ankawa
منتدى الهجرة واللجوء => الهجرة و واللاجئين => الموضوع حرر بواسطة: fadal في 08:52 04/11/2013
-
السلام عليكم
اخوان اني كملت كل المقابلات بس بمقابلة المحلفين سالوني على دفتر الخدمة العسكرية وجان ضايع في وقتها بسبب تحولنا من بيت الى اخر
ايام الطائفية والتهجير هسة بالصدفة لكيته عند والدتي فمحتاج احد يساعدني ويكلي ادزه الهم بالبريد واحتمال هذا يفيدني بتسريع القضية لو اخلية واحترم نفسي لان احتمال يعتبروني كذبت ومايقتنعون انه الصدفة الي خلتني الكاه
ارجوكم احتاج نصيحة شكرا
-
بالعكس ودي الهم علمود يعرفون انو انت صادق بكلامك ويتأكدون انو انت جندي متسرح مو ضابط
-
اخي ارسللهم ايميل وبلغهم بان انت وجدت دفتر الخدمة وارسل نسخة مصورة من عندة الى ايميل المنظمة اكيد راح يجاوبوك و ينطوك تعليمات شراح تسوي
اخي نصيحة ارسلة لان راح يسرع من ملفك
تحياتي
Slam Hawk
-
نصيحة من أخوك , لاترسل الدفتر ولاتفتح باب جديد عليك ابدا خصوصا مع المحلف وانت اذا كنت ضابط او جندي مكلف او مطوع فكل الريكورد مالتك موجود يمهم , وارسال الدفتر نهائيا نهائيا ميسرع من الملف واني مسؤول عن كلامي وصدكني اكو ناس ارسلت تقارير طبية عن أصابات بطلقات نارية من الارهابيين وماسوولهم شي واكو ناس كلبت الدنيا وماتسرع من ملفهم لان كله يبقى يم قناعة المحلف لااكثر وانت هذا الموضوع يتطلب منك ترجع ليوم المقابلة وتتذكر شنو كانت ردة فعال المحلف من كتله الدفتر ضايع , كان مقتنع بكلامك لو مامقتنع ؟؟؟ اذا مقتنع ومشت المقابلة اوك وعندك هسة مقابلة المحلفين مكتملة لاتعم على روحك ولاترسل اي شي وهاي نصيحة من أخوك مابعدها نصيحة لان المحلفين اذا مكتملة معناها المحلف موافق عليك وهسة دتنتظر تجييك امني فقط لااكثر وتنتظر الاجراءات الادارية لماقبل السفر , اما اذا بعدها حالة المحلفين بموقع عمان بعدها فعال وشفت المحلف مامقتنع بكلامك بضياع الدفتر , انصحك بأن تروح لمكتب نادر وترجم دفتر الخدمة كله يلة ترسله للمنظمة حتى تختصر الاجراءات الادارية لاضافة ملف جديد الى قضيتك وترجمته من قبل موظفي المنظمة يعني هم هوسة .
