ankawa
منتدى الهجرة واللجوء => الهجرة و واللاجئين => الموضوع حرر بواسطة: Khafaji في 20:58 24/03/2015
-
السلام عليكم
الاخوه الاعزاء ارجو المساعده كيف اصل للسفاره لان عندي مقابله نهايه الشهر علما اني مو من بغداد (محافظات)علما تم ارسال المعلومات التاليه مع ايميلهم عن كيفيه الوصول للسفاره(نقطة تفتيش المنطقة الخضراء رقم ( 4) والتي تدعى أيضا سيطرة الحارثية)الصوره المرفقه ارجو التفصيل مع التقدير
-
اخي السلام عليكم انشاله اخوانك الي مقابلين ميقصرون وياك اخي فد سوال راح اسوي مقابله أولى لو محلفين يعني ثانيه
-
النزول من جسر القادسية نهاية الشارع نقطة الدخول على اليسار اخي هذا العنوان لان ولد قبلك قابل مقابله وانطه العنوان
-
السلام عليكم:
اخ الخفاجي يعني السفارة الامريكيه عاودت نشاطها ابغداد ؟
على اساس سمعنه انه مغلقه. بس باربيل التقديم على الفيز.
شكرا اخي على الرد.
اختكم ورد الشام.
-
والله سمعنة السفارة معزلة ابغداد..... ياريت احد ايأكدلنة الخبر ::) ::)
-
اخي العزيز ... اذا جاي لوحدك ونفرات مو تكسيات راح اشرحلك بكل بساطة ... تروح لكراج العلاوي .. تصعد من خارج الكراج بياع لو دورة وتوصي السايق ينزلك بساحة النسور .. اول متنزل اعبر الشارع على ايدك اليسرى اول فرع بيه القصر وحاليا طريق كله صبات .. امشي وياه لحد ميلاكيك جسر اعبرة ومباشرة على ايدك اليسرى نقطة تفتيش وهم يدلوك بباقي الاجراءات ووين تروح ومنين تفوت .. نصيحتي الك ادخل عالكوكل فوك مكتوبة خرائط وسوي بحث عن ساحة النسور وقارنها بالخريطة وهسه تندل بلامتحتاج احد يشرحلك ويفر راسك.. تحياتي
-
هي بعدها نفس الفتحة الي بيها الصبات لو غيروا مكانها ؟؟
-
الاخوه الذين يسالون عن السفاره والمقابلات فهي مفتوحه علما اني SIV
-
مثل ما كال الاخ ابن الصويرة
-
الاخ الخفاجي ان شاء الله تكون قابلت على خير يارب ، ياريت تنطينا فكرة عن المقابلة الاجراءات الدخول الانتظار والاسئلة والله يتمملك على خير وتصدر فيزتك باسرع وقت ..
-
اكملت بحمد الله مقابلتي في السفاره في بغداد علما اني siv وصلت الى ساحه النسور الساعه 7 صباحا ومقابلتي الساعه 8 صباحا قمت بالذهاب سيرا الى نقطه التفتيش التي تبعد عن ساحه النسور حوالي 1000 متر اي حوالي 10 دقائق مشيا نقطه التفتيش طلبوا مني الجنسيه والورقه التي ترسلها السفارة والتي تحدد موعد المقابله سمحوا لنا بالدخول ومشينا مسافه حوالي 800 متر ثم تفتيش حيث يتم التاكد من وجود اسمائنا في قائمه الاسماء الذين لديهم مقابلات وعند الساعه 8 تم نقلنا بالباص الى السفاره ثم تفتيش دقيق بالجهاز وبعدها الدخول لمكان المقابله تدخل اول شي الى المحاسب الذي ياخذالجوازات وطبعا احنا ال siv معفوين من االرسوم وبعدها يرشدك الى رقم الشباك الذي سوف تتم المقابله فيه جلسنا وبعد قليل تم مناداتنا حيث قامت موظفه عراقيه باخذ المستمسكات الاصليه والمترجمه لكل الافراد في الكيس وهي الجنسيه وشهاده الجنسيه والجواز ودفتر الخدمه العسكريه وعقد الزواج والعدم محكوميه وصوره القيد 57 وصور عدد 2 لكل شخص وكذلك الاستماره I 360 لمن قام بارسالها الى نبراسكا بالايميل وبعد ذلك تم تسليمنا ورقه لكل شخص يكتب فيها اسماء الاخوه والاخوات ومواليدهم وكذلك ارقام موبايلات الشخصيه وسنه استخدام الموبايل وكذلك الايميلات الشخصيه وسنه استخدامها والدول التي زرتها وباي سنه وتحتفظ بهذه الورقه لتسلمها لللقنصل (وكانت امراه)عند المقابله بعد حوالي نصف ساعه بدات المقابلات وكانت مقابلتي الثالث بعد مقابلتين قبلي وقد قام مترجم من السفاره بالترجمه لهم حيث سالهم القنصل ان كانوا يتكلمون الانجليزيه والحالتين هم لم شمل وليس SIV ,وبعدها نادت باسمي انا وزوجتي ولم نجلب اطفالنا معنا لانهم اقل من 16 سنه اول شي القسم بان المعلومات اللي قدمناها كلها صحيحه وبعدها اخذ بصمات اليدين ومن ثم اسئله عن طبيعه الشغل مع الامريكان واسم الشركات التي عملت معها وباي سنه تركت الشغل وماذا عملت بعدها وماذا تعمل الان وماهي مده سفرك للدول وما الغايه من السفر وهل كنت منتمي لحزب البعث فاجبتها باني كنت مجبر على الانتماء باقل درجه لانها شرط لقبولي في الجامعه وكانت الاسئله بسيطه وهي تقريبا مراجعه سرعه لما تم كتابته في الاستماره ds 260 ,وانا على استعداد للاجابه على اسئله الاخوه في المنتدى وقد تم اكمال كل المقابلات السعه 11 صباحا علما اننا فقط حوالي 3 كيسات siv ,والباقي لم شمل وتجديد جوازات وقد سمعت احد المترجمين يقول بان جماعه IOM سيكون بعد الانتهاء منا
-
اخي العزيز بدايةً الف الف مبروك المقابلة ويو اصدار الفيزة ان شاء الله، سؤالي اخي العزيز عن المدة بين ما الـ NVC انو اوراقك تحولت للسفارة لغرض المقابلة وبين تحديد موعد المقابلة ؟ يعني الموعد السفارة حددوا بدون طلب من حظرتك ؟ هل صحيح الموعد من يحددوا ينطوك تقريباً ٦٠ يوم لموعد المقابلة ؟ وتقبل فائق احترامي وامنياتي بسفرك العاجل
-
nc اخبروني بتحويل اواي للسفاره في بغداد وبعد 7 ايام اخبرتني السفاره بموعد المقابله وهو بعدحوالي 33 يوم من موعد ارسال ايميلهم اي هناك مده حوالي شهر
-
عاشت ايدك صديقي على الجواب بس سؤال بلا زحمة هم سألوا عن بيان او صورة قيد ولادة لحظرتك ولزوجتك لو فقط للاطفال؟
-
لم أقدم بيانات ولاده ولكن صوره قيد 57 للجميع الأطفال والكبار يتم استخراج صوره القيد 57 من بغداد شارع الرشيد
-
نتمنى لك التوفيق والسعاده ونشكرك على التوضيح والشرح
-
شكرا جزيلا للأخ الخفاجي على هذا التوضيح وكل التوفيق لك اخي العزيز....تحياتي