ankawa
المنوعات => استراحة المنتديات => الموضوع حرر بواسطة: randa_sadik في 12:07 04/03/2007
-
هي .....
أسمحلي حبيبي أريد اليوم انا اعتابگ
تهجرني حبيب الروح وبوجهي تسد بابگ
متغير علية شصار سولفلي شنو أسبابگ
جنت أتخيلگ وافي ومتنسى بيوم أحبابگ
وجنت أبرد ليالي هواي وأدفى بين أحضانگ
وجنت من تحزن أنتة بيوم أجيگ وتنسى أحزنگ
ومن أغضب أنا وأزعل ما يهتزلي وجدانگ
.........
هو .....
تسأليني أسد الباب بوجهج ليش يفلانة
تعذبيني وتدمريني وتجين اليوم ندمانة
هجرتيني وتركتيني وطريقي ضاع عنوانة
وخنتي حبي الج والله وگلبي زادت أحزانة
حسبت أنج يبنت الناس بية اليوم ولهانة
وحسبت انج هجرتي الكل وبس بگلبي طمعانة
وحسبت أنج ملاك انتي أبد ما گلت أنسانة
أثاريني جنت غلطان .. طلعتي حيل شيطانة
بس رايد أكلج شي ....
صدگيني انا ربحان بس انتي ألي خسرانة
.........
هي .....
ما أگدر على فرگاگ لاتتركني ياقاسي
لأن انتة حبيب الروح وعشگي وحتى احساسي
يبعد الروح لاتزعل والله انتة اعز ناسي
صدكني انا اهواك من جدمي لحد راسي
وصدكني بلاك ارحل لان صرت انفاسي
..........
هو .....
وانا من يوم الهجرتج حالتي حالة
وگلبي من البعد متگطعة اوصالة
مثل واحد حزين مفارگ عيالة
اگضي الليل ابجي وعيني همالة
احبج والله موبيدي وحگ الليل وهلالة
ارجع وانسى كل الصار وانسى الحزن واشكالة
م ن ق و ل
-
عاشت ايدج رندا على الموضوع الجميلة ورائع جدا تقبلي مروري fadi_lion17
-
موضوع حلو وكلمات احلى عاشت الأيادي
-
موضوع حلوووووو يسلمووو ايديكِ حبي رندة
-
عاشت ايدج عمو رهنده عالشعر الشعبي الحلــــــو.
-
ابيات حلوووة يا رندة ويسلموووووووو يا وردة
-
مرسي حياتي رندا على كلمات الحلوة يا حبيبي
كاثرين
-
يسلمووووووووووو رندااا على الموضوع المميز والكلمات اروعة عاشت ايدج يا وردة
-
شكرا حبايبي على ردودكم الحلوة تسلمولي
-
يسلمووو خاتي على الكلمات الحلوة
-
عاشت ايدج رندا على الموضوع الجميلة ورائع
-
يسلمو على هاي المواضيع الروعة تسلمين راندا
تحياتي ماثيوس العراقي
-
يسلمووو خاتي على الكلمات الحلوة