ankawa
منتدى الهجرة واللجوء => الهجرة و واللاجئين => الموضوع حرر بواسطة: Zaid_cool في 19:04 13/11/2013
-
بعد معاناة طويلة وانتظار 3 سنين و4 اشهر للوفد الامريكي بسورية ... يخابرونا اليوم المنظمة الدولية iom ويكولولنا اول شي انهم دا يسوون احصاء للعراقيين الباقيين بسورية وهل شي عبالنا خير عمود رومانيا وفجأة تكول انو امريكا انلغت بالنسبة النا الي يبنتظرون الوفد!!! وملفنا رح يرجع لل يو ان وتنتظرون ترجع دولة تختاركم وتعيدون الاجراءات الامنية وكله من الاول
وهي حال الدنيا
ادري يعني خلونا نصبر كل هل سنين عمود تلتغي الفكرة بالنهاية ويسموها منظمة دولية؟؟ اذا ماعدهم احترام لحقوق الناس شلون منظمة لعد... احنا العراقيين ماعدنا حظ بكلشي
-
الله اعينكم يا اخي ويفرج عنكم صبرتوا وعانيتوا الكثير نرجو من الله ان يفرج عنكم ان شاء الله ... عسى ان تكرهوا شيئا وهو خير لكم .
-
فعلاا يا اخي خبر مؤسف والله يكون بعونك ولاتنسى ماتعرف الخير يجوز الله قاسملك الخير بغير دوله وتشوف بيه الخير الك ويعوض صبرلك للاحسن
تحياتي الك
ابوقيصر
-
الله يكون بعونكم ويرجعون الملف لليو ان وجيب ليل واخذ عتابه مو عله اساس احنه دنصغر شكد الواحد ينتظر بعد حسبي الله ونعم الوكيل
-
لعد ليش من ندز ايميل يجاوبون الولايات المتحدة تدرس الحلول المناسبة وملتزمة بالموضوع وراح تتابع الملف اذا رجعت للعراق او غيرت مكان اقامتك خبرنا ؟؟؟!!!!
شنو جاي نلعب ختيلان لو طميمة عمي يلي ميريدنا احنا هم منريده وخلي يحولونا لتنزانيا احسن ، كافي عاد ملت العالم شنو مقابلة وفد ليش الاخضر الابراهيمي مو خايف رايح جاي لسوريا سري مري ليش الوفد مابي امريكان من اصول عربية شلون حرق اعصاب والنوب من تخابرهم يطنشون وين الالتزام لا هاي هية استلم .هذا غيض من فيض
-
معقوولة ؟؟ لعد ليش خلو العالم تنتظر كل هذه الفترة وليش ما حولو ملفاتكم من بداية
لغير دول او كان من ممكن ان يكملون ملفات الباقيين عن طريق مقابلات من خلال الشاشة
او تسفيرهم الى رومانيا مثلما حصل مع بعض الاخوان استهتار بمعنى الكلمة بمصير الناس
الذين عانو الامرين الله يكون بعونكم اخوان ويفرجها عليكم بصراحة خبر مفجع ومؤلم جدا
نسئل الله ان يفرجها على جميع اخوتنا في سوريا
تحياتي
-
اخي العزيز
يعني اتصلو حول ابلاغكم بهذا الامر
تقصد راح يتصلون بكل الى منتظرين الوفد
هل الاتصال من سوريا او من عمان
هل الاتصال من جنابك وازعجتهم وردو عليك بهذا الخبر
يا ريت منك اخي الاجابة لان هذا لموضوع له اهمية كبيره ومصير
اخوك ابو الوليد
-
اليوم اتصلت بكفر سوسه قسم للتوطين وكان للجواب مازال ملفك بانتظار الحلول والقرارات البديلة وسألت الموظف عن رومانيا قال امريكا هي من تحدد السفر الى رومانيا
طيب كلام جميل ، يعني اذا تم الاتصال ببعض الملفات ومثل ما قال الاح زيد رجعوهم من الاول لليو ان زين والباقي شوكت يخبروهم وهل هناك ملفات باقية وملفات رجعت هذا هوة السؤال المطروح حاليا وبأنتظار تحليلات الاخوة القدماء.
-
ياجماعة للتوضيح الرقم الي خابرنا من سورية وهم اتصلو مو احنا وكالتنا هل حجي مااعرف اذا بس احنا هيج خابرونا او يمكن احنا اول ناس بشرونا بهل خبر التعيس لانو ملفنا يبدي sy-113 او يمكن امريكا مااختارتنا لرومانيا كلشي وارد وهي كلها احتمالات بس الواقع انو لغونا من امريكا وماحولونا ليش مااعرف جان لازم يكلولنا انو ملفنا انتقل لغير دولة مثل باقي الناس بس ماكو كئبونا وبس
-
هذا موخوش خبر وين جماعة سوريا اهل الخبره
-
ممنون الك على الاجابة اخي العزيز
تكدر تكلنا حالة الملف في الموقع هل تغيرت يعني صار مغلق
وشكرا اخي الفاضل
ابو الوليد
-
حالة الملف على الموقع مااتغيرت ومستغرب من هل شي يمكن تحتاج وقت حتى تتغير
-
الله يفرج هم كل أهلنا في سوريا والله يكون بعونهم والله يصبرهم ان شاء الله .
