ankawa
المنتدى الثقافي => نتاجات بالسريانية => الموضوع حرر بواسطة: عوديشو سادا في 23:09 15/12/2014
-
{ دورة مدينة الملافنة }
܀ܕܘ̇ܪܐ ܡܕܝܼܢ̄ܬܼܐ ܕܡܲܠܦܵܢ̈ܐ܀
ܙܲܒܼܢܐ ܕܲܥܠܲܝܡܘܼܬܼܐ ܒܢܲܦ̮ܫܐ ܕܚܲܕܘܼܬܼܐ
ܥܒܼܝܼܪܠܗ̄ܘ̇ܢ ܚܙܝܼܩܠܗ̄ܘ̇ܢ ܥܲܡ ܝܵܘܡܵܬܼܐ
ܒܕܘ̇ܪܐ ܡܕܝܼܢ̄ܬـܝܼ ܫܲܦܝܼܪ ܦܢܝܼܬܼܐ،
ܟܠܡܐ ܕܪܲܚܩܝܼ ܦܵܣܘ̇ܥܵܬܼܵܢ
ܡܼܢ ܓܵܘ ܥܲܦܪܵܟܼܝ ܠܹܐ ܡܲܢܫܸܚܠܵܟܼܝ،
ܒܪܸܢܝܵܢ ܘܗܲܘܢܵܢ ܝܼܠܲܝܗܝ̈ ܩܒܼܝܼܥ̈ܐ
ܒܨܲܦܪܐ ܘܪܲܡܫܐ ܟܠ ܕܘܼܟܼܪܵܢܵܟܼܝ،
ܐܵܢ̈ܝ̄ ܕܘܼܟܼܪ̈ܢܹܐ ܙܲܗܪܝܼܪ̈ܝܹܐ
ܕܠܲܝܬܠܗ̄ܘ̇ܢ ܫܝܵܦܬܐ ܘܠܐ ܡܲܚܦܲܠܬܐ
ܡܢ ܩܸܫܝܘܼܬܼܐ ܕܙܲܒܼܢܐ ܪܗܝܼܒܼܐ
ܟܡܐ ܕܘܼܪܒܸܢܐ ܒܥܲܣܩܵܘܵܬܼܐ
ܒܟܠܲܝܗܝ̈ ܫܒܼܝܼܠ̈ܐ ܘܐܲܝܟܸܢܘܵܬܼܐ،
ܡܕܝܼܢ̄ܬܐ ܚܠܝܬܐ ܒܚܸܠܥܵܬ ܙܗܝܼܬܐ
ܡܙܲܒܼܢܐ ܥܒܼܝܼܪܐ ܐܲܢ̄ܬܝـ ܡܩܵܘܝܵܢܬܵܗ̇،
ܦܢܝܼܬܼܵܢ ܪܫܝܼܡܬܵܗ̇ ܠܓܸܫܪܐ ܕܝܵܘܡܵܢ̈ܐ
ܒܢܹܐܠܵܟܼܝ ܫܸܪ̈ܫܹܐ ܒܸܣܛܘ̇ܢ̈ܐ ܡܩܵܘܝܵܢ̈ܐ
ܠܐ ܡܲܢܫܝܼܵܢ̈ܐ،
ܒܐܘܼܦܩ̈ܐ ܪ̈ܘܝܼܚܹܐ ܙܲܗܝܘܼܬܼܵܐ ܦܪܝܼܣܠܵܟܼܝ
ܒܐܲܡܝܼܢܘܼܬܼܐ ܐܲܡܝܼܢܵܐܝܼܬܼ ܡܝܲܩܪܵܚ ܠܚܘܼܒܵܟܼܝ،
