الرسائل

1

مواضيع الحياة العامة في بلاد المهجر (امريكا) / نصيحة لوجه الله ... القنصليات الامريكية بالمنطقة وخاصة في اربيل .. رفض في رفض

« في: الأمس في 10:02 »

السلام عليكم احبتي في كل مكان . أريد أنبه الإخوة دير بالكم من قنصلية أمريكا في اربيل .. نسبة الرفض فوووووووووول ... وإجراءاتهم مجرد يحصلون فلوس ولاغير . وهسه راح أحجيلكم قصتي اللي صار وياي هناك البارحة .
سبق وان شاركت بمواضيع بخصوص المقابلات ونسبة القبول والرفض . وشفنا تجارب الإخوة اللي قابلوا وحجو باللي صار وياهم
مثل ما وضحت قبل هسه حصلت على الفيزا السياحية من  بغداد وسافرت أمريكا ورجعت . هسه مدة الفيزا مالتي راح تخلص بيوم 2015/4/21 ... المهم البارحة كان عندي موعد بالقنصلية الامريكية في اربيل ... على أساس تجديد الفيزا ... بعد كم أسئلة ... وبشكل غير متوقع القنصل رفض التجديد ... عجيبة والله ... أني كل أموري طبيعية وحالتي اتخليني احصل على تجديد الفيزا
يعني كومة مستمسكات وكله مترجم ومصدق من المحكمة . من سند عقار باسمي -  ودعوة رسمية من عائلة أمريكية من أقربائي - تأييد من الوظيفة - الخ.  فما أعرف هسه أني متردد .. أكول الفيزا مالتي صالحة أحجز تذكرة سفر وأخلي أطفالي أمانة يم أبوية .. وأروح أمريكا أطلب اللجوء ... ومن جهة أكول شلون راح أعوف أطفالي اذا يوم ما أشوفهم أصير مو مرتاح ... وحقيقة  أني إنسان حيل عاطفي ... صحيح اذا رحت بوحدي راح نتفارك ... لكن يقول الله عز وجل ( بعد العسر يسر ) لذالك أحبتي الاكارم الواقع يقول وطننا راح  ... اريد اشوف  أرائكم كإخوان لي . ومن الله التوفيق . أخوكم أبو محمد

2

الهجرة و واللاجئين / رد: إخواني اترجاكم فهموني بخوصوص مواعيد مقابلات الأطفال في أربيل ؟

« في: 12:33 06/03/2015  »

أخي العزيز ( لورنس السفّاح ) شكراً  على  ردّك الواضح .. هسه عرفت شلون .
عندي أربع أطفال وكلهم أقل من 14 سنة يعني صارت واضحة ما أوديهم للمقابلة فقط يحتاج مستمسكاتهم .
لكن هسه أني كلش قلق من الرفض . لان نسبة الرفض عالية حسي كلام الاخوان .

3

الهجرة و واللاجئين / رد: إخواني اترجاكم فهموني بخوصوص مواعيد مقابلات الأطفال في أربيل ؟

« في: 20:07 05/03/2015  »

There is no need for interview to the children who are under 14 years , no finger print was required for them , but , u must bring all their documents like , birth certificates, passports , and photos ,
That's all what u need ,and that's what I did when I got my visit visa for my children ...

   أخت ليان شكراً على مشاركتك بالموضوع .
والله أني قلق بحالتج لان شفت مداخلاتج بالمنتدى .. اختي العزيزة شنو آخر التطورات بقضيتج . أتمنى من رب العالمين أن يسهل عليج وعلى الجميع .

4

الهجرة و واللاجئين / رد: إخواني اترجاكم فهموني بخوصوص مواعيد مقابلات الأطفال في أربيل ؟

« في: 17:30 05/03/2015  »

السلام عليكم اخي اعتقد اﻻب ﻻزم يحضر مع اطفالة بالمقابلة لاني شفت بنات وولد بالسفارة جايبين اهلهم معاهم ومن قابلوا اﻻهل كانوا موجودين مع ابناءهم وكذلك فكر ببصمة الاصابع كيف تلغي مقابلتهم واي انسان يريد السفر لامريكا يبصموه انت ممكن تقول اطفالي وامهم حيسافرون سياحة بالعطلة وانا اظل بعملي وانتظر الاجابات قبل متكنسل مقابلتهم

أختي العزيزة . شكرًا على مرورج بالموضوع
أني راح أقابل لتجديد الفيزا مالتي .... يعني قبل موعد مقابلات زوجتي واطفالي ... بعدها بأسبوع راح أتكون موعد المقابلة لزوجتي . بعدين مواعيد الأطفال يوم وره يوم .. يعني مقابلاتنا راح اتكون بالشكل التالي .
مقابلتي 2015/3/9
زوجتي 2015/3/17
بنتي عمرها 3 سنين موعد مقابلتها 2015/3/18
إبني رضيع عمره 5 شهور موعد مقابلته 2015/3/19
فما أعرف شلون راح أتكون الإجراءات ... شوية متردد اذا رحت شأكول للقنصل بخصوص مواعيد المقابلات لعائلتي ... اكوله أني راح أسافر بوحدي ... و ورآها بأسبوع مقابلات الزوجة والأطفال راح يعرف أني جددت الفيزا مالتي .... لازم احجي الصراحة اكوله يمكن أني وأطفالي بالعطلة الصيفية نسافر سياحة وهم راح أنروح نزور الأهل هناك ... لان هسه اتفقت مع عوائل كثيرة كلهم من معارفي مجنسين بأمريكا ... راح يسون دعوة جماعية لزوجتي واطفالي . يعني راح يصير قائمة أسماء وكلهم راح يتكلفون بينا أثناء وجودنا بأمريكا ... وكل شي بيد رب العالمين ... حقيقة من هسه أني قلق بنتائج المقابلات لان سمعت نسبة الرفض عالية .. ومرة ثانية شكرًا لكي

5

الهجرة و واللاجئين / رد: إخواني اترجاكم فهموني بخوصوص مواعيد مقابلات الأطفال في أربيل ؟

« في: 16:24 05/03/2015  »

اهلًا وسهلا بيك اخوي العزيز .. بالنسبة لفتح الموقع وحجز المواعيد ما كو وقت معين . عليك بالمتابعة
أما حجز المواعيد طبعاً حسب الموقع وتعليماتهم لازم كل فرد من العائلة يحجز موعد خاص به . لكن الأطفال مشمولين بحجز الموعد هذا اللي ما اعرفه . اذا مو داعي أودي أطفالي للمقابلة راح أسوي ( cancel ) لمواعيدهم .
فنرجو من الإخوة اللي قابلو في اربيل وعدهم أطفال صغار شلون كان أجراءات المقابلة  ... يعني حضرو الأطفال لو ولي أمرهم بدالهم قالبو .. وشكراً للجميع .

6

الهجرة و واللاجئين / إخواني اترجاكم فهموني بخوصوص مواعيد مقابلات الأطفال في أربيل ؟

« في: 13:47 05/03/2015  »

. السلام عليكم .
يا جماعة أتمنى اللي عنده معلومة بخصوص مقابلات الأطفال ان يساعدني .
عندي فيزا السياحية الامريكية وبعد ثلاثة ايام عندي موعد في القنصلية الامريكية في اربيل لتجديد الفيزا مالتي . 
قدمت للفيزا السياحية لزوجتي واطفالي الأربعة .. صحيح هسه وحسب مقابلات الإخوة نسبة الرفض عالية . بس راح أحاول .
 اللي محيرني مقابلات الأطفال .. تعليماتهم في فقرة يقولون : يجب على كل فرد من العائلة تحديد موعد منفصل .....وفي فقرة اخرى يقولون : الاستثناء الوحيد اللي أعمارهم 14 فما دون واللي أعمارهم 79 فما فوق ليس ضرورياً حضورهم للمقابلة ...
وفي فقرة أخرى يقولون : بالنسبة للقاصرين واللي هم محتاجين للمساعدة عليهم أن يكون معهم مرافق ...
فهموني يا جماعة الخير ... أني حجزت أربع مقابلات منفصلة ... مثلا عندي إبن عمره ٥ شهور شلون راح أودي للمقابلة ... شوية مو واضحة عندي ... أرجو ان تساعدوني ... ورحمة الله ولديكم .

7

مواضيع الحياة العامة في بلاد المهجر (امريكا) / رد: تقديم لجوء لأمريكا ارجو المساعدة

« في: 14:28 03/03/2015  »

شكرا جزيلا اخوي على الرد الوافي و الكامل
لكن عندي سؤال الان وجدت شركة تريد تعملي اقامة عمل  هل بعد التقديم المعاملة لفيزة العمل اصبح قانونيا و ذلك لانني انتظر نتيجة فيزة العمل بشهر 10 ؟ و هل استطيع التقديم لفيزة عمل و لجؤ انساني بنفس الوقت؟

اخي العزيز : بأمكانك ان تستشير الخبراء بهذا الخصوص وان حالياً في أمريكا تكدر تسأل هناك عن أوضاعك وشنو الطريقة القانونية تكدر تسوي ... تحياتي

8

مواضيع الحياة العامة في بلاد المهجر (امريكا) / رد: تقديم لجوء لأمريكا ارجو المساعدة

« في: 15:45 02/03/2015  »

السلام عليكم
اخي العزيز انت تستطيع ان تقدم بطلب اللجوء الإنساني بدون محامي .. لكن المحامي يستطيع ان يساعدك في كثير من الأمور ... هناك محامين هجرة يعملون مجاني على حساب الدولة تكدر تستفاد منهم ... بس حسب كلامك انت في موقف مو زين ... لان انت تقول تعيش في أمريكا منذ سنة ونصف .... لازم خلال سنة تقدم اللجوء ..
لكن عليك بإثبات تعرضك للخطر اذا ما رجعت لبلدك ... ويجب أن تثبت أنك تعرضت لأحد الشروط التالية .


