ankawa
المنتدى الثقافي => نتاجات بالسريانية => الموضوع حرر بواسطة: عوديشو سادا في 12:57 28/11/2014
-
ܦܘܼܢܵܝܝܼ ܩܐ ܐܝܼܩܵܪܐ ܕܵܐܢܝܼܐܹܝܠ ܒܸܢܝܵܡܝܼܢ
ܒܐܲܡܝܼܢܵܝܘܼܬܐ ܦܝܼܫܠܘܼܟܼ ܒܸܢܛܵܪܐ
ܒܪܸܢܝܘܼܟܼ ܠܐ ܚܫܝܼܚܵܐ ܛܠܝܼܩܐ ܡܼܢ ܫܪܵܪܵܐ
ܡܵܪܘܼܡܹܝܬ ܩܵܠܘܼܟܼ ܘܠܲܝܬܠܘܼܟܼ ܫܵܡܥܵܢܐ
ܒܲܫܒܼܝܼܠܐ ܕܚܸܫܟܐ ܦܝܼܫܐ ܐܲܘܵܪܐ ،،
ܚܙܝܼ ܘܝ̄ܠܘܼܦ ܕܵܐܟܼܝܼܠܹܗ ܒܸܦܣܵܥܐ ܥܵܠܡܵܐ
ܦܠܘܼܛ ܡܢ̄ ܙܲܒܘܼܢܘܼܬܘܼܟܼ ܡܠܝܼܬܵܗ̇ ܡܢ ܠܵܘܡܐ
ܠܐ ܗܘܝܼ ܡܒܲܚܢܵܢܐ ܒܝܘܼܠܦܵܢܘܼܟܼ ܢܘܝܼܠܐ
ܘܡܼܢ ܣܸܕܪܐ ܕܚܲܝ̈ܐ ܣܲܪܝܐ ܝ̄ܘܸܬ ܒܫܸܡܐ ،،
ܒܫܲܦܝܼܪ ܕܘܼܒܵܪ̈ܐ ܗܘܝܼ ܐ̄ܢܵܫܐ ܟܹܐܢܐ
ܦܪܘܼܩ ܡܼܢ ܒܝܼܫܘܼܬܐ ܕܢܲܒܠܐ ܠܐܲܒܼܕܵܢܐ
ܓܵܘ ܟܬܵܒܼܐ ܕܚܲܝ̈ܐ ܩܪܝܼ ܒܟܲܫܝܼܪܘܼܬܐ
ܡܢ̄ ܫܘܼܒܼܗܵܪܐ ܣܦܝܼܩܐ ܪܚܘܼܩ ܡܢ ܐܵܢܐ ܐܵܢܐ ،،
ܦܪܝܼܣܠܘܼܟܼ ܐܲܬܼܘܵܬܼܐ ܒܟܠ ܥܲܡܛܵܢܘܼܬܼܐ
ܠܐ ܩܐ ܝܘܼܬܼܪܵܢܐ ܠܦܘ̇ܬܼ ܣܸܦܪܵܝܘܼܬܼܐ
ܐܲܚܟ̮ܝܼ ܠܲܫܡܵܛܬܐ ܠܚܸܠܥܵܬ ܕܡܵܚܘ̇ܪܐ
ܘܠܐ ܛܥܵܢܬܐ ܒܥܲܝܢܘܼܟܼ ܒܝܼ ܫܲܪܝܼܪܘܼܬܼܐ ،،
ܛܘܼܒܼܐ ܠܒܲܪܢܵܫܐ ܕܗܵܘܹܐ ܡܲܟܝܼܟܼܐ
ܒܐܝܼܩܵܪܐ ܪܲܒܐ ܒܚܲܕ̄ ܠܸܒܐ ܪܘܝܼܚܐ
ܪܸܚܩܐ ܡܢ̄ ܣܲܢܝܵܢ̈ܐ ܐ̄ܢܵܫ̈ܐ ܥܲܡܛܵܢ̈ܐ
ܒܬܸܫܒܘ̇ܚܬܐ ܕܡܵܪܝܐ ܗܵܘܹܐ ܢܲܨܝܼܚܐ ،،
ܐܲܠܵܗܐ ܡܒܵܪܸܟܼܠܘܼܟܼ ܩܐ ܚܲܝ̈ܐ ܕܕܲܥܬܝܼܕ ܒܝܘܼܠܦܵܢܐ ܛܵܒܼܵܐ ܒܫܲܚܠܲܦܬܐ ܒܫܲܦܝܼܪ ܕܘܼܒܵܪ̈ܐ ܓܵܘ ܟܬܝܼܒܼܵܬܘܼܟܼ
ܥܲܒܼܕܝܼܫܘ̇ܥ ܣܵܗ̄ܕܐ