ankawa
منتدى الهجرة واللجوء => الهجرة و واللاجئين => الموضوع حرر بواسطة: يعقوب بغداد في 16:56 30/08/2014
-
السلام عليكم اخوان اني صارلي سنه بدون مقابله يعني قدمت للUN وصارلي سنه لاحس ولا نفس اي اتصال ماكو دزيت اكثر من 40 فاكس محد رد عليه رحت انقره وسجلت شكوى هم ماكو شي وبالنسبه للاتصال التلفوني فماكو اي جواب ..وهسه بعدني انتظر ..اخوان اكو احد مثلي ؟؟..خلي نتبادل المعلومات ونتواصل بلكي نعرف الجان وين هسه والمن دتقابل ..بالمناسبه همه اجو للمحافظه الي اني بيه وتصلو باكثر الناس الي جايين قبلي والي جايين ورايه ومتصلو بيه ..رحت الهم للجنه الي دتقابل بالمدينه وهم سويت شكوى وحجيت وياهم همه وعدوني خير بس صارلي اكثر 4 اشهر انتظر هذا الخير وماكو فايده ..اذا ممكن اخواني اهل الخبره يساعدوني بالجواب وشنو رايهم..واشكركم
-
السلام عليكم اني صارلي سنة ومامسوي مقابلة أولى ولا واحد اتصل بي لحد الان واكو واحد بمحافظتي صارلة سنة و3 اشهر وجان موعد مقابلة الأولى الشهر التاسع خابرو اجلو للشهر الخامس 2015 يعني اجلوا 9 اشهر واكو عائلتين هم اجلوهم 6 اشهر اني دا اسمع من هواية ناس صايرة اليو ان بتركيا كلها بفلوس دتفع فلوس يدخلوك للتسجيل بدون موعد يعني تدخل مباشرة واذا تريد أي محافظة حتى لو مغلقة هم تدفع فلوس ينطوك المحافظة اللي تريدها وكذلك هم بفلوس يقريولك الموعد وهاي المعلومات اكدها اكثر من واحد من الذين ديروحون يسجلون جديد
ودفعوا فلوس ودخلوا للتسجيل بنفس اليوم والمحافظة اللي رادوها اخذوها لذلك مديقدمون مواعيد المقابلة الأولى وكذلك اللي يجي موعد مالته يؤجلوا لان اللي دفع فلوس يأخذ الموعد مالتة اخوان اليو ان صارت كلها رشاوي اللعراقين وين مايروحون يخربوها لان الوسيط هو عراقي واللي يسوي هاي الشغلات تركي يدخل لل يو ان ويغير بكيفه ..
-
السلام عليكم ورحمة الله وبركاته
الاخ العزيز يعقوب بغداد انت بأي محافظة وهل تم عمل لك ملف الامنيات في محافظتك اي الكملك واذا استلمت الكملك هل يوجد به تجي نمره T.C وهل انت من المواضبين بالحضور للامنيات لو بالعراقي (( مغلس لو بين سطر وسطر )) ههههه توجد امور مهمة جداً بهذا الخصوص ارجو ان تعطيني نبذه مختصرة عن متى دخات لتركيا وفي اي محافظة حتى استطيع ان اخدمك ...
أخوك أبو توفي
-
بارك الله فيك ابو توفي دائما مداخلاتك بمكانها
-
اخي لاتلح عليهم ترة يخلوك تقابل بموعدك المقرر كل شهر مرة ابعث ايميل تحياتي
-
اشكركم اخوتي عله اهتمامكم ومشاركتكم لي بمحنتي ..اخويه العزيز ابو توفي اني من اول مجيت بصمت بالامنيات ونطوني كملك جان بوكته ازرق ونطوني tc واوقع وكل الاجرائات سويته قانونيه وملتزم الى ابعد الحدود ..والله ىالعظيم دخت وتعبت كلش لو عندي اي شي نقص جان كلت اني السبب بس كلشي اني مسوي حسب الاصول ..ليش محد اتصل بيه الى حد الان ؟؟؟..لحد يكلي بيه صالح الله يخليكم تره والله كرهت صالح وما اريد اشوفه ...واشكركم عله اهتمامكم
-
السلام عليكم اني صارلي سنة ومامسوي مقابلة أولى ولا واحد اتصل بي لحد الان واكو واحد بمحافظتي صارلة سنة و3 اشهر وجان موعد مقابلة الأولى الشهر التاسع خابرو اجلو للشهر الخامس 2015 يعني اجلوا 9 اشهر واكو عائلتين هم اجلوهم 6 اشهر اني دا اسمع من هواية ناس صايرة اليو ان بتركيا كلها بفلوس دتفع فلوس يدخلوك للتسجيل بدون موعد يعني تدخل مباشرة واذا تريد أي محافظة حتى لو مغلقة هم تدفع فلوس ينطوك المحافظة اللي تريدها وكذلك هم بفلوس يقريولك الموعد وهاي المعلومات اكدها اكثر من واحد من الذين ديروحون يسجلون جديد
ودفعوا فلوس ودخلوا للتسجيل بنفس اليوم والمحافظة اللي رادوها اخذوها لذلك مديقدمون مواعيد المقابلة الأولى وكذلك اللي يجي موعد مالته يؤجلوا لان اللي دفع فلوس يأخذ الموعد مالتة اخوان اليو ان صارت كلها رشاوي اللعراقين وين مايروحون يخربوها لان الوسيط هو عراقي واللي يسوي هاي الشغلات تركي يدخل لل يو ان ويغير بكيفه ..