اللجوء الى أمريكا الشروط وأسباب الرفض .
الولايات المتحدة الأمريكية من البلدان الموقعة على اتفاقية جنيف الرابعة بشأن حماية الأشخاص المدنيين في وقت الحرب و كذلك على عدة اتفاقيات لحماية حقوق الإنسان. و من هذا المنطلق تضمن أمريكا حق اللجوء بسبب الاضطهاد أو سوء المعاملة أو التمييز على أساس الدين أو العرق أو الجنس أو الرأي السياسي أو الفكري وفق شروط معينة.
شروط قبول طلب اللجوء إلى الولايات المتحدة الأمريكية:
1-  أن يكون طالب اللجوء قد سبق له بالفعل التعرض لسوء المعاملة أو الاضطهاد أو التعذيب لواحد من أسباب التمييز السالفة الذكر.
2-  رغبته الصريحة بعدم الرجوع الى بلده بسبب توافر أسباب تعرضه لسوء المعاملة أو الاضطهاد لواحد من أسباب التمييز التي أشرنا إليها.
3- أن تكون الممارسات الموصوفة بسوء المعاملة أو الاضطهاد أو التعذيب صادرة عن الدولة أو عن جهات رسمية تابعة لها. أما إذا كانت هذه الممارسات صادرة عن جهات خاصة كعصابات أو ملشيات معينة، فيجب أن تكون الدولة قد تقاعست عن حماية الشخص طالب اللجوء.
4- تواجد طالب اللجوء على الأراضي الأمريكية، فلا يجوز تقديم طلب اللجوء من خارج الولايات المتحدة. حيث أن هذا النوع من الطلبات لا يتم قبوله إلا في حالات نادرة، كقبول لجوء شخصيات معينة يتم طلبه من سفارات الولايات المتحدة الامريكية.
الأسباب الشائعة لرفض طلبات اللجوء إلى الولايات المتحدة الأمريكية:
يعتبر توافر الشروط السابقة أمرا ضروريا للحصول على حق اللجوء في أمريكا، وفي حالة عدم توفر هذه الشروط أو أحدها تكون حظوظ قبول طلب اللجوء إلى أمريكا ضعيفة.
يتم رفض طلبات اللجوء من طرف المحاكم الامريكية غالبا بسبب:
1- عدم إثبات حدوث سوء المعاملة أو التعذيب في حق طالب اللجوء.
2- تقديم طلب اللجوء بعد مرور أزيد من سنة على دخول الأراضي الأمريكية، حيث أن تقديم الطلبات يجب أن يكون داخل أجل سنة من التواجد في أمريكا. إلا أنه ترد بعض الاستثناءات على هذا الشرط، كحدوث أمور مستحدثة في بلد مقدم طلب اللجوء كنشوب حرب في بلده مثلا. يتم قبول طلب اللجوء في هذه الحالة و لو بعد مرور أزيد من سنة على دخول التراب الامريكي نظرا للأسباب الاضطرارية التي توفرت بعد انقضاء الزمن القانوني لتقديم طلب اللجوء.
كما يتم قبول الطلب بعد أجل السنة إذا كان الطلب قد أرسل في وقته لكنه أرجع إلى المعني بالأمر لعدم مطابقته للشروط الإجرائية، أو إذا أثبت طالب اللجوء أنه كان معتقلا أو مصابا بمرض اضطره لملازمة المستشفى و حال دون تقديم طلب اللجوء في وقته القانوني.
وفي حالة رفض طلب اللجوء لعدم تقديمه في أجل السنة، يحق للشخص طلب الحماية بموجب معاهدة منع التعذيب، حيث أن المادة الثالثة منها تلزم الولايات المتحدة بعدم إرسال أي شخص أو إرجاعه إلى مكان يتعرض فيه للاضطهاد أو سوء المعاملة. و يكون الشخص في هذه الحالة قد استفاد من حق الحماية و ليس من حق اللجوء.

9

الهجرة و واللاجئين / رد: إستفسار بخصوص طلب الفيزا السياحية للعائلة من القنصلية الامريكية في أربيل .

« في: 15:42 22/02/2015  »

أخواني الأعزاء على موضوع حجز موعد بالقنصلية الامريكية في اربيل .
قبل كم يوم أرسلت لهم إيميل وإستفسرت على صعوبة حجز المواعيد .
فاجابوني وهذا نص الجواب .
Dear Sir/Madame,

 

Thank you for contacting the nonimmigrant visa section in Erbil. We understand your frustration in trying to secure an appointment. We are a small Post and have only a limited number of appointments available each day.  If you have an urgent need to travel you may be able to make an appointment at any other embassies or consulate in the neighboring countries- please visit the respected embassy/consulate’s website for instructions. Currently, the Consular Section of U.S. Consulate in Erbil has a very limited capacity for visa interviews for nonimmigrant visa only and only limited numbers of appointment slots are available for each day. We also suggest to monitor our website on a daily basis for possible changes.

 

We regret that our response cannot be more favorable.

 

Best regards,

 وهذا ترجمة الرسالة الواردة :
عزيزي يا سيدي/سيدتي،


شكرا لك للاتصال بقسم التأشيرات غير المهاجرين في أربيل. ونحن نفهم شعورك بالإحباط في محاولة للحصول على موعد. هي وظيفة صغيرة، وقد سوى عدد محدود من المواعيد المتاحة كل يوم. إذا كان لديك حاجة ماسة السفر قد تتمكن من جعل تعيين في أي سفارات أخرى أو القنصلية في البلدان المجاورة-يرجى زيارة موقع السفارة القنصلية/احتراما للحصول على إرشادات. حاليا، "القسم القنصلي من القنصلية الأمريكية" في أربيل لديها قدرة محدودة للغاية لإجراء مقابلات الحصول على تأشيرة لتأشيرة لغير المهاجرين فقط وتتوفر سوى عدد محدود من فتحات تعيين لكل يوم. ونقترح أيضا رصد موقعنا على شبكة الإنترنت على أساس يومي للتغيرات المحتملة.


ونأسف لأن ردنا لا يمكن أن يكون أكثر ملاءمة.


مع خالص تحياتي

10

الهجرة و واللاجئين / رد: إستفسار بخصوص طلب الفيزا السياحية للعائلة من القنصلية الامريكية في أربيل .

« في: 14:27 21/02/2015  »

اخي العزيز ( لورنس السفّاح ) شكراً على ردّك ع الموضوع .
زين في دول جوار العراق كم هي نسبة قبول الطلب للعائلة . مثلاً تركيا أو بيروت . اريد أحاول أحصل على فيزا لزوجتي وأطفالي قبل لا أقرر السفر وحيداً . لان العراق ضاع من بداية حرب الخليج الاولى .. فما أريد أطفالي يمرون بمأسي مثل ما مرينه به .. أرجو من الإخوة ان يساعدنه بمعلوماتهم . تحياتي للجميع .

11

الهجرة و واللاجئين / إستفسار بخصوص طلب الفيزا السياحية للعائلة من القنصلية الامريكية في أربيل .

« في: 10:56 21/02/2015  »

السلام عليكم ورحمة الله وبركاته .
إخوان الأعزاء نحن الشعب العراقي أصبحنا ضحية المؤامرات الداخلية والخارجية . مما أضطر الملايين بالهجرة الى بلدان العالم المختلفة .. والآن من خلال منتديات عنكاوة المحترم نحن العراقيين نساعد بَعضُنَا البعض من أمورنا الحياتية سواء داخل العراق أو خارجها .
أتقدم واطلب من اخي العزيز مشرف ذا المنتدى بالأذن أن يسمح لي بهذا السؤال بإعتباره سؤال تم تكرارها لكن مع وجود إختلاف بسيط .
أحبتي العراقيين في كل مكان . أريد أن أعرض عليكم حالتي وهو . انني دخلت أمريكا بالفيزا السياحية والآن أنا موجود بالعراق .. مدة صلاحية الفيزا سوف تنتهي في 2015/4/21 أريد أن اطلب الفيزا السياحية الى أمريكا لزوجتي وأطفالي من القنصلية الامريكية في أربيل . لكن حسب أقوال الإخوة في منتديات عنكاوة يقولون ان الفيزا للعائلة صعب أن يوافق القنصل ... من جهة أقول راح اطلب الفيزا لعائلتي .. بس اخاف ما يوافق القنصل وأخسر مبلغ .. لان إمكانياتي المادية مو مساعدة ... بس لو أعرف عندي أمل احتمال يوافق القنصل .. عادي خلي اخسر المبلغ .. فحبيت أستشير الإخوة اللي قابلو في اربيل شلون كان سير المقابلات . مع العلم عندي كافة المستمسكات الضرورية من ( سند عقار - تأييد الشغل - دعوة رسمية من الأهل في أمريكا ) أرجو من الإجابة اللي عندهم معرفة بالموضوع .. لان إتفقت مع زوجتي أن اسافر بوحدي .. لكن قبلها أقول خلي أحاول يمكن يتم الموافقة ونسافر سوه .. مع فائق حبي وتقديري للجميع .

