هلووووووووو كلكم
ليدي ان جنتل مان
ولد بنات او بنات ولد ( ماكو فرق انشأ الله)
طبعا اليوم راح اسولفكم ( اسوالف الشباب)
اما بعد :
طبعا الولد بشوارع انواع واصناف عديده
النوع الاول: الاريحي
طبعا اتشوف اثنين ولد واكَفين بالركن ( الله الركَن) واحد كامش ايد الاخ او لمن يفترون يم اعداديات البنات
او حتى لم يلحكَون ابنيه ( لواحيكَ) دائما متكامشين عبالك واحد منهم راح ايطير
ها صدك معنى كلمه لواحيك .
وهم قناصه البنات اي عندما يرى البنية يمشي خلفها للحصول على الرقم او على رزاله اتسوي بكَد السطل بالشارع !!!!
النوع الثاني : ابو عضل
حاليا جاي انشوف بغداد كلها متعافيه اي كلها تلعب حديد حتى بلكيات والمدارس وقريبا راح اتصير بدوائر الدوله اتشوف المواظفين كلها تلعب حديد
اتشوف شباب بالشارع كلها جينزات وبديات + موبايل دمعه .
والله اليوم جان عندي كورس حديد بقاعه الرياضي والله اليوم رفعت 130 كيلو دمبلص
وهمه افرغ من بطل الببسي
النوع الثالث: العاقل !!!!
طبعا هذا النوع تشوفه واكف بالشارع عاقل وحاط ايده بجيبه وهو صديقه بس لمن اتفوت ابنيه
( لك باوووووووع الورس الي اجه) ورس معناها
ابنيه جايه من بعيد هي وامها واتكون شايله علاكَه المسواكَ
ويطلق عليها الورس اي الفتاه القادمه من بعيد
او(شوف شوف ... غضب الله) او( امي ادور جنه )
وعلى الاساس هذا النوع العاقل!
النوع الرابع : جاهل ( من 18 الى 20)
اتشوفه بالشارع مثل الجاهل مبهذل وخنين طالع من خشمه وماكل ازبري وكامش بيده ( N70)
ويدور نغمات ( ماعندك حسام جديد) واكو نوع من الجاهل اتسوي كَروبات اتروح اتكَطع نبكَ لو رارنج
واكو نوع من الجاهل تلعب طوبه بالشارع وهو بكَد البعير وحافي وكل اظفر من رجله بي طن وسخ
النوع الخامس : غريب الاطوار
اتشوف هذا النوع بالشارع يحجون بصوت ناصي واحد بصف الاخ ويكلبون بالموبايل واحد ادز للاخ بالبلوتوث استلم واكو جم مصطلح جديد
( استلم بضاعه = استلم فلم ) ( دوس اي = اضغط موافق) ( والله حنينه = استلم صوره ابنيه)
النوع السادس : ابو الغيره كلها !!!
هذا النوع اغلبهم بالكليات يجي للمنطقه اشوف اصدقاءه صوره صديقته بالموبايل لو اسمعهم لمن خابرها البارحه بليل وشحجى وياها
بحيث المنطقه كلها اتصيحه ابو الغيره او ابو زمن ( على اسم صاحبته)
اتشوفه 24 ساعه اشكَالت زمن وشلبست زمن وباجر اني طالع ويه زمن ( للزوراء او شارع الربيعي)
( زمن شخصيه وهميه بالموضوع)
النوع السابع : مطفي
هذا نوع كلش مسكين اتشوفه من الشغل للبيت ومن البيت للشغل وميصرف اضم افلوسه
بعد خمس سنوات ايكَول لمه اريد تزوجيني
وطبعا هذا ايموت ويخلص عمره وهو مواكَف بالركن ( ياحسره)
النوع الثامن: الحشاش
هذا النوع رومانسي وحساس لا جذب ( دايح انترنيت) مفصول من الكليه بسبب النت ماعنده شغله وعمله اله يحجي على الناس وبنات العالم بس ورده مال الله هههههههههه
ياخذ مصرفه من ابوه خخخخخخخخخخ
كافي خلصنا
الموضوع منقول انشاء الله يعجبكم ههههههههههههههههه
تحياتي نوهرااااا
ههههههههههههههه هاي شنو نوهرا
ليش هيجي خخخخخخخخخ
عاشت ايدج يا وردة على الموضوع
تاحياتي الج
ستيفوو