ankawa
منتدى الهجرة واللجوء => الهجرة و واللاجئين => الموضوع حرر بواسطة: THE DIPLOMAT في 16:00 02/03/2015
-
السلام عليكم ...
قبل يومين نزلت موضوع بخصوص صديقي اللي كان فرحان بشكل مو طبيعي لأن انطوه موعد سفر
وراها بقى ينتظر و ينتظر و كل يوم يخابرني : " ها دبلو , خوية ما اتصلو" :-\
و آني اصبر بية و اكولة يابة ترة قبل يومين يتصلون و يفهموك الموضوع .
طبعا ورا ما انتظر و انتظر ماكو شي و قبل السفر بساعات كولتلة يابة خابرهم اخسر كم فلس ع الرصيد و اتصل شوف شنو الموضوع , و يتصل و يكولولة "انتة ع الموعد "
بقى يتصل اكثر من مرة لحد ما كلولة يابة انتة موعد سفرك ملغى صارلة كم يوم ::) ::)
و ملفك رجع تشييك امني و منعرف بأي مرحلة .
يعني سؤال يطرح نفسة بالكاع و يتمرغل , اذا هو طالعلة موعد سفر و عندة اوكي
ليش يعني رجع تشييك امني قبل السفر بأيام ::)
و هسة كاعد ميدري راح يرجعون يحددولة موعد قريب او لا
المهم اني نصحتة انو يمارس حياتة كأنما ما مقدم لجوء ,
لضمان السلامة العقلية و النفسية ...
شتخليلها و تطيب ::)
الولد خطية يبجي من خابرني بس همزين آني كولتلة قبل لا تبيع بيتك و غراضك و لا تعوف شغلك
و سمع كلامي ... و هسة حتى ما الة واهس يفتح الجنطة مال السفر يطلع ملابسة
يعني جان راح للمطار و رجع بخفي حنين
-
والله هالقصة خلتني أقلق
إن شاء الله من يصير موعد سفري ماراح أطلع من شغلي ولا أبيع أغراضي
حسبي الله ونعم الوكيل عليهم غربلوا الرجال
-
والله شي صعب جداً الله يكون بعونه
-
الله يكون بعونة والله انقهرت عليه بس بلغه ابد لايقلق
معناها التجييك الامني مالته صار اكسباير فلغو السفرمالته
واكو ملفات حالتهم بعد اتعس لان سافرو ل عمان ورجعوهم.
هسه هو راح ينتظر التجييك الامني مالتة يكتمل مرة ثانية.
سؤالين مهمين واتمنى الجواب منك:-
1-شكد صارلة التجييك الامني مكتمل في موقع عمان؟؟
2-شون كانت طريقة تبليغه بموعد السفر عن طريق التلفون لونزل موعد السفربموقع عمان
لوب ايميل؟؟؟
-
هلوووووووو دبلوووووو
والله شكلك هي هاي الشغلة الي من وراها هواي ناس كنسلت الشغلة
همزين الحمدلله صاحبك مااتصرف ببيت شغل
قبل 3 سنوات سووها بهواية مواعيد نطوهم وراها كلها الغت
وكان اكو بيهم ناس بيتهم اجار ومفرغين البيت وبايعين البيت والسيارة
لان بوقتها بلغوهم بالتاجيل قبل كم يوم
والاتعس بيهم وصلوا لعمان ورجعوهم
بس بالعموم الاغلبية كلهم سافروا بموعد سفر ثاني
ياله مابيه قسمة يسافر هالايام
عادي حبي خل ينتظر وان شاءالله ميطول التجييك الامني
بسسسسسسسسسسسسسسسسسسسسسسسسس
اهم شيء مو يكنسل الكيسسسس
خل يعتبر نفسه اصلا ممنطيه موعد سفر وبعده بالتجييك الامني
تحياتي
-
اني تأجل سفري قبل موعد السفر بيومين بعد ما صفيت كلشي ، وبلغوني تاجيكات امنيه من يوم ٢٤/١١ ولحد اليوم والله كريم يفرج علينا وعليك
-
الاخ beamer
الله يسهل امرك ويحددولك موعد سفر جديد يارب..
بس هم سؤالين واذا ممكن الجواب:-
1-شكد بقى عندك التجييك الامني ( مكتمل) في موقع عمان؟؟
2-وشون كانت طريقة تبليغك بموعد السفر؟؟
-
بقى التجيك الأمني شهر ونصف في الموقع مكتمل ، ونزل موعد طيران قبل شهر بالموقع ، وتم الاتصال بي على الرحلة مع موعد الحبايه قبل ثمانية ايام من الموعد هاتفيا ، ولكن قبل يومين السفر تغير كل شي ولله الحمد
-
مو كلتلكم IOM اكبر 56
-
الله يساعده ويصبره .. وازيدك من الشعر بيت صديقي انطو موعد سفر وسلم على الكل وقبل بيوم واحد خابرو كلوله تأجل سفرك ووره شهرين لزكو برفض معدل هاي شنو رأيك بيها !!
