ankawa
منتدى الهجرة واللجوء => الهجرة و واللاجئين => الموضوع حرر بواسطة: predator في 11:14 15/11/2013
-
السلام عليكم....
وأخيرا اجريت المقابلة الأولى بعد معانات طويلة. .
قدمت بشهر ال11- 2012
بس جان عمل والدي غير مؤكد لديهم. .الى يوم 23/10 اتصلت بية موظفة المنظمة وكالت تم الناكد من عمل والدك وسوف تتم مقابلتك انت واخوك قريبا..وبيوم الثلاثاء الماضي اتصل بية موظف المنظمة وكال باجر عدكم مقابلة اولى..
الاعداد جانت مو قليلة. يعني القاعة جانت مليانة.اكثرهم مقابلة ثانية.
الي فاجئني بالمقابلة.من كتلهة اني مقدم صار سنة بس مجان عمل والدي موكد...جان دكول لحد الان غير موكد عمل والدك.ومتقابل محلفين الا اذا تاكدنا من العمل. .
اني كتلهة موظفة المنظمة اتصلت بية وكالت تم التأكد وانتي دكولين لم يتم التأكد. ..كالت هسة ندزلهم رسالة ونستفسر..
اخوان شنو رأيكم .هل هذا خطأ من المنظمة ابغداد؟
-
الف الف مبرووووووووووووووك اخي الفاضل هسة يتأكدون وبعدها يتم تحويلكم على اجراء المقابلة الثانية
-
اشكرك اخ سلام. .بس المشكلة اذا صدك ممتاكدين من العمل..لان الشركة الي جان يشتغل بيها والدي منقرضة..بس اني ضغطت عليهم بالرسائل وصارت عدنا حادثة اغتيال ومحاولة اختطاف واغتيال..وراها اتصلوا بية وكالو تاكدنا من العمل وحنقابلك
-
اخي لو ما متاكدين من عمل والدك ميجرولك اي مقابله ويبقى ملفك معلق لحين التاكد من العمل وان كلام الموظف في المقابله غير صحيح
تحياتي
-
اشكرك اخي غريب طمنتني
-
اخي انا عمري تقريبا 29 سنة ماسمعت هيجي سالفة هههههههه
اخي من قابلوك انتهى كل شيء والله
بقى الي يحدد المقابلة الثانية المحلفيين هي الامنية من تكتمل يحددون لك مقابلة اخرى ولاتفكر بموضوع التاكد الله
خلي بطيخة صيفي ببطنك
اخوك ابو عادل
-
اطمئن حبي متأكدين ونص تعرف ليش ؟؟؟ اني سنتين ونص مامتاككدين من شغلي وتوسلت بيهم بكل اتصال والموظف يكول لو تموت العشيره كلها مانكدر نقبلك او تقابل الا نتأكد من شغلك ....
وقبل اشهر وتأكدو من شغلي ياله قابلوني الاولى ....
الف مبروك
-
اشكرك اخي مهجر وافتخر...اني هم تعجبت..والغريب اجتي موظفة مصرية وكالت اي اذا ميتاكدون من العمل ميقابلوك...الظاهر موظفين المنظمة مال بغداد ممضبطين معلوماتهم.
شكرا اخي كوسوف..الحمد لله طمنتني أكثر
-
الف مبروك وانشاء الله السفر القريب.
تحياتي
Gamma :D
-
شكرا gamma
-
اخي العزيز همه ماطول حددولك موعد مقابله اولى او قابلوك هذا الشيء يعني همه متاكدين من عمل والدك لانه اذا مامتاكدين مستحيل ايدزون عليك مقابله
اني بالنسبه الي بالمقابله الاولى حاولت ابرز باجات او توصيات اضافيه للموضف الي قابلني بس هو كالي مايحتاج لانك ماطول ايجيت للمقابله الاولى انت عبرت هذه المرحله لتراويني باجات ولا توصيات
اطمئن اخي وتوكل على الله
-
شكرا اخي البغدادي..ان شاء الله متاكدين نن من العمل. .
الله يوفقنا كلنا
-
السلام عليكم ........ اخي الفاضل مستحيل يحددولك موعد مقابلة دون الـتأكد من العمل معاهم كن مطمئن والمقابلة الثانية وهي مقابلة المحلفين تتحدد من تكتمل الامنية الاولى وبعد قرار المحلف تبدأ الامنية الثانية لتحديد موعد السفر وقبلها الفحص الطبي .... وتسافر بالسلامة باذن الله
-
شكرا اخيKUKICACAW على معلوماتك
-
Up
-
كلام الموظفة غير دقيق بالمرة اذ لايتم اي اجراء على الملف اذا لم يتم التأكد من العمل والمقابلة الاولى التي أؤخذت بها معلومات معناها انك سجلت رسميا كلاجيء وعمل والدك قد تم التأكد منه , ولكن ليس هناك تحديث Update بين المنظمة في بغداد والمنظمة في عمان هذا كل مافي الموضوع واود ان اطمئنك ان ملفك ماشي بصورة طبيعية وانا مسؤول عن كلامي ولاتقلق ابدا من هذا الموضوع ولاتفكر به ابدااااااااا .
يارب المقابلة الثانية بأسرع وقت واكتمال الامنية والسفر العاجل ان شاء الله , وانصحك بأستمرار مراسلة المنظمة وطلب تحديد موعد مقابلة ثانية لك .
تحياتي
أخوك أبو الحكم
-
اشكرك اخي ابو الحكم. ..خجلتنا باهتمامك ودعواتك...وان شاء الله تسافر باسرع وقت وتتوفق بحياتك.
الحمد لله طمنتني وان شاء الله السفر لكل المنتظرين