12

الهجرة و واللاجئين / رد: موضوع شخصي .. أحتاج مساعدتكم ... جزاكم الله الف خير .. ورحمة والديكم ؟

« في: 17:26 19/02/2015  »

اخي نصيحة لوجه الله تعالى اذا عندك فيزة سافر  قبل لاتصير اكسباير لان اذا قدمت انت والعائلة مليون بالمية تنرفضت لان اني قبل اسبوع قابلت باربيل مع زوجي وابني وكان عندنا دعوة من عائلة امريكية وايضا جوازنا فيه دخول الى امريكا وايطاليا والنروج وبلجيكا وايضا اخذنا معنا سند الاملاك شي في اربيل وشي في بغداد ولكن اول ماشافتنا القنصل احنة عائلة راسا رفضت بدون اي سؤال للعلم كان معنا عوائل اثنين ايضا انرفضوا وكانت الموافقة فقط للشباب فانا انصحك ان تسافر ولاتضيع الفرصة

أختي العزيزة وفاء علي ... جزاك الله الف خير .. أتمنى لكي الموفقية في مسيرة حياتك ..
مشاركتك خلاني أفكر الموضوع بعمق .. يعني  قرار السفر وحيداً صعب جداً عليه .. اذا يوم ما اشوف أطفالي أصير مو مرتاح .. وهسه اذا رحت وبعدت منهم الله يعلم أشوكت راح أشوفهم . يمكن اكثر من سنتين الى ثلاثة سنين . المهم شكراً على ردّك الجميل .

13

الهجرة و واللاجئين / رد: موضوع شخصي .. أحتاج مساعدتكم ... جزاكم الله الف خير .. ورحمة والديكم ؟

« في: 13:12 19/02/2015  »

اخي العزيز اذا كنت قد نويت ان تقدم للجوء في امريكا بعد وصولك هناك فيجب عليك ان تاخذ بعين لاعتبار المدة التي سوف تبقى فيها بعيدا عن اهلك لان قبول اللجوء حسب علمي لا يقل عن سنة او سنتين اذا كان المحامي بارع في عمله , بعد الحصول على القبول في الجوء في امريكا فيجب عليك انتظار لكي تحصل على الكرين كارد ومن بعدها يمكنك ان تقدم معاملة لم شمل العائلة التي تستغرق في الغالب من سنتين الى خمس سنين او اكثر باختصار ستبقى بعيدا عن اهلك لمدة لاتقل عن 5 سنين ,اذا كنت ممن لديه الامكانيات المادية لكي تعيش مع عائلتك 5 سنين في امريكا  فرائي ان تقدم لهم على الفيزة و اذا لا فلك ان تذهب لوحدك وتتحمل هذه الفترة

اخي العزيز شكراً على ردّك المفيد .. ما تقوله هو واقع .. وكل شي قسمة ونصيب .. جزاك الله الف خير ..

14

الهجرة و واللاجئين / رد: عجيب أمور غريب قضية !! مواعيد المقابلات في القنصلية الامريكية في أربيل ؟

« في: 12:18 19/02/2015  »

اخي الكريم هناك مكاتب تقوم بترتيب حجوزات موعد لك في صوفي مول يقع في شارع كولان في اربيل بسعر 300$ موعد مقابلة فقط واذا تريد يملي استمارة والرسوم مال فيزا و ...الخ ياخذ 600$
انا قبل فترة كنت هناك مع الاحد الاصدقاء واتفق مع احد المكاتب انه يحجزله موعد مقابله بالقنصلية الامريكية باربيل ....
تحياتي ..

أخي العزيز كفيت و وفيت هذا اللي كنت أريده بالظبط .. شكرًا على ردّك  المفيد واني الممنون

15

الهجرة و واللاجئين / رد: موضوع شخصي .. أحتاج مساعدتكم ... جزاكم الله الف خير .. ورحمة والديكم ؟

« في: 12:09 19/02/2015  »

استاذي العزيز USA MUSTAFA LOVE شكرًا على مشاركتك بالموضوع .
أني اللي محيرني مواعيد المقابلات في اربيل .. يعني موقع حجز المقابلات صارت بلوة .. كل خمس دقايق اشوف المواعيد كلها حجز في حجز ....  يعني ما تلكي موعد متاح بحيث نكدر نحجزه ... شي عجيب .... لعد شلون صارت المواعيد محجوزة .
وشى اخر عائلتي متكون من ستة أشخاص ( أني وزوجتي وأربعة أطفال ) وأطفالي كلهم صغار يعني بنتي الجبيرة عمرها ٧ سنين ... ومثل ما عرفت لازم أحجز ٦ مواعيد مختلفة يعني كل فرد من العائلة يرادله موعد منفصل من العائلة .. ومثل ما وضحت المواعيد أصلاً ما متاحة بالموقع ... ما أعرف شسوي .. يعني صرت مثل الحرس كل خمس دقايق أراقب حجز المواعيد أبد ماكو موعد متاح ..... شنو القصة الله أعلم ... أتمنى اللي عنده معلومة بحجز المواعيد للفيزا السياحية بأربيل أن يساعدني واني الممنون ... مع تحياتي للجميع 

16

الهجرة و واللاجئين / رد: موضوع شخصي .. أحتاج مساعدتكم ... جزاكم الله الف خير .. ورحمة والديكم ؟

« في: 19:19 18/02/2015  »

العفو اخت أور .. عبالي انت ولد
راح أسئل على كشف الحساب و الله كريم شكراً لكي على كل كلمة كتبتيها .

17

الهجرة و واللاجئين / رد: موضوع شخصي .. أحتاج مساعدتكم ... جزاكم الله الف خير .. ورحمة والديكم ؟

« في: 17:54 18/02/2015  »

اخي العزيز Ur akkad شكرًا على وقوفك وياي .
خلي أوضح لك حالتي .
أولاً أني فنان موسيقي مشهور بالمنطقة عضو نقابة فناني كوردستان  . بالنسبة الفيزة أني سافرت الى أمريكا وبقيت هناك بحدود شهرين وهسه أني موجود بالعراق . المستمسكات اللي عندي بيوم بالمقابلة راح يكون كالتالي .
تأييد من جهة العمل كوني موظف حكومي .
سند العقار ملك بإسمي .
عقد زواج .
كل المستمسكات الضرورية للعائلة من هويات وغيرهم .
دعوة رسمية من ابن عمي . راح يُبين فيها انه راح يتكفل بينا بكل ما نحتاجه داخل أمريكا .
وصولات رسوم الفيزة كل فرد من العائلة .
الشي اللي ينقصني راح يكون كشف حساب مصرفي .. شدكول كفالة ابن عمي ما راح يكون بدل الحساب المصرفي . لان القنصل يريد يعرف شلون راح أدبر أموري .. مثل ما وضحت كل حاجياتنه راح يكون عند الأهل بامريكا والحمدالله هم كثيرين من اقرباء واصدقاء ومعارف .. فشلون اتشوف القصة اذا هيجي وبهاي المستمسكات رحنا ع المقابلة . اعتقد وجود فيزة سابقة موجودة على جواز سفري .. وجود دعوة رسمية من الأقرباء وكفالتهم لنا .. يمكن يقنع به القنصل .. احتاج رأيك والاخوة الأعزاء بالمنتدى .. وشكراً

18

الهجرة و واللاجئين / رد: موضوع شخصي .. أحتاج مساعدتكم ... جزاكم الله الف خير .. ورحمة والديكم ؟

« في: 17:17 18/02/2015  »

اخي العزيز Ur Akkad أشكرك على ردّك الحلو ورأيك الصائب . بس خلي أوضح لك وللإخوة الباقين . أني موظف حكومي بإقليم كوردستان مثل ما تعرف رواتب الموظفين هسه صارت كل ثلاثة شهور . واني اخاف من القنصل في اربيل أكول لو يرفض الطلب راح اخسر فوك المليون ونص لان احنا ستة باالعائلة وكل واحد ١٦٠ دولار رسوم الفيزة ... بس اذا حصلنا الفيزة وراها ماراح  يكون عندي مشكلة .. راح أبيع اللي عندي . ونتوكل على الله .. تحياتي لشخصك الكريم .

19

الهجرة و واللاجئين / موضوع شخصي .. أحتاج مساعدتكم ... جزاكم الله الف خير .. ورحمة الله والديكم ؟

« في: 13:55 18/02/2015  »