حبيبي كاراش إذا كلامك صحيح ف ( إقرأ على اليو أن اللي بتركيا السلام )
-
لا موصحيح ..بس منكدر نكول ماكو هيج شي لاكن مو لهاي الدرجه ..اكو ناس ديسوون تقارير طبيه مزوره بس هاي بعدين تبين بالفحص الي قبل السفر ..المهم اخوان اكو شي جديد اكو مقابلات بالمحافظات لولا
-
اخي الزيز الوفد اجه الى محافظتي قونيا وديقابل من يوم 25-8 ولحد اليوم ديقابلون بس ديقابلون الي صارلهم ٩ اشهر والي صارله سنه وسنه شهرين ،،،ان شالله يخابروك وتقابل بجاه النبي ويفرجه على الجميع
-
الله يعينك ع الانتظار اخ يعقوب وان شاء الله يتصلوون بيك
اختك راي
-
السلام عليكم ..اخواني اشكر اهتمامكم وادعو من الله العظيم ان يفرج همومكم كما فرجتم همي ..اخويه مهاجر بلدي والله لو تدري هاي الكلمات الي كتبته شلون اثرت بيه والله عبالك مي بارد نزل عله قلبي بعز الصيف ..واختي راي والله كلماتج بلسم للجروح تسلمون ويارب نتواصل بالاخبار الحلوة ..والله يفرج امر الجميع ,,مع حبي
-
السلام عليكم ورحمة الله وبركاته
أخي الغالي يعقوب بغداد تأكد وكن على ثقة مطلقة عمياء للذي لك مستحيل يصبح لغيرك والذي ربك مقدره لك مستحيل يتحول لغيرك نعم نحن جميعاً اعصابنا تعبت من أكثر من عشرة سنوات عجاف وخرجنا لغربة مذلة حقيرة لكن لا ننسى ان الله موجود ويعلم اسرار النفوس والقلوب فلا تنظر لغيرك هذا كذا وذاك كذا ممكن انت مضى عليك هذه الفترة الطويلة وممكن وعند الله السر بعد ذلك تمشي امورك اسرع من الذي بدأ قبلك ...
والله والله اتجه لرب العزة نحن في العراق افتقدنا ديننا وابتعدنا عنه سبحانه وتعالى وهذه فرصة لكي نجدد الولاء للرحمن بكثرة الصلاة والاستغفار والرجوع للرحمن نادمين مقصرين بحقه تعالى وانا متأكد كل التأكيد لن يخذلك وسوف تسمع ما يسرك ويثلج صدرك ومسألة التقديم للمنظمة والتسهيل ليس فقط معتمدة على الملف بل الرحمن عنده القرار الاول والاخيروتقبل وافر احتراماتي وتقديري العالي لحضرتك
أخوك أبو توفي
-
السلام عليكم ...اخواني واصدقائي اشكركم جميعا علا اهتمامكم ..ربي يحفظكم ويسهل امركم ...اخويه العزيز ابو توفي اشكرك عله كلماتك ودعائك .ومكلت اله الحق ..يارب يسهل امر الجميع ..اخوان اذا اكو شي جديد بلكي نسمع اخبار حلوة يارب .
