ankawa
المنتدى الثقافي => نتاجات بالسريانية => الموضوع حرر بواسطة: عوديشو سادا في 12:40 09/11/2014
-
܀ ܡܼܢ ܢܹܒܼܗܵܝܘܼܬܝܼ ܀
ܐܝܼܡܵܢ ܓܵܘ ܐܪܵܙܵܐ ܓܲܫܩܸܢ ܓܵܘ ܦܵܬܼܵܟܼܝ
ܘܒܪܝܼܪܘܼܬܼܵܐ ܢܒܼܵܥܵܐ ܡܢ̄ ܫܘܼܦܪܵܐ ܕܥܲܝܢܵܬܵܟܼܝ
ܪܲܦܪܸܦܵܗ̇ ܓܵܐܢܝܼ ܒܐܵܢ̈ܝ ܓܵܫܲܩܝܵܬܵܟܼܝ
ܘܠܒܼܝܼܫܬܵܐ ܕܫܲܡܵܫܹ̈ܐ ܡܣܘܼܩܲܠܬܵܐ ܠܩܘܼܡܬܵܟܼܝ ؛
ܒܓ̰ܘܼܠܹ̈ܐ ܕܫܲܡܵܫܹ̈ܐ ܟܡܵܐ ܣܩܝܼܠܬܵܗ̇ ܩܘܼܡܬܵܟܼܝ ؛؛؛
ܘܐܝܼܡܵܢ ܕܚܲܙܸܢܵܟܼܝ ܟܠܝܼܬܵܗ̇ ܒܩܵܪ̈ܝܵܢܹܐ
ܥܲܡ ܚܵܒܸܪ̈ܝܵܬܵܟܼܝ ܒܓܲܘܢܹ̈ܐ ܫܸܛܪ̈ܵܢܹܐ
ܘܬܘܼܪܓܵܡܵܐ ܒܐܝܼܕܵܬܼܵܟܼܝ ܩܲܕ̄ܡ ܩܵܢܟܹ̈ܐ ܘܟܵܗܢܹ̈ܐ
ܕܲܪܫܸܢ ܡܢ̄ ܥܲܝܢܵܬܼܵܟܼܝ ܒܠܸܥܙܹ̈ܐ ܪ̈ܘܼܚܵܢܹܐ؛؛؛
ܗܵܕܟܼܵܐ ܝ̄ܠܹܗ ܚܘܼܒܵܐ ܫܲܡܵܫܬـܝܼ ܚܠܝܼܬܵـܐ
ܕܡܵܚܹܐ ܓܵܘ ܠܒܵܐ ܡܼܢ ܬܪ̈ܝܼܢ ܥܲܝܢܵܬܼܵـܐ
ܪܥܝܼܫܠܝܼ ܒܝܼ ܚܢܵܢܵܟܼܝ ܡܢ̄ ܚܙܲܝܬܵـܐ ܩܲܕ̄ܡܲܝܬܵـܐ
ܐܲܦ ܩܲܕ̄ܡ ܡܲܕܒܚܵܐ ܓܵܘ ܐ̄ܪܵܙܵܐ ܕܥܹܕܬܵـܐ؛؛؛
ܓܵܘ ܥܘܼܡܩܝܼ ܗܵܘܹܐ ܒܸܠܗܵܝܵܐ ܢܘܼܪܵܐ
ܒܪܲܦܪܲܦܬܵܐ ܕܥܲܝܢܵܟܼܝ ܦܲܫܪܸܢ ܒܬܲܢܘܼܪܵܐ
ܠܸܐ ܝܵܕܥܸܢ ܪܥܸܫܬܵܬܝ ܕܗܵܘܸܢ ܒܸܢܛܵܪܵܐ
ܥܲܠܠܵܟܼܝ ܝܵܐ ܒܬܼܘܼܠܬܵـܐ ܡܠܝܼܬܼܵܗ̇ ܡܼܢ ܫܘܼܦܪܵܐ
ܥܲܠܠܵܟܼܝ ܝܵܐ ܒܪܵܬܵـܐ ܘܐܲܢ̄ܬـܝܼ ܠܗ̇ܘ ܒܵܪܵܐ؛؛؛
ܠܹܐ ܗܘܸܢ ܒܸܚܛܵܝܵܐ ܕܢܦܸܠܠܝܼ ܓܵܘ ܓܲܪܕܵܟܼܝ
ܡܵܚܘ̇ܪܵܐ ܐܝܼܘܸܢ ܘܪ̈ܥܵܫܝܵܬـܝܼ ܫܕܸܠܠܵܟܼܝ
