يا شباب رحمة لوالديكم راح اشرح شرح تفصيلي وامري لله الواحد القهار
حسب الموقع التالي صفحة 41 وهو موقع رسمي عدد العراقيين الي مسجلين ك (لاجئين) داخل العراق هم 4300 شخص هذوله مسجلين بال UN و اكو يو ان بالعراق وتكدر تتأكد من موقع الUN الرسمي
وهذا التقرير ابو صفحة 41
http://www.wrapsnet.org/Portals/1/Reports/Reports%20to%20Congress/Final%20Report%20to%20Congress.pdfاقرو زين كله مو بس هل كم سطر
وبالنسبه لهاي العبارةasylum seekers remain in Iraq 4,300 و remain in Iraq هي هاي الدليل على انو هذوله مسجلين بال UN وليس IOM هذوله الاشخاص يا صديقي يقصدون بيهم الي راحو و سكنو بمخيمات سوتلهمياه ال UN ايام الطائفية وكامو ينطوهم مساعدات و اكل و الخ و احد المواقع بعدة موجود في محافظة ديالى ولحد الان كاعدين بكرفانات عوائل بي وهاي الكلمة asylum معناها لجوء سياسي وترجموها بالكوكل وشوفو وارجع واكول احنا مهاجرين مو لاجئين و راجعو كل المواقع مال اي او ام وكل التقاير وكل الشغلات الرسمية من ايميلات الخ احنا يوصفونا بكلمه Refugee وهاي تعني لاجئ مهاجر يعني يدخل للبلد اللجوء بصورة شرعيه مو غير شريعية والفرق بينم انو الشرعية تتدخل بفيزا وبموافقة الدوله و غير شرعي تدخل لجوء للدوله تهريب يعني من دون موافقة الدوله مثل اوربا السويد وما كالت الى بقية الدول وبعدين الجمله الفوك نفسها تكول عراقيين باقين مسجلين بالعراق عددهم 4300 مكالك عراقيين منتظرين سفر ولا كالك عراقيين مقابلين محلف ولا كالك عراقيين مسجلين بال IOM ولا ذكر اي شي يثبت انو هذا الرقم يخص المقابل محلف ولا الممقابل محلف مدري منين جبتوها هاي مال مقابل محلف يعني خلاصة الحجي هذا الرقم الي هو 4300 ميخصنا بشي و الايام راح تثبت
نجي للفقرة الثانية الي هي اشخاص مو كيسات يا اخواني احد منكم يكدر يعرف كم شخص مقدم على IOM بغداد؟؟؟؟؟؟؟ محد يكدر يعرف بس نكدر نعرف عدد الكيسات لان المنظمة توزع ارقام كيسات بالتسلسل للي يقدمون على البرنامج واخر كيس نمبر اصدرته ال IOM قبل اسبوعين لولد صديقي كان رقمة IZ-140XX يعني لحد قبل اسبوعين عدنا 40 الف كيس وطبعا كل كيس شكد بي اشخاص محد يعرف الا صاحب الكيس نفسه وهذا الموقع بي عدد الافراد الي يسافرون من العراق و ايضا الكيسات لان يكتبلك في الجدول هلكد عدد فردي سافر و هلكد عدد الكيسات الي سافرت
وهذا الموقع يصير بي تحديث كل يوم 15 بالشهر و تكدرون تعرفون عدد الكيسات الي سافرت كل شهر وعدد الاشخاص هم من خلال طرح الرقم مال الشهر السابق من الرقم مال الشهر الجديد
http://www.wrapsnet.org/Portals/1/Arrivals/Map%20Arrivals%20by%20Country%20Location%20as%20of%2031%20Mar%202013.pdfوراح تشوفون انو لحد الان واحنا نص السنه الماليه خلصت و مسافرين 1383 كيس فقط واحنا عدنا 40 الف كيس من بدايه البرنامج لحد الان و السنوات السابقة جان بمعدل 3000 كيس كل سنه يسافرون ولو الرقم اقل لان بس سنتين الي هي 2009 و 2010 كان مجموع الكيسات بكل سنه مايقارب 3000 كيس وبقيه السنين جان اقل الرقم لان مثل ما تعرفون جانت سنه 2009 عدد المسافرين هم 18 الف شخص وجانو هذولة ضمن 3000 وكسر كيس وسنه 2010 هم جانو 18000 و عدد الكيسات هم جان تقريبا 3000 كيس وبعدها صار الرقم اقل يتراوح من 1800 كيس الى 2500 كيس يعني من ال 40 الف كيس خل نكول سافرو 20 الف كيس ولو ما احب هاي الكلمة مال خل نكول واتوقع وفرضا هاي كلمات ما احبها بس لو اكتبلكم تفصيل صدكوني منا لاسبوع ما اكمل الموضوع يعني باقي 20 الف كيس وما ادرلك ما معنى 20 الف كيس يعني كل كيس بي اقل شي 3 اشخاص وانته اضرب 3 في 20 الف راح يطلعلك عدد الي مقدمين على IOM وطبعا هذولة بيهم مقابلين محلف وبيهم مقابلين اولى وبيهم بس كيس نمبر وبيهم كلشي ماكو لحد الان
طولت هوايه بالموضوع وكبت اعصابي وانقهرت لان كل ما افكر بهل موضوع الدنيا تسود بعيني ويا اخواني اني اريد اسافر لاميركا من سنه 2006 ولحد الان اريد اسافر وبحوشت بكل المواقع عذرا من اخويه سنكل مان صارلي 6 سنوات يعني بكلوريوس وماجستير عندي بيها وللاسف وصلت اخر شي لهاي الحقيقة
اسف على الاطاله اخوان واكو بعد حجي بس صدكوني مو مال موضوع لان يرادلها اسبوعين وياريت اذا تحبون نلتقي كلنا بمكان واشرحلكم واجيبلكم الابتوب و المواقع العندي والتقارير و اشرحها فقرة فقرة
تحياتي واعتذر منكم كلكم بدون استثناء
عرض المشاركات