-
السلام عليكم اخوان ...اذا اكو شي جديد بلكي نتواصل...يعني اكو مقابلات بالمحافظات واللجان بيا محافظه دتقابل هسه اذا ممكن الكل يشاركون للفائده ..وسلامي للجميع
-
السلام عليكم اخوان ...اذا اكو شي جديد بلكي نتواصل...يعني اكو مقابلات بالمحافظات واللجان بيا محافظه دتقابل هسه اذا ممكن الكل يشاركون للفائده ..وسلامي للجميع
اخوية يعقوب اللجنة كانت موجودة في محافظة نيدا وستنتقل الى محافظة قيصري بعد العيد المقابلات الان من سنة وشهرين انتضار وانت صاعد يعني لاتخاف المدة الي تقضيها الان هي محسوبة وبعد المقابلة بمدة قصيرة ينزلك الاستيطان وتمشي الاجراءات وداعتك كلهة نفس الحالة ودننتضر وهذه اخر الاخبار سمعناهة خلال الايام الفاتت انشالله بهذا اليوم المبارك يسهلها علينا وتفرج على الجميع تحياتي
-
تسلم اخويه tur ankawa والله رفعت من معنوياتنه واتمنه من الكل يشاركون..مع كل الود
-
اخواني والله العين نشفت من الدمع والايد يبست من كثر ما رفعته بالدعاء وماكو فايده بس يكولون وره العيد يجون بس ياعيد محد يدري ..ربي فرجه عله كل البشر واني منهم تره وعزتك وجلالك تعبنه وخلصت فلوسنه وبعد مبقه شي اله طعم..الله يخليكم الي يسمع شي يكلنه اكو امل لولا
-
تسلم اخويه tur ankawa والله رفعت من معنوياتنه واتمنه من الكل يشاركون..مع كل الود
تدلل يعقوب اكو مثل يكول لاتفكر لها مدبر رب العالمين راسم حياتك حاول تتجاوز هذه الفترة وهي اختبار لك من اليو ان وانشالله تفرحنة عن قريب
-
اخواني والله العين نشفت من الدمع والايد يبست من كثر ما رفعته بالدعاء وماكو فايده بس يكولون وره العيد يجون بس ياعيد محد يدري ..ربي فرجه عله كل البشر واني منهم تره وعزتك وجلالك تعبنه وخلصت فلوسنه وبعد مبقه شي اله طعم..الله يخليكم الي يسمع شي يكلنه اكو امل لولا
صدكني اخوية كلنا نفس حالتك مالنا غير الصبر ونحاول نطلع شوية من البيت حتى لا تدمر النفسية صدكني يجوك عن قريب انشالله وتبشرنا بالاتصال والفسفورة
-
السلام عليكم حبايب ,,اخويه tur ankawa وين اطلع اذا كل طلعه لازم اسوك كل ما اطلع جيبنه وياك كذا الجهال يريدون كذا عبالك عندي كنز ..والله دحنه شنو مر عليه العيد وجهالي ممشتريلهم اي شي يعني حته جاروبه ممشتري هذا العيد ..بس اكول الله كريم كل ما كانت الشده جبيره ربي اكبر منه ..بس من اكعد بوحدي بعيد عن المرة والجهال ابجي بجي محد باجي قبلي وربي يعلم بالحال ..يارب يفرجه عله الكل ..حبايب خلونه نتواصل بلكي واحد يصبر اللاخ
-
السلام عليكم حبايب ,,اخويه tur ankawa وين اطلع اذا كل طلعه لازم اسوك كل ما اطلع جيبنه وياك كذا الجهال يريدون كذا عبالك عندي كنز ..والله دحنه شنو مر عليه العيد وجهالي ممشتريلهم اي شي يعني حته جاروبه ممشتري هذا العيد ..بس اكول الله كريم كل ما كانت الشده جبيره ربي اكبر منه ..بس من اكعد بوحدي بعيد عن المرة والجهال ابجي بجي محد باجي قبلي وربي يعلم بالحال ..يارب يفرجه عله الكل ..حبايب خلونه نتواصل بلكي واحد يصبر اللاخ
الله يكون بعونك ويفرج همك وهمنا.... البكاء يفرغ ما بداخل الانسان من هموم
والافضل من هذا هو تكعد في بارك وتتأمل خلق الله من طبيعة وتحمدالله على السلامة والصحة لك ولعائلتك وتدعوه ان يفرج همك صدكني هم رفهت عن نفسك وهم دعيت ربك واكثر من الاستغفار فانه يجلب الرزق
