ܒܫܸܡܵܐ ܕܒܵܒܵܐ ܘܒܪܘܼܢܵܐ ܘܪܘܼܚܵܐ ܕܩܘܼܕܫܵܐ ܚܲܕ̄ ܐܲܠܵܗܵܐ ܐܵܡܹܝܢ
ܫܲܡܵܫܵܐ ܙܸܗܲܝܵܐ ܘܟܵܬܼܘܿܒܼܵܐ ܚܸܩܝܼܪܵܐ ܪܵܒܝܼ ܥܲܕܢܵܐܢ ܡܲܪܩܘܿܣ
ܫܠܵܡܵܐ ܡܙܝܼܓܼܵܐ ܒܚܘܼܒܵܐ ܨܲܠܝܼܠܵܐ ܘܛܲܢܵܢܘܼܬܼܵܐ ܚܲܡܝܼܡܬܵܐ ܕܠܵܐ ܣܵܟܼܵܐ ، ܥܲܡ ܟܲܦܵܐ ܕܗܲܒܵܒܼܹ̈ܐ ܥܸܛܪ̈ܵܢܹܐ ܗܲܢܝܼܐܹ̈ܐ ܡܼܢ ܡܲܪ̈ܓܹܐ ܘܟ̰ܝܼܡܲܢܹ̈ܐ ܘܪܵܓܼܘܼܠܹ̈ܐ ܕ ܦܢܝܼܬܵܐ ܕܒܲܪܘܲ ܩܵܐ ܦܲܪܨܘܿܦܘܼܟܼ ܚܸܠܝܵܐ ܘܡܵܪ ܐܝܼܩܵܪܵܐ .
ܗܵܘܸܬ ܪܵܒܵܐ ܒܲܣܝܼܡܵܐ ܩܵܐ ܪܲܥܝܵܢܘܼܟܼ ܒܘܼܕ ܟܲܬܼܘܿܒܼܹ̈ܐ ܒܠܸܫܵܢܲܢ ܓܵܘ ܫܲܘܦܵܐ ܐܲܠܸܟܬܪܘܼܢܵܝܵܐ ܕܟܸܢܟܵܒܼܵܐ ،ܗܲܠܒܲܬ ܝܼܘܸܬ ܫܵܪܝܼܪܵܐ ܘܡܸܠܝܵܐ ܡܼܢ ܠܗܝܼܩܘܼܩܵܐ ܘܚܘܼܒܵܐ ܐܘܼܡܬܲܢܵܝܵܐ ܕܟܼܵܐ ܩܵܐ ܠܸܫܵܢܲܢ ܘܡܲܪܕܘܼܬܲܢ ܐܵܫܘܿܪܲܝܬܵܐ .
ܘܐܲܝܵܐ ܐܸܢ ܡܲܗܸܕܝܵܐ ܠܚܲܕ̄ ܡܸܢܕܝܼ ܕܠܵܐ ܦܘܼܫܵܟܼܵܐ ܡܲܗܕܘܼܝܹܐ ܝܼܠܵܗܿ ܥܲܠ ܬܲܪܒܲܝܬܘܼܟܼ ܘܕܝܼܠܵܝܵܬܘܼܟܼ ܛܵܒܼܹ̈ܐ ܘܛܲܪ̈ܩܹܐ . ܘܗܵܘܸܬ ܪܵܒܵܐ ܒܲܣܝܼܡܵܐ ܩܵܐ ܗܿܘ ܫܲܘܝܘܼܟܼ ܦܪܝܼܫܵܐ ܘܡܸܬܼܩܲܕܡܵܢܵܐ ܒܠܸܫܵܢܲܢ ܩܲܕܝܼܫܵܐ .
ܡܸܢ̄ܕܪܹܫ ܬܲܘܕܝܼ ܓܲܠܲܒܹܐ ܩܵܐ ܗܿܝ ܦܸܬܩܵܐ ܕܫܘܼܕܸܪܘܼܟ ܩܵܬܝܼ ܘܐܲܝܵܐ ܝܼܠܵܗܿ ܕܘܼܟܼܐ ܕܚܘܼܒܝܼ ܘܐܝܼܩܲܪܝܼ ܘܫܘܼܒܼܗܵܪܝܼ ܐܡܝܼܢܵܐܝܬܼ .
ܒܫܘܼܠܵܡܵܐ ܐܲܠܵܗܵܐ ܡܵܪܵܐ ܕܟܘܼܠ ܡܲܢܬܹܐܠܘܼܟܼ ܘܝܲܗܒܼܠܘܼܟ ܚܘܼܠܡܵܢܵܐ ܛܵܒܼܵܐ ܘܦܨܝܼܚܘܼܬܼܵܐ ܗܲܘܝܵܐ ܚܲܒܼܪܬܘܼܟܼ ܒܟܠ ܙܲܒܼܢܵܐ ܕܚܲܝܘܼܟܼ .
ܡܝܲܩܪܵܢܘܼܟܼ
ܒܲܕܪܵܢ ܥܘܼܡܪܵܝܵܐ