ankawa
منتدى الهجرة واللجوء => الهجرة و واللاجئين => الموضوع حرر بواسطة: SsouulMate Man في 23:25 09/11/2013
-
السلام عليكم اخواني واخواتي
عندي بس سؤال بسيط لاصحاب الخبره
اني كفيلي بولايه كاليفورنيا بمنطقه الكاهون وعندي شخص ثاني بولايه تكساس اوستن .
حسب ما سمعت اشو كلها تكول كاليفورنيا مو شي وشغل ماكو وخصوصا الكاهون خطره ومنطقه مخدرات وشعبيه
هل هذا الكلام صحيح؟
وبالنسبه لاصحاب الخبره شنو الاحسن كاليفورنيا لو تكساس من ناحيه الشغل والمعيشه
ارجوا الافاده من اصحاب الخبره وشكرا جزيلا مقدما
-
اوستن اكيد
الشغل هواي
النافسة اقل مثلا
بسان ديكو اذا قدمت على شغل المنافسين عليه راح تكون 100%
اوستن 10% او اقل
تعديل
-
عفوا اخي مفتهمت شنو نافسين؟؟ :'(
-
اخي الكريم حياك الله
كلام الاخ ستيفن صحيح ومضبوط مئة بالمئة وانت أيضا معلوماتك صحيحة عن كاليفورنيا والاخ ستيفن يقصد المنافسين لك بالعمل , اوستن هي مدينة من مدن تكساس واذا لم تخني الذاكرة فهي عاصمة الولاية , العمل بها متوفر واقتصادها اكثر من ممتاز وصنفت من افضل المدن في امريكا من الناحية الاقتصادية وقلة نسبة البطالة ومساوءها مثل ميكول المثل العراقي مكدور عليها لان الجو بها حار ويكثرون بها المكسيكان .
تحياتي
أبو الحكم
-
لتجي بسان دييغو حتى اللابتوب مالتك تبيعه
-
اخي صاحب الموضوع
بالنسبة لكاليفورنيا الكاهون ماكو هيجي حجي على شغلة خطرة لو مخدرات بالعكس منطقة امينة وامن من باقي الولايات طبعا تصير بعض الحالات وهاي موجودة بكل مكان بالعالم بس لتسمع حجي ممضبوط وبالنسبة للشغل صحيح الاشغال قليلة واسعار الايجارات غالية بس حبيت اوضح هاي الشغلات
مع احترامي للجميع
-
اني بوجه نضري وخبرتي لان صارلي 4 سنوات في ساندياغو افضل اوستن احسن لان فرص الشغل احسن من ساندياغو وثاني شي سان دياغو مدينه سياحيه وغاليه وما اعتبرها مدينه جيده بالنسبه للاجئين والي ييجون جدد ما يعرفون لغه وثالث شي عراقيين هوايه بيها وتعتبر ثاني مدينه من بعد ديترويد مشكان من ناحيه الاجئين العرب فكلشي صعب بيها واخذها قاعده اي مدينه يكثر بيها الاجئين العرب يعني تقل المساعدات وتقل فرص حصولك علئ عمل رابعا الايجار بساندياغو اغلئ من اوستن وهايه مجرد وجهه نضري والقرار الاخير يعود الك . تحياتي الك وان شاء الله تجي بالسلامه
-
اخويه اكيد اوستن احسن الاسعار مناسبه وفرص عمل كثيره
-
عزيزي .. اني حاليا احجي وياك من قلب الكاهون - شارع مكنوليا (Magnolia Ave) .. الكلام مبالغ بيه حول الخطورة الي موجودة بالمنطقة .. بالعكس منطقة امينة نوعا ما.. واذا على المخدرات فهي موجودة في اغلب المدن والولايات .. ومدام انت بحالك محد راح ينطخ بيك .. ومثل مكالوا الاخوان سان ديغو كلها شلع قلع غالية ..والشغل بيها قليل .. واني راح اطفر منها بعد اقل من 3 اشهر وبعدني ممستقر على المدينة الجديدة .. ولكن في بالي وصارلي حوالي ست اشهر اسوي بحث .. الخيار القادم راح يكون اما (اوستن بتكساس) او (بورتلاند باوريغون) اعرف الكثير من الاخوان راح يختلفون معي .. بس صدكوني .. اني شفت هاي الولايتين بالنسبة لعالئلتي افضل من سان ديغو .. والايجارات بيهن تقريبا نص سعر الايجار بكلفورنيا ..
