ankawa
المنوعات => استراحة المنتديات => الموضوع حرر بواسطة: SoD_Al3eoN في 22:08 27/04/2007
-
موضوع لا على البال والخاطر
هلو شباب شلونكم اني اليوم جبت موضوع من اختراعي لان ملكيت موضوع احطه كل واحد يدخل هنا يكتب اغرب اشياء صارت ويا بالحياه اني راح ابدي اول شي
اني اكثر اشياء غريبه صارت ويايه انه كل ماجيب حيوان اريد اربي
يصير بي شغلات ولا على بال احد اني احب طيور الحب مره جبت
من عدها 3 طيور انثى وحده وذكرين والله ومااحلف صارت عركه بين الطيرين علمودها المهم واحد منهم ازوجها واني مكيفه جنت لان جانت دتبيض وبالحرب فوكاها الناس بيا حال وهذوله بيا حال وجابتلكم طيور بس شنو متصدكون طلعت لطيور منغوليه والله اني بحياتي مشايفه طير يفتر داير مداير نفسه ومنتوف نتف ريشه اتخبلت المهم ماتو لان رجعت المعركه على البنيه المهم بقالي طير واحد منغولي طبعا كلت اربي وكبر فد يوم جيت لكيته يابس اشبي مااعرف اتذكرت انه اني نسيت انطي ماي المكرود يبس ومات انقهرت عليه والله... وعاشو عيشه اتموت قهر... مره شفت عصفور صغير واكع كلت خلي اربي بلكي يطلع احسن نيمته على التبريد لان كلت حاره شو هذا هم يبس ومات كلت اجيب كتاكيت هاي لملونه حطيتها يم الصوبه النفطيه حتى تدفى هم ماتت انسلكت يمكن ردت ابجي جبت جلب مخبل بس جان كلت احسن شي انزوجه جبناله الجلبه مال كرايبنا يمه ملخته اتملخ جان يموت جبت سمج حطيتلهم ماي من البوري جان يموتون لعد مالتنا الماي اشكد صافي اذا هذوله ماتو عفيه شسوي والله حتى سلاحف جبت وهم ماتت لان منطيتها اكل خفت لتموت ههههههههه ...دوختكم مو بس شسوي هاي الشغلات صدك صايره ويايه وبعد اكو بس هوايه تصير عليكم
يلا هسه دور الي قرا الموضوع يكتب اشصار ويا ان شاء الله عجبكم اختراعي الفتاك
-
هههههه يسلمووو على الموضوع سود العيون الوردة
-
ههههههههههههههههههه
هاي شنو سود بس لا تموتيني اذا شفتج لووووووووووووووول
بس تدرين اني هم الطيور تموت يمي وخاصه الكتاكيت الملونه هههههههه
هسه اني مستعجله بس حبيت ارد على موضوعج بعدين اسرد قصتي
موضوع حلو ورده وخل نشوف قصص الاعضاء
-
عاااااااااشت ايدج حياتي على الموضوع الحلوووووووووو
حبي بصراحه اني هم ماعندي حظ ويه الحيوانات وكلها تموت يمي العصافير والكتاكيت
بس مره صار موقف ويايه وجبت سمج للبيت مال زينه ونسيت اشغل الماطور الها ومحطيتلها اكل فماوصلها اوكسجين وماتت من الجوع وبعد ما ماتو ضليت اني اسبوع كامل احلم بيهم واحس بلذنب لان ماتو بسببي ولحد هسه من اذكر هذا الموقف اضوج وحلفت من وقتها ماادخل اي حيوان للبيت
تحياتي سوزي
-
hhhhhhhhhhhh sod al 3eyon wallah itha jema3t 7ezb al 7eywan dera beech la yen6eech sejn mo2abd me3 al ashghal al sha8e
chem 7eywan le7d hesa mewta ma tegolyly
te7yaty hollandy
-
هههههه يسلمووو على الموضوع سود العيون الوردة ياورده
تحياتي فادي
-
ههههههههههههه سود العيون اكول اذا طيور هيج لعد لو اجيب فيالا شيصير هههههههههههه موضوع حلو عاشت ايدج لبي
-
ههههههههههههه
يسلمووووو ع الموضوع خاثي
بس خطية شلون حظ عليج كلشي ما يعيش يمج
صدك شغلات لا ع البا و لا ع الخاطر
-
ههههههه يسلموا وردة على الموضوع وتدرين قصتج تقريبا مثلي بس اني لا لا ما اخلي العصافير تموت من الجوع اخليها اتموت من الشبع لان فد يوم جان عندي عصفور اتكولين ابني اشكد ماداري جنت دائما اخلي يفتر بالبيت واطلعة برة ويايا مجان يطير بس اني مسمعت كلام كلولي لطلعي بعدين يموت بالبنكة كتلهم لا لا يفتهم هاذا عليه
اشو فد يوم داصيحة خطية دييجي جان يتنتف بالبنكة وكلبي تنتف ويااا اصار بيه عينكم لتشوف الله يرحما يلى
جبت الثاني جان كلش صغير لازم اوكله خبز حبوب جنت اوكله بتيته وتمن مرات باجا اشو كعدت الصبح شفتا ميت هم الله يرحما ومن هذاك الوكت توبت اجيب حيوان و انسان ههههه
وعشت قصه حزينة
شكرا حياتي على الموضوع المختلف والحلو
-
هههههههههههههه موضوع حلوووو
اني جان عندي سمك يومية اكعد الصبح اشوف وحدة ميتة فبقت اخر وحدة هم شفتها دتموت فكعدت اسويلها تنفس تقريبا 3 ساعات جنت مشغلة الها بمب مال هوة لانه مجان عدنا كهرباء حتى اشغل ماطور وهمزين بعد 3 ساعات رجعت بيها الحياة وعمرت تقريبا سنة
-
هههههههههههههههههههههههههههههههههههههههههههههههههههههههههههههههههه
شكرا سود العيون على الموضوع الحلو لانة نمت على القنفة من الضحك على الي صاير بيك وبالاعضاء اني عبالي بس بية هيجي يصير اثاري طلعت اكثر وحدة معمرة بالقضية ههههههه
مشكورة
-
ههههههههههه يا ستاااااااااااااااااار
شكرا على الموضوع
-
ههههههه موضوع حلو لبي عاشت ايدج بس بصراحة اني ماحب الحيوانات ابد فمعندي وياهم مواقف لوول
-
مشكوره على قصصكم الجميله الي شاركتموني بها
هسه انام وانا مرتاحه لانه مو بس انا ظالمه ويا الحيوانات على كولت هولندي جان انحكمت بل السجن المؤبد مع الاشغال الشاقه هههههههههههه