أبو الحكم
-
كلام الموظفة غير صحيح على الاطلاق، لان صديقي تم الاتصال به وحضر يوم الخميس الماضي في بناية الهجرة الدولية مقابل مستشفى الاندلس اجروا له مقابلة توطين اولى للولايات المتحدة ولكنه رفض التوطين لاميركا، فاذا كانت اميركا لاتستقبل لاجئين كيف يقومون بعمل توطين جديد ؟ مع التقدير
زياد البنا
-
اخي العزيز
كان الله في عونكم ويارب يحميكم ويحفظكم
احجيلك الي صار ويانه احنه من كانت الامنيه مكتمله واتصلت بيهم موظف بعمان كال وهذا نص كلامه ( سحبوا ملفكم بامريكا ديعيدون الامنيه عليكم ) كلتله ليش احنه امنيتنه مكتمله كال (لا هذا الاجراء الي عليكم بعد تنتظرون ) وبوقتها وكعت مريضه واكثر جماعتنه بسوريا يعرفون
بعد ايام قليله متتعدى الاسبوع اتصلو بينه لاخذ الصور وفيزه لبنان وبعدها صار السفر
اخي الله ينتقم من كل شخص يتلاعب بمصير واحاسيس الناس موظفين ال اي او ام يختاروهم اختيار دقيق لهيج شغلات مع الاسفوكل همهم تقليل العدد الموجود بسوريا
ربي ألهي يفرج همك ويارب تبشرنه بالسفر بالقريب العاجل
تحياتي
اختك ام شاهين
-
ho,dاخويه سئلت جيراني خمس عوائل ينتظرون الوفد مثلك ماكو هيج شي خاف مستلم اربعه ملاين لو رايح هواي للعراق لان بس انته اشو الله يفرج عنك
-
والله ياجماعة احنا طالعين من العراق من سنة 1998 ومن هذيج الفترة مارجعنالها فلا 4 ملايين ولا راجع بس ليش احنا الوحيدين خابرتنا وكالت هيج مااعرف.... والموضفة كالت انتظروا مكالمة من اليو ان تحددلكم الدولة الي يمكن تريدكم وينتقل ملفكم الها من الاول وجديد بس ماكالت ملفكم انتقل لغير دولة كالت اليو ان يخابروكم وبالنسبة لباقي منتظرين الوفد ماكو احد خابروهم بهل فترة ؟
-
صدوووك معاناة
ربي يفرجها عليك مثل مفرجت علينه
اخي العزيز صراحه اني من اوائل الناس الي طلعوا بري من سوريا طبعا عن طريق لبنان وصار سفرنه
بس لو تشوف موضوع سفري كتبت بي ومن البدايه
عند تسليم الصور رحت ويه زوجي وشفت محمد وابراهيم بس شفت مجموعه كبيره من الناس وابراهيم ديحجي وياهم(سودانيين يمنين صومالين حتى افغان وجنسيات بعد )كللهم بصريح العباره كلكم اتطلعون انتو لاجئين حتى بوقتها سالته العراقيين هم جاوبني وقال (هسه مو انتو دتطلون)
هذا الي صار كدامي وبعد فتره من بده السفر يقوه بسوريا كاموا يطلعون عوائل سودانيه وصوماليه ويه العراقيين
معناها اكو حركه قويه صحيح على ملفات اللاجئين بسوريا
ربي يحفظكم ويفرجها علييكم بالقريب العاجل انه سميع مجيب
تحياتي
اختك ام شاهين
-
شكرا الج الاخت ام شاهين على رفع المعنويات والله يحفظج
وان شاء الله الايام الجاية تكون احسن وحجي الموظفة يطلع كله جذب وترجع تقوى حركة السفر
ويهدى الوضع بسورية يارب...