مو شرط تطلع تروح تتسوك وصحيح هاي الاطفال والمحلات مشكلة الطلعة بيهة
اكعد ببارك وحتى لو تكضيهة حب شمس و عن تجربة راح تشوف فرق
وهذا السؤال راح تنسأل عليه في احدى المقابلات شلون دتقضي ايامك في تركيا ؟
لان يخافون تصير بيك حالة نفسية لاسامح الله ... اسف على الاطالة لكن والله احنا نفس المعاناة دنعيشها الان اتركك ويا قول الامام علي عليه السلام
دع الامور تجري في اعنتها , ونم نوما قريرا هانئ البال ... فما بين غفلة عين وانتباهتها , يغير الله من حال الى حال
-
السلام عليكم اخوان ..الحمد لله العيد خلص واليوم اخر يوم ..باجر يبدي الدوام ..اخوان رجاء خلي نتواصل يعني اي شخص يسمع معلومه ليبخل علينه بيه والله يسهل امر الكل
-
عليكم السلام اللجنة بعد ماتكمل محافظة قيصري ستذهب الى اقصراي
-
الوفد سوف يتحرك الى محافظة قيصري واماسيا وسامسون وتوكات في الايام القادمة انشاء الله خير تحياتي
-
حبايب زنكولداك ماكو شي عنه لو هيه مو عله خريطه ال UN والله متنه محافظه كلشي مابيه لا شغل لا مساعدات والنوب اطفالنه ممنوع يداومون اعداديه والواي مينطي فحم للاجئين ..يعني شنو نسونه لجنه متجي لزنكولداك ..اذا الوالي ميريدنه ليش حولونه لهاي المحافظه
-
السلام عليكم ...اخي يوسف البابلي ..موبس زونكولداك ناسيه لا كستمونه واوشاك وعدد كبير من المحافظات ..يعني صارلي هنا سنه يمكن سمعت ب10 لجان جتي ببولو واكو محافظات كلشي ماكو
-
السلام عليكم...مو كالو وره العيد راح يجي محرم وماكو شي
-
صديقي ب يوزجات يكول صارلهم سنة ماكو
-
حبايب اي خبر مو نذبحنه جهالي هاي ثاني سنه تروح عليهم المدارس وصرنه ناكل وجبه وحده باليوم (علمود الرجيم )اي خبر حته لو كذب لان والله ؟؟؟؟..ما اعرف شكول
-
السلام عليكم اخواني ..اخويه يوسف لتكول شي اسكت احسن ..بعدك باول الظيم بعدك مشفت شي الطريق طويل كلش ..اخوان اذا اكو اي شي خبر عن لجان الله يرضى عليكم
-
الله يكون بعون الجميع ويسهل عليكم ان شاء الله
-
[/السلام عليكم اخوان ...اعتقد اكو مقابلات بدت بالمحافظات رجاء اخوان بشرونه color][/font]
-
حبايب الله يساعدكم ..ليش هيج ؟؟والله كلش زعلان عليكم ..نسمع من بره ومنكم منسمع ..اكلو لجان دتفتر بالمحافظات ليش محد يحجي ؟؟يعني انتو كلكم هم نفس حالتنه وتدورون عله الخبر بروح ليش تاخذون منه الخبر ومتنطونهياة ؟؟اخوان خبرونه عله اللجان الي دتفتر بالمحافظات وبيا محافظه ديقابلون..والله يسهل امر الجميع ان شاء الله
-
السلام عليكم جميعا...اخ يوسف لتياس هسه يجاوبوك
-
السلام عليكم جميعا...اخ يوسف لتياس هسه يجاوبوك
الله يساعدكم اخواني الاعزاء(يعقوب/يوسف) اني عن نفسي والله ما اعرف بموضوع اللجان بس اسمع اكو لجان وين ما اعرف فارجوا قبول اعتذاري
ويارب بحق محمد وال محمد تفرج عليكم وتقابلون بأسرع وقت وتسافرون قبلي بعون الله
ابوسيف/تركيا
-
ربي يسهل على الجميع انشاالله صح الوضع تعبان شوية ولود هواية بعد احداث الموصل ولاكن الي دنسمعة يكولون هيه نفس الشي تقابل بشهر تقابل بسنة هيه نفس الشي يعني ابو السنة الفسفورة والاسطيطان ينزل بسرعة وربي يسهل على الجميع وبالنسبة للوفد شباب ياريت كل الي يسمع بأي محافظة يروح الوفد يبلغ علمود تصير عدنة معلومات تخدم الجميع
-
