܀ ܒܲـܪܢܵܫܵܐ ܕܠܵܐ ܟܝܼܝܘ̇ܠܵܐ ܀
ܥܲܡ ܕܵܐܗܵܐ ܕܵܪܵܐ ܐܝܼܬܠܝܼ ܚܕܵܐ ܨܒܼܘܼܬܼܵܐ
ܒܙܲܒܼܢܲܢ ܟܵܦܘܼܪܵܐ ܠܹܐ ܦܵܝܫܵܐ ܫܪܝܼܬܼܵܗ̇
ܠܵܐ ܡܢ̄ ܐ̄ܪܵܙܵܐ ܟܸܣܝܵܐ ܘܠܵܐ ܡܼܢ ܚܠܘ̇ܠܘܼܬܼܵܗ̇
ܒܲܣ ܪܸܢܝܵܐ ܕܢܵܫܵܐ ܫܵܪܹܐ ܠܥܲܣـܩܘܼܬܼܵܗ̇،،،
ܪܵܒܵܐ ܥܲܬܝܼܩܬܵـܐ ܒܪܹܫ ܓܸܫܪܵܐ ܕܙܲܒܼܢ̈ܐ
ܡܠܝܼܬܼܵܗ̇ ܡܢ̄ ܫܘܼܥܝܵܬܼܵـܐ ܒܣܸـܪ̈ܛܹܐ ܕܘܼܪ̈ܒܸـܢܹܐ
ܛܦܝܼܬܼܵـܐ ܒܟܘܼܪܗܵܢܵܐ ܥܲܬܝܼܩܬܵܗ̇ ܒܫܸܚܢܹ̈ܐ
ܨܒܼܘܼܬܼܵܐ ܕܟܼܠ ܥܲܡܡ̈ܐ ܡܼܢ ܠܲܚܡܵܐ ܟܦܝܼܢܹ̈ܐ،،،
ܦܝܼܫܬܵـܐ ܝ̄ـܠܵܗ̇ ܝ̄ـܣܝܼܪܬܵܗ̇ ܒܚܘܼܟܡܵܐ ܕܫܘܼܠܛܵܢܵܐ
ܡܛܠ ܡܢ̄ ܛܘ̇ܗܡܵܐ ܝܠܵܗ̇ ܕܓܒܼܝܼܠܵܐ ܥܲܦـܪܵܢܵܐ
ܓܒܼܝܼܠܬܵـܐ ܕܒܲܪܢܵܫܵܐ ܨܢܲܥܬܼܵـܐ ܕܪܘܼܚܵܢܵܐ
ܘܡܘ̇ܕ̄ܝܼ̄ ܐ̄ܚܹܪ̄ܢܵܐ ܒܟܵܬܼܒܹܝܚ̈ ܒܩܲܢܝܵܐ ܪܲܕܼܝܵـܢܵܐ،،،
ܡܘ̇ܕܝܼ ܡܲܠܸܚܡܹܝܚ̈ ܐ̄ܚܹܪ̄ܢܵܐ ܡܘܼܫܚܵܬܼܵـܐ
ܒܡܘܼܕ ܪܹ̈ܐܙܹܐ ܡܕܲܪ̈ܣܹـܝܚ ܛܸܦܹ̈ـܐ ܘܐܲܬܼܘܵܬܼܵܐ
ܩܵܐ ܗ̇ܘ ܒܲܪܢܵܫܵܐ ܡܛܲܝܒܼܵܐ ܒܟܼܠ ܕܘܼܟܬܼܵـܐ
ܕܝܼܠܹܗ ܒܥܒܼܵܕܹܗ ܒܕܘܼܡܝܵܐ ܕܚܲܝܘܵܬܼܵܐ،،،
ܡܚܵܝܵܐ ܝ̄ـܠܹܗ ܒܥܵـܒܼܵܐ ܒܸܚܕܵܪܵܐ ܒـܕܹܫܬܵـܐ
ܒܚܲܒܪ̈ܵܢܹܐ ܣܸـܪ̈ܝܹܐ ܕܪܵܝܵـܐ ܗܲܡܙܲܡܬܵـܐ
ܡܼܢ ܪܹܫܹܗ ܣܦܝܼܩܵܐ ܡܛܘܼܠܩܵܐ ܠܢܵܫܘܼܬܼܵܐ
ܗܲܘܢܹܗ ܦܝܼـܚܵܐ ܝܠܹܗ ܡܼܢ ܡܕܲܪܟܵܢܘܼܬܼܵܐ،،،
