ankawa
منتدى الهجرة واللجوء => الهجرة و واللاجئين => الموضوع حرر بواسطة: عزاوي عزاوي 2 في 21:21 11/02/2015
-
السلام عليكم اخواني حاب انزل قصتي ورايد من اهل الغيرة يساعدوني باللي يعرفوه لان والله تعبت وبعد مدااعرف شسوي اني مقدم يو ان عمان عبرت السنة اول مجيت السنة الماضية قدمت على اليو ان وقابلت المقابلة الاولى ومشت الامور حسب الاصول وقبلوني كلاجئ وورة المقابلة بشهر تقريبا صارت عندي ظروف اضطرتني ارجع البغداد وابقة اهناك شهرين ومن ضمن اللي صار بهاي الشهرين رحت عمرة وية والدتي لان والدتي الله يعافيكم مصابة بالسرطان وطبعا عندي اوراق تثبت هذا الحجي علما انو زوجتي بقت بعمان ومرجعت وراها رجعت العمان ومضت شكم شهر ورحنة دنجدد ورقة الحماية وماخذ وياية الاوراق اللي تشرح سبب رجعتي عبالي مقابلة طلعت لا مقابلة ولا شي ومطولت ٥ دقايق بالغرفة ومسألوني ولا سؤال ولا اي شي بس طبعا سجلوا انو اني رجعت البغداد وشافوا ختم العمرة فحبيت اشرحلهم سبب رجعتي كالولي مو يمنة احنة مو مقابلة ونازلة عندك مقابلة قريبة وسألوني بس منو عندي باميركا جاوبتهم اهلي وهايهية وهذاك يوم وهذا يوم وصارلي فوك السنة المشكلة انو داتصل بيهم بس رقم اليون ان يمكن عاطل لان مداحصل ابددد كالولي اكو موقع الكتروني ادك الكايس نبر وتطلعلي حالة الملف واني مااعرفة ياريت اليعرفة ينزلة للموقع لان مااعرف وين اروح والمن اسأل بصراحة اني تعبت هواية لان ماكو شغل وكاعد وممرتب امري دالزكهة منا ومنا والمشكلة مااعرف اني لصتهة لو لا ودافكر بالرجعة ورة مصفيت الاول والتالي اسف جدا عالأطالة بس ردت من اهل الخبرة يكونون بالصورة علمود يساعدوني برأيهم ورحمة الله والديكم مقدما على ردودكم وأرأكم
-
انشالله خير اني ماعندي خبرة بس انشالله الاخوان ميقصرون
-
عزيزي انته خالفت اهم شرط من شروط اليو ان التي تثبت عدم امكانية بقائك في العراق لانها مهدده لحياتك !! ورجوعك للعراق ينهي كل شيئ. مع الاسف.
-
اخوية تفائل خير وهسة يجون الاخوة ينطوك الرقم وان شاء الله تفرج عليك عن قريب وعلى الجميع بحق محمد واله الاطهار
-
شلون اتابع ملفي بالانترنت شنو هوة الموقع وشلون الطريقة
-
السلام عليكم
اخي عزاوي طبعا واكيد انت دمرت حالة ملفك ووضعته في وضع سئ واخي لا يوجد في عمان موقع لمتابعة ملفك نهائيا وما عليك الا ان تكتب مناشدة وترفق معها نسخة من تقارير الوالدة الله يشفيها وتوضعها في ظرف في الصندوق الذي بقرب المفوضية وكرر هذا الامر كثيرا وحاول ان تذهب زوجتك وتطلب موعد مقابلة موظفة الشوؤن الاجتماعية وتشرح لها ظروفكم وتأخذ معها تقارير الوالدة الله يشفيها
اي استفسار انا جاهزة للرد عليك ضمن معلوماتي
وان شاء الله خير
بالتوفيق
-
اخي العزيز بس فهمني غلقوا ملفك لو راح التوطين يعني جان طالع الك توطين قبل لا ترجع للعراق-- لان بسوريا عادي هواي رجعو للعراق وبعدين عادو الى سوريا وفتحو الملف من جديد
-
لا لا غلقوا ملفي ولا راح التوطين مااعرف بس محد اتصل بية بعد قابلت مقابلة وحدة وهايهية صارلي فوك السنة وبعد مقابلت الثانية فااني داكول اخاف مدزوا علية لان رجعت ولصتهة واقرة على هذا الموقع العالم تكول نزل تحديث او الملف معلق او انتظار ومن هذا القبيل فمااعرف هاي وين ديتابعون ملفاتهم
-
حبيبي ليضل بالك ابد اني يمكن ٤ مرات رجعت للعراق وحتى اخر مرةطولت تقريبا ٧ اشهر وبدون اي سبب يعني منطيتهم اي عذر بس كتلهم رجعت جان عندي شغل وهسه اني بأمريكا والحمد لله لتخاف بس اهم اهم اهم شي متعوفهم وانت صاحب عائله بالاسبوع ٣ مرات روح على الاقل واطلب مقابلة وان شاء الله خير
-
اي هاي هي اخي طبعا ميتصلون بيك اتت تنتظر مقابلة وفد قابل تريدهم يوميه جايبينك على مقابله ماكو شئ اخي اطمئن بس يجي الوفد ويوصل دورك ىتصلون بيك ما صار الك هواي اكو ناس تنتظر سنتين اتلاثه الا تقابل وفد وانت واحد منهم وعندما ذهبت الهم وسالوك اذا عدك اقارب بامريكا هذا يدل على انتهم مهتمين بملفك
-
عزيزي العزاوي انتظار السنين شي طبيعي باليو ان
اني قدمت 2010 وما تم قبولي كلاجئ إلا في عام 2014 وإلى الآن منتظر باقي الإجراءات والمقابلات مع العلم كل إجراءاتي سليمة
ملاحظة: مو تشوف طولوا سنة ما انصلوا بيك وترجع للعراق وتكعدلك شهر شهرين بعدين تندم وترجع؟
خليك صابر وهاي السنين مقصودة حتى يشوفون قصتك حقيقية لو جذب
اصبر والله كريم
-
الانتضار والمغلق والمعلق جماعة iom
اعتقد ال un ماكو هيج حجي
-
عزيزي جماعة ال . Iom عراق
عدهم موقع علنت يشوفون بيه حالة الملف
بس مو اعتقد جماعة ال un الاردن عدهم هذا الموقع