السلام عليكم ...اخوان اشكركم عله اهتمامكم ..احنه نسمع انو الي يتاخر بالفسفوره يسرعوله التوطين بس هذا مو مقياس ..بعدين هوة الي ياخذ الفسفوره يكون عنده امل وشويه دفعه معنويات لان سنه واكثر لا حس ولا نفس صعبه كلش..والله كمت احجي ويه نفسي
-
اخي يعقوب تحية طيبة
صدكني نفس حالتك واكو ناس ديخابروهة من غير محافظات يجون يقابلون بالمحافظة الي بيهة اللجنة
سمعت من ناس يكولون خابروا جماعة من نيفشهير الى مدينة قيصري والناس الي بقيصري ممخابريهة وعابرين السنة
الناس الي تقابل صارلهة سنة و3 اشهر حاليا اغلبهم
-
السلام عليكم اخوان ...يعني بس الاخ tur ankawa هوة الي ديشارك ويرد مشكور الباقين وين ؟؟حته الاخ يوسف البابلي هم ماكو ..شنو السالفه .. يعني بعدين هم تحتاجون معلومه واستفسار ..وشكرا للجميع
-
الاخ يعقوب. صدقني اكو اهنا بمحافظتي الي ساكن بيها اغلبهم يقابلون وما يتكلمون كانه راح اخذ روحه؟؟ فكيف نعرف هذا وذاك عندة مقابلة او اتصلو. بيه. ما اخبي عليك. صديق واحد فقط قبل اسبوع تم الاتصال لتحديد موعد مقابلة كان موجل صارله تسعة شهور ولما قالي هذا الامر. يقولي احلف بكلام الله القران ما اريد يعرف اي. شخص ?????يابة ليش كال اخاف من العين والحسد بالله عليكم شسويله وامامة طريق طويل من المقابلات والبلاوي والانتظار. فاعذر اي عضو ما عندة خبر بالموضوع تحياتى لكم. انت ويوسف وكل المنتظرين
عراقي مغترب
-
اللجنة انهت المقابلات في يوزجات بعد قيصري
-
السلام عليكم اخواني ...الله يبشركم بالخير ..اشكر تواصلكم ويارب ميضيعلكم تعب ربي يسهل امر الجميع ..خلي نتواصل
-
اخوان اني من يوزكات اللجنة كانت لجنة شكاوي وليس لجنة مقابلات للتنويه فقط
-
اخوان اللجنه حاليا في سكاريه ولدينا اصدقاء مقابلتهم يوم 7 بالشهر ان شاء الله يخابرون كل المتاخرين وميضيع صبر احد يارب
اختكم ام خلدون
-
الله يسهل امر الجميع ان شاء الله
-
السلام عليكم اخوان ...يعني بس الاخ tur ankawa هوة الي ديشارك ويرد مشكور الباقين وين ؟؟حته الاخ يوسف البابلي هم ماكو ..شنو السالفه .. يعني بعدين هم تحتاجون معلومه واستفسار ..وشكرا للجميع
ان شاءالله يسهل امرنا رب العالمين ويفرج همنا ياارحم الراحمين
هذا الدعاء ندعيه للكل ونكول امين
هذا الموضوع انشالله يصير دليل للجميع على مكان اللجنة نتمنى من الجميع يشاركون ماعتقد راح يخسر شي اليسمع خبر ويكتبه هنا تحياتي لك اخي يعقوب
-
السلام عليكم حبايب ..اسف عله الانقطاع لان الباسوورد مالتي ضاع مني وصارلي فتره ادور علي وهسه لكيته ..المهم ..اخباركم الحلوة وتواصلكم كلش فرحتني يارب نبقه نتواصل حته الكل يستفادون ..المهم اكو كلام بس بعده ممتاكد منه انو الجنه راح تجي بمحافظتنه ..بس اسمع اخبار جديده اكلكم عليه واني الممنون منكم ياورود
-
السلام عليكم حبايب ..اسف عله الانقطاع لان الباسوورد مالتي ضاع مني وصارلي فتره ادور علي وهسه لكيته ..المهم ..اخباركم الحلوة وتواصلكم كلش فرحتني يارب نبقه نتواصل حته الكل يستفادون ..المهم اكو كلام بس بعده ممتاكد منه انو الجنه راح تجي بمحافظتنه ..بس اسمع اخبار جديده اكلكم عليه واني الممنون منكم ياورود
وعليكم السلام ورحمه الله ..طمنا عنك اخي ..وانا سمعت هواي اشخاص صار استعجال بالاتصال بيهم ..وموضوع بعد المقابله الاولى للمتاخريين هواي جاي ينزلولهم بسرعه توطين وطيران ..اسرع من غيرهم ..