السلام عليكم إخواني وأخواتي الأعزاء
يا جماعة أني حايير لدرجة  ومحتاج نصائحكم . هسه عندي الفيزة  السياحية الامريكية متعددة الدخول  ومدة إنتهائها راح أتكون   في 2015/4/21 عندي نية من تخلص مدة الفيزة مالتي راح اطلب الفيزة السياحية لي ولزوجتي وأطفالي في القنصلية الامريكية في أربيل .. بس ما اعرف صرت متردد اخاف اطلب الفيزة بأربيل والقنصل يرفض الطلب لان وضع العراق بيها حرب .. وأخسر مبلغ رسومات الفيزة لعائلتي لان مثل ما تعرفون رسومات الفيزة غير مرجوعة سواء تم قبول الطلب او رفضها  .. من ناحية أكول خلي اسافر بوحدي وأخلي أطفالي يم أبوية مع العلم عندي بيت ملك بصف بيت أبوية .. يعني أثناء غيابي عائلتي راح يكونون في مأمن  وبهاي الحالة ما راح اخسر رسوم التأشيرات وبدال ما أخسر المبلغ والنتيجة غير مضمونة . أكدر بنفس المبلغ ويمكن أقل أحجز تذكرة السفر وأروح الى أمريكا يم ابن عمي اللي هو مجنس بولاية تينيسي .. ومن أوصل أتفق ويا محامي زين واطلب اللجوء .. صحيح راح أنتظر مدة طويلة لحين صدور النتيجة .. بس من خلال المستمسكات اللي عندي أني اشوفه يمكن  أحصل ع اللجوء ..لأن عندي ثلاثة قضايا مرتبط بي يُبين حالتي الانسانية وبوثائق رسمية تشمل ( سوء المعاملة من الحكومة مباشرة - والاضطهاد وحرماني من حقي بسبب الطائفية الحزبية - والتهديد بالخطف والقتل عن طريق رسالة نصية ) ضدي  وصادر من المحكمة ..  وبالفترة الأخيرة شخص بالليل جاء الى بيتي  لكن الحمد لله لم أكن في البيت وكان زوجتي وأطفالي يم أبوية . ومن دخلو بيتي ما لكوني .. قامو بسرقة مصوغات الذهبية لزوجتي و مبلغ لا بأس به  .. وعلى هذا القضية أشتكيت ضد الشخص المجهول دون فائدة  ..  فيا اخوان حبيت أستشيركم ما هو نصيحتكم لي خاصة الإخوة اللي طلبو اللجوء داخل أمريكا . البعد عن الزوجة والأطفال صعب .. لكن أكول خلي أضحي بسنوات بعيد عن الأهل الى حين ان احصل على الإقامة الدائمة وبعدها اطلب لم الشمل . أما اذا تم رفض حق اللجوء . حين أذ أقول قمت بالمحاولات ولم افلح فيها..  وكل هذا في سبيل مستقبل أطفالي .  عزيزي القارئ لو كنت في مكاني ماذا ستفعل .. أخواني أني احتاج نصائحكم .. ومن الله الموفقية . اخوكم ابو محمد ..

20

الهجرة و واللاجئين / رد: عجيب أمور غريب قضية !! مواعيد المقابلات في القنصلية الامريكية في أربيل ؟

« في: 11:56 17/02/2015  »

الأخ ابو باقر شكرًا على مشاركتك .. والله اخي كل شي يصير بهلوكت .

21

الهجرة و واللاجئين / رد: عجيب أمور غريب قضية !! مواعيد المقابلات في القنصلية الامريكية في أربيل ؟

« في: 11:46 17/02/2015  »

اخي العزيز Ur akkad  أني شلون احجز يعني كل ما افتح صفحة المواعيد كلها حجز ..  لازم اروح ع المكاتب وهم يتفلسفون عليه ويأخذون مني مبلغ ويمكن يتم الرفض بيوم المقابلة .. أفكر اروح على انقرة او اسطنبول للمقابلة لان بهاي الوضعية راح ابقى بمكاني حاير . أتمنى اللي عنده معرفة بحجز المواعيد في ارييل للقنصلية في اربيل ان يساعنده .. ورحمة الله والديكم .

22

الهجرة و واللاجئين / رد: عجيب أمور غريب قضية !! مواعيد المقابلات في القنصلية الامريكية في أربيل ؟

« في: 11:36 17/02/2015  »

برايي احجز اي موعد قريب متاح لك ولا تتاخر بالحجز لان المواعيد حتكون بعيدة اكثر ولا تنسى الصيف جاي وعطل المدارس والناس ديقدمون على فيز فانت مخسران شي احجز وضبط امورك

23

الهجرة و واللاجئين / عجيب أمور غريب قضية !! مواعيد المقابلات في القنصلية الامريكية في أربيل ؟

« في: 09:35 17/02/2015  »

السلام عليكم
يا جماعة هاي شنو اللي ديصير صار لي شهر تقريبا يعني من بداية شهر 2015/2 أراقب المواعيد المتاحة لكي أحجز موعد لمقابلة فيزة الزيارة الى أمريكا .. علماً أني يوميا كل خمس دقايق أراقب المواعيد في قنصلية أمريكا في اربيل وماكو مواعيد متاحة ... لكن قبل شوية شفت المواعيد بشهر 2015/3 صار كلها محجوزة .. عجيب والله يعني بين ليلة وضحاها هذا الشي صار .. شنو جماعتنا علمهم البرتيل ( البخشيش ) سمعت أكو مكاتب عدهم تنسيق ويا القنصلية يحجزون المواعيد .. أتمنى اللي يعرف شي عن هذا الموضوع ان يشارك برد . وجزاكم الله الف خير .

24

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 17:21 12/02/2015  »

هذا موقع القنصلية الامريكية في أربيل http://erbil.usconsulate.gov

25

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 16:26 12/02/2015  »

اخواني وخواتي احد يجاوبني اكو احد مقدم فيزه سياحه او فيزة زيارة من القنصليه الامريكيه الي اربيل الله يخليكم الي يعرف اي معلومه يجاوب

اخوي العزيز  اي كل عراقي عنده حق يطلب الفيزة السياحية من أربيل وإذا يكون عندك دعوة من شخص او جهة أمريكية أحسن .. لكن هسه مواعيد المقابلات شوية صعبة لازم تراقب الموقع مالتهم . تحياتي

26

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 21:35 11/02/2015  »

يا جماعة الخير اصحاب طلبات اللجوء ( asylum  ) من خلال تجاربكم ما هو المستمسكات المطلوبة لهذا الطلب .  يعني أكيد كل شخص عندما يطلب اللجوء يجب ان يكون لديه وثائق تثبت ما مر به ليكون شاهداً على قضيته ... بالنسبة لي شخصياً عندي وثائق تهديد ضدي ومصدق من المحكمة .. مع وجود مرفقات تثبت سوء المعاملة من قبل جهة حكومية رسمية بسبب انني لم اقبل أن أكون من ضمن حزبهم .. ومع ذالك  تم حرماني من حقوقي .. ليس هذا فقط قاموا باضطهادي من كل النواحي حتى في احد الأيام وتحديداً في الليل ارسلوا شخص لقتلي لكن الحمد الله لم أكن في البيت وكان زوجتي وأطفالي ايظاً كانوا في بيت اهلي .. لذالك عندما لم يروني في البيت قاموا بسرقة بيتي ومن ضمن الأشياء المسروقة ذهب زوجتي مع مبلغ ٩٠٠،٠٠٠ دينار عراقي .. وعندما اشتكيت ضد المجهول ( السارق ) الحكومة اللقي القبض على شخص دون ان يرجعوا لي ما سرق مني .. رغم أنني ما تنازلت من حقي ... القصة طويلة عندي مثل ما ذكرت  وثائق رسمية تبين ما جرى بحقي ... لذالك أفكر أن اسافر مع عائلتي الى أمريكا عند أقربائي ومن بعد ذالك اطلب اللجوء .. فما هو نصيحتكم لي .. وشكراً لكم

27

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 20:04 11/02/2015  »

اخي العزيز جوكر الهندسة لازم عندك صبر جميل .. يعني خلي يكون في حساباتك على الأقل سبعة شهور ويمكن أزيد .. المهم كل اللي عليك فقط الصبر لا غير لان اللي يطلب اللجوء لازم يفكر بالانتظار والمدة مو مبينة .. يعني كل قضية هم راح يدرسوها بعناية تامة لما يقررون النتيجة .. سلامي لك وأتمنى ان تتفائل بالخير .

28

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 19:50 11/02/2015  »

تحية الله عليكم ... قبل كل شي نسئل الله العظيم ان يستقر العراق من ازماته المتلاحقة .... وندعوا الله سبحانه وتعالى ان ينتقم من كل  اللذين لحقوا بالعراق هذه الدمار وأجبر الملايين ترك وطنهم  .. باذن الله كل الإخوة اللذين تقدموا باللجوء داخل أمريكا ان يفرحو بنتائجهم . ويتم القبول للجميع . منهم الإخوة ( ميار احمد . ابو شاهين .. جوكر الهندسة ..والأخت  lian .. وكل من لم اذكر اسمه .. وإنشاء الله راح التحق بيكم قريباً ....
مع فائق الحب للجميع . اخوكم Maltay

29

مواضيع الحياة العامة في بلاد المهجر (امريكا) / رد: اللجوء عن طريق الفيزة السياحية

« في: 18:21 10/02/2015  »

تحية الله عليكم
نرجو من الإخوة المشاركة بالموضوع وخاصة اللي هم الان موجودين بامريكا . أني نفس الفكرة فات بعلقي . راح اطلب الفيزة السياحية لزيارة الأقرباء وإذا القنصل قبل ينطي الفيزة راح نسافر أني وأطفالي .. وإنشاء الله عندي وثائق تهديد ضدي ومصدق من المحكمة . أرجو اللي عنده معلومة بهذا الموضوع ان يساعدنا . وشكراً

30

مواضيع الحياة العامة في بلاد المهجر (امريكا) / رد: كم هي نسبة الموافقة على الاساليم لمن دخل امريكا عن طريق فيزا ؟

« في: 22:51 05/02/2015  »

اخي صاحب الموضوع كلكامش الالكتروني . حقيقة موضوعك يستحق مشاركات الجميع لكون كثير من الإخوة العراقيين يحتاجون معرفة هذا الموضوع . لكن ما اعرف الغيرة العراقية راحت من عدنا صار كل واحد مهتم بنفسه .. أني واحد من الكثيرين اريد اعرف هذا الموضوع وحتى شاركت بموضوع قريب على موضوعك لكن لم أتلقى ايجابات . غير اجابة وحدة  لأخ عراقي شريف ابن اوادم . على كل مودتي لك .

