ankawa

المنوعات => استراحة المنتديات => الموضوع حرر بواسطة: ديدو ابو سمرا في 10:32 02/04/2007

العنوان: قصه مؤثره بمناسبة شهر نيسان
أرسل بواسطة: ديدو ابو سمرا في 10:32 02/04/2007: سلام عليكم ورحمة الله وبركاته شلونكم انشالله بخير خوش هاااا براحتكم بس لحد يصيح و يدفع بل سره نفر نفر انشالله انمشيكم كلكم بس لحد يدفع علاوي ذاك الي ديأشر بل خمسين دولار بيده دخله وليدي خلي يصير اول واحد هذا امبين عليه ابن حموله (حموله 2 طن حموله لو وغف ) اخذ الخمسين وفوته عيني ابو الخمستالاف تعذرنه راح انأخرك شويه بس الي وراك دفع عشرتالاف يعني لازم كلمن ياخذ حقه بعدين ربك يحاسبنه عيني سمير الي ميدفع دلو طريق الباب يله عل سريع
اي اسف شباب وصبايا بس الشغل كتل واحنه اب خدمة الطيبين
انتو ليش طابين هنا هاااااااااا صدك الموضوع مالتي نسيت والله بالي بقه يم الي ما خلصنه معاملاتهم مو تدرون عدهم جهال ومن هل شغلات
اي راح اسولفلكم من جنت بل جبهه اب حرب البسوس يا بسوس اقصد مال ايران ولحد يكول جذب لانه لوما اني موجود بل حرب مال ايران جان هسه كلكم( وكاري ) تحجون كله تومان و خودادات ومن هل بحابيش المهم راح اسولفلكم
فد يوم دا اتمشه عله جبهه بليل ساعه 4 المغرب ويه الفجر المهم طالع بل صحراء ضايج روحي طافره الموبايل مابي رصيد والثريا وكع بل مي اتخيلو بس شنو كوله همزين الله اللابتوب مالتي مابي شي والله دا اتمشه سمعت هوسه وحجي مشفر كلت هاي شنو منو فاتح اذاعه بلغاريه والله زحفت اشوفلكم 5000 جندي ايراني و 2000 دبابه و 1000 طياره نوع بي ام دبل قماره ويمكن حوالي 50000 صاروخ نوع الحكك وين ما اتروح المهم كلت لازم افتهم ذولي شديحجون فتحت الابتوب طلعت الوافي الذهبي المترجم بس هذا المترجم هاي النسخه جانت نسخه خاصه بيها لغه ايراني و مترجم فوري والله حطيته طلع ذولي يدرون بل فيلق مالتنه وايريدون يعلسونه غفل زين اذا اريد ارجع اكللهم للفيلق ما الحك بعيد كلت والله لو اني اليوم لو همه المهم هذا الابتوب مالتي بي ميزه انه اذا طلعت صوره مال اي شي من ادوس اطبع يصير هذا الشي حقيقي فاني شسويت شغلت (كاونتر سترايك) هاي اللعبه مال النيت ورك اتعرفوها اكيد طبيت عله مرحله عرب ستريت واشتريتلكم شكو سلاح من المصياده للمدفع (طبعا ماكو مدفع بل كاونتر بس يله غلسو) ولبست الدرع وشغلت ال لاده مالتي المدرعه (منين جتي ال لاده ؟ هم مالكم علاقه غلسو) وطبيتلكم عدل وكبل بل فيلق الايراني جيبه منا ودي مناك روح تعال الله الزكه احمسه اصلخه امطله ادفره طاخ طيخ طاطاطاطاطاطاطاطاطاطاطاطاطاطاطاطاطاطا (هاي موسيقه تصويريه للمعركه) والله بقه 4 ايرانين كاعدين بل دبابه واني بيدي بس مصياده و3 طلقات مال بي كي سي شلون ورطه مو بله المهم اني خوما اخاف صدك جذب كلت بيك و بل داره اول طلقه بل شاصي مال الدبابه الثانيه بل جامه جفت والاخيره ترس بنص التانكي مال البانزين وفجرتهم وهكذا قضيت عله فيلق كامل وحدي بس شنو الي ضوجني واذاني اقيطان مال البوتين مالتي الاديداس انكطع والله فد انقهر وكلش خفت اخاف مالكه الاصلي مالته بل شورجه

وانشالله ما بالغت هوايه بل قصه شسوي التواضع اب دمي يمشي
تقبلواااااا تحياتي
ديدو ابو عضله ( خخخخخخ جذب وصدك بروحه )
العنوان: رد: قصه مؤثره بمناسبة شهر نيسان
أرسل بواسطة: حبيب العراق في 10:34 02/04/2007: يسلمووو يا ديدو ابو سمره على الموضوع المحزن ننتثر المزيد منك

حبيب العراق
العنوان: رد: قصه مؤثره بمناسبة شهر نيسان
أرسل بواسطة: المغترب1 في 10:45 02/04/2007: حبيبي ديدو طبعأ عاشت الايادي على هل قصة الخرافية ويسلمووووووووووووووووو اكول انت شماكل من الصبح على مود يطلع كل هل حجي منك بس اكول انت عبرت ابو ابو عيسى (ز) نياااااااااااااااااااااااااااا