بس دا احسب شغلة نقل الاثاث .. والسيارة مالتي ابيعها لو شنو .. وهكذا .. تفاصيل اللحظات الاخيرة يعني .
والله اعلم ..
تحياتي الى ستيف وعمر 1979
-
اخولني الاعزاء
اذا المدينة غالية مو معناه الاجور عالية لو اني غلطان.
اقصد اذا الاجور عالية راح تغطي الايجارات العالية.
تحياتي
Gamma :D
-
I will write in english because of my keyboard
San Diego is double rent than Texas Houston.
for example 2 bedrooms in San Diego is about 1200$-1600$
in Houston Texas, is about 750-1000$
in San Diego, the heath cover is for 4 years
in texas 90%, it will stoped with max 1 year.
Conclusion: for me as refugee and with no good job, go to Minnesota OR Maine state
go to west fargo in Minnesota, you can get good ahealth and benefits support.
think about getting education, health cover, And section-8 house.
-
ملاحظه للاخ ابو الحكم..عاصمة تكساس هي مدينة دالاس ...اما اوستن فهي المدينه الثانيه في الولايه...تحياتي
-
ملاحظه للاخ ابو الحكم..عاصمة تكساس هي مدينة دالاس ...اما اوستن فهي المدينه الثانيه في الولايه...تحياتي
للاسف .. المعلومة غلط .. كلام ابو الحكم صح ... اوستن عاصمة تكساس .. بسهولة تكدر تلكي الجواب بالنت ومن خلال موقع ولاية تكساس الحكومي
وهذا رابط مال وكيبيديا
http://en.wikipedia.org/wiki/Texas
تحياتي
-
اشكركم اخواني للافاده
الله كريم نتوكل على الله وبيها الخير
-
اخي الكريم اوستن هيه عاصمة تكساس اني صارلي 4 سنوات ونص بيها وحسب الاحصائية مال 2013 اوستن احسن مدينة بامريكا من ناحية توفر العمل والاقتصاد وتبقى كل واحد ومزاجه يعني قسم يتصوروها اسوء مدينة لان مشايفيها من جان الاقتصاد تعبان 2009 وقسم يرتاحون بيها والشغل هنا موجود كل شخص يشتغل حسب امكانيتة باللغة وحسب خبرته بعد وكل انسان وقابليته وصبره وتخطيه بالحياة.
-
بسم الله الرحمن الرحيم
الاخ othman aldory المحترم
احببت ان اضيف رأيي بموضوع ايهما افضل ولاية كاليفورنيا ام ولاية تكساس
طبعا بشكل عام ومعروف للكل بان ولاية كاليفورنيا هي الولاية الذهبية فهي مصدر الذهب في امريكا وانها الولاية الاهم من الناحية الزراعية لانها مصدر حيوي للمنتجات الزراعية اضافة الى كونها اهم ولاية في امريكا من ناحية السياحية لاعتدال جوها ومناخها وموقعها الجغرافي الذي يجعل منها افضل مناخ وانقى هواء على الاطلاق
ومن المعروف فان اشهر مدن كاليفورنيا واجملها هي مدينة ساندياكو فتعتبر في القمة من حيث السياحة في العالم حيث ياتيها من كل الولايات ومن خارج امريكا لاغراض السياحة والاصطياف وان منطقة الكاهون هي احدى مناطق مدينة ساندياكو وان اقل شارع شأنا من ناحية الجمال والتنظيم في هذه المنطقة هو اجمل واكثر بهائا من ارقى شارع في بغداد , على سبيل المثال الجادرية او شارع الاميرات , ولذلك ولكون ساندياكو في هذا الموقع المتميز من الناحية السياحية فمن البديهي ستكون مدينة ساندياكو من افضل المناطق امنا في امريكا وهذا حسب احصاءات وتقارير امريكية سنوية هي دائما تاتي في مقدمة افضل المناطق من الناحية الامنية
اما موضوع انها مزدحمة فقانون الولاية لا يسمح وخصوصا في ساندياكو بان تكون مزدحمة لانها يجب ان تبقى سياحية فلذلك لانرى بناء مرتفع عمودي الى في مركز المدينة حصرا (الداون تاون ) وبشكل محدود نسبيا . للحفاظ على خصوصية المكان من الناحية البيئية والجمالية
ناتي الى موضوع المساعدات في كاليفورنيا فانها تعتبر افضل من بقية الولايات اذا اخذنا بالاعتبار المميزات التي ذكرناها
الاختلاف عن بعض الولايات انا اتكلم عن ساندياكو هي ارتفاع الايجار لكونها منطقة جميلة وسياحية وامينة وغير مزدحمة ولا تتوفر فيها عمارات للسكن العمودي الا قليلا , وهنالك مناطق في نفس ولاية كاليفورنيا كان تكون عاصمة كاليفورنيا (سكرمانتوا ) فهي ارخص من حيث السكن والمواصلات والتاكس لانها غير سياحية والجو يختلف حيث تكثر الامطار وفيه تقلبات ,فمثلا سعر الايجار في ساندياكو شقة ذو غرفتان وبسيطة داخل مجمع تتجاوز 1000 دولار اما نفس مواصفات هذه الشقة في سكرمانتوا فهو 600 دولار ويوجد اقل في مناطق اخرى وتستطيع التاكد من ذلك بنفسك من خلال مواقع الايجار في النت .