31

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 08:55 04/02/2015  »

شلون حصلت الفيزا  malta

اخي العزيز عندي صديق مجنس امريكي سوى لي دعوة على الفيزة السياحية و رحت على المقابلة في بغداد بس هذا الحجي قبل سنة يعني قبل داعش . تحياتي 

32

مواضيع الحياة العامة في بلاد المهجر (امريكا) / رد: كروب المسافرين بفيزا سيـاحة الى امريكا

« في: 08:06 03/02/2015  »

أخي العزيز ابو شاهين . اللة يسهل أمرك حقيقة اخلي نفسي بمكانك بصراحة ضروفك تنقهر . بس اريد اكولك يعني من خلال
مرورك بهاي الوقت شتتوقع يكون سبب الرفض . يمكن القصة مالتك مو قوية اتخلي تقنعهم . او اي شي انت حسيته  كان السبب وراء الرفض , لان حقيقة عندي نية اجي على امريكا ومثلك اطلب اللجوء . هسه عندي فيزة سياحية اكدر اجي . بس من شفت ضروفك شوية قلقت لان راح اجي بوحدي و اعوف جهالي هنا . و ادعو من الله ان يفتح لك باب الامل وهاي التعب والانتظار ما تروح . امين يارب العالمين . تحياتي اخوك ابو محمد

33

مواضيع الحياة العامة في بلاد المهجر (امريكا) / رد: اسايلم في امريكا

« في: 09:04 11/12/2014  »

السلام عليكم اخواني الاعزاء
انا جديد في المنتدى كعضو لكني متابع للمواضيع كزائر

راح ادخل بدون مقدمات
اني مهندس عايش بكردستان وراتبي زين وعندي بيت ملك بنيته بأيدي ومن راتبي على مدى 7 سنوات , ومتزوج وعندي طفلين..
هالسنة صارت لي دورة على حساب الشركة بأمريكا لمدة اسبوعين ورحت لبغداد واخذت فيزا سياحة ..
ورحت وشفت الحياة هناك والتنظيم الي عدهم والحياة بصورة عامة مع بعض التحفظات...
من رجعت واني حتى واهس للشغل ما عندي واريد اهاجر واسوي الاسايلم هناك وبعدين اخذ عائلتي..
بس المشكلة كل الي اعرفهم ضدي وضد قراري حتى زوجتي هم رافضة الهجرة بحجة امريكا بلد كافر واني مسلمة واحب اعيش بمكان اقدر اسمع الاذان ..
واني ما تراجعت عن قراري بس قلق منه ومتردد اخاف اروح وهناك اتعب خاصة وحدي وارجع واصير مضحكة 

احب اقرأ انتقاداتكم او ارائكم

تحياتي

[/size][/size]

  أخوي العزيز jimbim تقريباً أني مثلك صارت وياي .. قبل فترة رحت زيارة إلى أمريكا وشفت التقدم والترتيب بكل أمور الحياة . وهسه رجعت للعراق ومن صارت الحرب مال داعش . هسه أني ليل ونهار بس أفكر أروح وأفلت من هاي الوضعية التعابانة اللي أحنا عايشين بيه .. للعلم أني مثلك موظف حكومي صار لي عشر سنين و عندي بيت ملك الحمدالله وسيارة .. لكن رغم هذا كله أخاف على مستقبل أطفالي . حتى زوجتي موافقة بفكرتي . أما بخصوص أراء الاهل والاصدقاء هذا ما يهمني . لان هذا شي يخصني . في النهاية يبقى القرار مجازفة . عليك بالتفكير . تحياتي لك .

34

الهجرة و واللاجئين / رد: سؤال إلى كل الإخوة العراقيين اللي عندهم معرفة بطلب اللجوء داخل أمريكا . أرجو المساعدة رجاءً

« في: 07:39 11/12/2014  »

الشغلة انت وحظك يعني احتمال ب٣اشهر تاخذ موافقه أو ٣سنين محد يعرف ولازم تكون عندك دوافع قويه. والأفضل انه زوجتك واطفالك يكونون وياك والشغله ينراد له صبر وفلوس لانه محد يساعدك بدولار

اخوي العزيز alzandawi . مثل ما تعرف فيزة الزيارة الى أمريكا لازم تبرهن إنك راح ترجع لبلدك واكو أشياء تخليهم يصدقون بروجعك . مثلا بقاء الزوجة والاطفال في البلد والسفر وحيداً . وحضرتك أتكولي لازم عائلتك أتكون وياك . يا ررررررريت أكدر أوديهم وياي . أذا وصلت أمريكا وعائلتي وياي وراها ماراح أتكون عندي مشاكل لان عندي أصدقاء وأقارب مجنسين بس مو أقارب درجة أولى . أذا أكو طريقة وياريت أتكون قانونية أودي عائلتي وياي أكون ممنون . وشكراً على ردك الجميل . تحياتي يا الغالي .

35

الهجرة و واللاجئين / رد: سؤال إلى كل الإخوة العراقيين اللي عندهم معرفة بطلب اللجوء داخل أمريكا . أرجو المساعدة رجاءً

« في: 20:23 10/12/2014  »

ياجماعة الخير ١٥ مشاهدة بلا رد يعني معقولة ما أحد عنده معلومة بهذا الموضوع .

36

الهجرة و واللاجئين / سؤال إلى كل الإخوة العراقيين اللي عندهم معرفة بطلب اللجوء داخل أمريكا . أرجو المساعدة رجاءً

« في: 19:15 10/12/2014  »

السلام عليكم

 
اتمنى ان لا تبخلوا في اجوبتكم لي
واتمنى اعطائي النصائح الكافية

حبيت استفسر بخصوص اللجوء داخل امريكا 

أني متزوج وعندي أربع أطفال ، هسه عندي فيزة الزيارة إلى أمريكا ومدة الفيزة باقية أربع شهور ..
السؤال هنا .
هسه إذا أروح إلى امريكا وأطلب الحصول  على اللجوء عن طريق محامي
كم هيه الفترة التي يتم الحصول على اللجوء وما هي المبلغ اللي راح يطلبها المحامي وما هو نسبة  النجاح لقبول اللجوء إذا كان حالتي ليس له داعي لترك بلدي أو أنني غير مضطر أو مو مهدد .. وإذا حصلت اللجوء أكدر أسحب زوجتي وأطفالي . 

أتمنى ان تفيدوني بخصوص هذه الاسئلة !!
وشكرا لكم . أخوكم العراقي أبو محمد

37

الهجرة و واللاجئين / سؤال مصيري لإخواني العراقيين الشرفاء

« في: 13:29 01/12/2014  »

السلام عليكم ورحمة اللة وبركاته .
اخواني واخواتي الاعزاء . اني مواطن عراقي اعيش بكردستان العراق متزوج وعندي 4 أطفال والحمدالله .
اني موظف حكومي صار لي 10 سنين على ملاك وزارة الثقافة والشباب و راتبي الشهري 500 الف دينار عراقي .
ومثل ماتعرفون هسه رواتبنا كل شهرين ثلاثة يله نستلم راتب شهر فايت بسبب خلافات الحكومة العراقية واقليم كردستان .. ويوم وره يوم العراق غارق بالحروب والاختناقات الداخلية وأزمات متواصلة فحبيت أستشيركم بخصوص سؤال بالنسبة إلي شخصيا مصيري .
حاليا عندي فيزة الزيارة الى امريكا ومدة صلاحيتها باقية لأربع شهور , وعندي أقرباء وأصدقاء كثيرين بأمريكا تقريباً كلهم مواطنين .
حبيت أستشيركم . أني وصلت لقناعة أن العراق لا يصلح للعيش الكريم . وأخاف على مستقبل أطفالي .. حاليا ضروفي يوم وره يوم نحو الاسواء في ضل الضروف الموجودة . كلت أروح الى أمريكا و هناك أطلب اللجوء و اذا صار قسمة حصلت على الكرين كارد بعدها أسحب زوجتي وأطفالي .
ولازم أوضح ألكم اني انسان متردد بكل اموري .
ومثل ما تعرفون ترك الوطن والعائلة وخاصة الاطفال شي صعب , أما ترك الوظيفة راح أخذ اجازة طويلة بدون راتب .
أما أمريكا أني شفتها عرفت كل شيء بيه من سلبيات وايجابيات الحياة . واللي اني اسويه كلها بسبب مستقبل أطفالي
فيا اخواني ما هو نصيحتكم لحالتي .والله أعتبر كل واحد منكم أخ لي و كعائلة يتناقشون لإختيار الافظل .
مع تحياتي للجميع . أخوكم العراقي أبو محمد

38

مواضيع الحياة العامة في بلاد المهجر (امريكا) / يا إخوان بخصوص تجديد فيزة الزيارة إلى أمريكا . أرجو المساعدة

« في: 22:24 29/11/2014  »

تحية طيبة لجميع الإخوة والاخوات .
عندي سؤال من الإخوة الرواد أتمنى من عنده معلومة أن يساعدني .
أني قبل كم شهر حصلت على فيزة الزيارة الامريكية  وحقيقة سافرت وبقيت هناك بحدود الشهرين . وحاليا أني بالعراق . و صلاحية الفيزة باقية تقريباً أربع شهور .
سؤالي عن تجديد الفيزة وإجراءاتها . ما أدري سألت . أكو ناس كالو لازم تروح تتجدد الفيزة مالتك قبل إنتهاء الصلاحية .
و أكو ناس كالو بالعكس لازم تخلص الفيزة وبعدها تقدم طلب تجديد الفيزة .
فياريت الاخوان اللي عدهم معرفة بهذا الشي أن يساعدني . وأني الممنون . ودمتم بألف خير

39

الهجرة و واللاجئين / الطريقة المضمونة والشرعية للهجرة الى الولايات المتحدة - وايظاً موضوع الولادة ... أفيدوني أفادكم الله

« في: 14:59 01/08/2014  »

السلام عليكم جيمعاً 

إخواني الأعزاء بداية  هذا الموقع  المصدر الحقيقي لتجمع العراقيين من كل الطوائف والأديان . وإستفاد منه العراقيين في الداخل والخارج . لذالك نقول للقائمين على إدارة موقع ( عنكاوة ) شكرًا لجهودكم على ما تبذلونه من خدمة للشعب العراقي الجريح . 

