الرسائل

1

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 16:24 13/12/2014  »

سلام عليكم جميعا
ربي يسهل امر الجميع الي عندة معلومة لايبخل علينه وخاصة الجماعة الي سافروا من مطار اتاتورك بااسطنبول الى الولايات المتحدة شنو الاجراءات في المطار قبل السفر وكيف يلتقي المسافر بجماعة ال iom  وهل يسلم الجنط مالتة قبل التقاء بهم ووين وكيف يلتقي بهم
اشكركم جزيل الشكر

2

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 21:03 01/12/2014  »

السلام عليكم  يااعز كروب الله يوفقكم جميعا اني دخلت بحساب اخر لان كان عندي مشكلة بالحساب القديم
وكان سؤالي عن الجكش علما انو نزلي طيران امريكا 15-12-2014 واذا تاخر لاسامح الله شنو المطلوب عملة بااعتبار احنا في مدينة قيصري واهنا الامنيات مالتنه صعبين ومعقدين جدا بسبب كثرة الايرانين والسوريين والعراقيين وتحياتي للاخ عراقي مغترب الي اعتقد مافاهم قصدي بالسؤال

3

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 09:08 20/10/2014  »

السلام عليكم جماعة تركيا
تحياتي لكم جميعاااا
ومبروك اخ امير بغداد على انقلاب الصفحة  وان شاء الله السفر العاجل كولي اخوية يايوم انقلب صفحتك ؟؟؟

4

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 08:12 01/10/2014  »

السلام عليكم اخواني وربي يسهل امر الجميع وان شاء الله كلكم اتسافرون
بالنسبة لموضوع رد المحلف اني قابلت  الوفد باواخر شهر الثامن وفحصت بالشهر التاسع بس لحد الان مااجاني جواب من الوفد بالرفض او القبول واعتقد الي كانو معي في الفحوصات كان اكثريتهم نفس الحالة اني  هذا الشي اشوفة اشوي غريب  لان بالعادة يكون الجواب المحلف قبل الفحوصات ادعو من رب العالمين لي ولكم التوفيق

5

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 14:22 22/07/2014  »

سلام عليكم يااحلى كروب منورين كلكم
 منو عنده معلومات عن الوفد الامريكي اشوكت راح يجون ومنو مخابريه على مقابلة الوفد اني قابلت الاولى ب icmc نهاية شهر الخامس
تحياتي الكم جميعا وربي يسهل امرنا جميعا يارب

6

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 10:33 04/06/2014  »

مبروك لعودة الصحيفة والمنتدى  بالشكل الجديد وان شاء الله يعم الخير لجميع المنتظرين 

7

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:29 16/05/2014  »

تحياتي لاخونه البرق موضوع حلو
بالنسبة لتركيا فهي دولة سياحية باامتياز اما المعيشة فيها صعبة خاصا للعوائل الي ماعندهم رصيد قوي فالعمل هنا يمتد الى اكثر من 15 ساعة باليوم وبااجور زهيدة جدا يعني بالمختصر المفيد الي جاي ورصيدة قوي وعندة مصدر يجيلة من عندة يعيش احسن عيشة والي ماعندة يتعب تعب الا ايشوف نجوم الظهر ابعينه هذا تحليلي عن واقع تركيا الي اني دا اعيش بيها وطبعا اني من الي شايفين نجوم الظهر ههههههه والحمد لله على كل حال

8

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 16:48 16/05/2014  »

اخواني اذا احنه بعدنه جدد بالمنتدى شوية انتبهو على اسئلتنه الله يوفقكم , هذه 3 مرة سألت عن المحافظات المفتوحة باليو ان بلا زحمة عليكم ممكن احد يتكرم ويسألنه او عنده خبر عن الموضوع لان احنه ماشين هاليومين حتى بس نكون على بينة , وممكن ايضا تنصوحني بمحافظة مناسبة للعائلة , ومشكورين .

اخوية تحياتي الك كل المحافظات المعيشة فيها متقاربة ماعدا اسطنبول واقل منه انقرة وازمير اشوية المعيشة بيهيج محافظات كبيرة غالية قياسا بالمحافظات الاخرى اما عن المحافظات المفتوحة فاللاسف ماعندي اي معلومة عنها

9

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 16:02 16/05/2014  »

سلام عليكم اخوان
اخوية ياسر واخوية اوس تحياتي الكم يمعودين ترى اخونة اطير واطيح مو قصدة هو نوع ردة فكهاهي وهو مااعتقد يقصد انو يجرح او يسيئ لاحد وللعلم اني مو محامي لأحد هههههههه بس خلينه ايجابين ترى الي بينه مكفينه لو مانتواصل وماننساد بعض انموت من الضوجه والانتظار القاتل
الله يسهل لي ولكم ياااارب

10

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:45 15/05/2014  »

سلام لجميع اعضاء تركيا
مبروك صفحة 45 خير وبركة لجميع وان شاء الله تسهيل الامر والسفر العاجل لجميع المنتظرين من اعضاء كروب تركيا

11

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 08:45 14/05/2014  »

صباح الخير لجميع كروب تركيا الاعزاء
على گولة اخونه العزيز اطير واطيح گمت اشوف بالحلم ال icmc يجوني مثل الاشباح لابسين ابيض باابيض هههههه
صارلي 71 يوم بتمام والكمال انتظر المقابلة الاولى لل icmc  والحمد لله على كل حال 

12

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 09:22 09/05/2014  »

سلام عليكم كروب تركيا الصابرين
مثل ماعودتنه اختنه العزيزة راي دائما تنورينه بمعلوماتج الرائعة والمفيدة اني شخصيا ممتن الج اختي لان كنت تزوديني بمعلوماتج من اني كنت بالعراق وتزودين المنتدى عموما وخاصة كروب تركيا بمعلوماتج القيمة الي كانت ولازالت معلومات واقعية ومفيدة جدا الله يوفقج ويسهل امرج
وتحياتي واعتزازي لاخوي العزيز رافت واخونه البرق