-
بعد معاناة طويلة وانتظار 3 سنين و4 اشهر للوفد الامريكي بسورية ... يخابرونا اليوم المنظمة الدولية iom ويكولولنا اول شي انهم دا يسوون احصاء للعراقيين الباقيين بسورية وهل شي عبالنا خير عمود رومانيا وفجأة تكول انو امريكا انلغت بالنسبة النا الي يبنتظرون الوفد!!! وملفنا رح يرجع لل يو ان وتنتظرون ترجع دولة تختاركم وتعيدون الاجراءات الامنية وكله من الاول
وهي حال الدنيا
ادري يعني خلونا نصبر كل هل سنين عمود تلتغي الفكرة بالنهاية ويسموها منظمة دولية؟؟ اذا ماعدهم احترام لحقوق الناس شلون منظمة لعد... احنا العراقيين ماعدنا حظ بكلشي
الله يكون بعونك اخي بس لا تيأس ان شاء الله وكلام الموضفه مو صحيح اتصلنا بالمنضمة وخبرونا انه يوجد جرد على عدد اصحاب الكارت الاخضر من اجل ان يحلو مشكلتهم ولا يوجد اي غلق لاي ملف فقط للعوائل الي استلمت 4 ملايين وللتاكيد على كلامي خبرت كفيلي امس واتصل بالمنضمة الي تخصنا في امريكا ايضا قالو لا يوجد اي غلق لملفاتنا بالعكس انهم يسعون الى حل مشكلتنا ان شاء الله ويارب تتسهل امور الجميع ان شاء الله
-
بعد معاناة طويلة وانتظار 3 سنين و4 اشهر للوفد الامريكي بسورية ... يخابرونا اليوم المنظمة الدولية iom ويكولولنا اول شي انهم دا يسوون احصاء للعراقيين الباقيين بسورية وهل شي عبالنا خير عمود رومانيا وفجأة تكول انو امريكا انلغت بالنسبة النا الي يبنتظرون الوفد!!! وملفنا رح يرجع لل يو ان وتنتظرون ترجع دولة تختاركم وتعيدون الاجراءات الامنية وكله من الاول
وهي حال الدنيا
ادري يعني خلونا نصبر كل هل سنين عمود تلتغي الفكرة بالنهاية ويسموها منظمة دولية؟؟ اذا ماعدهم احترام لحقوق الناس شلون منظمة لعد... احنا العراقيين ماعدنا حظ بكلشي
الأخ الكريم
موضوعكم مؤلم مع عظيم معاناتكم وكبير صبركم
أرجوا أن تتحمل كلامي وهو من تجربة :
1 - عليكم بالأتصال IOM دمشق .... عند الصباح سيطلبون رقم ملفكم كما هو معتاد
ويفتحون الملف وهنا (( سيفتح تسجيل للمكالمة ألكترونياً )) وتحفظ في الملف :
ولايستطيع أي موظف الكذب ...... كون المكالمة مسجلة . وعليكم بهذا الوقت
أخباره بما جرى بالأتصال السابق .... وسترى جوابه :
(( أن كان الجواب مطابق ))
2 - عليكم المباشرة بتقديم مناشدات (( طلب مساعدة عاجلة لملفكم مع الأسباب ))
وأرسالها الى الأمم المتحدة باليد (( صندوق الشكاوى )) الموجود داخل صالة الأستقبال
أسبوعياً الى حين الأتصال بكم ..... وعن قريب ..... أن شاء الله
(( هذا الصندوق يفتح من قبل الأجانب العاملين بالمنظمة وترفق المناشدات مع الملف وهي أفضل من حال السكون ))
ومع سفر الأجانب يكون الصندوق بيد شخص مؤتمن ومحلف
وفقتم للخير
-
بعد معاناة طويلة وانتظار 3 سنين و4 اشهر للوفد الامريكي بسورية ... يخابرونا اليوم المنظمة الدولية iom ويكولولنا اول شي انهم دا يسوون احصاء للعراقيين الباقيين بسورية وهل شي عبالنا خير عمود رومانيا وفجأة تكول انو امريكا انلغت بالنسبة النا الي يبنتظرون الوفد!!! وملفنا رح يرجع لل يو ان وتنتظرون ترجع دولة تختاركم وتعيدون الاجراءات الامنية وكله من الاول
وهي حال الدنيا
ادري يعني خلونا نصبر كل هل سنين عمود تلتغي الفكرة بالنهاية ويسموها منظمة دولية؟؟ اذا ماعدهم احترام لحقوق الناس شلون منظمة لعد... احنا العراقيين ماعدنا حظ بكلشي
اخي صاحب الموضوع
ارجوا توضيح انتظار الوفد 3 سنوات و 4 اشهر كيف حسبتها
ابو الوليد
-
المقابلة الاولى صارت بشهر 7 سنة 2010 ومن هذيج الفترة واحنا ننتظر الوفد
-
السلام عليكم
