ankawa
منتدى الهجرة واللجوء => الهجرة و واللاجئين => مواضيع الحياة العامة في بلاد المهجر (امريكا) => الموضوع حرر بواسطة: ام خضير في 03:43 21/03/2015
-
السلام عليكم،
إحنا عائلة من أربع أشخاص، آني وزوجي وطفلين، قررنا أن نعوف شيكاغو لأن البرد دمّرنا هذا الشتا وما ممكن نتحمل شتا لاخ هنا، وبنيّتنا نروح لفلوريدا، فإللي عنده معلومات رحمة لأهلكم لا يبخل بيها علينا، آني سمعت إنه العراقيين يرحون لأورلاندو ولجاكسونفيل،
من أسألتي، وين المناطق الأمينة اللي واحد ممكن يأجر بيها، شلون وضعية الشغل، أكو هناك محلات حلال وخبز وصمون عراقي مثل ما موجود بشيكاغو، الأسعار عموماً شلونها، وأي معلومة أكيد رح تفيدنا هواية،
بالمناسبة آني أم مصطفى مو أم خضير، بس لأن من دا أسجّل النظام يكللي اسم مصطفى مستخدم، فاختاريت اسم منقرض بهذا الزمان،
تحياتي وشكري إلكم مقدّماً،
-
يمعودين معقولة ماكو أحد من فلوريدا،
ترى والله إحنا ما نام براس واحد، بس رايدين معلومات،
والله يسهل أمور الجميع،
-
اختي تمنيت اساعدش بس اني ساكن بكليفورنيا و ما رحت لفلوريدا
اتمنا اللي يعرف شي يساعد الاخت
ابو مقتدا
-
هذه بعض المواضيع التي تحتوي على معلومات عن ولاية فلوريدا
نرجو الاستفادة
بالتوفيق .
http://www.ankawa.com/forum/index.php?topic=394033.0
http://www.ankawa.com/forum/index.php?topic=400198.0
http://www.ankawa.com/forum/index.php/topic,285708.0.html
http://www.ankawa.com/forum/index.php?topic=316886.0
http://www.ankawa.com/forum/index.php?topic=579850.
-
اختي احنا بفلوريدا تحديدا تامبا بالنسبه النا مو مرتاحين هنا ابد وما اعرف هل الظروف عاكستنا من يوم ما وصلنا والاى الان ام هذا الوضع لكن لاحظت كثير ناس قابلتهم مو مرتاحين هنا بالنسبه هاي لمدينتنا بعد ما ادري باقي المدن
-
تحية للأخت الكريمة صاحبة الموضوع والاخ full of hope ... نعم اختي انا ساكن من سبعة اشهر تقريبا في مدينة تامبا في فلوريدا
1- حالة الطقس في الشتاء والصيف ممكن التكيف بسهولة تقريبا مثل بغداد ولكن الامطار غزيرة والمدينة جميلة .
2- فرص العمل تكادان تكون معدومة الا بعض الاشغال البسيطة مثل التنظيف والعمل في محطات الوقود بصفة عامل وماشابه ذلك
3- التعامل مع الناس فيه نوع من الصعوبة لأن اغلب الناس يتكلمون اسباني
4- الاسعار مرتفعة بعض الشيء عن مشيكان والمساعدات تنقطع بعد مدة 6 اشهر عن اللاجيء الا الفود ستامب مستمر
هذه الملاحظات الي شفتها