ankawa
منتدى الهجرة واللجوء => الهجرة و واللاجئين => الموضوع حرر بواسطة: haydervip في 00:56 01/03/2015
-
السلام عليكم.......
اليوم فتحت موقع الملف وشفت شئ غريب وهو انه حالة الملف كالااتي:
حالة الملف (بانتظار النتيجة) وطبعن هاي ما تغيرت من يوم التقديم
المقابلة الاولية (غير فعال)
مفابلة المحلفين (فعال)
الفحص الطبي (فعال)
التشييك الامني (بالانتظار)
حالة السفر (بالانتظار)
علما انه اني مقدم منذ سنة 2013 بغداد والملف كان وضعة كلة (غير فعال) وسمعت كم واحد بالمنتدى عندة صاير نفس الشي اني رقم الكيس مالتي iz-147xxx الي عندة صاير نفس الشي خلي يذكرنة رقم الكيس مالتة حتة نعرف وين وصلو بعد الـ 147 بلكت هاي تطلع صدك مو خربطة بالموقع مثل ما كالو بعض الاخوان بالمنتدى ويمكن لغو المقابلة الاولى والله كريم وربي يوفق الجميع......
اخوكم
حــــــــــيدر
-
هاي انت اعتقد رابع حالة بالمنتدى تتغير بهذا الشكل. ان شاء الله تطلع الاشاعات صحيحة وتكون مقابلة وحدة فقط
-
اكيد اكو خربطة بالموقع لان لو الغوا المقابله الاولى فلماذا الفحص الطبي فعال وهذا يحدث بعد المقابله الثانيه والسفر بالانتظار وهذا يتم بعد قبول المحلف والثانيه مكتمل والامنيه مكتمل
-
اخوية ماعتقد خربطة هو شنو موقع مال واحد مسوي شلون مجان موقع رسمي، اكو شخص اعرفة قابلة المقابلة الاولة الي تكون مراجعة الاستمارة الي دزهة وبنفس اليوم قابل محلف وبصمة وصور المقابلة جانت من ال7 الصبح لحد 5 العصر يلة طلعوا
-
نفس الحال وياية بالضبط
-
شنو هل خربطه
اعتقد الخلل بالموقع
-
انشاء الله تطلع صحيح للكل بالمناسبة هذا السيرفر مال الموقع مو بعمان بالدارة العامة بواشنطن
-
نفس الشيء حصل وياية... واني مقدم بالــ 2014
-
السلام عليكم اني قدمت لواحد صديق ولحد الان يطلبون التحقق من الوظيفه ولكن الغريب انهم ارسلوله كيس نمبر وعند تسجيل الصفحة وجدت انه حالة الملف مثل حضرتك يعني الفحص والمقابلة فعال مااعرف بس حبيت انقل الكم الحالة وشكرااااا
-
لعد هو اني صارلي من 2013 اجاهد حتى ااكد العمل وماكو فائدة والهذا يومك وهسة مخليها القضية يم محامي منظمة انسانية وجاي يمشي بالموضوع
-
اكيد اكوا خربطه بالموقع لان المقابله الاولى لم تلغى واللي يأكد هذا ان اكوا جماعه ديقابلون الان اولى وكذالك في الشهر السابق ومنهم الاخ ابو محمد علي وكتبها في الموقع
-
تفائلوا بلخير
انشالله كل الخير ياربي
ويسهل امر الجميع