ankawa
منتدى الهجرة واللجوء => الهجرة و واللاجئين => الموضوع حرر بواسطة: Clash of clan في 06:56 23/11/2013
-
أعضاء منتديات عينكاوا المحترمين
والدي كبير في العمر ويستلم تقاعد . يريد يرجع الى العراق لان عنده متعلقات وميتأخر 3-5 أشهر ، رجعته للعراق شراح تأثر بالنسبة للتقاعد وأني سامع انه ضابط الجوازات اذا طخت بعقلة يگدر يسحب الكرين كارد، وسؤالي الأخير اذا والدي عنده كرين كارد أكو داعي يطلع ترفل دوكيومنت على مود يروح للعراق.
مع الاحترام والتقدير
-
اني وعائلتي من المؤجلين شهر العاشر واحتمال عن قريب نسافر .سؤالي شلون اكدر ارجع بسرعه بعد ما اوصل عائلتي .ممكن احتاج ارجع بعد شهر وابقه شهر بالعراق وارجع الى امريكا .ممكن احد يعرف اسلم طريقه
-
اخي الكريم الموضوع مابي اي تأثير مطلقا لا لصاحب الكرين كارت ولا لحامل الترفل دوكيمنت والوالد الله ينطي الصحة والعافية يكدر يرجع بالكرين كارت ويكمل جميع متعلقاته بالعراق ويرجع لامريكا مرة ثانية بالكرين كارت مالته وماكو اي تأثير عليه بالموضوع .
تحياتي
أبو الحكم
-
الاخ ابو الحكم .عندك رد على سؤالي .تحياتي
-
أعضاء منتديات عينكاوا المحترمين
والدي كبير في العمر ويستلم تقاعد . يريد يرجع الى العراق لان عنده متعلقات وميتأخر 3-5 أشهر ، رجعته للعراق شراح تأثر بالنسبة للتقاعد وأني سامع انه ضابط الجوازات اذا طخت بعقلة يگدر يسحب الكرين كارد، وسؤالي الأخير اذا والدي عنده كرين كارد أكو داعي يطلع ترفل دوكيومنت على مود يروح للعراق.
مع الاحترام والتقدير
فقط بالنسبة الى مستلمي التقاعد اعتقد اكو هناك ضوابط ومحددات للسفر ارجو التاكد منها ...
ارجو من الاخوة الاعزاء الين لديهم معرفة بضوابط السفر لمستلمي التقاعد الدخول والتوضيح لاني لا اعرف التفاصيل ...وعلى الاكثر هذه الضوابط مذكوره في قرار التقاعد يمكن الاطلاع عليها من خلال النسخة التي تعطى للمتقاعد ففيها كل التفاصيل بدقه...
شكرا جزيلا
عمكم ابو علي
-
الأخ الكريم
يرجى الأطلاع على هذا الرابط
http://www.ankawa.com/forum/index.php?topic=651337.0
-
تحيه لصاحب الموضوع
أخي العزيز تكدر ترجع للعراق بالكرين كارت كلش طبيعي ومن تدخل محد يسالك ليش كنت خارج أمريكا
واني افضل انو تكون دخولك لأمريكا أو لسيد الوالد من شيكاغو اوهير افضل لان ماكو تشديد بالموضوع هذا
فقط بنيو يورك يكون اكثر مشددين بس هم يدخلون كلش طبيعي بس بعد تساؤلات والموضوع بسيط وصارت ويايه وبقيت شهر ونص ورجعت محد سئلني وين كنت ووين رحت
وبالنسبة للتقاعد الوالد إذا عنده تقاعد إذا ناوي يبقه اكثر من شهر خارج أمريكا لازم يبلغ ال DHS
ويكوللهم اني اريد أسافر وابقه فتره اكثر من شهر
واذا شهر عادي ليبلغ كلش طبيعي لان المتقاعد اله حق يسافر خارج أمريكا لمده شهر بدون قيد أو شرط
واذا اكثر لازم يكون عدهم علم فرح يوقفون الكاش الي يستلمه لحد المدن الي يرجع بيها ومن بعدها يرجعه ويحسبوله من جديد الراتب مالته
المسئله بسيطه جداً
تحياتي
-
اني وعائلتي من المؤجلين شهر العاشر واحتمال عن قريب نسافر .سؤالي شلون اكدر ارجع بسرعه بعد ما اوصل عائلتي .ممكن احتاج ارجع بعد شهر وابقه شهر بالعراق وارجع الى امريكا .ممكن احد يعرف اسلم طريقه
وبالنسبة للأخ محمد 1955
تكدر ب متيجي أمريكا ابفتره ترجع للعراق من خلال الوايت كارت وتطلع الترافل دكيومينت بس لازم تأخذ مواقفه عليها ولأسباب مقنعه خاطر ينطوك مواقفه
والأسباب المقنعه هيه حالات وفاة أو حادث
لتذكر أسباب انو على سبيل المثال أبيع بيت أو ابن عمي انخطف من هال قبيل بالذات حالات الخطف إذا تذكرها رح تكون عليك نقطه لان رح يتسجل بالريكورد مالتك وبحاله العودة رح تدخل سين وجيم وبالنسبة للوايت كارت يطلع خارج أمريكا وعن طريق الترافل دكيومينت يكون موقفه ضعيف ميكدر يدافع عن نفسه لان غير مقيم دائم
فنصيحتي انو تنتظر لحد الكرين كارت واامن الك وترجع بالجواز العراقي
تحياتي
-
تحيه لصاحب الموضوع
أخي العزيز تكدر ترجع للعراق بالكرين كارت كلش طبيعي ومن تدخل محد يسالك ليش كنت خارج أمريكا
واني افضل انو تكون دخولك لأمريكا أو لسيد الوالد من شيكاغو اوهير افضل لان ماكو تشديد بالموضوع هذا
فقط بنيو يورك يكون اكثر مشددين بس هم يدخلون كلش طبيعي بس بعد تساؤلات والموضوع بسيط وصارت ويايه وبقيت شهر ونص ورجعت محد سئلني وين كنت ووين رحت
وبالنسبة للتقاعد الوالد إذا عنده تقاعد إذا ناوي يبقه اكثر من شهر خارج أمريكا لازم يبلغ ال DHS
ويكوللهم اني اريد أسافر وابقه فتره اكثر من شهر
واذا شهر عادي ليبلغ كلش طبيعي لان المتقاعد اله حق يسافر خارج أمريكا لمده شهر بدون قيد أو شرط
واذا اكثر لازم يكون عدهم علم فرح يوقفون الكاش الي يستلمه لحد المدن الي يرجع بيها ومن بعدها يرجعه ويحسبوله من جديد الراتب مالته
المسئله بسيطه جداً
تحياتي
كلام جدا صحيح وانا اتفق معك تماما فيما يخص فقرة ال متقاعدين والحد المسموح لهم به بمغادرة الولايات المتحده الامريكيه ...وهذا الشرط مذكور في قرار التقاعد الذي يعطى نسخه منه الى المتقاعد نفسه ...