ܝܐ ܡܩܵܘܝܵܢܬܵܗ̇ ܒܠܸܒܵܢ ܘܪܸܢܝܵܢ
ܦܝܼܫܠܵܟܼܝ ܢܨܝܼܒܼܬܵܗ̇ ܒܟܠ ܥܕܵܢܵܬܼܐ
ܒܟܠ ܥܲܣܩܘܼܬܼܐ ܕܐܲܝܟܸܢܘܵܬܼܐ،
ܘܬܪܹ̈ܝܢ ܥܹܕܬܵܬܼܐ ܒܫܸܡܐ ܡܫܘܼܡܗ̈ܐ
ܡܵܪܝ̄ ܓܝܼܘܲܪܓܝܼܣ ܗܵܘ ܩܪܲܒܼܬܼܵܢܐ
ܘܡܵܪܝ̄ ܝܘܼܚܲܢܐ ܡܲܥܸܡܕܼܵܢܐ،
ܒܬܪܹ̈ܝܢ ܒܸܢܝܵܢ̈ܐ ܟܡܐ ܪ̈ܵܡܵܢܹܐ
ܒܢܘܼܗܪܐ ܕܠܸܠܝܐ ܡܲܢܗܸܪ̈ܢܹܐ
ܢܗܝܼܪ̈ܐ ܠܲܡܕܝܼܢ̄ܬܵܢ ܡܘܼܪ̈ܡܹܐ ܨܠܝܼܒܼܐ
ܣܩܝܼܦܐ ܕܝܼܫܘ̇ܥ ܒܫܸܡܐ ܕܡܫܝܼܚܐ
ܢܨܝܼܒܼ̈ܐ ܩܸܢܐ ܡܛܵܝܐ ܠܸܥܢܵܢ̈ܐ،
ܘܩܵܠ ܢܵܩܘ̇ܫܐ ܘܥܸܛܪܐ ܕܒܸܣܡ̈ܐ
ܒܐ̄ܪܵܙܐ ܪܲܒܐ ܥܲܡ ܨܠܵܘܵܬܼܐ
ܘܗܲܠܸܠܘ̇ܝܗ̇ ܒܩܵܠܐ ܕܡܗܲܝܡܢ̈ܐ،
ܬܵܡܐ ܝܼܗ̄ܘܵܘ ܕܟܼܵܪ̈ܐ ܛܵܒܼ̈ܐ
ܕܐܲܒܼܵܗܵܬܼܵܢ ܥܲܡ ܟܠ ܫܒܼܵܒܼ̈ܐ
ܒܩܲܦܠ̈ܐ ܕܚܢܵܢܐ ܒܚܲܩܠ̈ܐ ܪ̈ܘܝܼܚܹܐ
ܒܫܲܦܝܼܪ ܬܸܓܼܡ̈ܐ ܡܢ ܗܲܒܵܒܼ̈ܐ،
ܟܠܲܝܗܝ̈ ܥܠܲܝܡ̈ܐ ܥܲܡ ܚܵܡܵܬܼܐ
ܥܲܡ ܡܘܼܪ̈ܕܢܹܐ ܒܢܲܝ̈ ܡܲܪܕܘܼܬܼܐ
ܒܟܠ ܝܘܼܠܦܵܢ̈ܐ ܘܣܸܦܪܵܝܘܼܬܼܐ
ܠܹܐ ܡܲܢܫܝܼܠܵܟܼܝ ܠܹܐ ܣܲܪܘܝܼܠܵܟܼܝ،
ܕܘ̇ܪܐ ܡܕܝܼܢ̄ܬܼܐ ܕܟܠ ܚܘܼܦܵܛ̈ܐ
ܐܵܢ̈ܝ ܟܲܫܝܼܪ̈ܐ ܒܢܘܼܢܵܟܼܝ ܒܢܵܬܼܵܟܼܝ
ܓܵܘ ܬܲܫܥܝܼܬܐ ܕܐܵܒܼܵܗܵܬܼܐ
ܒܟܠ ܚܲܫܚܵܬܼܐ ܒܟܵܬܼܒܼܝܼ ܫܸܡܵܟܼܝ
ܥܲܒܼܕܝܼܫܘ̇ܥ ܣܵܗ̄ܕܐ