ܩܲܕܡ ܣܸܬܪܹ̈ܐ ܕܩܘܼܕܼܫܵܐ ܬܦܸܩܠܝܼ ܒܦܲܐܝܘܼܬܼܵܟܼܝ
ܠܹܐܝ̄ܘ̄ܢ ܡܨܵܝܵܐ ܕܦܲܬܚܸܢ ܕܘܼܪܵܫܝܼ ܡܢܵܟܼܝ؛؛؛
ܓܲܪܹܓ ܡܲܕܥܸܢܵܟܼܝ ܕܝܑܼܘܸܢ ܡܵܚܘ̇ܪܵܐ
ܟܠ ܫܘܼܦܪܵܐ ܒܥܘܼܡܩܝܼ ܠܲܓ̰ܠܸܓ̰ ܡܐܲܝܟܼ ܢܘܼܗܪܵܐ
ܘܐܲܢ̄ܬܢ ܡܐܲܝܟܼ ܘܲܪܕܵܐ ܣܡܘ̇ܩܵܐ ܒܸܢܗܵܪܵܐ
ܓܵܘ ܓܲܢܬܵـܐ ܕܠܸܒܝܼ ܪܒܼܝܼܠܵܟܼܝ ܒܲܫܪܵܪܵܐ؛؛؛
ܒܵܥܹܢ ܡܲܫܡܸܥ̄ܢܵܟܼܝ ܡܢ̄ ܪܸܚܩܵܐ ܒܪܲܩܵܠܝܼ
ܒܠܸܠܝܵܐ ܘܐܝܼܡܵܡܵܐ ܨܲܠܡܵܟܼܝ ܒܚܝܼܵܠܝܼ
ܨܘܼܪܬܵܟܼܝ ܠܘ̇ܓ̰ܵܢܬܵܗ̇ ܒܟܠ ܪܦܵܦܵܐ ܩܛܵܠܝܼ
ܡܼܢ ܢܹܒܼܗܵܝܘܼܬܼܝܼ ܡܫܘܼܚܬܼܵܟܼܝ ܟܬܼܝܼܒܼܵܠܝܼ؛؛؛
ܥܲܒܼܕܝܼܫܘܿܥ ܣܵܗܕܵܐ ܝܘܼܚܲܢܐ
-
ܩܐ ܐܚܘܢܝ ܘܪܐܒܝ ܡܘܚܒܐ ܥܒܕܝܫܘܥ ܣܗܕܐ ܥܡ ܚܘܒܝ ܘܐܝܩܪܝ
ܡܝܩܪܢܘܟܘܢ ܘܐܚܘܢܘܟܘܢ ܒܪܘܚܐ ܘܕܡܐ = ܡܫܡܫܢܐ ܥܕܢܢ ܡܪܩܘܣ ܒܝܬ ܝܗܒܐܠܗܐ
-
شكرا وتقدير خاص إليك أخي الشماس عدنان مرقوس لنشرك صورة قصيدتي المنشورة في مجلة موتوا عمايا بحروف خط إديابين ليتسنى لأكبر عدد من القراء قراءتها بصورة واضحة .. ماذا نفعل يا أخي العزيز بعد تحديث الصفحة الرئيسية لموقعنا الكريم حذف الخط السرياني من الموقع فنلاقي صعوبة كبيرة بنشر قصائدنا وخاصة بلغتنا الجميلة لغة السورث .. لك تحياتي وتقديري وإحتراماتي
أخوكم: عوديشو سادا