ankawa
منتدى الهجرة واللجوء => الهجرة و واللاجئين => الموضوع حرر بواسطة: عمدة فرجينيا في 11:33 19/11/2013
-
السلام عليكم خواتي واخواني
ارجو المساعدة والاستفسار بخصوص موضوعي لانه جدا مهم لكل عربي ساكن في اقليم كردستان والموضوع هو كرايبنا عرب وساكنين باربيل والمحامي كايلهم على اساس اكو خبر انه حكومة الاقليم راح اطلع كل العرب الموجودين بالاقليم .. صراحة اني مستبعدة هيجي خطوة بس همين قلقت لما صدرت من قرارت عديدة بعد التفجير الذي حصل في اربيل وكلت خلي انزل الموضوع حتى كل واحد بدوره يسال ويستفسر حتى نشوف مدى صحة الخبر وياربي ايكون خبر مو صحيح لان هواية عرب ساكنين ومستقرين واني وحدة منهم والي عنده ارتباطات عمل او مدارس جهال او املاك او غير شي شلون شيسوي
موضوع مهم ارجو المشاركة
وفقتكم لعمل لخير
-
السلام عليكم خواتي واخواني
ارجو المساعدة والاستفسار بخصوص موضوعي لانه جدا مهم لكل عربي ساكن في اقليم كردستان والموضوع هو كرايبنا عرب وساكنين باربيل والمحامي كايلهم على اساس اكو خبر انه حكومة الاقليم راح اطلع كل العرب الموجودين بالاقليم .. صراحة اني مستبعدة هيجي خطوة بس همين قلقت لما صدرت من قرارت عديدة بعد التفجير الذي حصل في اربيل وكلت خلي انزل الموضوع حتى كل واحد بدوره يسال ويستفسر حتى نشوف مدى صحة الخبر وياربي ايكون خبر مو صحيح لان هواية عرب ساكنين ومستقرين واني وحدة منهم والي عنده ارتباطات عمل او مدارس جهال او املاك او غير شي شلون شيسوي
موضوع مهم ارجو المشاركة
وفقتكم لعمل لخير
اختي العزيز اني ساكن دهوك و ماكو هيجي شي مستيحل مو بكيفهم حته ايطردون ناس منا بس مشددين بلسيطرات و التفتيش بس هايه مال طرد ماكو هيجي شي ولا راح ايكون . تحياتي
-
اشكرك اخوية وربي ايطمنك بس المشكلة هسة دا اسال صديقتي تكول قاريتهة بالتلفزيون وناس تكول اي وناس تكول لا تاهت السالفة الله كريم اخوية
-
اهلا اختي العزيزة
اني كردي من اربيل وخلي اكلج مستحيل يصدر هيج قرار حتى لو يصير الف انفجار لا سمح الله
لانه حسب معرفتي ربع سكان المدينة او اكثر من قومية العرب سواءا اللي جايين يشتغلون او للمعيشة هنا
ثانيا اربيل تعتبر مدينة عراقية، صحيح اكو صعوبة في دخول المدينة من الوسط والجنوب بس كلمة طرد لحاله رح يسوي ازمة كبيرة احنة في غني عنها
لا تشغلين بالج بهاي المواضيع وان شاء الله السفر في القريب العاجل
تحياتي
-
اهلا اختي العزيزة
اني كردي من اربيل وخلي اكلج مستحيل يصدر هيج قرار حتى لو يصير الف انفجار لا سمح الله
لانه حسب معرفتي ربع سكان المدينة او اكثر من قومية العرب سواءا اللي جايين يشتغلون او للمعيشة هنا
ثانيا اربيل تعتبر مدينة عراقية، صحيح اكو صعوبة في دخول المدينة من الوسط والجنوب بس كلمة طرد لحاله رح يسوي ازمة كبيرة احنة في غني عنها
لا تشغلين بالج بهاي المواضيع وان شاء الله السفر في القريب العاجل
تحياتي
ربي ايهدي النفوس وان شاء الله ماكو ازمات , اشكرك اخوية لمرورك الكريم وزور سوباس :D
-
دزيتلج رسالة على الخاص بكلام مؤكد عن الموضوع
تحياتي
أخوك أبو الحكم
-
شكرا لاهتمامكم اخواني بالموضوع اني استفسرت من اكثر من مصدر وكذبوا الخبر وصراحة نزلت الموضوع لثقتي بموقع عنكاوة وباخباره الصحيحة اضافة الى رد اخوية ابو الحكم الي خلاني اتاكد من عدم صحة الخبر وان شاء الله يارب ايعم السلام على كل ارجاء العراق ويهدي النفوس بيناتنا
الادارة الكريمة اذا شفتو الموضوع غير مهم لكم الحرية بنقله او حذفه
تحياتي لكم جميعا
-
السلام عليكم اختي
هذا الموضوع ماكو له صحه حاليا لان عندي اصدقاء واقارب هناك
الخبر الصحيح كان يشمل الشباب والعمال وهاي قبل العيد طلعوا من كردستان وبعد العيد رجعوا اما العوائل فكلا باقين بالاقليم وماكو مشكلة
تحياتي
ابوقيصر
-
عزيزتي ماكو هيجي شىء لان احنه مستقرين باربيل وماسمعنه اي خبر من هذا القبيل
فقط تشديد بالدخول الى اربيل من كل المنافذ وهذا ن حقهم لحغظ الامن
-
السلام عليكم ورحمة الله وبركاته
اختي العزيزة الملاك الحائر انا في البداية أطمأنك بأن أخواننا الاكراد لا يستطيعون في الوقت الراهن أن يتخذو مثل هذه الخطوة التي سوف تعود عليهم بالكثير من التساؤلات والاشكالات وخصوصاً من صاحبي القرار في الشأن العراقي هذه من ناحية .....
