ankawa
المنتدى الثقافي => نتاجات بالسريانية => الموضوع حرر بواسطة: عوديشو سادا في 23:28 09/12/2014
-
ܚܲܝ̈ܐ ܥܲܡܛܵܢ̈ܐ
ܪܘܼܚܝܼ ܒܓ̮ܘܼܢܓ̮ܵܪܐ ܓܵܘ ܥܵܠܡܐ ܕܚܛܝܼܬܼܐ
ܘܐܲܢ̄ܬ ܐܲܠܵܗܝܼـ ܫܬܝܼܩܐ ܒܫܸܠܝܘܼܬܼܐ
ܐܲܦ ܡܲܪ̈ܥܹܐ ܣܲܪ̈ܝܹܐ ܒܫܸܟܼܢ̈ܐ ܥܲܠ ܦܲܓܼܪܝܼ
ܠܐ ܦܫܝܼܛܠܘܼܟܼ ܐܝܼܕܘܼܟܼ ܕܡܵܫܚܸܬ ܠܕܲܪ̈ܒܵܬܝܼـ܀
ܛܪܝܼܦܐ ܝ̄ܘܸܢ ܡܚܲܝܐ̄ܝܼ ܡܸܠܝ̈ܐ ܡܢ̄ ܒܝܼܫܘܼܬܐ
ܚܸܫܵܢܬܵܗ̇ ܓܵܐܢܝܼ ܘܠܲܝܬܠܵܗ̇ ܛܲܝܒܘܼܬܼܐ
ܢܦܝܼܠܐ ܝ̄ܘܸܢ ܒܩܲܘܕܹ̈ܐ ܒܨܘܼܠܦ̈ܐ ܕܐܘܼܠܨܵܢ̈ܐ
ܠܲܝܬܠܝܼ ܥܘܼܕܼܪܵܢܐ ܡܢ̄ ܐ̄ܢܵܫ̈ܐ ܣܲܢܕܵܢ̈ܐ܀
ܠܲܝܬܠܝܼ ܡܪܲܚܡܵܢ̈ܐ ܡܪܲܚܡܝܼ ܠܢܵܫܘܼܬܼܝܼ
ܐܲܚܟ̮ܝܼ ܣܲܢܝܵܢ̈ܐ ܕܬܲܠܚܝܼ ܠܚܲܝܘܼܬܝܼ
ܫܡܲܝܐ ܫܬܝܼܩܬܐ ܝ̄ܠܵܗ̇ ܠܙܲܪܥܐ ܕܒܝܼܫܘܼܬܼܐ
ܘܣܵܛܵܢܐ ܚܒܼܵܛܐ ܠܡܗܲܝܡܢ̈ܐ ܒܚܲܢܦܘܼܬܼܐ܀
ܟܡܐ ܕܝܼܘܲܚ̈ ܨܝܵܡܐ ܡܨܵܠܘܼܝܹܐ ܨܠܘܼܬܼܐ
ܢܦܵܠܹܐ ܝ̄ܘ̄ܚ̈ ܐܲܣܝܼܪ̈ܐ ܬܚܘܼܬ ܚܲܪܵܡܘܼܬܼܐ
ܛܠܝܼܩܹܐ ܝ̄ܘܲܚ̈ ܫܸܢܝ̈ܐ ܒܝܼ ܢܲܦ̮ܫܐ ܫܦܝܼܠܬܵܗ̇
ܪ̈ܚܝܼܩܹܐ ܡܢ̄ ܦܘܼܪܩܵܢܐ ܘܠܲܝܬܠܲܢ ܡܲܢܝܵܚܬܵܐ܀
ܗܵܕܟܼܐ ܗܘܵܐ ܚܲܝ̈ܐ ܒܕܵܐܗܐ ܚܘܼܬܵܡܐ
ܐܵܗܐ ܝ̄ܗܘܐ ܝܵܘܡܵܢ ܕܠܐ ܫܲܝܢܐ ܘܫܠܵܡܐ
ܠܐܲܟܼܐ ܡܛܵܝܐ ܝ̄ܘܲܚ̈ ܠܛܸܦܐ ܕܫܘܼܠܵܡܐ
ܡܐܲܝܟܼ ܥܲܡܛܐ ܕܠܸܠܝܐ ܟܠ ܡܸܢܕܝܼ ܐ̄ܟܘܼܡܐ
ܡܐܲܝܟܼ ܥܲܡܛܐ ܕܠܸܠܝܐ ܦܪܝܼܣܐ ܝ̄ܠܹܗ ܛܠܘ̇ܡܝܐ܀
ܥܲܒܼܕܝܼܫܘ̇ܥ ܣܵܗ̄ܕܐ