الله يصبره
-
والله هالقصة خلتني أقلق
إن شاء الله من يصير موعد سفري ماراح أطلع من شغلي ولا أبيع أغراضي
حسبي الله ونعم الوكيل عليهم غربلوا الرجال
أبد كلشي لا تسوي اذا طلعلك موعد سفر و لا تتورط
سوي وكالة عامة لشخص ثقة حتى يبيع غراضك
ترى تكعد ع الكاشي
-
والله شي صعب جداً الله يكون بعونه
و أكو اللي بعد اصعب , لعد اللي وصل الأردن و يرجع ذاك شي يكول
بس بشرفي موقف محبط آني من يمي دارت بية الدنيا , بس صبرتة و كلتلة يجوز بس اجراءات السفر
و متطول , بس بيناتنا الحجي , هاية السالفة مال التدقيق الأمني رجع انتظار ابد مو مطمنة
-
الله يكون بعونة والله انقهرت عليه بس بلغه ابد لايقلق
معناها التجييك الامني مالته صار اكسباير فلغو السفرمالته
واكو ملفات حالتهم بعد اتعس لان سافرو ل عمان ورجعوهم.
هسه هو راح ينتظر التجييك الامني مالتة يكتمل مرة ثانية.
سؤالين مهمين واتمنى الجواب منك:-
1-شكد صارلة التجييك الامني مكتمل في موقع عمان؟؟
2-شون كانت طريقة تبليغه بموعد السفر عن طريق التلفون لونزل موعد السفربموقع عمان
لوب ايميل؟؟؟
ما الها غير تفسير , بس يعني قبل السفر بأيام صار اكسباير ؟
شنو الفلم , المفروض يصير اكسباير بعد سنة من اكتمالة , يعني هل من المعقولة ال IOM
ذابية ع الشحن لمدة سنة الا يومين و حجزولة قبل يوم من انتهاء التدقيق و كنسلو !!
فلم هندى لعبو بالولد ...
-
هلوووووووو دبلوووووو
والله شكلك هي هاي الشغلة الي من وراها هواي ناس كنسلت الشغلة
همزين الحمدلله صاحبك مااتصرف ببيت شغل
قبل 3 سنوات سووها بهواية مواعيد نطوهم وراها كلها الغت
وكان اكو بيهم ناس بيتهم اجار ومفرغين البيت وبايعين البيت والسيارة
لان بوقتها بلغوهم بالتاجيل قبل كم يوم
والاتعس بيهم وصلوا لعمان ورجعوهم
بس بالعموم الاغلبية كلهم سافروا بموعد سفر ثاني
ياله مابيه قسمة يسافر هالايام
عادي حبي خل ينتظر وان شاءالله ميطول التجييك الامني
بسسسسسسسسسسسسسسسسسسسسسسسسس
اهم شيء مو يكنسل الكيسسسس
خل يعتبر نفسه اصلا ممنطيه موعد سفر وبعده بالتجييك الامني
تحياتي
عمي لورنس شخبارك عساك طيب .
نفس حجايتي كلتلة , انو يعتبر لا جاية سفر و لا يحزنون
بس هو قلق يكول معناتها راح ينرفض , كلتلة يابة لو رافضيك كان ما وصل ملفك لهالمرحلة
بشرفي اذا ينطوني موعد , الا اروح بجنطة مدرسية بيها بجامة و شورت و بس
لا حقائب و لا يحزنون , لأن كاعد تتكرر هاية الشغلة بشكل مريب نوعا ما
-
الله يساعده ويصبره .. وازيدك من الشعر بيت صديقي انطو موعد سفر وسلم على الكل وقبل بيوم واحد خابرو كلوله تأجل سفرك ووره شهرين لزكو برفض معدل هاي شنو رأيك بيها !!