-
السلام عليكم اخوان ...والله الشغله طالت وهوايه ناس دترجع ..اكو ناس خلصت فلوسه ورجعت لان الفتره طالت كلش ..بس المشكله شلون الي ميكدر يرجع لان صدك هوة مهدد وميكدر يطب العراق ..وهسه العراق من سيء الى اسوء ..ربي يفرجه عله الجميع لان هوة يدري بحالنه مبقه شي عندي مبعته وماكو اي اتصال ..صاحب الفرج يفرجه على الجميع
-
السلام عليكم اخواني ...بدأت افقد الامل بان يتقدم موعد مقابلتي فالوقت يمظي وليس هناك اي امل بالاتصال..حسبي الله وهوة نعم الوكيل ..لا حول ولا قوة الا بالله العلي العظيم
-
عليكم السلام يعقوب سمعت ولد كاتب سنة و 4 اشهر وخابروني على مقابلة بس ماعرف اي محافظة مالنة غير الانتضار عالسنة الجديدة يبدون بينا 100 % بأذن الله ندعي والله موجود يستجيب ويفرجهة علينا
-
السلام عليكم ..لالا مراح ننتظر للسنه الجديده ..اكو اخبار تكول المنظمه كامت تشتغل باليه جديده وراح تحل كل الملفات المتاخره ..هسه بدو يجون لمدينه تكون وصط عده مدن ويتصلون بالمدن المحيطه وديقابلون الناس بكثره ..وتصلو بهوايه ناس ..اعتقد الموضوع راح ينحل بالايام الجايه وراح يقابلون عدد كبير ..المعلومات اكيده 100%100
-
السلام عليكم حبايب ..اي اكو تحركات ..واللجان دتفتر وديخابرون والاخبار كله تبشر بخير ..بس عليكم بالدعاء ,,والله يسهل امر الكل
-
السلام عليكم ..ها اخوان شو صارت صنطه ..يمعودين الجان دتقابل صارله شهر بكربوك ودوزجه ..يعني معقوله محد قابل ليش متكولون ..يعني مو الناس كاعده عله نار ..وهاي السنه راح تخلص ..دفرحونه وكولو قابلنه اتصلو بينه خلي يصير عدنه امل
-
UP
-
السلام عليكم
الوفد حاليا في سمسون ..ديقابلون حتى الي مواعيدهم مو جايه ..وديقابلون كل عائله عدهم مريض بغض النظر عن التاريخ ....وبعض المحافظات بدأت باعطاء رواتب لاهل الكملك ..وحسب الوالي .يحدد الراتب للعائله او الشباب ...وهاي اجراءات جديده ...لان السفر صار سريع اذا لاحظتوا هالشهر لكثير من القديمين . بالتوفيق .
-
صباح الخير عالجميع اللجنه يوم 8 بالشهر ستكون في محافظه بولو وديخابرون المحافظات القريبه عليها
-
صباح الخير جماعه بالكيسير اللجنه بدت تتصل على العوائل ومن ضمنهم جماعه 2017 و18 انشالله خير ياربي عالجميع
-
اخي ..يعني جماعه 2015 و2016 في بالكسير شنو وضعهم خابروهم لا ...وليش يخابرون 2017 هل حالات خاصه لو للكل ...لان احنا 2017 بانقرة بلكي يجون ويتصلون ...
صباح الخير جماعه بالكيسير اللجنه بدت تتصل على العوائل ومن ضمنهم جماعه 2017 و18 انشالله خير ياربي عالجميع
-
الي اعرفه اكو عائله 2016 ممخابريهم ليهسه واكو 2018 خابروهم اي شي جديد راح اكتبه انشالله بالتوفيق للجميع واني هم من جماعه2016 و 15 ولاحس ولاخبر الله كريم عزيزي تهون انشالله شنو فايده الفسفوره وتنام بدون استيطان فسفوره متاخره يعني توطين سريع
-
الي اعرفه اكو عائله 2016 ممخابريهم ليهسه واكو 2018 خابروهم اي شي جديد راح اكتبه انشالله بالتوفيق للجميع واني هم من جماعه2016 و 15 ولاحس ولاخبر الله كريم عزيزي تهون انشالله شنو فايده الفسفوره وتنام بدون استيطان فسفوره متاخره يعني توطين سريع
الي اعرفة 2015 ماكو مخابرة ولازم يروح بدون مخابرة حسب الموعد باعتبار موعدهم مو مثل 2020 ...وبداية 2016 كذلك
-
للتوضيح اللجنه في محافظه بلكيسيير ستكون بدايه السنه القادمه فيها يعني بشهر الواحد راح يبدون يقابلون الناس
-
up
-
اخي يعقوب تعرف اشكد صبر نبي الله يعقوب الى ان شاف نبي الله يوسف اصبر اخي اني كان الموعد مالي 2015 الشهر الثالث قربوني 5 اشهر والتقريب الي صار مابس الي صار الى اكثر من عائله يعني شكو ناس في مانيسا قابلة والغريب من ايخابرون ايكولون اذا عدكم اقارب خلي يجي معاكم ايقابل وصار هذا الشي واكثر الناس قابلة مع العلم كنت مثلك اصبر ان الله مع الصابرين ام جماعة الافلوس اكو منهم اهواي قبل كانو في العراق اهل الوضايف 10 اورق و 5 اوراق وسلملي مع تحياتي
-
شباب اني هم صارلي سنة ممقابل بس صديقي اقل من سنة قابل بـ افيون وفد قبل كم يوم بشهر ال12 انشاءالله ع السنة الجديد نقابل واتمنى الموفقية للجميع...