إخواني أني قبل فترة قصيرة رجعت من أميركا وحالياً أني بالعراق كنت سافرت بفيزة الزيارة الى أمريكا تقريباً ضليت ٥٠ يوم هناك ورجعت . فمثل ما تسمعون الوضع بالعراق مو زين ويوم ورا يوم تتأزم الوضع لذالك أريد أسافر إلى أمريكا مع عائلتي المكونة من خمس أفراد علماً عندي أصدقاء ومعارف كثيرين مجنسين في أمريكا . أما المقربين بالدرجة الاولى مثل الأب والأم - أخ - أخت الى أخره هم هنا بالعراق . علماً فيزتي السياحية الى أمريكا باقية تقريباً ١٠ شهور أكد أروح بوحدي . هذا من جهة . السؤال الثاني . زوجتي حامل باقي على الولادة شهرين بالضبط فحبيت أسئلكم أريد يكون الولادة بغير دولة لان أني سامع الولادة بالدول الغربية يستفاد منه الطفل مسقبلاً بموضوع المواطنة . والدولة الوحيدة اللي احنا كادرين نروح هناك  بطريقة شرعية هي تركيا . أرجو من الأخوة والأخوات الرواد بالمنتدى أن يفيدونا . وجزاكم الله الف خير وشكرا لكم 

40

الهجرة و واللاجئين / موضوع الكرين كارت هل صحيح بهذا الطريقة أم لا

« في: 23:14 19/07/2014  »

سلام الله عليكم أخوتي وأخواتي الأعزاء في كل مكان .

تحية طيبة . عندي سؤال للإخوة اللي عدهم بمعرفة بالموضوع . أني رحت بفيزة الزيارة الى أمريكا وضليت هناك تقربيا شهرين . قبل كم يوم رجعت من أمريكا وهسه أني بالعراق . بس أغلب الأخوة اللي شفتهم بأمريكا كالو اذا انت تجي على أمريكا مرتين وترجع و من تريد تجي للمرة الثالثة عندك حق تتقدم بطلب معاملة ( الكرين كارت ) أني شخصيا ما اتقتنعت بكلامهم . بس كلت خلي أسئل الأخوة الرواد بالمنتدى يمكن عدهم معرفة بهذا الموضوع . أتمنى من الاخوان ان يجاوبوا على سؤالي . وشكرا جزيلا مقدما .  

41

مواضيع الحياة العامة في بلاد المهجر (اوروبا) / يا جماعة الخير رحمة الله والديكم أريد مساعدتكم بخصوص تقديم طلب الفيزة السياحية الى فرنسا في أربيل

« في: 22:48 27/04/2014  »

السلام عليكم
إخواني عندي سؤال من الأخوة اللي عندهم معرفة بكيفية تقديم طلب الفيزة السياحة الى فرنسا . ما هي الخطوات اللازمة من البداية . و أيظاً المستمسكات المطلوبة لتمشية المعاملة .. أرجو من الأخوة الرواد مايبخل عليه . مع تحياتي للجميع

42

الهجرة و واللاجئين / رد: وأخيراً والحمدلله تم الموافقة على طلب التأشيرة إلى أمريكا بعد 10 شهور

« في: 10:34 26/04/2014  »

السلام عليكم جميعاً
أحبتي . شكراً على شعوركم الطيب و على ردودكم الجميل . فعلاً مليت من الانتظار .  مثل ما كلت قبل هسه أني مرتين رحت على المقابلة و كنت أشوف القنصل يوافق على طلبات بعض الأخوة الحاضرين وياي وبعد فترة قصيرة ما يتعدى ال 10 أيام يتصدر الفيزة مالتهم . وبعدين بالفترة الأخيرة كنت أدز إيميلات للسفارة . وهم ما جاوبوني . صفنت كثير صرت مثل واحد مسجون بالانفرادية . يعني خلال هاي المدة كل صباح أكوم من النوم أشوف إيميل وارد  ماكو . أسمع جرس التلفون أكول يا الله بلكت من السفارة . يطلع مو هم . وأكثر شي ما ارتاحيت له . عائلتي وأصدقائي . كانو يكولون ها اشصار بالفيزة مالتك . كبل ينهار معنوياتي . المهم وبعد طول إنتظار  الاخ العراقي موظف السفارة من خابرني حاولت أسيطر أعصابي . بس ما يكول تم الرفض . كلي أنت فلان . بشعور مرتبك كتله أي نعم إتفضل . كلي بخصوص معاملتك ( تم الموافقة على طلب التأشيرة ) كال راح نطبعها و ندزهه على عنوانك ويا ال DHL  أني بداخلي كلت  أهههههههه الحمد لله . وآسف على الإطالة فقط حبيت أوضحلكم شي بسالفتي . مع كامل إحترامي وتقديري للجميع .

43

الهجرة و واللاجئين / وأخيراً والحمدلله تم الموافقة على طلب التأشيرة إلى أمريكا بعد 10 شهور

« في: 11:54 25/04/2014  »

السلام عليكم إخواني الأعزاء
أني إتقدمت على فيزة الزيارة الى أمريكا بدعوى رسمية من أحد أصدقائي المقربين . وحقيقة مليت من الانتظار خلال 10 شهور رحت على المقابلة مرتين في بغداد . الحمد الله قبل يومين أحد الأخوة بالسفارة خابرني . كلي ( تم الموافقة على طلب الفيزة مالتك و راح نطبعها و ندزهه ويا ال DHL . فحبيت أسئل الأخوة الرواد بعد الموافقة اشكد يتأخر الاجراءات لحين وصول الجواز على الأخوة في ال DHL . وأتمنى من رب العالمين أن يتم الموافقة على معاملات كل الأخوة والأخوات وتسافرون بسلام .

44

الهجرة و واللاجئين / رد: يا جماعة الخير أريد أرجع جواز سفري اللي هي الآن بالسفارة الامريكية في بغداد أرجو الدخول رجاءً ر

« في: 14:04 08/04/2014  »

أخوي العزيز  (  هذا عراقي )  مثل ما اتفضلت حضرتك أني مليت من الانتظار . والله العظم حتى تصدق أني صرفت لحد الآن بحدود مليونين دينار عراقي .. بمجرد الحصول على فيزة الزيارة .. و هسه صار لي 9 شهور انتظر صدور الفيزة ولحد الآن ماكو نتيجة ... علماً القنصل الأمريكي كلي إحنا موافقين على طلبك ... يعني شكد ما مليت من الانتظار ما ضل شي اكولهم رجعو الجواز مالي . ما أريد فيزتكم إذا أنتو موافقين  مو داعي كل هاي التأخير . مع تحياتي لك

45

الهجرة و واللاجئين / رد: يا جماعة الخير أريد أرجع جواز سفري اللي هي الآن بالسفارة الامريكية في بغداد أرجو الدخول رجاءً ر

« في: 13:54 08/04/2014  »

شكرًا أخي العزيز وسام الطائي على ردك حقيقة أني ما أريد أروح للسفارة راح اكولهم دزو الجواز ويا ال DHL

46

الهجرة و واللاجئين / يا جماعة الخير أريد أرجع جواز سفري اللي هي الآن بالسفارة الامريكية في بغداد أرجو الدخول رجاءً رجاءً

« في: 12:48 07/04/2014  »

السلام عليكم جميعاً
يا جماعة الله يخليكم عندي موضوع أريد أستشيركم عليه وهو . أني أتقدمت على طلب فيزة الزيارة الى أمريكا وهي الآن بالإجراءات الإدارية . فكوني فنان موسيقي عايش بكردستان العراق راح أشارك بحفلة زواج في فرنسا وتحديداً في 26/4/2014 لهذا السبب أني محتاج جواز سفري . كلت أدز إيميل للسفارة الامريكية و أكولهم أريد ترجعون الحواز ويا DHL ومن اخلص ارجع الجواز للسفارة حتى تتكمل الإجراءات الإدارية  . علماً صار 9 شهور جواز سفري يم السفارة و قبل 3 شهور دزيت إيميل و لحد الآن ماكو جواب . المهم إخواني اللي يعرف رقم الهاتف للسفارة خلي ينطيني حتى اخابرهم . الوقت ضيق جداً لأن بالإيميل ماكو فائدة  يتأخرون بالجواب . أرجو مساعدتكم مع تحياتي للجميع

47

الهجرة و واللاجئين / رد: استفسار حول فيزا السياحه

« في: 18:36 15/02/2014  »

