ankawa
منتدى الهجرة واللجوء => الهجرة و واللاجئين => الموضوع حرر بواسطة: Sonata* في 10:44 25/11/2013
-
السلام عليكم
طكت روحي والكآبه فول والوضع تعبان ومنطقتنا من يوم المطرة البسيطة ولغاية اليوم 25/نوفمبر غركانه ،
الله يغركهم ويخزيهم بالدنيا قبل الآخرة لأفسد حكومة على مر تاريخ العراق.
عمي بزمن حمورابي ونبوخذنصر جانوا عايشين احسن منا
اني مقدم من شهر الواحد 2009 وليهسه مامسافر
ارجوا من عنده علم شوكت تخلص الامنية الكشرة ، يرفع معنوياتنه
-
ااهلا
موضوع المطر نقدر علية انشاء الله تنقطع الامطار في الايام الجاية وترتاحون
موضوع الحكومة هم مقدور عليها جاية الانتخابات ولاتنتخبونهم
اما موضوع الامنية
??? ??? ??? ??? ??? ??? ??? ??? ??? ??? ??? ??? ??? ??? ??? ??? ??? ???
-
الله يساعدك صدوك تاخير موطبيعي بس ان شالله ما بقى غير القليل وتفرج
سما
-
هههههههههه حلو الموضوع الله يسهل اخي الفاضل
-
الله يساعدك اخويه العزيز كلنه مثلك ذبحنه الانتظار والقلق وننتظر الفرج ....ممكن تفاصيل ملفك اذا امكن ؟
-
اخوية اني هم 2009 ونفس الطابوقة لحد الان..خليها على الله وانسى الشغلة لحد ما تصير من وحدها لان اذا تظل تفكر بيها تتعب وتكتئب
-
گول يالله
صدگني كلهه تصير سوالف
-
اخي العزيز
يارب يبارك بيك
اخي العزيز حقك بمعاناتك لان صعبه ملفك قديم بس ماباليد حيله نصيحه من اخت (الي وصل امريكا مو احسن منك) اصبر وراح الهوايه وان شاء الله مبقى الا القليل
ربي ألهي يصبرك ويقويك ويفرجها عليك وتفرح وتفرحنه وياك بموعد بالقريب العاجل
تحياتي
اختك ام شاهين
-
اشكر كل من الاخوة والاخوات على رفع معنوياتي ومواساتي (محارب,hhs,zoro sad,slam hawk,Sama83,مهجروأفتخر والاخت العزيزة ام شاهين)
بالنسبة لتفاصيل ملفي
Name (الاسم) Status (الحالة) Note(ملاحظة)
Case Status (حالة الملف) Pending Result (بانتظارالنتيجة) تم التقديم شهر الاول 2009
Case Size (عدد الأفراد) 6
Prescreen Interview Status (المقابلة الاولية) COMPLETED (مكتمل) مقابلة اولى اتصور كانت اكتوبر 2009
USCIS Interview Status (مقابلة المحلفين) COMPLETED (مكتمل) تأريخ مقابلة المحلفين الاولى
06 March 2010
تحديد موعد سفر تموز 2010
لكن عدم الذهاب بسبب التردد وأمور اخرى طرأت قبل تحديد موعد السفر بأسبوعين. كلت خلص بعد صلاتي للاستخارة الله عز وجل ماكاتبه اللي ونسيت الموضوع لاكثر من سنتين لكن ابن البيطار عاودت الاتصال بي في آب 2012 لاعادة الفحص الطبي كتلهم شذكركم بيه اني طلعلي سفر وانتهت فرصتي وناسي الموضوع كالوا احنه معلينه احنه المنظمة امبلغتنه نتصل بيك تعيد الفحص مالتك لان صار اكسباير، الصراحة اتجاهلت الموضوع لان كنت ماشي بحياتي وبعملي ، بشهر ايلول رجعوا اتصلوا بيه ابن البيطار وهم مارحت لكن خلال هذه الفترة رجعت افكر بالموضوع وحال العراق ومستقبل الاولاد ...الخ ، عاد خابروني بشهر اكتوبر وكالوا هاي اخر مرة نتصل بيك فحصك الطبي 14/10/2012 ورحت فحصنا بدون طفلي الجديد ، دعونا الى مقابلة اضافة طفل ومحلف في نفس الوقت يوم 12 /12/2012
ورحنا وقابلنا المحلف وكال بعد اذا تريدون تسوون بي بي (طفل) سوا اهناك بامريكا حتى لايتأخر ملفكم ، طبعا بعد ايام من هذه المقابلة اصبحت مقابلة المحلفين فعال واليوم بتأريخ 8/1/2013 اصبحت مكتملة
Medical Screening (الفحص الطبي) COMPLETED (مكتمل)
Security Review (التشييك الامني) Pending (بالانتظار)
Travel Status (حالة السفر) NO ACTIVITY (غير فعال)
Destination City(المدينة)
Airport Code(المطار)
-
اخي العزيز
ولو زحمه عليك بس انت ذاكر انه سويت الفحص بشهر العاشر السنه الماضيه هل بشهر العاشر بهذه السنه عدت لو بعد؟؟؟
وارجع واكول ربي يقويك ويحفظك لبيتك ويديمك خيمه ألهم
ربي ألهي يعجل بسفرك لخاطر الاطفال ومستقبلهم ويارب تفرح بيهم دائما
تحياتي
اختك ام شاهين
-
اخي سوناتا نزلت موضوع ان ببداية السنه مايضل ملف ممنتظرالامنيه على ذمة الكيس ووركر وانا هم منتظرالامنيه صدق سوناتاشخباراللي راح يذبح طلي ;D
Bluskyسابقا
-
اخي العزيز
ولو زحمه عليك بس انت ذاكر انه سويت الفحص بشهر العاشر السنه الماضيه هل بشهر العاشر بهذه السنه عدت لو بعد؟؟؟
وارجع واكول ربي يقويك ويحفظك لبيتك ويديمك خيمه ألهم
ربي ألهي يعجل بسفرك لخاطر الاطفال ومستقبلهم ويارب تفرح بيهم دائما
تحياتي
اختك ام شاهين
الاخت العزيزة ام شاهين
عدت الفحص الطبي قبل اسبوعين ، وكلولي بعد كل ستة اشهر ينعاد الفحص
تحياتي
-
اخي سوناتا نزلت موضوع ان ببداية السنه مايضل ملف ممنتظرالامنيه على ذمة الكيس ووركر وانا هم منتظرالامنيه صدق سوناتاشخباراللي راح يذبح طلي ;D
Bluskyسابقا
اللي ذبح طلي سفروا لايران بدل امريكا ;D ;D ;D ;D ;D ;D