عرض المشاركات
1
الهجرة و واللاجئين / رد: وضع وحياة الكمبات الان في بلجيكا
« في: 17:20 29/04/2011 »اول شي سلام عليكم
ثاني شي راح اكتب الموضوع ما اريد اي واحد ايفك حلكه وايكول ماكو هيج حجي لانه
صارلي يومين يم صديقي بالكمب واتفرجت على الوضعية بنفسي وفتحت تحقيقي وياهم وحجولي كلشي
اول متروح اتقدم وتسلم نفسك الى بناية الكمسارية
راح ايكون امامك طريقين
اما ايكلولك روح اجر واحنه ندفعلك افلوس (وهاي بس المبختين ) مو صحيح army strong
او ايكلولك مبروك انحكمت مؤبد بكمب
طبعا في بليجكا الكمب نوعين وانته خصبن ما على روح اهلك اتعيش بنوعين
يطوك كمب اول شي مؤقت وهنا تسكب العبرات واتكول راح ترجع باجر للعراق
وبعد مرور فترة 10 اسابيع بالكثير اينقلوك الى الدائمي طبعا الدائمي جيد لانه بيد الحكومة البلجيكيا
اما المؤقت وما ادراك ما المؤقت ( الشعبة الخامسة ) هذا بيد منضمة اصليب الاحمر
اول شي الكمب عبارة عن معسكر سابق للجيش تم تاهيله وايعادته
ثاني شي بما انه معسكر للجيش راح ايكون بعيد جدا عن المناطق والسكن وفي الغابات
الكمب الي زرته يبعد عن مدينة (اسل ) ساعه بالباص ومدينة اسل تبعد ساعه ونصف عن بروكسل وانته قيس بعد
طبعا اول متصل بيه صديقي ورحتله على العنوان
بعد ما دخلت بوابة المعسكر مشيت 20 ديقية يله وصلت السكن
السكن متكون من جملونات عملاقه الجملون يعتوي على 12 قاعه كل قاعه يسكن بيه 8 اشخاص
طبعا الحمام والتواليت غرفه وحده تحتوي على 8 اشخاص
الحمام والتواليت مشترك و مختلط
يعني 12 قاعه و رجال ونساء بهاذه الحمام الواحد
طبعا انترنيت ماكو ابد وممنوع
من تستلم مكان متكدر اتغيرة ولا تنتقل ابد يعني احتمال ايسكنون وية افغان او صربي او هنود او عرب او عراقين انته وحضك
طبعا ال12 قاعه جميعهم يشتركون بغرفه صغيرة بيه تلفزيون ومغلفين التلفزيون بجام ضد الرصاص والريموت
ضاربي شناطات بالحايط علمود محد يلعب بي
طبعا صايرة بوكسات هذا ايريد الجزيرة وهذا اليريد رياضه
اما المطعم فالمطعم يشبه الديفاك مطعم الجيش شكلً ها شكلً فقط وليس مضمونه
مضمونه فترة العشاء شفته قطعت جبن واحده وقطعتين لوف وبالخاشوكه مربه خاشوكه وحده
طبعا خاليلك قطعه ممنوع اخراج الطعام معك علساس هم مطيك مال اربعة اشخاص هوة ميكفيك انته
طبعا يعطوك كوب هذا من تجي للمطعم تاخذه وياك ومن تطلع اترجعه للغرفتك بعد متغسله واذا اضيعه تخصر افلوسه
واول متدخل المعسكر ايكلولك انته نباتي لو حيواني ههههههههههههههه يعني شتاكل ليروح بالك بعيد
ويطوك هوية على حسب نوع الاكل حيواني او نباتي
طبعاً وجبت الاكل نصف ساعه فقط لانه وراك ايضا ناس ايريدون ايدخلون
شفت ناس يشتغلون اينضفون الشارع ودك جلف كتلهم ذوله شنو كالو ذوله يشتغلون باليوم ويطوهم 2 يورو ونص باليوم يعني ما يقارب 4 دولارات
وشوف ناس كاتلين نفسهم على الشغل لانه جاين حفاي
والقانون تشتغل اسبوع تستراح اسبوع ميصير تشتغل فد جرة علمود لا تكرف هع هع هع
طبعا الك حق تاخذ اجازة 10 ايام بشهر فقط من المعسكر بتبات برة ام باقي الايام تكدر تخرج من صبح ليل
وهذا الي ديسوي صاحبي ياكل برة علمود ينسى مئساة المعسكر الله ايعينه
طبعا الجكاير اهناك عزيزة لانه كله تطلب جكارة لانه سعر الباكيت 5 يوروا والي يشتغل من اصبح علمود 2 ونص يورو
طبعا شفت الشباب العراقين يلفون جكاير يشترون تتن فل ويلفوه
رجعونه على ايام الحرب
والجداح اعز من الجكارة
بحيث 12 قاعه لكيتهم يشاركون بجداحة وحده اذا اخذه صاحبه ايديحون الباقين ههههههههههه
طبعا اكو لل 12 قاعه 3 غسالات و2 نشافات حراية تكدر تستخدمهن براحتك بس هم ايصرفون تايد بالاسبوع مرة يعني تكدر تشتري تايد وتخسل براحتك
طبعا لكيت الشباب الافغاني واصربين الحشيشه بيناتهم ايبيعون صايرة بالقنادر
واكو شغله شفته ما اعرف شنو الفلم بنت هاي العائله تدخل هاي الغرفه باليل وذيج تنزل لفلان غرفه
شنو الفلم ما اعرف ................................. انتوا افهم الفلم بعد
وختاما يعطوك 7 يوروا بالسبوع ومن اتروح تستلم اتصير دك دفرات وكفخات يله يوصلك السرة
ختاماً الكمب غير صالح لسكن العوائل خصوص العوائل العراقية المحافضه
ولا للطفال
بس اذا شاب تستطيع ان تسكن فيه وتتحمل ودوس على نفسك لانه بعد مرور مدة العقوبة 10 اسابيع راح ترتاح
من تنتقل الى الدائمي لانه الدائمي بي رفاية واريح
انتضروني من يتحول صاحبي احجيلكم عن الدائمي
وهذا الي كتبتلكمياه شوف عين واقع محد حجالياه اني شفته
تحياتي
السلام عليكم جميعا؟؟ اولا
ثانيا عندي استفسار ممكن احد من الاخوة يجاوبني عليه
عندي فرصة سفر الى بلجيكا ( تهريب)
عندي من الباجات او الهويات 5 تسمح لي بدخول جميع المواقع العسكرية الامركي
عندي من كتب التزكية من ضباط امريكان 5 كتب
عندي كتاب اصولي بتعرض عائلتي لخطف من قبل جيش المليشيات
اسكن ان انا وعائلتي في قاعدة عسكرية امريكي في بغداد حاليا بسبب التهديد بالقتل
يملك اصغر طفل عندي باج من هذة الباجات ....
اريد ان اعرف فرصة حصولي على اللجوء في بلجيكا وما معدل الراتب الذي يصرف لي ولعائلتي بعد حصولي على الاقامة وهل هوة مدى الحياه ام لمدة خمس سنوات ..
ارجو سرعة الاجابة معة شكري الجزيل لكم ... اخوكم العراب 555
