ankawa
منتدى الهجرة واللجوء => الهجرة و واللاجئين => الموضوع حرر بواسطة: ساحر الليل في 23:54 22/11/2013
-
السلام عليكم
اخوان عندي سؤال المنظمة تدفع اجار كم شهر
يعني اذا برنامج ماج كراند واذا برنامج الكاش مني
يعني كم شهر ايدفعولنة ايجار مال الشقة؟؟؟؟؟؟؟؟
تحياتي الكم
-
تاج راسي يمكن هاي تختلف من ولاية الى اخرى بس اعتقد ما يطول اكثر من 8 اشهر بس الاخوان راح يجاوبوك باذن الله
-
السلام عليكم اخي الكريم
موضوعك يختلف من وﻻية الى اخرى ولكن انقل لك تجربة من وﻻية وسكونسن في حالة السنكل تستمر جميع المساعدات لمدة ثمانية اشهر ولكن في حالة العوائل تستمر لمدة خمس سنوات
مع الشكر
Hhk
-
السلام عليكم
طبعا اول شهر عليك من جيبك او من مبلغ الولكم الايجار +الكهرباء+الغاز
من تروح تقدم للسوشال سرفيز بعد همه يدفعون الايجار والكهرباء والغاز الى ان تلكه شغل يغطي ويكفيك انا اتكلم على ولايتي واللي هي نيويورك وللعائله السنكل وغير ولايه ما اعرف
-
طبعا مشكورين على المرور والمساعدة
اخوان اني سنكل ( عازب ) ودفعولي اول شهر والبارحة اجة ابو المنظمة ايكلي الشهر الي يجي انت تدفع الايجار مال الشقة
علما انو اني على برنامج الكاش ولهسة مامشتغل
اخوان بس ردت اتاكد من انو اكو هيجي شي
وايجار الشقة 750 دولار ماعدى الكهرباء والغاز
فهموني اشلون بهاي الحالة
-
طبعا مشكورين على المرور والمساعدة
اخوان اني سنكل ( عازب ) ودفعولي اول شهر والبارحة اجة ابو المنظمة ايكلي الشهر الي يجي انت تدفع الايجار مال الشقة
علما انو اني على برنامج الكاش ولهسة مامشتغل
اخوان بس ردت اتاكد من انو اكو هيجي شي
وايجار الشقة 750 دولار ماعدى الكهرباء والغاز
فهموني اشلون بهاي الحالة
السلام عليكم ورحمة الله وبركاته
نفس الشيء حصل ويانه انا والحجيه بعد 45 يوم بلغوني بدفع الايجار ...وخلوني على برنامج الكاش دون ان اعلم ..
تعرف ليش بعد شهر واحد طالبوك بدفع الايجار ؟؟ لانك سنكل والويلكم مالتك ميغطي اكثر من شهر + السيكيورتي الذي يعادل ايجار شهر +المصروفات التي صرفوها على الاثاث لذلك طار الويلكم وبلغوك بدفع الايجار ...بالنسبه لنا لان نفرين الباقي من الويلكم يكفي 45 يوم وبعدها طالبوني بدفع الايجار ...هذه الحالات تكون فقط في المنظمات التعبانه ماليا ومواردها قليلة...وتتبع القوانين الولايه ومساعدتها ودعمها ماليا للمنظمات ....
