ankawa
منتدى الهجرة واللجوء => الهجرة و واللاجئين => الموضوع حرر بواسطة: maltay في 13:47 05/03/2015
-
. السلام عليكم .
يا جماعة أتمنى اللي عنده معلومة بخصوص مقابلات الأطفال ان يساعدني .
عندي فيزا السياحية الامريكية وبعد ثلاثة ايام عندي موعد في القنصلية الامريكية في اربيل لتجديد الفيزا مالتي .
قدمت للفيزا السياحية لزوجتي واطفالي الأربعة .. صحيح هسه وحسب مقابلات الإخوة نسبة الرفض عالية . بس راح أحاول .
اللي محيرني مقابلات الأطفال .. تعليماتهم في فقرة يقولون : يجب على كل فرد من العائلة تحديد موعد منفصل .....وفي فقرة اخرى يقولون : الاستثناء الوحيد اللي أعمارهم 14 فما دون واللي أعمارهم 79 فما فوق ليس ضرورياً حضورهم للمقابلة ...
وفي فقرة أخرى يقولون : بالنسبة للقاصرين واللي هم محتاجين للمساعدة عليهم أن يكون معهم مرافق ...
فهموني يا جماعة الخير ... أني حجزت أربع مقابلات منفصلة ... مثلا عندي إبن عمره ٥ شهور شلون راح أودي للمقابلة ... شوية مو واضحة عندي ... أرجو ان تساعدوني ... ورحمة الله ولديكم .
-
اخوية اشلون حجزت موعد اني كملت الاستمارة ds160 لي ولعائلتي طبعا اني عنظي فيزة سابقا بس ما امسافر بيها بس قدمت من جديد بالنسبة الى موعد المقابلة من سجلت على موعد كل واحد على حظة لو اكو فقرة بالموقع مال تحديد موعد لضيف عائلتي اني همين عندي اطفال جوا ال ١٤ سنة اعتقد الاب او الام اتقابل مكانهم ياريت اتجاوبني وشكرا اشوكت فتح الموقع ساعة بيش ايمولون يفتح ساعتين وينسد
-
اهلًا وسهلا بيك اخوي العزيز .. بالنسبة لفتح الموقع وحجز المواعيد ما كو وقت معين . عليك بالمتابعة
أما حجز المواعيد طبعاً حسب الموقع وتعليماتهم لازم كل فرد من العائلة يحجز موعد خاص به . لكن الأطفال مشمولين بحجز الموعد هذا اللي ما اعرفه . اذا مو داعي أودي أطفالي للمقابلة راح أسوي ( cancel ) لمواعيدهم .
فنرجو من الإخوة اللي قابلو في اربيل وعدهم أطفال صغار شلون كان أجراءات المقابلة ... يعني حضرو الأطفال لو ولي أمرهم بدالهم قالبو .. وشكراً للجميع .
-
السلام عليكم اخي اعتقد اﻻب ﻻزم يحضر مع اطفالة بالمقابلة لاني شفت بنات وولد بالسفارة جايبين اهلهم معاهم ومن قابلوا اﻻهل كانوا موجودين مع ابناءهم وكذلك فكر ببصمة الاصابع كيف تلغي مقابلتهم واي انسان يريد السفر لامريكا يبصموه انت ممكن تقول اطفالي وامهم حيسافرون سياحة بالعطلة وانا اظل بعملي وانتظر الاجابات قبل متكنسل مقابلتهم
-
السلام عليكم اخي اعتقد اﻻب ﻻزم يحضر مع اطفالة بالمقابلة لاني شفت بنات وولد بالسفارة جايبين اهلهم معاهم ومن قابلوا اﻻهل كانوا موجودين مع ابناءهم وكذلك فكر ببصمة الاصابع كيف تلغي مقابلتهم واي انسان يريد السفر لامريكا يبصموه انت ممكن تقول اطفالي وامهم حيسافرون سياحة بالعطلة وانا اظل بعملي وانتظر الاجابات قبل متكنسل مقابلتهم
أختي العزيزة . شكرًا على مرورج بالموضوع
أني راح أقابل لتجديد الفيزا مالتي .... يعني قبل موعد مقابلات زوجتي واطفالي ... بعدها بأسبوع راح أتكون موعد المقابلة لزوجتي . بعدين مواعيد الأطفال يوم وره يوم .. يعني مقابلاتنا راح اتكون بالشكل التالي .