اما ناحية ثانية انا احد ضحايا القرار الكردي بعدم السماح لي بالعيش في شمالنا الحبيب وذلك لانني دخلت في سنة 2006 الى هناك وعشتو فترة أكثر من سنتين ورجعت لبغداد لظروفي الوظيفية مما أضطرني بالعوده وبعدما حصل لي في بغداد لي ولابني قررت العودة الى شمالنا وقالو لي يجب ان تعيد الاقامة القدينة حتى تحصل على الموافقة ...وفعلاً لقد قدمت طلباً لدائرة الامن في الشمال وبعد حصولي على تزكية من دائرة الامن التي كنت أسكن فيها وتم قبولي للعيش مرة أخرى واذا بالسلطات الكردية وبعد تصفية أموري ولم أتأخر على موافقتهم الى يوم واحد وقد بدأت بوادر أزمه بين حكومة المالكي والاخوة الاكراد ويفاجئني الاخوة في السيطرة بأنني لا يسمح لي العيش في الشمال....
هذا الحادث جعلني أتخذ فرار الخروج من البلد بصورة نهائية علماً انه عز عليه ترك ابناء جلدتي وأهلي بهذه الصورة لكن هذا الذي حصل.. صارت عندي قناعه بأن السياسين الاكراد عملو على ايواء العرب ليس محبتاً بنا العرب ابناء الوطن الواحد لكن عندهم اغراض ومتى ما يحصلو على غرضهم أول شىء سوف يفعلونه هو أخراج العرب من الشمال وأي مسألة ممكن أن تحدث بين بغداد وأربيل سوف يؤثر سلباً علينا نحن الفقراء الذي لا ذنب لنا بمدى علاقة المالكي ومسعود برزاني ....
أتمنى لك الاسقرار المؤقت في شمالنا الغالي أهم شىء لا تتركي مكانك الى ان تسافري بسلام وآسف على الاطالة لكنني أحببت ان أضعكي بالصورة مع فائق احتراماتي
أخوكي أبو توفي
-
شكرا لكل الاخوان الي شاركو بالموضوع وطمنوني بصراحة كلش قلقت ومثل ما ذكرت سابقا اني كنت مستبعدة هيجي قرار بس هاي سياسة وماتنحزر عموما الحمد لله طلع الخبر كاذب واذا كان اكو تشديدات بالسيطرات فهذا امر يسر له لحفظ امن المنطقة واما بالنسبة لاخي الكريم ابو توفي اتمنالك الموفقية وين ماكنت وما دامك خارج العراق اكيد حالك افضل واحسن وان شاء الله بالتوفيق وين ما كنت
ربي ايبارك بيكم ويسهل امركم والموفقية للجميع
تحياتي وتقديري
-
رفع للمناقشة
-
شكرا اخي سلام على مرورك الكريم بس الموضوع ما يحتاج للنقاش لان ثبت ان الخبر غير صحيح وبصراحة اني اريد اقفل الموضوع لكن مدا اعرف شلون
تحياتي
-
اني هنا وماكو هيج شيئ ماعتقد بس الزركتيه ماكو اعتقد اما العوائل لا امورهم ماشيه