أخــوان اعـرف واحــد هـــم اتـصلت بـي الهـجره بيــوم الخمــيس المـاضي وهــم ســألو لــساته بــسوريا او ســافر للعراق
خـلال هــاي الــفتره وكــالتله المــوظـفه وبــس ان شـاء الله خــير يـــــــــارب
-
اخوان اني راجعت الهجره الدوليه ابمزه وكان عدت اشخاص نفس حالتي يسالون على ملفاتهم ممن ينتظرون الوفد وكان جواب الموظفه ان انتو تنتظرون الوفد والسفر لرومانيا ولم تقول اي شي من ان امريكا انلغت بلنسبه النا
وحسب مسمعت من شخص يشتغل بليوان كال ان اليوان تبعث الف اسم لامريكا وهم يختارون منهم مئه فقط بخصوص رومانيا والي ديتصلون بيهم للسوال عن وجودهم ابسوريه هم من الالف المرشحين لرومانيا والي يختارون منهم مئه لكن لا اعرف هل الالف شخص لو ملف لا اعرف بلضبط
-
المقابلة الاولى صارت بشهر 7 سنة 2010 ومن هذيج الفترة واحنا ننتظر الوفد
الله بعونك اخي
ممكن تكلي رقم ملفك يعني 113 او 114 او 115
حتى اجاوبك وراح اكلك السبب
ابو الوليد
-
رقمنا احنا يبدي
sy-113 وما اظن اكو هوايا ناس بقو مثلنا هيج :/
-
رقمنا احنا يبدي
sy-113 وما اظن اكو هوايا ناس بقو مثلنا هيج :/
اخي عندك مشكلة اكيد منطيك موعد مقابلة وفد ( محلف ) وانت متخلف عن الموعد
لان كل الملفات 113 و 114 تمت مقابلاتهم لان الفترة لهذه الملفات بين المقابلتين كانت 45 يوم
وجنابك ذكرت المقابلة الاولى كانت في السابع 2010 وللعلم الوفد غادر سوريا شهر 3 من 2011
شكرا لك اخي سعة صدرك
ابو الوليد
-
اخويه اصبر اني كنت مثلكم والحمد الله لغو ملفي من الهجرة ورجعوني على اليو ان حولوني لغير دوله اصلا احسن الك ومن الله الفرج
-
ههههههههههههههه لا والله ياعزيزي مامنطينا شي همين شنو مقابلة اصدقاء وفد هي اكيد مارح نتخلف
همين اول مرة اسمع بالفترة مال 45 وبالنسبة للوفد ف هو يختار الاسماء مو احنا وشكرا لمشاركتك :Dرقمنا احنا يبدي
sy-113 وما اظن اكو هوايا ناس بقو مثلنا هيج :/
اخي عندك مشكلة اكيد منطيك موعد مقابلة وفد ( محلف ) وانت متخلف عن الموعد
لان كل الملفات 113 و 114 تمت مقابلاتهم لان الفترة لهذه الملفات بين المقابلتين كانت 45 يوم
وجنابك ذكرت المقابلة الاولى كانت في السابع 2010 وللعلم الوفد غادر سوريا شهر 3 من 2011
شكرا لك اخي سعة صدرك
ابو الوليد
-
اخويه اصبر اني كنت مثلكم والحمد الله لغو ملفي من الهجرة ورجعوني على اليو ان حولوني لغير دوله اصلا احسن الك ومن الله الفرج
الحمدلله ع كلشي
انت هسه بسورية لو وين ؟ ويا دولة حولوك وشكد صارلك تنتظر ؟
-
اي اخي بعدني بسوريا اول مقابله مال التحويل كانت 2012 نهايته على السويد ورا شهر اجى الرد انرفضنه وراها بكم شهر حولونا على فنلندا وخلصنا كلشي قبل السفر بكم يوم لغو السفره مالتنا لانعرف السبب اكو موظفين يكولون لاتستوفي الشروط لفنلندا والناس تحجي لان ماعندكم اقارب بيها مانعرف الصدك من الجذب بشهر 6 بهالسنه حولونا على كندا
-
ههههههههههههههه لا والله ياعزيزي مامنطينا شي همين شنو مقابلة اصدقاء وفد هي اكيد مارح نتخلف
همين اول مرة اسمع بالفترة مال 45 وبالنسبة للوفد ف هو يختار الاسماء مو احنا وشكرا لمشاركتك :Dرقمنا احنا يبدي
sy-113 وما اظن اكو هوايا ناس بقو مثلنا هيج :/
اخي عندك مشكلة اكيد منطيك موعد مقابلة وفد ( محلف ) وانت متخلف عن الموعد
لان كل الملفات 113 و 114 تمت مقابلاتهم لان الفترة لهذه الملفات بين المقابلتين كانت 45 يوم
وجنابك ذكرت المقابلة الاولى كانت في السابع 2010 وللعلم الوفد غادر سوريا شهر 3 من 2011
شكرا لك اخي سعة صدرك
ابو الوليد
وصلت الفكره كلامك دقيق جدا ولاريب فيه
والباقي على الاخوه وموضوعك يستحق الاستمرار
ابو الوليد