السلام عليكم جميعاً .
حقيقة مليت من الانتظار . أني مواطن عراقي عايش في كوردستان العراق عندي دعوة رسمية من أحد الأخوة في أمريكا . أني أتقدمت بطلب فيزة الزيارة الى أمريكا وحقيقة ملفي الشخصي كلها اتساعد بقبول الطلب منها
1- موظف حكومي رسمي مع تأييد الدائرة
2- سند عقار بإسمي
3- عقد زواج مع هويات الزوجة الأطفال
4- رسوم الفيزة 160 دولار
 وكل هذه المستمسكات مع الترجمة القانونية . أني لحد الآن مرتين رحت على المقابلة في سفارة أمريكا في بغداد . أول مقابلة القنصل كلي أحنا موافقين على طلبك وأنتظرت . بعد 5 شهور أخبروني كالو لازم تجي على مقابلة ثانية . حتى كلتلهم الوضع الأمني مو زين إذا يمكن خلي يكون المقابلة مالتي في أربيل كالو ميصير لازم تجي على بغداد . المهم أخذت موعد جديد ورحت . القنصل كال شكراً على حضورك على المقابلة الثانية . كال ( طبع الاصابع ) مالتك موجود بالكومبيوتر مالتنه . كلتلهم أي مو أول مرة أخذتو طبع أصابعي . كال لا إحنا شاكين على طبع أصابعك . كلت لو زين إذا فعلاً طبع أصابعي موجود يمكم لازم الكومبيوتر يكولك وين خليته قبل هسه . المهم بعد سجال بيني وبين القنصل كال خلي يبقى جوازك يمنه إحنا راح انجيكها من جديد . وندز الجواز مالتك إما بالقبول أو الرفض . أني مليت من الانتظار . صار لي ( 7 ) شهور بلا جواب  حتى قبل أسبوعين دزيت إلهم إيميل . هـمينه ماكو جواب على الايميل . ولحد الآن الله الشاهد عليه أني صرفت بحدود ( 2،000،000 ) مليونين دينار عراقي بمجرد الحصول على فيزة الزيارة يعني أني وصلت لموقف أفكر أكولهم رجعو الجواز مالتي ما أريد فيزة . مو داعي كل هاي التأخير . فيا إخواني بعد قرأتكم للموضوع شنصحوني وشنو سبب التأخير . لو جان رفضو أحسن أما الانتظار دمرني . مع تحياتي للجميع

48

الهجرة و واللاجئين / سبعة شهور مع وجود كافة الشروط والمستمسكات المطلوبة لفيزة الزيارة . وحتى الآن بدون جواب

« في: 13:45 08/02/2014  »

السلام عليكم جميعاً .
حقيقة مليت من الانتظار . أني مواطن عراقي عايش في كوردستان العراق عندي دعوة رسمية من أحد الأخوة في أمريكا . أني أتقدمت بطلب فيزة الزيارة الى أمريكا وحقيقة ملفي الشخصي كلها اتساعد بقبول الطلب منها
1- موظف حكومي رسمي مع تأييد الدائرة
2- سند عقار بإسمي
3- عقد زواج مع هويات الزوجة الأطفال
4- رسوم الفيزة 160 دولار
 وكل هذه المستمسكات مع الترجمة القانونية . أني لحد الآن مرتين رحت على المقابلة في سفارة أمريكا في بغداد . أول مقابلة القنصل كلي أحنا موافقين على طلبك وأنتظرت . بعد 5 شهور أخبروني كالو لازم تجي على مقابلة ثانية . حتى كلتلهم الوضع الأمني مو زين إذا يمكن خلي يكون المقابلة مالتي في أربيل كالو ميصير لازم تجي على بغداد . المهم أخذت موعد جديد ورحت . القنصل كال شكراً على حضورك على المقابلة الثانية . كال ( طبع الاصابع ) مالتك موجود بالكومبيوتر مالتنه . كلتلهم أي مو أول مرة أخذتو طبع أصابعي . كال لا إحنا شاكين على طبع أصابعك . كلت لو زين إذا فعلاً طبع أصابعي موجود يمكم لازم الكومبيوتر يكولك وين خليته قبل هسه . المهم بعد سجال بيني وبين القنصل كال خلي يبقى جوازك يمنه إحنا راح انجيكها من جديد . وندز الجواز مالتك إما بالقبول أو الرفض . أني مليت من الانتظار . صار لي ( 7 ) شهور بلا جواب  حتى قبل أسبوعين دزيت إلهم إيميل . هـمينه ماكو جواب على الايميل . ولحد الآن الله الشاهد عليه أني صرفت بحدود ( 2،000،000 ) مليونين دينار عراقي بمجرد الحصول على فيزة الزيارة يعني أني وصلت لموقف أفكر أكولهم رجعو الجواز مالتي ما أريد فيزة . مو داعي كل هاي التأخير . فيا إخواني بعد قرأتكم للموضوع شنصحوني وشنو سبب التأخير . لو جان رفضو أحسن أما الانتظار دمرني . مع تحياتي للجميع

49

الهجرة و واللاجئين / رد: دفعت 100 دولار للزياره وماكو رد

« في: 14:38 11/01/2014  »

يابه انت فايت وين و دفعت المن ! رسوم الفيزة مال السفارة مثل ما كالو الإخوان قبلي . بمصرف بغداد و قدرها 160 دولار . و تروح على شركة البريد السريع ( DHL ) تدفع 12 دولار  وتوديهم وياك للسفارة . وهذا موقع السفارة الامريكية في بغداد وبيه كل المعلومات عن كيفية التقديم للفيزة http://arabic.iraq.usembassy.gov/mobile/ar

50

مواضيع الحياة العامة في بلاد المهجر (امريكا) / رد: يا اهل تنسي الطيبين Tennessee ساعدوني بالمعلومات

« في: 20:03 05/01/2014  »

والله يا جماعة الخير . أني شخصياً عندي دعوة رسمية من أحد الأصدقاء . هو عايش بنشفل و تقريباً يومياً نحجي بالتلفون . واني من خلاله عرفت مدينة نشفل من كل النواحي . و مثل
ما كال الاخ (  nafinagi ) تقريباً وضح كل شي بخصوص مدينة نشفل . تحياتي 

51

مواضيع الحياة العامة في بلاد المهجر (امريكا) / رد: السلام عليكم ارجو الرد السلام والاسؤال

« في: 19:34 05/01/2014  »

أخي العزيز ( نبيل القريشي ) بالنسبة للفيزة السياحية . طبعاً ما يوافقون على إعطاء الفيزة للعائلة بالكامل . لانه إذا رحتو كلكم منو اللي يضمن رجوعكم للعراق . وبعدين لازم تعرف إذا مو عندك دعوة رسمية من جهـة أو شخص أمريكي . لازم يكون عندك كشف حساب مصرفي حديث . حتى يكون عدهـم قناعة عندك إمكانية للسفر . وانت تكدر تستفيد معلومات أكثر من الأخوة الرواد بهذا الموضوع . تحياتي

52

الهجرة و واللاجئين / رد: خبر عاجل وهل هوة صحيح ؟

« في: 10:29 04/01/2014  »

أخي العزيز صاحب الموضوع إياك أن تثق بيهـم . وهل من المعقول منظمة إنسانية  تطلب مبلغ مادي مقابل خدماتها . الحذر ثم الحذر فإنهـم لصوص العصر . تحياتي

53

الهجرة و واللاجئين / رد: سؤال بخصوص مقابلة ثانية في السفارة الامريكية في بغداد لتأشيرة السياحة

« في: 13:44 08/12/2013  »

أخي العزيز ( هذا عراقي ) المحامي اللي سوى لي دعوة  هو هم نفس كلامك كال لازم تخلي مبلغ محترم بالبنك . بس أني ما خليت أي مبلغ بالبنك بس بدال المبلغ عندي سند العقار باسمي .  ويا الترجمة القانونية وحتى بالمقابلة الأولى القنصل الأمريكي ما سئل على هذا الشي .

54

الهجرة و واللاجئين / سؤال بخصوص مقابلة ثانية في السفارة الامريكية في بغداد لتأشيرة السياحة

« في: 10:31 08/12/2013  »

إخواني الاعزاء حياكم الله . حبيت أسئلكم على موضوع الفيزا السياحية الى أمريكا . و إجراء مقابلة ثانية . أني بيوم 2013/7/7 جان عندي أول مقابلة بالسفارة الامريكية في بغداد و بعد المقابلة القنصل كال إحنا موافقين على طلبك و إنطاني إستمارة مكتوب باللغة الانكليزية  جان عبارة عن جمع معلومات عني خلال 15 سنة فايته كال من ترجع عل بيت لازم اتجاوب على هذا الاسئلة وترسلها إلنه بالبريد الالكتروني . ومثل ما طلبو مني اني جاوبتهم بشكل مرتب . وانتظرت صدور الفيزة . بس قبل أيام أتفاجئت أشو واحد خابرني وجان بلا رقم بس مكتوب ( رقم غير معروف ) المهم كلت نعم . جان صوت ابنيه عراقيه مترجمه بالسفاره الامريكية . كالت انت فلان . كلتلها أي نعم . كالت القنصل يريد يشوفك ثاني مره و لازم تحجز موعد جديد و تجي على بغداد . وحتى كلتلها ممكن تنقلون معاملتي الى أربيل كالت . ميصير لأن انت بديت معاملتك يمنه ولازم تخلص يمنه وحتى كالت لا تشيل هم معاملتك منتهيه بس باقي إجراءات بسيطة . المهم أني حجزت موعد جديد وبعد اسبوع راح اروح على بغداد للمقابلة الثانية . والمحامي اللي سوى لي دعوة اللي هو مجنس أمريكي من اصل عراقي كال أني كلش مستغرب من معاملتك . كال هاي أول شخص أسوي له معاملة فيزا السياحة و تروح مرتين للمقابلة .  المهم مقصد كلامي هل سبق أحد من الاخوة اللي طلبو فيزا السياحة الى أمريكا ومرتين رايح للمقابلة . ولكم مني جزيل الشكر أخوكم أبو محمد

55

الهجرة و واللاجئين / موضوع عن سبب تأخير التأشيرة السياحية الى أمريكا .

