ankawa
منتدى الهجرة واللجوء => الهجرة و واللاجئين => الموضوع حرر بواسطة: sara_altmemy في 23:31 26/02/2015
-
مرحبا
اني وزوجي تم رفضنا من المحلف بعد التعليق وكانت الهجرة او اللجوء الى امريكا نحتاج اهل الخبرة ان يفيدونا بمعلومات التقديم الى كندا او اي دولة اخرى ويفضل كندا او استراليا يرجى الرد وشكرا
-
Sara
الله يكون بعونكم عالرفض السؤال هل انتم تقديم iom العراق؟
ام تقديم un عمان لو تركيا؟
وشنو سبب الرفض ما ارسلولكم ايميل؟؟
-
احنة تقديم عمان من سنة 2009 اجانة الرفض سنة بعد ما كنا تعليق من المحلف اجناة بسنة 2014 برمضات اتذكر اوراق الرفض كانت اخر فقرة اظن السابعة ممكن اتساعدونا لان صراحة ملينا من الانتضار وملينا من عمان الي مابيها شغل ولا بيها بركة وصدك احنة منكدر نرجع للعراق والمشكلة رجلي هسه ديفكر اذا ماصرت نتيجة وية اليو ان نطلع تهريب بس تخوف لان عدنا طفل عمرة سنة
-
آهم شي قدمو اعتراض بسرع وقت
-
راح علينا الاعتراض لان احنة اجانة الرفض يوم 20 \1\2014 المهم اني من صدك رايدة مساعدتكم بمعلوماتكم الي تساعدنا بوضعنا
يعني رايدة افتهم اني ماعندي كفيل باستراليا شلون نطلع الى استراليا واحنة ماعدنه كقيل اكو طريقة تمشي بيها قانوني وشلون
واحنة ماعدنة كفيل بكندا ولا نص كفيل شلون المعندة كقيل بكندا يكدر يطلع اكو طريقة بدون كفيل قانونية وشلون
او الى اوربا شنو الي انسوي حتى نطلع الى اوربا عن طريق اليو ان
-
الله يساعدكم
UP للمشاركة
-
السلام عليكم اختي سارة اي شخص مقدم على منظمة الامم المتحدة و تم ترشيح الملف او تقديم الملف الى بلد الاستيطان مثلا امريكا و اجرى المقابلة مع الوفد الامريكي و كانت النتيجة الرفض او عدم الاهلية لدخول الولايات المتحدة الامريكية سوف يرجع الملف بعد ثلاثة اشهر الى منظمة UN اوتوماتيكيا وهنا سوف تجد الاخيرة بلد استيطان آخر من البلدان المفتوحة و الراغبة باستقدام اللاجئين و غالبا تكون كندا و استراليا و عملية اعادة الاستيطان لبلد آخر تاخذ وقت طويل كان الله في عونكم اختي الكريمة ولكم خالص الدعاء تحياتي
-
السلام عليكم اختي سارة اي شخص مقدم على منظمة الامم المتحدة و تم ترشيح الملف او تقديم الملف الى بلد الاستيطان مثلا امريكا و اجرى المقابلة مع الوفد الامريكي و كانت النتيجة الرفض او عدم الاهلية لدخول الولايات المتحدة الامريكية سوف يرجع الملف بعد ثلاثة اشهر الى منظمة UN اوتوماتيكيا وهنا سوف تجد الاخيرة بلد استيطان آخر من البلدان المفتوحة و الراغبة باستقدام اللاجئين و غالبا تكون كندا و استراليا و عملية اعادة الاستيطان لبلد آخر تاخذ وقت طويل كان الله في عونكم اختي الكريمة ولكم خالص الدعاء تحياتي
اخي العزيز
المشكلة احنه منعرف نصرف لا اني ولا رجلي والمشكلة الاخرى والي هي الطامة الكبرى احنه منعرغ احد باستراليا و كندا يعني ماعدنا لا كفيل ولا صديق اني حابة اعرف الخطوات يعني علمونا شلون نمشي خطوة بخطوة اترجاكم لان ما ظل بينا حيل الله شاهد وضعنا صدك تحت الصفر
-
السلام عليكم و الله يكون في عونكم اختي الكريمة
عليك ارسال فاكس لمنظمة UN و شرح وضعكم عسى ان تسرع في عملية اعادة الاستيطان مرة اخرى و دائما ارسال فاكسات و ان الله مع الصابرين يارب تسهيل الامور