واضح كلامي عزيزي ؟
تحياتي
أخوك أبو الحكم
-
اخي العزيز
ارسل دفتر الخدمة العسكرية اليوم قبل بكرى
اذا كان دفتريا ارسله من اول الغلاف الى اخره
وهذا يسهل عليك التجيك الامني وهذا مهم جدا يثبت مصداقيتك من ناحية الوحدات التي عملت بها وذكرتها مسبقا في ملفك
وكذلك يثبتك بانك مكلف بالخدمه وليس متطوع وكما تعلم ويعلم الاخوه بعد التجيك الامني يعود ملفك الى المحلف والى هو ضابط
امني كذلك لاصدار القرار النهائي بسفرك
ابو الوليد
-
اخي العزيز
ارسل دفتر الخدمة العسكرية اليوم قبل بكرى
اذا كان دفتريا ارسله من اول الغلاف الى اخره
وهذا يسهل عليك التجيك الامني وهذا مهم جدا يثبت مصداقيتك من ناحية الوحدات التي عملت بها وذكرتها مسبقا في ملفك
وكذلك يثبتك بانك مكلف بالخدمه وليس متطوع وكما تعلم ويعلم الاخوه بعد التجيك الامني يعود ملفك الى المحلف والى هو ضابط
امني كذلك لاصدار القرار النهائي بسفرك
ابو الوليد
اخي ارسله افضل لك
-
السلام عليكم
اخوان اني كملت كل المقابلات بس بمقابلة المحلفين سالوني على دفتر الخدمة العسكرية وجان ضايع في وقتها بسبب تحولنا من بيت الى اخر
ايام الطائفية والتهجير هسة بالصدفة لكيته عند والدتي فمحتاج احد يساعدني ويكلي ادزه الهم بالبريد واحتمال هذا يفيدني بتسريع القضية لو اخلية واحترم نفسي لان احتمال يعتبروني كذبت ومايقتنعون انه الصدفة الي خلتني الكاه
ارجوكم احتاج نصيحة شكرا
اخونا العزيز fadl
اخذ نصيحه ابو الحكم واتوكل عله الله
لان اخوونا ابو الحكم تقديراته ما تخييب
تحياتي
احمد المهندس
-
اشكركم اخواني على النصيحة امنياتي للجميع بموفور الصحة وان شاء الله السفر القريب للجميع تحياتي اخوكم ابو فضل
-
اخواو شنو الفرق بين المكلف والمطوع عند المحلف ؟
-
اخي الكريم kosove84 ماكو اي فرق بين الاثنين واغلب الناس ظنهم ان الخدمة العسكرية والشخص العسكري هو مشكلة كبيرة لدى المحلف , وهذا الكلام غير صحيح نهائيا وكل مافي الموضوع ان المحلف يستفسر عن أماكن الخدمة العسكرية خوفا منه ان العسكري ربما كان مشارك في عمليات اضطهاد جماعية او عمليات أبادة جماعية في معارك الانفال ضد الاكراد او في قمع الانتفاضة في سنة 1991 او في اماكن معينة في حرب الخليج لااكثر , اما غير ذلك حتى ولو كان مجرد عسكري في أجهزة محظورة فلا مشكلة في ذلك وسافر الكثير الكثير ممن كانوا في اجهزة امنية حساسة في زمن النظام السابق لانه لم يكن هناك ضدهم شيء وكانوا مجرد عسكريين لااكثر .
تحياتي
أخوك أبو الحكم
-
اخي الكريم kosove84 ماكو اي فرق بين الاثنين واغلب الناس ظنهم ان الخدمة العسكرية والشخص العسكري هو مشكلة كبيرة لدى المحلف , وهذا الكلام غير صحيح نهائيا وكل مافي الموضوع ان المحلف يستفسر عن أماكن الخدمة العسكرية خوفا منه ان العسكري ربما كان مشارك في عمليات اضطهاد جماعية او عمليات أبادة جماعية في معارك الانفال ضد الاكراد او في قمع الانتفاضة في سنة 1991 او في اماكن معينة في حرب الخليج لااكثر , اما غير ذلك حتى ولو كان مجرد عسكري في أجهزة محظورة فلا مشكلة في ذلك وسافر الكثير الكثير ممن كانوا في اجهزة امنية حساسة في زمن النظام السابق لانه لم يكن هناك ضدهم شيء وكانوا مجرد عسكريين لااكثر .
تحياتي
أخوك أبو الحكم
راي ابو الحكم راي صائب
-
حبيبي ابو الحكم الغالي انت انسان اصيل وانت على راسي وكلامك اكيد وانشالله ماكو اي مشكله ...واشكرك من كل قلبي
-
اخواو شنو الفرق بين المكلف والمطوع عند المحلف ؟
الفرق بين المطوع والمكلف
المطوع - نذر نفسه للقتال بارادة نفسه
المكلف - هي خدمة اجبارية لابد منها
انشاء الله وصلت الفكرة
ابو الوليد