مقابلتي 2015/3/9
زوجتي 2015/3/17
بنتي عمرها 3 سنين موعد مقابلتها 2015/3/18
إبني رضيع عمره 5 شهور موعد مقابلته 2015/3/19
فما أعرف شلون راح أتكون الإجراءات ... شوية متردد اذا رحت شأكول للقنصل بخصوص مواعيد المقابلات لعائلتي ... اكوله أني راح أسافر بوحدي ... و ورآها بأسبوع مقابلات الزوجة والأطفال راح يعرف أني جددت الفيزا مالتي .... لازم احجي الصراحة اكوله يمكن أني وأطفالي بالعطلة الصيفية نسافر سياحة وهم راح أنروح نزور الأهل هناك ... لان هسه اتفقت مع عوائل كثيرة كلهم من معارفي مجنسين بأمريكا ... راح يسون دعوة جماعية لزوجتي واطفالي . يعني راح يصير قائمة أسماء وكلهم راح يتكلفون بينا أثناء وجودنا بأمريكا ... وكل شي بيد رب العالمين ... حقيقة من هسه أني قلق بنتائج المقابلات لان سمعت نسبة الرفض عالية .. ومرة ثانية شكرًا لكي
-
هاااي شنو والله مصعبيهة زين منين تعرف انوا لازم العائلة تتجزأ؟اني الاعرفة من تريد اتسوي فيزة الاب و الام لازم يكونون لان بدون احد منهم راح يطلعون برة لان القنصل يكللهم جيبوا ورقة سماح سفر ،على سبيل المثال انت اتروح و زوجتك لا راح يكولولك مسوي ترخيص بان زوجت تطلع الاطفال لو لا و اذا ماكو يكلك الله وياك اني صارت بيه جنت ممسوي ورقة سماح سفر ، و ثانيا الاطفال مسيولهم برنت فنكر اني بنتي ٥. سنوان و من قابلت مرادوا منهة برنت فنكر و اتمنى ان اكون قد استفادين من هل معلومات و الخير في ما اختاره الله
-
اخوية العزيز اي يوم بالتحديد قدمت يعني التاريخ وكذلك اشلون اتجدد الفبزة اني عندي فيزة انتهت بالشهر الثاني ٢٠١٤ او هسة قدمت من جديد ويا العائلة او كتبت عنوان اصدقائي بامريكا وشكرا
-
There is no need for interview to the children who are under 14 years , no finger print was required for them , but , u must bring all their documents like , birth certificates, passports , and photos ,
That's all what u need ,and that's what I did when I got my visit visa for my children ...
-
There is no need for interview to the children who are under 14 years , no finger print was required for them , but , u must bring all their documents like , birth certificates, passports , and photos ,
That's all what u need ,and that's what I did when I got my visit visa for my children ...
أخت ليان شكراً على مشاركتك بالموضوع .
والله أني قلق بحالتج لان شفت مداخلاتج بالمنتدى .. اختي العزيزة شنو آخر التطورات بقضيتج . أتمنى من رب العالمين أن يسهل عليج وعلى الجميع .
