ankawa

منتدى الهجرة واللجوء => الهجرة و واللاجئين => الموضوع حرر بواسطة: ابن الحله في 14:27 04/11/2013

العنوان: منو مار بيه هيج شي بأضافة طفل(SIV) نورونا الله ينوركم
أرسل بواسطة: ابن الحله في 14:27 04/11/2013

السلام عليكم حبايبنا مثل ميعرف البعض انه تم و الحمدلله و بعد عناء طوووووووووووووووويل اصدار الفيزا مالتي و للعائله من يوم 22-10 و اليوم فقط يالله الجماعه بعثولي ايميل التبريكات و تتبع الفيزا بالدي اج ال
في هذه الاثناء زوجتي كانت حامل و الحمدلله تمت الولاده بسلامه و خير في يوم 17-10 يعني قبل الفيزا بكم يوم و راسلتهم قبل و بعد الولادة اسألهم على الاجراأت المطلوبه ولكل لاجواب ولا شي لليوم و مباشره بعد وصول ايميلهم ارسلتلهم ايميل استفسر شنو المطلوب وكان جوابهم سريع بانه اكمال المستمسكات و ارسال الجواز و الشهاه لغرض تعين موعد مقابله و احضار بقية المستمسكات و الفحص الطبي... لهنا اوكي و تمام
ولكن بعد نصف ساعه اجاني ايميل ثاني مختلف كليا عن الاول وهو:

Dear Mr. XXXXXXX,
 
Thank you for your e-mail.
 
Please be advised that since your baby was born after your visa was issued and before you were admitted as a permanent resident, she does not need an immigrant visa. Your baby may travel with her passport and birth certificate (original and translation).
يعني متوهمين لو دايخين شلون صدرة الفيزا قبل ولادة الطفل وهو الاصدار يوم 22 - 10 و اني مبلغهم بالايميل انه الولادة كانت يوم 17-10 ؟؟؟ سوالي هل هذا الشي جائز؟؟ و طبيعي خاف هناك لنهم مسويلي مشكله او احتمال الا او ام ميرضون يحجزولي
شلون حيره هسه اني عليمن امشي
اكو احد مار بمثل هل المسأله او الشغله؟؟وهل وارد هل الشي انه الطفل يدخل بدون فيزا فقط على الجواز و الشهادة الجنسيه؟؟؟
راح اكمل الوثائق كلهم و منتظر جواب منهم.
تحياتي
ابن الحله 

العنوان: رد: منو مار بيه هيج شي بأضافة طفل(SIV) نورونا الله ينوركم
أرسل بواسطة: slam hawk في 14:29 04/11/2013

رفع ان شاء الله الاخوان ما يبخلون بالمساعدة


تحياتي لك

 slam hwak

العنوان: رد: منو مار بيه هيج شي بأضافة طفل(SIV) نورونا الله ينوركم
أرسل بواسطة: امين عبد الله في 14:47 04/11/2013

اخي الكريم

احسن شئ تسويه ان تتصل بال USCIS اللي اتصلت بيهم قبل ان تملئ استمارة DS-260 واعطيهم رقم الفايل مالتك واسالهم وهمه يعطوك النصيحة. وهذا رقمهم  0012026631225  وبالتوفيق ان شاء الله

العنوان: رد: منو مار بيه هيج شي بأضافة طفل(SIV) نورونا الله ينوركم
أرسل بواسطة: عبود العراقي في 16:48 04/11/2013

السالم عليكم
اخ العزيز جوابهم واضح ، بما انو حصلت الفيزة وطفلك اجة بعد الفيزة فمن حق السفارة تعمل لك رسالة لضابط الجوازات بانو طفلك يجي وياك وميحتاج فيزة واجراءات طويلة وهذا يعتبر مساعدة من عدهم حتى ما تمر بنفس الطريق الطويل للفيزة ، فيجب من عندك انو ترسلهم وتكلهم هاي اوراق الطفل والجواز لانو همة كايلين ممكن نضيفة على جواز الام وهذا ميصير بالجواز جي او اي فحاول تكمل الجواز للطفل وترسلة الهم مباشرة

هذا الكلام الي دازي الك موجود بالموقع مالتهم

مع الشكر

العنوان: رد: منو مار بيه هيج شي بأضافة طفل(SIV) نورونا الله ينوركم
أرسل بواسطة: احمد السنفور في 19:57 04/11/2013

.حبي اني نفس حالتك دزلي ع الخاص خلي نتفاهم