حبيبي ديدو دا اشقة وياك وانشاء الله انشوف المزيد منك
العنوان: رد: قصه مؤثره بمناسبة شهر نيسان
أرسل بواسطة: love-is-evreything في 10:52 02/04/2007: مقتبس من: المغترب1 في 10:45 02/04/2007
حبيبي ديدو طبعأ عاشت الايادي على هل قصة الخرافية ويسلمووووووووووووووووو اكول انت شماكل من الصبح على مود يطلع كل هل حجي منك بس اكول انت عبرت ابو ابو عيسى (ز) نياااااااااااااااااااااااااااا

خون ديدو دا اشقة وياك وانشاء الله انشوف المزيد منك
العنوان: رد: قصه مؤثره بمناسبة شهر نيسان
أرسل بواسطة: jandrma في 11:40 02/04/2007: ههههههههههههههههههههههههههههههههههههههههههههههههههههههههههه
لك والله ماتجوز من سوالفك خخخخخخخخخخخخخخخخخخخخخ
سمعت اخر خبر ديدو
لا لا مراح اكلك هسه اتكول كذبت نيسان نياااااااااااااااااا

حبي ننتظر منك كل ماهوا جديد من نيسان الى نيسان ثاني ههههههههههههه
العنوان: رد: قصه مؤثره بمناسبة شهر نيسان
أرسل بواسطة: hewy في 13:06 02/04/2007: يا مية هلا برجعتك الحلوووووووة يا ديدوووووووو ومنور الاستراحة يا وردة
العنوان: رد: قصه مؤثره بمناسبة شهر نيسان
أرسل بواسطة: ~♥`• KaThy~♥`• في 13:11 02/04/2007: مرسي على موضوع يا ديدو عاشت ايدك ونتظر المزيد
العنوان: رد: قصه مؤثره بمناسبة شهر نيسان
أرسل بواسطة: SoD_Al3eoN في 13:53 02/04/2007: hhhhhhhhhhhhhhhhhhhhhh

abdmabe jethb

يسلمووو يا ديدو ابو سمره على الموضوع المحزن ننتثر المزيد منك
العنوان: رد: قصه مؤثره بمناسبة شهر نيسان
أرسل بواسطة: moon ankawa في 14:14 02/04/2007: ههههههههههههههههههه عاش ايدك ابو سمره على الموع الجميل
تحياتي سوزي
العنوان: رد: قصه مؤثره بمناسبة شهر نيسان
أرسل بواسطة: shakar في 14:16 02/04/2007: ههههههههههههههههههه عاشت ايدك ديدو
العنوان: رد: قصه مؤثره بمناسبة شهر نيسان
أرسل بواسطة: tinaalhakem في 14:20 02/04/2007: [
يسلمووووا على الموضوع يا ورده وننتظر منك المزيد
العنوان: رد: قصه مؤثره بمناسبة شهر نيسان
أرسل بواسطة: ديدو ابو سمرا في 14:45 02/04/2007: شكرا يا احلى اعضاء على ردودكم الحلوه واشكر دخولكم هذا الحلو واتمناتلكم كل خير وانشاء الله لا يشوفكم ايرانيين بحياتكم واذا صارت مره من المرات وكابلكم واحد ايراني بس خابروني على رقم تلفوني

دبليو دبليو دبليو دوت تلث ستات اربع نسوان ثنين صفر ثنين حمر دوت كوم

واني بالخدمه
العنوان: رد: قصه مؤثره بمناسبة شهر نيسان
أرسل بواسطة: ابو السوم في 17:38 02/04/2007: والله زحفت اشوفلكم 5000 جندي ايراني و 2000 دبابه و 1000 طياره نوع بي ام دبل قماره ويمكن حوالي 50000 صاروخ نوع الحكك وين ما اتروح المهم كلت لازم افتهم ذولي شديحجون فتحت الابتوب طلعت الوافي الذهبي المترجم بس هذا المترجم هاي النسخه جانت نسخه خاصه بيها لغه ايراني

يسلمووووا على الموضوع يا ورده وننتظر منك المزيد
العنوان: رد: قصه مؤثره بمناسبة شهر نيسان
أرسل بواسطة: mansorya في 21:39 02/04/2007: ههههههههههههههههههه عاش ايدك ابو سمره على الموع الجميل
العنوان: رد: قصه مؤثره بمناسبة شهر نيسان
أرسل بواسطة: shomana_4_u في 21:42 02/04/2007: مقتبس من: كاثرين في 13:11 02/04/2007
مرسي على موضوع يا ديدو عاشت ايدك ونتظر المزيد
العنوان: رد: قصه مؤثره بمناسبة شهر نيسان
أرسل بواسطة: ديدو ابو سمرا في 14:07 03/04/2007: يسلموا والف شكر الكم على مروركم الي شرفني وتسلمون كلكم (كلكم وكاري ) ههههههههههههه