لكن انت طالما على برنامج الكاش وما مشتغل ..لتسكت ابدا اخبرهم انك ما عندك فلوس وما محصل شغل ومتكدر تدفع الايجار ...وبما ان المنظمة هي الكفيل فمراح يكدرون يتركوك وعلى اقل تقدير تضمن ان يبحثولك عن شغل باقرب وقت حتى يتخلصون من مساعدتك...هذا من جانب ومن جانب اخر ابو الكاش توجد لديهم برامج اخرى كثيره للمساعده يمكن ان يساعدوك من خلالها ...ابقى لح عليهم على شغل وكلهم ماعندي ادفع اي مبلغ للايجار ومبلغ الكاش الذي استلمه احتاجه لتغطية مصاريف الصابون ومعاجين الاسنان وورق التواليت +احتياجات شخصيه اخرى كثيره في هذه الحاله يمكن تدفع جزء من الكاش والباقي يساعدوك بيه الى ان تحصل شغل او المنظمة تكون مضطره لايجاد عمل لك ..وتهتم بالموضوع اكثر ...لكن اهم شيء تبلغهم انك ماعندك فلوس وما تكدر تدفع الايجار والفواتير وحدك دون مساعدتهم ...وان شاء الله ميتخلون عنك
اتمنى لك التوفيق والنجاح..وتاكد ان الاشهر الاولى فيها صعوبات لكن ان شاء الله تعبر هذه المرحلة وتصير سوالف....وبمجرد حصولك على عمل تنتهي كل مشاكلك الماديه باذن الله
عمك ابو علي
-
عيني يدفعون لكل شخص يعني اذا عائلة من 5 انفار يستخدمون فلوس شخص يشترون بيها اغراض ويدفون مال 4 اشهر ومساعدات يدفعون 8 اشهر بخصوص الاكل والكاش والتأمين تره الاجار مو من الخدمات الاجتماعية وانما المنظمة هي تستخدم فلوس المنحة مالتكم تقسمها وتدفع الاجار يعني اذا انت وحدك جاي يمكن شهر بس والباقي الك الله ^_^
-
الأخ الكريم
يمكنكم مراجعة الولفير في مقاطعتك
لتسجيل موعد قريب .....
ويوم المقابلة يكون معك عقد الأيجار + ورقة الكهرباء + كتاب من المنظمة بغلق المساعدات ( كلوز باكج )
وسيتم تحويلكم على المساعدات لغاية الحصول على عمل
وفقتم للخير
-
اخي العزيز السلام عليكم
بالنسبة الى موضوع المساعدات فهو كالآتي للسنكل طبعا يختلف الموضوع من ولاية الى اخرى اول من يستلمك هية المنظمة وكلهم حرامية شلع يبوكوك يبوكوك لو تصير ابن الملك لان راح يتلاعبون بالمنحة مالتك طبعا السنكل ميستفادون منه لانه مبلغه قليل مو مثل ابو العائلة للعلم مبلغ المنحة الى اي شخص لاجئ هو 1150 $ يعطوك 925 $ منها ويبقى 275 $ للطوارئ وتكدر تحصلهن بعد مرور 90 يوم طبعا انت وشطارتك لان راح يألفون أفلام عليك احنه جبنالك اثاث وكذا وكذا كفيلكم الله يلكون بالشارع فري ويحسبون عليكم بفلوس او يشترون من goodwill أثاث مستعمل او يفترون على الكنائس ويحصلون هاي الأثاث راح تكلي انت من أين لك هذا الكلام راح اجاوبج واكلك اني شتغلت معاهم فلنتير يعني طوعي وعرفت سوالفهم كلها لذلك مابقيت معاهم كثير حسو بي انا عرفت كل شي بطلوني ودكولي طابع بعد ذلك انت وحظك اذا خلوك على برنامج الماجكرانت هذا يبقى معاك أربعة أشهر يدفعلك إيجار الشقة وقوائم الكهرباء والتدفئة ويعطيك مبلغ بسيط مصرف جيب ميجاوز الورقتين هاي لمدة أربعة أشهر في هذه الفترة اذا وجدت عمل راح ينتهي البرنامج ويحولك الى الولفير وراح الولفير ينطيك الفود ستامب والمديكيت كاش ماكو لانك دتشتغل واذا ماوجدت عمل بعد متخلص فترة الماجكرانت تتحول الى الولفير بس راح ينطوك كاش حسب عدد أفراد العائلة ويستمر هذا البرنامج 5 سنوات وياك هاي الى ابو العائلة اما السنكل 8 أشهر ويكلولك سلمنه حبي شوف حالك ويبقولك مبلغ في الفود ستامب 150دولار فقط وشكرا أرجو ان تستفاد من هذه المعلومات