اما موضوع فرص العمل في ساندياكو فيحتاج من الشخص معرفة باللغة بشكل جيد حتى يستطيع ان يجد عملا جيدا لان انواع الاعمال هنا ذات نوعية جيدة لانها خدمية تنسجم مع نوع المدينة السياحية
السؤال , اذا اردت ان تعمل بنوع عمل جيد يجب عليك ان تطور نفسك ابتداءا من اللغة , وثانيا اذا كانت باي منطقة في امريكا مثلا هيوستن في تكساس فلماذا تبقى بها الاعمال متوفرة دائما ولماذا لم تستقطب من قبل الامريكان انفسهم الذين يعانون البعض منهم من البطالة اليسوا اذا جاءوا الى مثل هذه المنطقة لكي يعملوا فانهم سيكونون الافضل من اللاجئ الجديد على الاقل من ناحية اللغة كونهم اهل اللغة ,
الجواب هو هنالك عمل صحيح لكن هنالك ظروف اخرى لا تجعلها منطقة للمنافسة من حيث السكن واصحاب العوائل والجو فيها لا يناسب كل الناس ونوع القوانين التي تحكمها تختلف عن بقية الولايات ,من ضمن بعض قوانينها تطبيق عقوبة الاعدام على المدان ومثل هذه العقوبة لا تطبق في بقية الولايات وقوانين اخرى ناتجة انسجمت ونتجت عن ارثها الحضاري
واني ارى اذا استطاع الانسان ان ينجح في مكان فيه بعض الصعوبة وفيه تميز نوعي في كل الامور فان نوع التطور الذي حدث معه سيكون اكثر
والامر متروك لكل شخص وحسب قدرته وامكانيته ورؤيته ,
تحياتي لكم والسلام عليكم
-
الاخ ادم.ج عاصمة ولاية تكساس هي اوستن وانا متأكد منها وكما تفضل الاخوة الاعضاء مشكورين تستطيع من خلال بحث بسيط جدا بالنت ان تستدل على عاصمة الولاية , وشكرا جزيلا للاخوة الاعضاء على المعلومات المفيدة وفعلا اقتصاد ولاية تكساس اقتصاد قوي جدا جدا والعمل في مدنها متوفر والايجارات رخيصة نوعا ما وافضل من الكثير الكثير من الولايات الاخرى .
تحياتي
أبو الحكم
-
اخي العزيز عثمان انا اعطي رأيي لسؤالك والاخوة المحترمين ابدوا ارائهم وانت بالنهاية مخير بالاخذ بها او لا.
اخي اني بعدني ممسافر بس عندي اصدقاء طلعوا من الامارات وعاشو بتكساس وناس عاشت بكاليفورنيا سان ديكو .كاليفورنيا عيبها الوحيد انها غالية بس مكدور عليها لان كلهم عايشين ومرتاحين والارزاق على الله واخرين عايشين بتكساس أوستن وهم الحمد لله ماشية امورهم بس يعانون من مشكلة الجو والحرارة والرطوبة وكثرة المكسيكان يعني واحد يكلي ابني بالمدرسة تاهت عليه بين الانكليزي والاسباني وانواع اللغات . اخوية هوة العمر كم سنة حتى الواحد يظل يتبهذل . مع تقديري واحترامي
-
رفع للفائدة العامة
أبو الحكم