ankawa
منتدى الهجرة واللجوء => الهجرة و واللاجئين => الموضوع حرر بواسطة: CPA في 09:38 23/11/2013
-
مرحبا شباب
صار بيه موقف كلش صعب ويحز بالنفس ويدوس على المشاعر واتمنى تساعدوني بيه
اني مقدم على البرنامج من عام 2009 واعتبر المتقدم الرئيسي يعني اني اللي جنت اشتغل وية الامريكان اوكي
ضفت عائلة اختي ورجلها وجهالها الى البرنامج ونطوهم كيس تمبر وقبلوهم بالبرنامج وقابلو وفحصوا وجانو ينتظرون الامنية بس همه مماخذين الموضوع بجدية يعني تصير متصير ميديرون بال اوكي
قبل شهر او شهرين صارت عدة مواقف من نسيبي اللي هو رجل اختي وياية كلش مو حلوة يعني بين قوسين مشاكل وموكفت بعينة اني مقدملهم حسنة وزينية تسوه عمرهم المهم اتجاوز عليه اهواية
هسه خابروهم على موعد سفر بداية شهر ال12 ... امي خابرت علي اختي كلتلها هسه راح اتسافرون اختي كلتلها اي طبعا ليش منسافر هاي فرصة متتعوض فـــ امي كالتلها لعد غير تجون انتي ورجلج تطيبون قلب اخوج وهو اللي سوالكم الشغلة لو اتضلون متحجون ويا
تعرفون شتكلها الامي اتكلها والله رجلي يكول شسويلة انسافر وطبه مرض هسه اني اريدكم تصيرون بمكاني وشنو يصير بيكم من واحد تقدموله زين وهيج يسوي
اللي اريد اعرفه اكدر الغي ملفهم على اعتبار اني اللي ضفتهم للبرنامج لو بعد ميصير يعني ادز رسالة للمنظمة اكلهم اني اريد الغي الملف الفلاني واني اللي ضفتهم
-
اخي العزيز
يارب يبارك بيك
انت الي عليك سويته وامام رب العالمين انت مقصرت فرجاء خلي العيبه على زوج اختك وسلمها لربك
قصدي حقك تنقهر بس هذا الحال الدنيا سوي زين وذبه بالشط
باجر عكبه همه يعرفون غلطهم ويتندمون
خليك انت الجبير
تقبل اعتذاري اذا كلامي ميعجبك بس هاي تجربتي مع الحياة وانت صاحب القرار
تحياتي
اختك ام شاهين
-
تسلمين اختي ام شاهين
بس والله كلش شغلة تقهر
-
الاخ CPA
انت عملت باخلاقك وتربيتك وكل واحد واخلاقة
اجعل عملك لله تكسب الثواب ولاتنتظر احد يردلك الاحسان بالاحسان
اتركهم وادعي لهم بالموفقبة في سفرهم ومصيرهم يعترفون بخطاءهم باتجاهك
شكرا
-
انا اجاوبك على سؤالك الذي يخص الهجرة واللجوء , اما الموضوع الاجتماعي فليس لي دخل به وجوابي كلا لاتستطيع مطلقا عمل اي شيء او الغاء الكيس او الغاء السفر او التأثير عليهم .
هذا نفس الجواب الذي كنت سأجاوبك به على رسالتك على الخاص ولكني للاسف استنفذت رسائلي الخمسة بالساعة لذا جاوبتك على نفس الاستفسار هنا .
أبو الحكم
-
ولله حقك تنقهر موقف صعب وموسهل وانته سوويها ال الله وحمدلله على كل حال
-
اشكرك اخي ابو الحكم
-
اخويه الله يسهل امرك و يوفقك، انت عملت باصلك واخلاقك و ربك يجازيك بالخير و ينطيهم على كد نيتهم يعني اذا الشخص مو خوش ما اتوقع ربك يوفقه بامريكا، توكل على الباري و خليهم وره ظهرك و صدك الدنيا دواره و صغيره، حقك بكل كلمه تكولها بس مع الاسف هي هاي الدنيا كمنا نعيش و نشوف، يكفيك دعاء الوالده الك بالموفقيه، اعتذر على الاطاله
-
ياأخي طالما عملك لله فخليها لله ولا تنتظر منه شكراً واعلم الي مايشكر العبد مايشكر الرب.
بس ماقلت انت طلع لك السفر ان شاء الله لو بس لعائلة اختك
-
لا اخي بالتاكيد ما تكدر تاثر على ملفهم
لان همه شاملهم قانون الهجرة اللي بداء العمل بي بخصوص العاملين مع قوات التحالف و اقربائهم من الدرجة الاولى
لا يضل ببالك عسى الله ان ييسر لك وان شاء الله ربي يعوضك خير
-
الاخ العزيز جاوبتك على الخاص