-
امين يارب ..اجمعيين
شباب اني هم صارلي سنة ممقابل بس صديقي اقل من سنة قابل بـ افيون وفد قبل كم يوم بشهر ال12 انشاءالله ع السنة الجديد نقابل واتمنى الموفقية للجميع...
-
مساء الخير لجنة اليوان بدإت بالاتصال على اللاجئين في محافظه يوزكات نسترعي الانتباه الاخوان هناك
-
محافظه جورم ايضا .... بدايه سنه خير يارب
-
الله يسمع منك اخي لان حيل طالت الشغلة رايح يصيرلي سنة بدون مقابلة
-
السلام عليكم اخوان نحن عائلة مكونة من ٧ اشخاص عراقييين عشنا في سوريا مدة٧ سنوات طلعنا لجوء الى امريكا ونحن بانتظار الوفد الامريكي منذ ٤سنوات بسبب الاحداث في سوريا وعدم مجئ الوفد هناك انتقلنا الى تركيا بعد معاناة طويلة صارلنا شهر في تركيا انطونا موعد ١٨/٥ اتصلو بينا المنظمة الدولية للهجرة وكالو لايوجد لنا اي ام او في تركيا شنو الي راح يصير بعد ذلك علما نحن لدينا الكارت الاخضر ارجو من الاخوان الي عدهم معلومات ان يفيدوني ولكم جزيل الشكر
-
شباب صارلي 10 اشهر واني حالتي صعبه
واجاني طفل اصابيعه بيها مشكله ومالها علاج بتركيا
شسوي
-
شباب صارلي 10 اشهر واني حالتي صعبه
واجاني طفل اصابيعه بيها مشكله ومالها علاج بتركيا
شسوي
اخي العزيز تستطيع الذهاب الى مكتب الاسام في مدينتك ومطالبته بارسال تقرير طبي على شكل فاكس الى اليو ان وانتضر لعل الله يكون هذا الطفل سبب في استقرارك قل الحمدلله وسيعطيك الله العافيه لابنك والشفاء باذن الله
-
السلام عليكم شباب..اني تقريبا راح يصيرلي سنة بدون مقابلة ولا اتصال ولا اي وما اخفي عنكم بديت افقد الامل شوية شوية لكن ايمانا بالله قوي انو مايضيع تعب مسلم..وما اخفيكم بديت اخطط للرجوع للعراق لكن تريثت حاليا نسأل الله تيسير الاور للجميع وما النة بعد الله الة الصبر
-
السلام عليكم اخي zuhair2010 طبعا احنا ما نعرف ظروفكم بس اكيد قرار الرجوع للعراق لازم لازم لازم تفكر بيه الف مرة قبل لا تتخذة ً.
الله ينطيك الصبر والتحمل حتى تبقى بتركيا وما ترجع ،المعلومات المؤكدة من بعض الاصدقاء انه اليو ان قاموا بتغيير جميع الموظفين وبدأت المنظمة بالعمل قبل اسبوعين وجميع التوقعات انه سوف يتم بالاتصال بالقدامى في نهاية شهر الواحد (يعني ما بقى شي ) نسأل الله ان يعجل سفر الجميع وان شاء الله نسمع اخبار حلوة منكم ومن جميع الاعضاء ،
--------------
اخوك ابو عبد الله
-
السلام عليكم لجنه اليوان تتصل بالعوائل من تعدت مدته سنه و 3 او 4 اشهر المقابلات ستبدا في عده محافظات نهايه هذا الشهر ندعوكم اخواني الى الصبر لعل الله يريد به خير لكم ... عوائل هوايه نفس حالتنا ويتم الاتصال بيهم بعد هذه الفتره صدقوني لكن محد يكتب اني قابلت وينطي للناس دافع وامل
نسمع من اصدقاءنا الاخبار ونحجي هنا
الي صدك متهدد وميكدر يرجع للعراق خلي ي
تعود على حياه تركيا الصعبه لان راح تصعب اكثر اذا ضليت تفكر باليوان تحياتي
-
السلام عليكم..والله يا اخوان اريد اسولفلكم سالفة على شغلة المقابلات مال الفسفورة بلنسبة الي اني مأيس من المقابلات رحت لليوان يمكن بس عائلتين عراقيين وعائلة سورية وعائلتين سودانيين غيرهم ماشفت..بلنسبة الي اني غسلت ايدي من المقابلات الله وكيلكم هاي السنة مثل السنة الماضية نصيحتي الكم اخوان لاضوجون مني هاي الحقيقة الي اني اقتنعت بيهة يا اخوان لاتفكرون بلمقابلة لان راح اتصير بيكم حالة نفسية التهوا بشغل بغير شي لان السالفة طويلة..تحياتي
