ankawa
منتدى الهجرة واللجوء => الهجرة و واللاجئين => الموضوع حرر بواسطة: ramaya في 10:34 11/11/2013
-
مرحبا لجميع الاعضاء. اناكنا ساكنه بسوريا وطلعلي توطين ع امريكا بس بسبب لظروف في سوريا اضطرينا انو نرجع ع العراق وصار سنه ونص من رجعنا وهسه دانفكر انو نطلع لتركيا ونقدم من جديد ع un هل صحيح انو الاجرات طويله ويعطون مواعيد اكثر من سنه نرجو من لديه المعرفه اجابتنا. مع الشكر
-
بالحقيقة طلعي
-
قبل ما نكلك نريد منك تكلنا نقلت ملفك الى العراق لو لا
ابو الوليد
-
بكل الاحوال ملفكم يتأخر اذا ناقلي للعراق وتريدون تحولوه لتركيا يتأخر واذا تريديون تفتحون ملف جديد على UN هم يتأخر ونعم المقابلات تطول الى اشهر كثيرة وتصل الى السنة وهذا مارأيناه في ملفات الاخوة الاعضاء اللي محولين فايلاتهم من سوريا الى تركيا , ولك ان تسأل سؤالك في كروب تركيا وسيجاوبوك نفس جوابي .
تحياتي
أبو الحكم
-
انصحك ان تغادر الى الاردن وتكمل اجرائات ملفك
-
الاخت ramaya بلبداية انتو وين وصلتو لمن طلعلكم التوطين يعني عدكم كارت اخضر؟؟
اذا عدكم كارت اخضر تكدرون تكملون من العراق واكو هواية من جماعة سوريا اصحاب
الكارت الاخضر اكملو معاملاتهم من العراق ووصلو ل امريكا
بلنسبة الى تركيا المعاملة تاخذ وقت طويل جدا وبالاخص جماعة سوريا
وخير مثال عندنا اختنا العزيزة راي من جماعة سوريا وراحت لتركيا والى حد الان تنتظر الفرج
الخيار الافضل ان تجون لعمان واذا انتو واصلين لمرحلة الوفد وعدكم كارت اخضر
فترحون على مقر المفوضية راح ينطوكم موعد مو بعيد يعني اقصى شي 3 اشهر
بعد ماتحصلون ورقة الحماية ترحون ل IOM ومقرها في تلاع العلي وتفتحون ملفكم
وراح ترجع المنظمة تفتح ملفكم بس قبل ماترحون ل IOM لازم تكون عدكم ورقة الحماية
بلمناسبة ال IOM في تركيا ليس لديها اي دور يذكر في المقابلات
المقابلات مسؤؤل عنها منظمة ال ICMC ومنظمة ال IOM في تركيا
يقتصر عملها على تنظيم الرحلات فقط وبشكل عام منظمة ال IOM
موجودة في العراق وسوريا ومصر ولمقر الاقليمي في عمان
تحياتي
-
تركيا مواعيد جديدة 2016 وهسة 2017 الاردن افضل حسب مسمعت
-
تسلمون اخوان ع الاجابه بس اكو مشكله انو عمان ما ادخل عراقين كانوا مقيمين بسوريا لان جينا ومادخلونا واحنا واصلين مرحله الوفد فشنو العمل هل لتقديم من بغداد يساعد الملف ام تركيا ولكم جزيل الشكر
-
رفع للفائدة العامة
أبو الحكم
-
اختي العزيزه
بما انكم واصلين مرحله الوفد في المنتدى موضوع خاص بالعائدين من سوريا اصحاب الكرت الاخضر يكدرون ينطوج الخطوات اللازمه
وحسب معرفتي تتصلين ب اي او ام عمان وتطلبين نقل ملفج من سوريا الى العراق وسوف يتم تحديد موعد لمقابله الوفد من بغداد واكمال باقي الاجراءات من العراق
ولكن نصيحه من اختج حاولي تقرين موضوع العائدين لان اكيد تجارب الاخوه تفيدج ونصائحهم
تحياتي
اختج ام شاهين
-
اختي العزيزه
بما انكم واصلين مرحله الوفد في المنتدى موضوع خاص بالعائدين من سوريا اصحاب الكرت الاخضر يكدرون ينطوج الخطوات اللازمه
وحسب معرفتي تتصلين ب اي او ام عمان وتطلبين نقل ملفج من سوريا الى العراق وسوف يتم تحديد موعد لمقابله الوفد من بغداد واكمال باقي الاجراءات من العراق
ولكن نصيحه من اختج حاولي تقرين موضوع العائدين لان اكيد تجارب الاخوه تفيدج ونصائحهم
تحياتي
اختج ام شاهين
جزيل الشكر للاخت العزيزة ام شاهين وهذا رابط جمعية
http://www.ankawa.com/forum/index.php?topic=605808.0
واما بلنسبة الى عمان هذا الشي صحيح لانو انا كنت فلسابق مقييم في سوريا
واعرف هذا الشي كلش زين بس اذا انتو مصيريين تجون لعمان
(تحجزوون على خطوط ملكية الاردنية 2way ) نسبة نجاح دخولكم ل الاردن
راح تكون 90% وبعد دخولكم ان شاء الله تتبعون الخطوات التي شرحتها لكم اعلاه
وان شاء الله بلموفقية
تحياتي