ܡܢ̄ ܦܘܼܠܚܵܢܹ̈ـܗ ܫܝܼܦ̈ـܐ ܥܲܡܠܹ̈ܐ ܫܲܪܝܼـܪ̈ܐ
ܠܹܐ ܝܵـܕܸܥ ܫܪܵܪܵܐ ܡܐܲܝܟܼ ܣܸـܡܝܹ̈ܐ ܥܘܝܼܪܹ̈ܐ
ܒܝܼ ܗܲܝܡܵܢܘܼܬܼܵܐ ܟـܦܵـܪܵܐ ܘܡܲܣܚܘ̇ܪܹܐ
ܠܒܹܗ ܒܪܝܼܙܵܐ ܝ̄ـܠܹܗ ܘܥܲܝܢܵـܬܹ̈ܗ ܟܘ̇ܪܹ̈ܐ،،،
ܬܚܘܼܬܼ ܥܲܝܒܼ̈ܐ ܐ̄ܟܘܼܡܹ̈ܐ ܡܲܥـܒܸـܪ ܝܵܘܡܵܬܼܵـܐ
ܓܝܵـܕܹ̈ܗ ܠܘܝܼܚܹܐ ܝ̄ـܢܵܐ ܒܫܸܡܫܵܐ ܡܲܩܕܼܵܢܬܵـܐ
ܟܠ ܪܦܵܦܵܐ ܡܢ̄ ܚܲܝܹܗ ܟܲـܪܒܵܐ ܘܩܸܫܝܘܼܬܼܵܐ
ܡܢ̄ ܦܘܼܠܚܵܢܵܐ ܛܵܒܼܵܐ ܡܫܵܢܹܗ ܠܚܲܢܦܘܼܬܼܵܐ،،،
ܘܒܸـܕ ܓܵܢܹܐ ܢܘܼܗܪܵܐ ܒܪܲܡܫܵܐ ܕܓܢܲܝܬܼܵـܐ
ܓܲܘܢܹ̈ܐ ܡܫܲܚܠܸܦܝܼ ܘܫܲܠܝܵܐ ܐܲܦ ܒܪܝܼܬܼܵـܐ
ܕܫܵܪܹܐ ܗ̇ܘ ܚܸܫܟܵܐ ܒܠܲܝܠܹܐ ܕܙܕܘܼܥܬܼܵـܐ
ܡܫܵܪܹܗ ܪܲܫܝܼܥܵـܐ ܒܥܵـܝܵܐ ܛܲܝܒܘܼܬܼܵـܐ،،،
ܘܐܝܼܡܵܢ ܒܸـܕ ܙܵܪܹܩ ܨܲܦـܪܵܐ ܕܩܲܝܕܲܡܬܵـܐ
ܐܿܢܵܫܵܐ ܚܲܛܵܝܵܐ ܕܵܥܸـܪ ܥܲܠ ܚܛܝܼܬܼܵـܐ
ܡܲܢܫܹܗ ܠܟܼܠ ܕܲܥـܒܲـܪ ܒܪܲܡܫܵܐ ܕܕܚܝܼܠܘܼܬܼܵܐ
ܘܗܲܪ ܦܵـܐܸܫ ܩـܒܼܝܼܥܵܐ ܒܡܘܼܚܵܐ ܕܣܲـܟܼܠܘܼܬܼܵܐ،،،
ܪ̈ܥܲܫܝܵܬܹܗ ܡܝܼܬܹ̈ـܐ ܠܲܝܬܠܗ̄ܘܼܢ ܫܲܚܠܲܦܬܵـܐ
ܠܲܝܬܠܹܗ ܟܝܼܝܘܼܠܵܐ ܒܨܝܼـܪܵܐ ܒܬܲܚܡܲܢܬܵـܐ
ܟـܝܵܢܹܗ ܚܲܪܘܼܦܵـܐ ܘܠܹܐ ܛܵܥܸܢ ܡܝܼܢܬܵـܐ
ܛܥܵـܝܵܐ ܠܚܲܕ̄ ܦܸـܪܣܵـܬ ܕܬܵܠܸܚ ܠܟܼܠ ܒܲܝܬܼܵـܐ،،،
ܥܲܒܼܕܝܼܫܘ̇ܥ ܣܵܗ̄ܕܵܐ ܝܘܼܚܲܢܐ
[/sup]