-
اخي العزيز
واضح من كلامك ( وخليك متذكر اني اعتمد ع كلامك )
الغير مشمولين بالمقابلة هم الاطفال دون 14 سنة والعجايز فوق ال79
هذة اتصوررر واضحة اي شخص بهذه الاعمار ميحتاج مقابلة
نجي ع الفقرة الاخرى (المدوختك) الي تكول بالنسبة للقاصرين والذين يحتاجون المساعدة
واضح انهم بهذه الجملة يقصدون اشخاص غير مشمولين بالفقرة الاولى
يعني اكيد يقصدون بالقاصر من هو فوق ال14 سنة واتصور
كل من عمره تحت 18 سنة هو قاصرررررررررررر
هذا يجب ان يكون معاه مرافق وبالنسبة لحالتك حتكون انت المرافق
الخلاصة (( بالاعتماد ع كلامك بالموضوع ))
اذا عندك اطفال اعمارهم تحت ال 14هذولة ميحتاجون مقابلة اصلا
اذا عندك قاصرين اصغر من 18 واكبر من 14 ( اذا كان القاصر اصغر من 18
لان ممكن يكون القاصر الي اصغر من 16 ) هذولي لازم ترافقهم بيوم مقابلتهم
يعني مستحقين حجز مقابلة
يفضل تذكرلنا اعمار اطفالك حتى نكدر نحدد منو الغير مشمول بالمقابلة
ومنو المشمول بالمقابلة مع مرافق
تحياتي
-
أخي العزيز ( لورنس السفّاح ) شكراً على ردّك الواضح .. هسه عرفت شلون .
عندي أربع أطفال وكلهم أقل من 14 سنة يعني صارت واضحة ما أوديهم للمقابلة فقط يحتاج مستمسكاتهم .
لكن هسه أني كلش قلق من الرفض . لان نسبة الرفض عالية حسي كلام الاخوان .
-
أخي العزيز ( لورنس السفّاح ) شكراً على ردّك الواضح .. هسه عرفت شلون .
عندي أربع أطفال وكلهم أقل من 14 سنة يعني صارت واضحة ما أوديهم للمقابلة فقط يحتاج مستمسكاتهم .
لكن هسه أني كلش قلق من الرفض . لان نسبة الرفض عالية حسي كلام الاخوان .
العفو اخي العزيز
بس خلي ببالك اني تحليلي ميني ع المعلومات الي انت ذكرتها
ورغم اني مقتنع بردي 100% قياسا للمعلومات الي ذكرتها انت
لكن هم يفضل ان تستفسر من شخص مقابل وعنده اطفال جوا ال14
اذا لربما تغيرت التعليمات
وبالتوفيق ان شاءالله
-
السلام عليكم بارك الله بيك على هذا الموضوع بس ياريت اتوضح اكثر شلون قدمت على فيزة بالتفصيل والله يوفقك
. السلام عليكم .
يا جماعة أتمنى اللي عنده معلومة بخصوص مقابلات الأطفال ان يساعدني .
عندي فيزا السياحية الامريكية وبعد ثلاثة ايام عندي موعد في القنصلية الامريكية في اربيل لتجديد الفيزا مالتي .
قدمت للفيزا السياحية لزوجتي واطفالي الأربعة .. صحيح هسه وحسب مقابلات الإخوة نسبة الرفض عالية . بس راح أحاول .
اللي محيرني مقابلات الأطفال .. تعليماتهم في فقرة يقولون : يجب على كل فرد من العائلة تحديد موعد منفصل .....وفي فقرة اخرى يقولون : الاستثناء الوحيد اللي أعمارهم 14 فما دون واللي أعمارهم 79 فما فوق ليس ضرورياً حضورهم للمقابلة ...
وفي فقرة أخرى يقولون : بالنسبة للقاصرين واللي هم محتاجين للمساعدة عليهم أن يكون معهم مرافق ...
فهموني يا جماعة الخير ... أني حجزت أربع مقابلات منفصلة ... مثلا عندي إبن عمره ٥ شهور شلون راح أودي للمقابلة ... شوية مو واضحة عندي ... أرجو ان تساعدوني ... ورحمة الله ولديكم .