ankawa
منتدى الهجرة واللجوء => الهجرة و واللاجئين => الموضوع حرر بواسطة: ساحر الليل في 01:45 04/11/2013
-
السلام عليكم
شلونكم اخواني
الحمدللة وصلت الولايات المتحدة ونزلت في بوسطن
اخوان حبيت انقل لكم مشكلة واتمنى تجنبوها واني واحد من الناس وكعت بييها اني
المهم اخوان وصلت الامريكا من مطار عمان على مطار نيونيورك و13 ساعة احنة بالجوا وصلنا للبيت شبه ميتين
ثاني يوم وصل موضف من iom باليل طلع عراقي ( وهي هاي الطامة الكبرى )
جان ايكول اهلا وسلا بيك اني افلان موضف من المنضمة وسؤول عنك هنا المهم حجاية منا احجاية منا جان ايكول هذا المبلغ المتبقي من الويل كام مالتك الي هو اصلا (900 دولار ) واعطاني مبلغ 150 دولار كال هذا الباقه
سالتة كتلة وين الفلوس الباقية كال دفعنا مال ايجار الشقة وفلوس توصيل الاثاث ( كتلة زين هو اصلا وين الاثاث الشقة مابيها غير 3 سراير وثلاجة وطباخ ) كال بالايام القادمة راح انجيب بقية الاثاث ( كتلة خوش)
كال وقع بالورقة هاي انو استلمت المبلغ ( اني هم وقعت ) :'( :'( :'( :'( :'(
ورى كم يوم جابولنة غراض تعبانة كلش و بطانيات مستعملة واواني تعبانة حيل
مع العلم احنه 3 نفرات بالشقة و كلنة سنكل ( والشقة غرفة وهول وصالة ومطبخ وحمام )
ولمن كلمنا على موضوع الشقة انو تعبانة ونريد انغيرة مايقبل ايغيرة ويكول ارضو بهاي ماكو غيره
وخطية ويانة رجال عند( قلب ) مريض كنالة مايكدر يصعد الاخر طابق خلي بالطابق الارضي
اتوقعو شيكلة ( اكلة مشكلتك هاي اني شعلية )
وهسة عافنة وراح ونخابرة مايفتح خط والشقة كلة صراصر وحشرات ( اللة واكبر جي عراقي واللة الامريكي استقبلنا احن منه )
اخواني اني نقلتلكم هذه السالفة علمود اجنبكم من هذي المشاكل وهي:
1- اذا كان مدير عمل عراقي راسأ غيرو واذا كلش لاتثقون بي ( وخاصتا للي جاين البوسطن )
2- لا تستعجلون وتوقعون على اي استمارة وااي مبلغ قبل ماتتاكدون من الشقة والاثاث مالتها ( وخاصتا اذا نقص )
3- طالبو بالشيكات مال توصيل مال الاثاث او اي ثشي انصرف الكم لان من حكم تعرف افلوسك وين راحت
4- اذا حاجة من الاثاث ماعجبتكم غيروها من حكم
تبقى سالفة هاي راجعة الكم وانتو ابكيفكم انو تريدون تاخذون 900 دولار انتو تصرفون بيها وتشترون غراض للبيت وتدفعون الايجار لو لا
هاي يمكم
بس اني اتمنيت اخذ الفلوس الويل كم مالتي واني اشتري وادفع الايجار وجان زاد من المبلغ اكثر من 150 دولار
اخواني اني نصحتكم واتمنى الي عندة معلومات ايشارك بيه واكيد الفائدة اله لان رب العالمين موجود ومايضيع تعب واحد ثانيا الفائدة للجميع
وهي الاسالة واللة لو اعرف جوابة جان جاوب علية واخلي الناس تستفاد منها
اشلون انغير المدير الاعمال ( الكيس وركر ) مالتك
اشلون اتغير الشقة
اشلون تشتكي على مدير الاعمال اذا ماعاجبك
اسف على الاطالة وتقبلو تحياتي
-
بالاول مبرووووووووووك السفر
ثانيا شكرا على النصائح
-
الف مبروك وشكرا لك على تنبيهك لنا
سترى الخير غدا ان شاء الله
اسال الله سبحانه وتعالى ان ينير طريقك بالخير وان يرزقك من حيث تحتسب او لا تحتسب
اخوك بالله يوسف البصراوي
-
اللة كريم اخوية
احنة ننهزم من العراق حتى منشوف هيج شكولات تاليها نلكاهم كبالنا
لايغير الله بقوم حتى يغير مافي انفسهم
اخوك همام علي
-
اخويا اول شي الحمد لله على سلامتكم
ثاني شي اكدر اجاوبك على جزء من اسالتك واتصور هو الحل لكل بقية الاسئلة
المنظمة الي استقبلتك نفسها ينطوك مجموعة اوراق ومن ضمن هذي الاوراق اكو معلومات وعناوين الجهات الي ممكن تشتكي بيها على المنظمة الي استقبلتك كلها مو بس الموظف. واتصور هي جهات رسمية تابعة لوزارة الخارجية الامريكية مباشرة.
عزيزي : انت في بلد يحترم القوانين مو مثل ماكنت بالعراق
وهذي المنظمات (الي تستقبل اللاجئين) عدهم تعاقد ويا وزارة الخارجية لأن وزارة الخارجية هي المسؤولة عن توصيلك واقامتك الاولية في امريكا
لذلك على هذي المنظمات اتمام جميع شروط التعاقد , واذا ما اتمو هذا التعاقد كما منصوص عليه بامكانك رفع شكوى ضدهم مع وزارة الخارجية.
ومثل ماذكرتلك العناوين الي تتصل بيها او تراسلها موجودة في احد الاوراق الي اخذتها من المنظمة نفسها. بس همه يحاولون يتغاضون عنها وميفهموك حقوقك قدر الامكان. بس انت اسال ودور وخليك مفتح عينك وعقلك وياهم.
تحياتي وبالتوفيق ان شاء الله
-
هي كل امريكا يحتاجلها ناس مفتحه مو بس هذي المنظمة او الموظف لأن عراقي
بس الحلو بامريكا انه اكو قانون يحميك وبنفس الوقت اذا متعرف حقوقك والواجبات الي عليك ممكن نفس القانون يدوس عليك لا سمح الله.
بس اهم شي الواحد يكون منتبه وبقية الامور تصير سهلة ان شاء الله.
-
مبروك أخي على سلامة الوصول وشكرا جزيلا على النصائح المفيدة وكثيرا مانسمع عن الكيس ووركر القفاصة وكلهم 56 الله يجنبنا ويجنبكم هيج نماذج .
تحياتي
أبو الحكم
-
الله يحفضك ويبعد عنكم الــ 56 على كولت ابو الحكم هههههه
بس شنو الكيس وركر