الله يصبره
هو هذا بالضبط اللي خايف منة الولد , يمكن انتة فتاح فال سابقا ;D
لا جديات ترة صدك ماصخة , يعني موعد سفر و وراها رفض , ما تنعقل
اذا جاية موعد سفر اذا صادرة امنيتة تالي اجا رفض شلون
تحياتي
-
بقى التجيك الأمني شهر ونصف في الموقع مكتمل ، ونزل موعد طيران قبل شهر بالموقع ، وتم الاتصال بي على الرحلة مع موعد الحبايه قبل ثمانية ايام من الموعد هاتفيا ، ولكن قبل يومين السفر تغير كل شي ولله الحمد
طبعا قبل فترة كانت الحباية دليل على السفر الأكيد
بشرفي فلا اصدك اي سفر الا عند الوصول بالسلامة
بالتساهيل للجميع
-
الله يكون بعونك اخي لا تيأس وسبق ان كتبت في شهر 11 ان احد اقاربي انطوه موعد سفر على شهر 12 وقبل السفر اتصلوا بيه وتأجل السفر لان الظاهر ان الامنيه ما قبل السفر بعدها ما كملت ثم اتصلوا به بعد شهر وتم تحديد موعد سفر جديد في 21 شهر الاول وسافر وهو الان في ولاية اوهايو مع عائلته وكفيله ابن عمه وحاليا هو وحده في تكساس بسفره مع كفيله لزيارة اقرباء هناك واكرر لا تيأس وان شاء الله يكون موعد سفرك الجديد قريب جدا
-
الله يكون بعونك اخي لا تيأس وسبق ان كتبت في شهر 11 ان احد اقاربي انطوه موعد سفر على شهر 12 وقبل السفر اتصلوا بيه وتأجل السفر لان الظاهر ان الامنيه ما قبل السفر بعدها ما كملت ثم اتصلوا به بعد شهر وتم تحديد موعد سفر جديد في 21 شهر الاول وسافر وهو الان في ولاية اوهايو مع عائلته وكفيله ابن عمه وحاليا هو وحده في تكساس بسفره مع كفيله لزيارة اقرباء هناك واكرر لا تيأس وان شاء الله يكون موعد سفرك الجديد قريب جدا
مو آني عزيزي , اني لحد هسة ماكو شي لكن همزين طلعت من العراق و مراح ارجع 8)
بس خطية هذا الولد صديق قديم التقيت بي بالصدفة و معلق آمال ع اللجوء
آني كلتلة احسب سنة بعد حتى لا تنصدم اذا تأخر الموعد الثاني
تحياتي
-
الله يصبرة وان شاء الله تفرج على الجميع
-
الله يصبرة وان شاء الله تفرج على الجميع
تفرج عزيزي ... بس يراد سنين ...
تحياتي
-
تفرج عزيزي ... بس يراد سنين ...
تحياتي
اخوية مابيدنة غير الدعاء وصبرنة سنين وضاعت من العمر بس ماعدنة غير الصبر
واكو ناس منطيهم 3 مرات موعد سفر واخر شي غلقوا ملفهم مانكول بس حسبنا الله ونعم الوكيل
-
الله يسهلة
اني نفس الشي جان موعد يوم ٤ شهر ٨
وبعدين صار يوم ٦ شهر ١١
للحالات العادية التأجيل لمصلحة الشخص حتى يرتب امورة
واغلب الي تأجلو ٣ اشهر وسافرو
الله يسهل ياربي
-
الله يسهلة
اني نفس الشي جان موعد يوم ٤ شهر ٨
وبعدين صار يوم ٦ شهر ١١
للحالات العادية التأجيل لمصلحة الشخص حتى يرتب امورة
واغلب الي تأجلو ٣ اشهر وسافرو
الله يسهل ياربي
كلامك صحيح , بس 3 شهور بحياه اللاجئ زمن طويل
آني بس لو أعرف فلم تأجيل السفر شنو ...
اللي جاية موعد سفر المفروض مجييكية ناخلينة نخل يالا ناطي موعد سفر
بعد هل دكة الناقصة ليش !
ع العموم اهم شي الانسان سالم على حياتة و عائلتة
المهم صديقي احسن هسة و خبرتة نفس الشي
بس دائما اذكرة اكلة ترة توقع كلشي و هاية الحياة
مو كلشي نريدة يصير .
تحياتي
-
رحمتك ربي
غير قهرهذا صدوووك صدمه الله لا يوفقهم لعبوا طوبه بالناس
حاول اتصبره اخونه الكريم ويارب يفرجها عليك وعليه بالقريب العاجل يارب
تحياتي
اختك ام شاهين
-
السلام عليكم اخي
ابدا لا يقلق عادي و صارت ويه هوايه اعضاء و اني من ضمنهم
نطوني موعد سفر و ووراها غلسو عليه و بعت و صفيت وووووو
و بعده اتصلت بيهم كالو رجعتو علاتجييك الامني
ماطول عليك بعد تلاث شهور نطوني موعد و اني حاليا بامريكا صارلي تقريبا اربع شهور
ربي يسهل للجميع
تحياتي
-
السلام عليكم اخي
ابدا لا يقلق عادي و صارت ويه هوايه اعضاء و اني من ضمنهم
نطوني موعد سفر و ووراها غلسو عليه و بعت و صفيت وووووو
و بعده اتصلت بيهم كالو رجعتو علاتجييك الامني
ماطول عليك بعد تلاث شهور نطوني موعد و اني حاليا بامريكا صارلي تقريبا اربع شهور
ربي يسهل للجميع
تحياتي
مبروك عليك عزيزي
و صارت سوالف بالنسبة الك , صبرت كثير
لازم يكون اكو حل لهالمشكلة في التأجيل في آخر لحظة لأن كثير تضرروا
و مو مجرد خطأ في بعض الملفات و انما صارت شي شبه معتاد و للأسف الشديد
تحياتي الك عزيزي و موفق بحياتك الجديدة