ankawa
منتدى الهجرة واللجوء => الهجرة و واللاجئين => الموضوع حرر بواسطة: أبو سيوفي في 05:19 20/03/2015
-
السلام عليكم
بعد انتظار طويل دام لسنوات من ٢٠١٠ لحد الآن اليوم فتحت الملف مالتي لگيت الملف فعال و التچييك الأمني مكتمل لأول مرة والمدينة والمطار نازلات قبل كم شهر والفحص الطبي مكتمل وبعده ماصار اكسباير شتتوقعون بعد اشگد انتظر ؟؟؟ ألم چوالاتي لو بعد وكت ؟؟؟ علماً اني من الكيسات القديمة ١١٨... شتگولون؟
-
السلام عليكم
اخوية العزيز المفروض بعد اسبوع او أسبوعين يتحول السفر الى انتظار بموقع عمان و بعد تحول السفر الى انتظار بأسبوعين يتصلون بيك لتحديد موعد سفر و يكون بعد الاتصال باسبوع او اسبوعين و لكل ملف وضعه الخاص
امنياتي بالتوفيق و السفر
-
يعني انت شكد صارلك مفاتح الملف ؟
كنت مستمر وياهم لو منقطع
الفحص مكتمل يعني انت فاحص قريب لان بعده مكتمل
هسه المفروض السفر يكون عندك بالانتظار يعني
بهيج حالات من التجييك الامني يكتمل والسفر يصير بالانتظار
مطول شهر ويحددولك موعد سفر
-
ابو سيوفي لتستعجل وتلم جوالاتك من هسه ;D شوف حالة السفر اذا انتظار فه انشاءالله مطول هواية ويسفروك بس اتواصل مع كفيلك لان همه يبلغو اول واحد بسفرك ومن ثم يتم تبليغك بموعد السفر سواء بالموقع ام مكالمة هاتفيه وحاول اي تلفون ترد عليه وخلي تلفونك صاحي ;D
مودتي
-
السلام عليكم
عزيزي ابو سيوفي
الف الف الف الف الف الف الف مبروك إكتمال التجييك الامني وبعدها
راح يتحول السفر عندك الى انتظار وراها مامعلوم شكد تنر
اكو ناس بنفيس يوم تحول السفر الى انتظار يخابروهم على موعد سفر وواكو
بعد يومين واكو اسبوعين واكثر شي شفته بالمنتدى 21 يوم وخابروه على موعد سفر
اني ملفي تقديم 2009 وتقريبا حالتي مثلك.
تحياتي
-
السلام عليكم
اخوية العزيز المفروض بعد اسبوع او أسبوعين يتحول السفر الى انتظار بموقع عمان و بعد تحول السفر الى انتظار بأسبوعين يتصلون بيك لتحديد موعد سفر و يكون بعد الاتصال باسبوع او اسبوعين و لكل ملف وضعه الخاص
امنياتي بالتوفيق و السفر
شكراً أخ ياسر على معلوماتك وياربي يسهل امرك وتسافر قريباً
-
السلام عليكم
Bad news الظاهر الويلاد بالمنظمة غيروا رأيهم ورجعوا الملف معلق والتجييك الأمني بأنتظار النتيجة وهذا لم يكن بالحسبان ... شكراً جزيلاً لكل من تفاعل معي ومالنا غير الصبر والحمد لله على كل حال
أخوكم أبو سيوفي
-
راح يرجع مكتمل اطمئن
ماراح يتأخر
-
راح يرجع مكتمل اطمئن
ماراح يتأخر
شكراً جزيلاً اخ مصطفى عدت الامل بي من جديد وأتمنى من الله تسهيل أمرك وتعجيل سفرك