« في: 11:13 29/08/2013  »

تحياتي لكم جميعاً أتمنى من رب العالمين أن يكون كل العراقيين بسلام في كل مكان . حبيت أسئلكم عن المدة الزمنية لصدور الفيزا السياحية الى أمريكا  لحد الان الفيزا مالتي ما صدر ويومياً أنتظر جواب من السفارة  والـ DHL و ماكو أي خبر . حقيقة مليت من الانتظار . علماً يوم المقابلة كان 7/7/2013 و اليوم 29/8/2013 يعني بعد جم يوم راح يصير شهرين . و أني حجيت ويا المحامي مالي اللي هو عايش بأمريكا وقبل يومين أرسل إيميل للسفارة في بغداد وطلب من عدهم سبب تأخير الفيزا . وهم ماكو جواب على الايميل . ما أعرف شنو صاير . وجوازي يمهم . وحتى أهلي يكولون شنو صار بسفرة مالتك جنا متوقعين بعد العيد راح تسافر . أشو انت بعدك ما سافرت . لذالك كلت خلي أسئلكم لأن  معلوماتكم عن  السفارة أكثر مني وخاصة الاخوان اللي قبل هسه صدر إلهم الفيزا . مع تحياتي أخوكم أبو محمد .

56

الهجرة و واللاجئين / رد: المدة الزمنية لإصدار الفيزة السياحية إلى 

« في: 11:44 21/08/2013  »

شكرا لك أخي العزيز ( un ) على إجابتك في الموضوع

57

الهجرة و واللاجئين / المدة الزمنية لإصدار الفيزة السياحية إلى 

« في: 09:44 19/08/2013  »

سلام الله عليكم جميعاً .

إخواني وأخواتي الاعزاء حبيت أسئلكم على المدة الزمنية اللي يصدر بيها تأشيرة السياحة الى أمريكا . واللي أن أعرفه أن المدة من إسبوعين الى ثلاثة أسابيع . أني شخصياً طلبت الفيزة السياحية الى أمريكا . بدعوة رسمية من أحد أصدقائي المقربين . المهم  قبل رمضان جان موعد المقابلة بتاريخ 2013/7/7 وبعد إنتهاء المقابلة القنصل كال إحنا موافقين على طلبك وأخذو مني الجواز . وكال لازم ترسل لنا بالانترنيت معلومات كاملة عن طبيعة عملك و الدول اللي سافرت بيها خلال 15 سنة فايتة وقائمة بأسماء الاخوة والاخوات والزوجات  والاطفال . ومثل ما طلبو مني أني دزيت إلهم المعلومات بشكل مرتب , بيوم 2013/7/15 وصلني إيميل من السفارة الامريكية في بغداد .  مكتوبين بيه ( عزيزي المتقدم  شكراً لك يرجى أخذ العلم بأننا تلقينا البريد الالكتروني الخاص بك وتم إرفاق معلوماتك مع أرواق طلبك . القسم القنصلي . وحدة تأشيرة لغير المهاجرين . السفارة الامريكية في بغداد . ) من ذالك اليوم ولحد الان ماكو أي خبر . و بصراحة أني مليت من الانتظار لأن يومياً أكول يمكن اليوم يجيني خبر . وأي واحد يخابرني أكول يا الله هذا من عدهم . يطلع مو همه . فياريت من الاخوان اللي عدهم معرفة  واللي طلبو فيزة السياحة لأمريكا يشاركنا عن تجربتهم وعن المدة الزمنية اللي طلع لهم الفيزة . ولكم مني جزيل الشكر . أخوكم أبو محمد 

58

الهجرة و واللاجئين / رد: ملاحظاتي خلال المقابله في السفاره يوم 30/6

« في: 14:16 04/07/2013  »

ياجماعة الله يخليكم اللي راح للمقابلة .  رحمة الوالديه خلي يكللنه شكد المسافة مشي . لأن عندي مقابلة في السفارة الأمريكية على فيزا السياحة بعد باجر إنشاء الله . وأني المشكور
للتذكير هل هـذا الخريطة صحيحة لو لا http://f.qwled.com/upfiles/6hc26474.jpg

59

الهجرة و واللاجئين / رد: طريقة الوصول الى السفارة الامريكية في ب&#

« في: 14:09 02/07/2013  »

أخي العزيز ( جار الانتظار ) شكرًا على ردك الجميل والله يحفظك من كل مكروه . للعلم أني جنت كلش قلق وحتى عائلتي هسه كلش قلقين لما أرجع . لان عبالهم بغداد مثل قبل . قصدي من جان الأمن مفقود نهائي . المهم نعمة الله عليك وعلى أمثالك الطيييين . أخوك أبو محمد

60

الهجرة و واللاجئين / طريقة الوصول الى السفارة الامريكية في بغد

« في: 11:10 02/07/2013  »

بسم الله الرحمن الرحيم . تحية طيبة الى كل الاخوة والاخوات . أتمنى من رب العالمين أن يحفظ بلدنا الحبيب ( العراق العظيم ) وأن يعم السلام والمحبة بين شعبها الصامد . إخواني الاعزاء . ما أطيل عليكم . يكولون ( الصراحة راحة ) أني مواطن عراقي عايش بدهوك . إنشاء الله بالاسبوع الجاي عندي مقابلة فيزا السياحة اللي هي ( B2 ) في السفارة الامريكية في بغداد .  حبيت أسئلكم شلون راح أوصل على السفارة وعلى أي بوابة راح أدخل . لاني غريب و ما أندل مناطق بغداد .  قبل يوم المقابلة إنشاء الله راح أحجز فندق قريب على السفارة . بس من أطلع من الفندق أريد أعرف شأكول سائق التاكسي حتى يوصلني بالمنطقة الصحيحة . و أي تأخير من الوقت يروح مني   . مع فائق شكري وتقديري للجميع

61

الهجرة و واللاجئين / رد: مقابلة فيزا سياحة في أمريكا اللي هي ( B2 ) في سفارة بغداد

« في: 15:02 13/06/2013  »

الرفع للمساعده

62

الهجرة و واللاجئين / رد: مقابلة فيزا سياحة في أمريكا اللي هي ( B2 ) في سفارة بغداد

« في: 12:08 13/06/2013  »

شكراً أخي العزيز abo mays على ردك الجميل . بس أريد أكولك وكل الإخوان أني مخبص نفسي من ورا المستمسكات . وخلي أوضح لك اللي أني محضرهن للمقابلة .
1- هوية الأحوال المدنية مع الترجمة القانونية
2- شهادة الجنسية العراقية مع الترجمة القانونية
3- تأييد من الدائرة مع الترجمة القانونية  + هوية الدائرة
4- سند العقار مع الترجمة القانونية
5- عقد زواج مع الترجمة القانونية + هويات الأحوال المدنية للزوجة والأطفال
6- وصل أو كتاب من مصرف بغداد /  فرع دهوك بمبلغ 160$
7- جواز سفر حرف s سافرت بيه مرتين .. المرة الأولى الى سوريا .. ثاني مرة الى لبنان
8- حساب مصرفي . من أحد البنوك . تثبت بوجود حساب بإسمي بالبنك
9- تأييد من نقابة الفنانين في كوردستان + هوية نقابة الفنانين
10- وصل من ( DHL )

يا جماعة شنو الباقي هذوله المستمسكات أتكفي لو لا . أكون مشكور على ردودكم

63

الهجرة و واللاجئين / مقابلة فيزا سياحة في أمريكا اللي هي ( B2 ) في سفارة بغداد

« في: 15:25 12/06/2013  »

بسم الله الرحمن الرحيم
تحية طيبة الى أخواني وأخواتي العراقيين من داخل وخارج العراق وشكر جزيل للعاملين على هذا الموقع الرائع بمعنى الكلمة .
موضوعي موجه الى كل اللي عندهم تجربة وخبرة في طلب فيزة السياحة في أمريكا 
أنا في العراق وتحديداً في محافظة دهوك . والموضوع هو أنه عندي صديق بمثابة الاخ  عايش بأمريكا صار له ( 20 ) سنة وهو مجنس في ولاية ( تينيسي ) هو يريد يشوفني وطلب مني أني أروح يمهم بأمريكا . وفعلاً سوا لي دعوة رسمية وقدمت على السفارة الأمريكية في بغداد وكل صار جاهز و موعد المقابلة في الشهر 2013/7 . و أني سمعت أنه أكو دلائل أتساعد بالقبول لمثل هيجي فيزة  . الدلائل الموجودة عندي كالتالي .
1- بيت مسجل بإسمي ( سند عقار )
2- تأييد كتاب من المديرية اللي أداوم بيهه . مع الترجمة القانونية بالمحكمة
3- عقد زواج مع هويات الزوجة والأطفال ( النسخ الأصلية )
4- تأييد من نقابة فنانين / كوني فنان موسيقي . عضو نقابة فناني كوردستان
5- جواز سفر عراقي حرف A

 بس اللي يقلقني هو ( حساب مصرفي ) هذا من ضمن المستمسكات . سئلت محامي على حساب مصرفي وكم يكون المبلغ كال مو أقل من ( 10,000) دولار يعني دفتر دولار . لازم يكون  عندي حتى يقبلون ينطوني فيزة السياحة . فقد حبيت أسئلكم هـذا السؤال  . و هل المستمسكات المتوفرة عندي أتساعد بقبول الفيزة .  غير حساب مصرفي . أرجو الرد على سؤالي من الإخوان اللي عدهم معرفة بهذا الموضوع . وعلى فكرة أني مسوي حجز تذكرة سفر من أربيل الى بغداد ذهاباً و إياباً . ولكم مني جزيل الشكر