ankawa
المنوعات => استراحة المنتديات => الموضوع حرر بواسطة: ابو السوم في 11:18 03/03/2007
-
بسبب كثرة الاجهزه الكهربائه في 2007 الناس مديعرفون شلون يستخدموها ... عندي بعض الطرق السهله والممتعه لاستخدام هذه الاجهزه والاستفاده منها في الحياه :
الكومبيوتر هو الجزء الاساسي من البيت ويعد من اهم انواع الاجهزه.
كيفية استخدامه:- اول شي تفتحه من الدكمه الموجوده بالجهاز نفسه واذا
اتأخر شويه دتفره او تضربه برجلك ( لان غبي مديفتح بسرعه) واذا فتح
وعلك عندك يعني مديفتح مسنجر اول مديفتح صفحت انترنت تضل ادوس
بالماوس على الشي الي انت تريده ( بالاعاده افاده) واذا ضل امعلك تجيب
توثيه وتضرب الكيبورد حيل ( لان صوج الكيبورد)
اذا الشاشه (monitor) دتطفي وتعلك لتحاول اتشوف المشكله من الكهرباء
لا .. لان انت غلطان .. لازم تكفخها مرتين كلاثه الان ترجع الى حالها
الطبيعيه واذا مرجعت ادفر الكومبيوتر من كل قوتك وعوفه وفوت.
المايكروويف يعد من اهم معدات المطبخ حيث لم نعد نحمي الخبز على الصوبه لان الكهرباء اكثر من النفط.
كيفية استخدامه :- اذا تريد تحمي تمن ومركه يعني بنفس الماعون لتنسه اتحط
الخاشوكه ( تكون من نوعية الستيل) ويه الماعون حته تتكون الك العاب ناريه
داخل المايكروويف تره هوه مو مجرد اله للمطبخ ممكن ان تصير اله ترفيهيه..
ومثلا انت وقته 2:30 (دقيقتين ونص) وضليت واكف كباله اذا ضجت لتتردد
كبل ليخلص الوقت بفتح الباب واخذ الماعون تره ابدا مو خطر ومتوكف
اشعاعات .. واذا مثلا غسلت تيشرتك ومنشف تكدر تحطه بالمايكروويف لمده
خمس دقائق وتحصل على تيشرت من ال(dry clean) البسه رأسن لان رح
ايكون دافي..
الشسوار طبعا هذا شي مهم للبنات ومن اهم اغراض المنزل عدهم.
كيفية استخدامه:- لنفرض مثلا تلفونج وكع بالماي شنو راح تسوي بهاي
الحاله؟؟ اول شي تمسحيه بلخاولي.. وهنا يأتي دور الشسوار حيث تكدرين
اتشورين التلفون حته ينشف وبعدين تشريه فد نص ساعه بره بالبالكون... اذا
جنتي معزومه حفله مثلا وماعندج فلوس صالون روحي بللي شعرج وبعدين
وجهي الشسوار عليه لمدة خمس ساعات تحصلين على تسريحه خنفشاريه.
الموبايل هذا يعد من اهم مقتنيات العصر ( تكدر الظهر هم اتشيله) حيث انه الناس ميشيلون بطاقتهم الشخصيه والله شنو امصورها بالموبايل.
طريقة استخدامه:- طبعا المعروف عنه تتصلون بالناس بس اكو طرق هوايه
اخرى.. يعني اذا فاتت من يمك بنيه سوي نفسك مهم وديوصلوك رسائل من
ناس متعرفهم .. والبنات اذا فات من يمج واحد سوي نفسي دتحجين ويه شوشو
( هيه اسمها الحقيقي شكريه) وتكوليلها بابا البارحه بعيد ميلادي جابلي تخم
الماز ياااااااي ايهبل طبعا هذيج راح تسد التلفون بوجهج لان عباله غلطانه
بالرقم... واذا مثلا اخوكم الصغير زعجكم تكدرون تشمرون التلفون عليه بكل
قوتكم ماكو اي مشكله.
التلفزيون طبعا هذا من قال وبله مهم جدا للفرد والمجتمع.
طريقة استخدامه:- اذا ضايجين تكدرون تضلون بس اتنقلون بالقنوات بدون
متشوفون قناه معينه بس تضلون اتكلبون ... اذا الريمود ميشتغل صخرو اخوكم
الصغير اذا ماعدكم اخ صغير دوس على الريمود حيل بلكت ايدكم تشحن
الباتريات واذا مشتغل اركعود بالكاع بلكت يتأدب
تحيات/ابو السوم
[/color][/font][/size]
-
ههههههههههههههههههه حلووووة يسلموو ابو السوم وبالنسبة للمونتر مال الحاسبة صدك اكفخها مرات تطلع خطوط بيها ما ادري ليش فاكفخها كم مرة تروح ومرات متروح اكول لهيوي تعالي اكفخيها بس تكفخها تروح الخطوط لووووول
-
هههههههه اي والله كلا صحيح حجيك خاصة بهاذي صدك صبر ماكو احنا مو مال مايكرويف
المايكروويف يعد من اهم معدات المطبخ حيث لم نعد نحمي الخبز على الصوبه لان الكهرباء اكثر من النفط.
كيفية استخدامه :- اذا تريد تحمي تمن ومركه يعني بنفس الماعون لتنسه اتحط
الخاشوكه ( تكون من نوعية الستيل) ويه الماعون حته تتكون الك العاب ناريه
داخل المايكروويف تره هوه مو مجرد اله للمطبخ ممكن ان تصير اله ترفيهيه..
ومثلا انت وقته 2:30 (دقيقتين ونص) وضليت واكف كباله اذا ضجت لتتردد
كبل ليخلص الوقت بفتح الباب واخذ الماعون تره ابدا مو خطر ومتوكف
اشعاعات .. واذا مثلا غسلت تيشرتك ومنشف تكدر تحطه بالمايكروويف لمده
خمس دقائق وتحصل على تيشرت من ال(dry clean) البسه رأسن لان رح
ايكون دافي..
-
هههههههه حلوة يسلموو ابو السوم
-
هههههههه حلوة يسلموو ابو السوم
-
very good n nice
-
ههههههههههههههههه
ههههههههههههههههههههههه
ههههههههههههههههههههههههههههه حلوووووووووووووووووة لا اتطورنا
-
شكرا للاعضاء الحلوين/ m_4ever /shakar/ mansorya/alqosh_girl /hewy/
على مرورهم وردهم الجميل