ankawa
منتدى الهجرة واللجوء => الهجرة و واللاجئين => الموضوع حرر بواسطة: Tanner007 في 10:36 24/11/2013
-
السلام عليكم ورحمة الله ..
اخواني الاعزاء هذه اول مشاركة لي في المنتدى وقد سجلت على امل ان يساعدني احد المقدمين على طلب اللجوء من لديهم معرفة باخر تطورات وما يحدث خلف الكواليس في المنظمة الدولية. اليكم ملخص الملف :
قدمت طلبي في بداية سنة 2010 واكملت جميع المستمسكات المطلوبة انا وعائلتي
المقابلة الاولى مكتملة بتاريخ 4/1/2011
مقابلة المحلفين مكتملة بتاريخ 28/6/2011
آخر فحص طبي اكتمل بشهر نيسان 2012
التشييك الامني ---- بالانتظار (وهذا ما يجعلني افقد الامل من كثر الصبر)
موعد السفر ------- بالانتظار
صارلي سنة انتظر التشييك الامني يخلص ويجيني موعد سفر ... جنت قبل ادز رسائل ويجيني الرد بعد اسبوعين هسه صارو ميردون الا بعد شهر او ماكو جواب .. شنو الفلم ؟ اريد انهي القضية لو يسفروني لو يكولون ماكو هجرة على فد وجه احسن من الانتظار القاتل يعني
لو هره لو وره ...
-
اخي الفاضل اني حالي من حالك و اكو غيرنة فقط التحلي الصبر والانتظار
-
وعليكم السلام اخوية
اهلا بيك بالمنتدى ونورتنا واحب اكلك لاتياس من رحمة الله وترة كلنا على نفس الحالة تفاصيل ملفك مقاربة لملفي من حيث التواريخ واني هم لحد الان دا انتظر رحمة الله وحجية امنية تحن علينه وتكتمل وبالنسبة النا جنا معلقين هواية امور على يابو راح انسافر وليش حرامات بس كافي انتظار والعمر يركض اطلقنا العنان لكل الامور المعلقة والي بي خير الله ايقدمه
تحياتي اختكم
الملاك الحائر
-
اخي الكريم مرحب بيك في هذا البيت الجميل. (عين كاوة) اخي الكريم انا ايضاً نفس حالتك. وتعبان من الانتظار. لكن مابليدحيله.
-
السلام عليكم ..
اشكركم اخوتي على الردود الجميلة والمطمنة واشكر الملاك الحائر ايضا بس اريد اسألكم سؤال :
اني سمعت بأنه اوباما بعد ما رفع سقف الدين بامريكا للداوئر الفدرالية ومنها منظمة iom رجعوا يشتغلون بشكل طبيعي
وسمعت من اصدقاء عراقيين بامريكا بانه اكو عوائل عراقية هسه دتوصل امريكا . هل هذا صحيح فعلا ؟
عندي سؤال اخر : هل يمكن للعراقي الي وصل امريكا وصارله سنة مثلا ان يصير كفيل لعراقي بعده مسافر ؟ ???
اخواني اخر رسالة استفسار دزيتها من تاريخ 10/24 ولحد اليوم محد جاوب >:(
يعني مو معقولة اكو هلكد زخم رسائل بحيث كل رسالة تاخذ شهر حتى يردون عليها
والمفروض من يطلقون السفر يجون على اقدم الملفات المعلقة مو ياخذون ملفات جديدة مصارلهه سنة مقدمة وينطوهه موعد سفر هذا ظلم :'(
هل يمكن ارسال مسجات الى ارقام هواتف المنظمة بالاردن وما هي الارقام ؟ هل هواتفهم ارضية ام موبايلات ؟ ارجو الاجابة مع الشكر الجزيل
-
أخي الكريم كلنا نفس المعاناة .. والكل تقريباً بس دينتظر الأمنيه .. وهاي الأمنيه اللي كاتلتنه ومدنعرف شنو حقيقتها .. أني ملفي من 2009 و اكتمل أخر فحص طبي تشرين الثاني 2013 .. ماكو غير الصبر والله كريم .. أنشاء الله السفر قريب وتصير سوالف .
أخوكColoradoG
-
اخي اصبر مالك غير الصبر