-
السلام عليكم..والله يا اخوان اريد اسولفلكم سالفة على شغلة المقابلات مال الفسفورة بلنسبة الي اني مأيس من المقابلات رحت لليوان يمكن بس عائلتين عراقيين وعائلة سورية وعائلتين سودانيين غيرهم ماشفت..بلنسبة الي اني غسلت ايدي من المقابلات الله وكيلكم هاي السنة مثل السنة الماضية نصيحتي الكم اخوان لاضوجون مني هاي الحقيقة الي اني اقتنعت بيهة يا اخوان لاتفكرون بلمقابلة لان راح اتصير بيكم حالة نفسية التهوا بشغل بغير شي لان السالفة طويلة..تحياتي
كلامك صحيح اخويه لكن تذكر لجنه اليو ان لديها فيز قليله من امريكا وكندا واستراليا مقابل هذا العدد الضخم من اللاجئين وبالاساس التوطين مو شرط لكل لاجئ يعني انت وحظك
-
الله يسهل امركم جميعا وان شاء الاجراءات السريعه
اختكم راي
US
-
الله يسهل امركم جميعا وان شاء الاجراءات السريعه
اختكم راي
US
منوره اختنا راي الورده امين ياربي للجميع شكرا ربي يوفقج ويسهل امركم بكل مكان تحياتي
-
جماعه بولو تم تحديد عنوان مكان المقابله لهم
والتاكيد على العوائل في المحافظات المجاوره للحضور
اما جماعه نيدا وبعد الاتصال بالعوائل في المحافظات القريبه وتقريب موعد المقابله لهم لم يتم تحديد عنوان المقابله بل الغيت المقابلات الى اشعار اخر لاسباب فنيه ربما في وقت قريب او محافظه اخرى
محافظه بالكسير ايضا هنالك لجنه ستتوجه اليهم وتم الاتصال بالعوائل وتقريب موعد مقابلاتهم
نتمنى الخير للجميع
-
السلام عليكم..الظاهر الجماعة كلهة مقابلة لان لاحس ولا نفس..ان شاء الله خير
-
والله ياخويه اكو مقابلات والامنيات متروسه عراقيين ديقابلون بس محد يحجي اكثر من لجنه طالعه الان
وانشالله يتصلون وتفرج
-
الله كريم ان شاء الله يقابلون الجميع بس اتحب صبر
-
اخويه انت تقابل وينطوك فسفوره وتنام بالاستيطان فد سنه لو تريد تقابل وتحصل فسفوره وينزلك استيطان خلال اشهر قليله كلشي بحسابه اخويه معليك بحجي الناس المابيه فايده اسمع مني والله ناس اجوي ويايه صارلهم سنه ماخذين فسفوره وكل استيطان منازللهم الله كريم على كولتك
-
اللجنه الى قونيا انشالله اتصلو بالناس وقدمولهم مواعيد اخر الاخبار هذه طبعا مو شرط الي ساكن بقونيا يخابروه لا الناس الي بالقرب من هذه المحافظه يجمعوهم بيهه ويقابلوهم هيجي صايره المقابلات اهل افيون خلو تلفوناتكم مفتوحه
-
تسلم اخوية tur ankawa ان شاء الله خير بلكي يقابلونة ونخلص والله ملينة هاي صارلي سنة ضبط وكلشي ماكو.ان شاء الله يقابلون الجميع..تحياتي
-
تسلم اخوية tur ankawa ان شاء الله خير بلكي يقابلونة ونخلص والله ملينة هاي صارلي سنة ضبط وكلشي ماكو.ان شاء الله يقابلون الجميع..تحياتي
الخير للجميع انشالله يارب صدكني زهير خلال فتره الربيع القادمه او بدايه الخامس راح تقابل انت شغلتك مستويه رتب امورك ومستمسكاتك واكتب قصتك بورقه وباذن الله تقابل والفسفوره بهيجي حاله تستلمهه بعد 10 ايام ونهايه السنه ينزلك استيطان هذا المعدل الحالي لسرعه الملفات في تركيا اني هذا الي داشوفه مثل حالتنه ديصير هيجي
-
الله يسمع منك اخوية العزيز tur ankawa الله يسهل امرك ان شاء الله وللجميع ...تحياتي لك
-
اللجنة الى محافظه دوزجه انشالله الايام المقبله بالتوفيق للجميع