شكرا جزيلا على هذا التوضيح الرائع
بارك الله بك اخي الكريم
عمكم ابو علي
-
شكرا اخ سلفر على التعاون.بس ما عرفت ممكن ارجع قبل حصولي على الترفل دكومنت .وممكن بعدين يستلموهه عائلتي ويبعثوهه للعراق ارجع بيهه.بصراحه اني عندي شغلتين مهمه .الاولى اني ماخذ قرض على بيتي ولازم ارجع اجدد القرض او البنك ممكن ايبيع بيتي.وثانيا اني عندي شركة وعندي عقد تجهيز سنوي مع احدى منظمات الامم المتحدة واحتاج ارجع كل فترة اتابع شغلي وعندي طبعا العقد والباج مال الامم المتحدة.هل تتصور هذي حجج مقنعة تخليني ارجع للعراق وبعدين ادخل امريكا .هل ممكن واحد يرفضوه يرجع امريكا وعائلته موجودين بامريكا .علما اني اصلا خريج امريكا وحاصل على شهادة في سنه 1979 وسبق زرت امريكا سنه 2009/2010 وسبق ان حصلت على فيزا امريكا مرتين .واني اصلا اللجوء مع عائلتي راح ايكون بالكهون .سان دييكو .وهذي المدينه اني سكنت بيهه اربع شهور وعندي عقد ايجار واعرف الكهون شبر شبر .يعني شغلة امريكا مو جديدة عليه واني عندي اجازة سوق وهويه كلفورنيا
-
المعروف المسافر العراقي من حقه ياخذ عشرة الاف دولار .لكن اكو حذرونه من اخذ اي مبلغ ويانه ومو اكثر من خمسين دولار كل شخص.لان اذا عرفو الاي او ام اللاجيء عنده فلوس ينحرم من كل شي ممكن توضيح لان اكيد نحتاج فلوس ناخذ ونفس الوقت منريد ننحرم من فلوس اللجوء
-
المعروف المسافر العراقي من حقه ياخذ عشرة الاف دولار .لكن اكو حذرونه من اخذ اي مبلغ ويانه ومو اكثر من خمسين دولار كل شخص.لان اذا عرفو الاي او ام اللاجيء عنده فلوس ينحرم من كل شي ممكن توضيح لان اكيد نحتاج فلوس ناخذ ونفس الوقت منريد ننحرم من فلوس اللجوء
اخي الكريم
مثل ما تفضلت من حقك عشرة الاف دولار تاخذها وياك
لازم لازم تاخذ فلوس وياك لانك سوف تحتاجها كثيرا لتغطية مصروفاتكم ومتطلبات الحياة الاخرى ...خصوصا في البدايه لحين ما تستقرون وتحصلون شغل باذن الله
لا احد يفتشك ولا احد يسألك عن المبالغ التي تحملها....على الاقل هذا ما حصل معنا ...اما الاخوة الاخرين لا اعرف اذا ماتم الاستفسار منهم عن المبالغ التي معهم...
ومسالة خمسين دولار لكل شخص ...انساها ولاتسمح لنفسك حتى التفكير بها لانك بدون الاموال تشبع ضيم وقهر...دير بالك...
اتمنى لكم التوفيق والنجاح والمستقبل الزاهر ان شاء الله
عمكم ابو علي
-
شكرا جزيلا على الاجابة صحيح انك عراقي نبيل..بصراحه اني حالتي المادية ممتازة لكن بنفس الوقت ليش ننحرم من المساعدات مثل منكول بالعراقي حرامات
-
شكرا جزيلا على الاجابة صحيح انك عراقي نبيل..بصراحه اني حالتي المادية ممتازة لكن بنفس الوقت ليش ننحرم من المساعدات مثل منكول بالعراقي حرامات
تأمر امر اخويه الغالي....ننصحكم كما نصحنا الاخرون الطيبون بالمنتدى
فلوسك تحل كل مشاكلك بالغربه ...الله يوفقك ويبارك بيك
وان شاء الله ما تنحرم منها ابدا ..
عمك ابو علي