعت سفرتي بس اتأجلت للاسف
-
اخي العزيز
اكتمال الامنية هي ليس موعد سفر
كثير من الاخوان ونحن منهم تكتمل الامنية وتعاد ثلاثة مرات بدون موعد سفر
فيا اخي العزيز ممكن بهذه الفترة تكتمل الامنية عندك ويكون السفر للملفات الباقية في موعد واحد
والله كريم وكول يارب
ابو الوليد
-
الله يسمع منك اخ سبيس وشكرا لكل الاخوان الي شاركوني بهذا الموضوع والله يقدم الي بي الخير (وعسى ان تكرهو شيء وهو خير لكم ) اني دزيت رسالة استفسار للمنظمة البارحة وما جاوبوني بعد . الله يهديهم ويردون على الرسائل لان همة شكلهم قافلين علية هههههه صار فترة ما يردون على رسائلي مع العلم جنت من ادز رسالة ثاني يوم يتصلون مباشرة..... الله ارحم الراحمين
-
رفع للمساعدة
-
رفع للفائدة العامة
أبو الحكم