ankawa
منتدى الهجرة واللجوء => الهجرة و واللاجئين => الموضوع حرر بواسطة: Tanner007 في 09:00 28/11/2013
-
السلام عليكم ورحمة الله
اخواني سمعت اشياء تخص ملف الهجرة وماعرف موقفي منها شنو ؟ مثل travel document و com approval ومادري اذا اكو غيرهن بعد ؟
رجاء اريد توضيح لكل التفاصيل الي تتعلق بسير الملف الى يوم السفر علما ان ملفي 113xxx كما يلي ادناه وماعرف شيحتاج بعد ؟
المقابلة الاولى مكتملة بتاريخ 4/1/2011
مقابلة المحلفين مكتملة بتاريخ 28/6/2011
آخر فحص طبي اكتمل بشهر نيسان 2012
رسالة الدفرال لتر استلمتها يوم 25/9/2011
التشييك الامني ---- بالانتظار
موعد السفر ------- بالانتظار
ارجوكم الي يعرف تفاصيل اخرى لازم اسويها يجاوبني ???.. مع كل الشكر والتقدير :-*
-
السلام عليكم اخوية
بالنسبة للمصطلحات الي ذكرتهة اتوقع هاي اتخص برنامج اس اي في وما تخص جماعة الاي او ام
وشوف هذا موضوع اخونا ابو الحكم وراسل اصحاب الايميلات المذكورة بالموضوع بلكت الله وتحرك ملفك
http://www.ankawa.com/forum/index.php/topic,690781.0.html
اضافة اكو فورم 7001 مالة هيئة المظالم للي مقابلين محلف صارلهم هواية ولحد الان ما مكتملة قضيتهم او بالاحرى الامنية تملي الفورم وتبعثة الهم وبلكت وحدة من هاي الاجراءات الي تمشي معاملتك
تحياتي وتقديري
-
الترفل دكيومنت ... جواز مؤقت تكدر تقدم عليه بعد وصولك الى اميركا ... يفيدك بالدخول والخروج من اميركا والاكسباير مالته سنه ... ف ما اله علاقه بالهجره حالياً
الكوم ... اختصار للكلمات جيف اوف مشن ... وهذا شي خاص بالاس اي في وما الك علاقه بيه
ببساطه ملفك منتظر التجييك الامني وبعدها السفر ان شاء الله ... والله يوفقك ويسهلك امرك ياربي
أخوك ابو محمد
-
شكرا جزيلا ايها الملاك الحائر من اعماق قلبي
والله وانت لم تحلفيني .. بمجرد ان قرأت نص الرابط الذي ارسلتيه وكنت على وشك ارسال نموذج المناشدة اتصلوا بي من المنظمة وقالوا بانهم قراوا رسالتي المؤرخة 24/10/2013 وانهم يعملون على تعجيل ملفي بسبب التهديد الذي اخبرتهم عنه لكن الامنية مازالت قيد الاجراءات في الجهات الامنية الامريكية وان شاء الله تجي قريبا .
اشكر شعورك الصادق حيث اصبح بادرة خير على ملف هجرتي
بالنسبة الى فورمة 7001 مين احصلها ؟
مع خالص تحياتي وتقديري
-
شكرا اخي ابو محمد الورد على ردك الطيب وان شاء الله ربي يوفقك ويحفظك وتفرح بكل ولدك
-
شكرا جزيلا ايها الملاك الحائر من اعماق قلبي
والله وانت لم تحلفيني .. بمجرد ان قرأت نص الرابط الذي ارسلتيه وكنت على وشك ارسال نموذج المناشدة اتصلوا بي من المنظمة وقالوا بانهم قراوا رسالتي المؤرخة 24/10/2013 وانهم يعملون على تعجيل ملفي بسبب التهديد الذي اخبرتهم عنه لكن الامنية مازالت قيد الاجراءات في الجهات الامنية الامريكية وان شاء الله تجي قريبا .
اشكر شعورك الصادق حيث اصبح بادرة خير على ملف هجرتي
بالنسبة الى فورمة 7001 مين احصلها ؟
مع خالص تحياتي وتقديري
ان شاء الله الخير جاي قريبا اخي الكريم وربي ايسهل امرك
وبالنسبة لفورم 7001 شوف هذا الرابط بيه هواية معلومات تفيدك
http://www.ankawa.com/forum/index.php/topic,636585.msg5890711.html#msg5890711
بالتوفيق ان شاء الله