ankawa
منتدى الهجرة واللجوء => الهجرة و واللاجئين => الموضوع حرر بواسطة: lord.baghdad في 12:02 05/11/2013
-
السلام عليكم
مثل ما اتفضل الاخ العزيز سنكل مان وكان مشكور البارحة من نزل اعداد المسافرين وجزاه الله خير. بالحقيقة اني ردت انزلها البارحة بس شفت العدد قليل و اتكأبت ومنزلت الاعداد الي هي حسب ما نشرها الاخ سنكل مان والعدد كان 564 شخص عراقي من كل الدول
بس الي انتبهت علية وشفتة جديد اليوم بصراحة اذا تذكرون و متابعين حضراتكم ال Excel Sheet مال الاعداد راح تلاحظون بالسنه السابقة جان عدد الدول الي من ضمن مجموعة Near East/South Asia هو 16 دولة ومن ضمنها طبعا العراق وجانت هاي الدول الها حصة من اعداد الاجئين الكلي والي جان السنة السابقة32400 لاجئ من هاي الدول
بس بهاي السنة صار عدد الدول الي من ضمن هاي المجموعة هو 8 دول فقط و الهم حصة هي 33000 لاجئ من كل هاي الدول يعني الحصة راح تزيد اكيد وراح يزيد الاهتمام بهل 8 دول بالطبع اكثر ولو الدول ال 8 الي انشالت من المجموعة جانت حصتها بالسفر جدا قليلة و تكاد لا تؤثر بس مو هذا المهم المهم انو عمل المنظمة بهاي المنطقة راح يتركز فقط على 8 دول بدل من 16 دولة يعني بالتأكيد راح توفر المنظمة جهد عمل ال 16 دولة من اجراءات تقديم و ترتيب واعداد بدل من ما جان ل 16 دولة راح يكون ل 8 دول بس وهذا يعني زيادة العمل بالنسبة لل 8 دول للضعف نرجع ونكول هذه كلها حسابات احنا دا نسويها بناءا على المعطيات العدنا وان شاء الله تكون صحيحة بس المنطق و الواقع يكول هيج اتمنى هاي السنة تكون شبه نهائية لمعاناتنه مو نهائية لان مستحيل تكون نهائية لان اعداد العراقيين المتقدمين لطلبات الهجرة كاعد يزداد ومينقص
تحياتي واسف على الاطاله
-
و عليكم السلام اخي الكريم
شكرا على الموضوع و انا البارحة شفتها بالصدفة كدامي كلت خل انزلها حتى الاخوة و الاخوات يطلعون عليها
لكن يا اخي الكريم صدكني لو مهما يكون حتى و ان كانت اعداد المسافرين كبيرة اكثر من 2000 شخص بالشهر مثل ما صار بالاشهر الماضية القبض شنو؟؟؟ سواء سافروا 100 او 1000 او 2000 او 3000 القبض شنو؟؟؟ النتيجة نفسها نبقى احنا القدماء مظلومين منا المعلقين و منا الي متعلعلين بالامنية تعددت الاسباب و الانتظار واحد
قبل فترة بسيطة طرحت موضوع اسمه عملية حسابية بسيطة و اتضح انه اعداد القدماء جدا جدا جدا قليل لا يكاد يتجاوز ال 2000 شخص في كل الدول لكن الجماعة معاندين ويانا و ما يرضون يمشون ملفاتنا و مثل ما عودتنا المنظمة دائما الملفات الجديدة حظها اوفر بالسفر و شوفة عينك دا ينطون موافقات نهائية للجدد و حتى اذا منطيهم قرار تاجيل خلال كم شهر يكتمل عندهم التجييك الامني و الملفات القديمة لا تزال تراوح مكانها و ياخذون منهم بالتقطير عود بالشهر يسفرون منهم كم واحد بس و الباقين كلهم جدد و حتى الملفات الي قابلوا محلفين ببداية 2012 ايضا دخلت ضمن هاي السياسة البائسة و ملفاتهم جدا بطيئة
احنا ما جاي نحسد احد لا بالعكس الله يوفقهم و يوصلون بالسلامة بس احنا من حقنا نحجي و هذا حقنا و المنظمة ظلمتنا هواية نتيجة لسياستهم الفاشلة في معالجة الملفات و كل عدالة ماكو و هسه هم راح يجي عام 2014 و راح تكون الاولية للي مقابلين بسنة 2014 و تصير ملفات 2013 طي النسيان مثل ما صارت ملفاتنا طي النسيان
تحياتي و اسف على الاطالة
-
شكرا لنقل الخبر اخوية الغالية