13

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 08:35 05/05/2014  »

سلام عليكم جميعا
مبروك اخوية اطير واطيح ان شاء لله يكون مقابلة سهله

14

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:00 21/04/2014  »

السلام عليكم احبائي
يوجد اخبار في بعض المحافظات  انوا الامنيات حيرجعون الجوازات للعراقيين
اكو احد عندة معلومة عن هذا الشي ؟؟

15

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 15:47 17/04/2014  »

هناك قانون جديد صدر من قبل السلطات التركية بخصوص اللاجئين حسب ماذكرلي الظابط المسؤول في امنيات محافظتي وقال انو تم الغاء اصدار كملك الازرق للاجئين الجدد  ويتم اعطاء كارت شبيه بالهوية بدل الكملك الازرق وسالته عن اللاجئين الذين يملكون الكملك الازرق قال سوف يتم العمل به لمن لديهم كمالك وعند انتهاء مدة صلاحية الكملك سوف يمنح كارت بدل الكملك
اخواني هذا الكلام على ذمة ظابط المسؤول  عن اللاجئين في محافظتي وليس اجتهاد مني او من احد

16

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 15:17 17/04/2014  »

سلام عليكم جماعة تركيا الاعزاء
مبروك للاخت نور القمر على الاتصال من قبل ال icmc وتحديد موعد مقابلة الوفد ومبروك لاخونه ابو علي لقبول ملفة من الوفد ومنور اخونه الرائع رافت ردودك دائما رائعة
اخونة القبطان الله يسهل امرك يارب بس وصفك الي يطلعون لجوء لامريكا بالحثالة مو دقيق

ربي يسهل امري وامر الجميع

اخوكم محمد

17

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:32 10/04/2014  »

تحياتي الك اخي اطير واطيح بس هذا طيارتك مايوصلنه لامريكا هذا يرجعنه للعراق ههههههه
هذا يمكن انت اتخابر ال icmc وتحددلهم موعد مقابلتك مو همه يخابروك ههههه
ربي يسهلك ويسهلنه ويسهل لكل اعضاء كروب تركيا 

18

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 12:42 10/04/2014  »

ICMC Turkey
Kore Sehitleri Cad. Mithat Ulu Ünlü Sok. No:19 34394 Zincirlikuyu, IstanbulTurkey
Phone : +90 212 219 2055
Fax : +90 212 219 1601
عنوان وارقام ال اي سي ام سي

19

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 10:11 10/04/2014  »

سلام عليكم جماعة تركيا الاعزاء
شكرا اخي البرق على المعلومات المفيدة بالنسبة لملفي انتظر اتصال للمقابلة الاولى في ال icmc من 5/3/2014 والله يسهل للجميع

20

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 11:30 07/04/2014  »

السلام عليكم جميعا
ان شاء الله صفحة  42  يكون خير لجميع اعضاء كروب تركيا الاعزاء

21

الهجرة و واللاجئين / رد: كروب تركيا خاص للذين ملفهم واصل الى icmc

« في: 12:17 03/04/2014  »

سلام عليكم اني نزلي استيطان امريكا 5-3-2014 وانتظر مقابلة اولى في ال icmc ومااعرف اشوكت يتصلون بيه للمقابلة منو عندة علم

22

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 08:33 24/03/2014  »

سلام عليكم يااحلى كروب
ان شاء الله صفحة 41 يكون خير للجميع يارب
اخوان اذا ممكن كيف اعرف وين وصل السره ارقام TU الممنوحة من قبل ال icmc قبل المقابلة اولى في  icmc

تحياتي لكل جميعا والله يوفقكم

23

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 20:28 19/02/2014  »

مبروك لاخونة اطير وماتطيح انشاء الله وياريت تنشر تواريخ التسجيل والقبول والتوطين مثل اخونة الرائع رأفت اذا امكن طبعا
 بالنسبة الية ملفي من تاريخ 27 شهر الواحد تم نقل الملف لقسم التوطين حسب ماكلتلي الموظفة وطبعا خابرت التوطين الاسبوع الماضي يوم الخميس وكالي ملفك يمنه ولحد الان مامقدم لدولة وبالسرة كالي

تحياتي للكل الله يسهل امركم وامري يارب العالمين

24

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 07:28 11/02/2014  »

الف مبروووك اختي راي وحمد لله على سلامتج وانشاء الله دائما نسمع اخبارج المفرحة

25

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 07:23 07/02/2014  »

عيني يا جماعه عل اقل ردوا السلام لتجاوبون يا اعضاء عينكاوه شو سالنا سؤال مهم محد جاول شدعوه يابه واكو ناس تسال اسئله مااله معنى وتجي الاجابات اسرع عمي ماريد اسال بعد اهنا بهل منتدى استعين بجماعتي احسن الظاهر جايين بس تتعرفون ماكو اي معلومات عدكم

اولا عليك السلام اخ الدليمي
ثانيا صدكني اني من خلال الاهتمام الواسع منذ سنتين تقريبا عن اللجوء والتقديم عن طريق اليو ان او عن طريق iom بغداد او siv  ماشفت معلومات قيمة وذا مصداقية عالية مثل منتدى عين كاو وخاصة جماعة تركيا  واذا ماجاوبو على سؤالكم لربما امورهم منهعم من ذالك او يمكن ماعدهم معلومة كافية اني عن نفسي من قبل مااجي لتركيا ولحد الان استفاد عن معلومات الاعضاء كلهم اخواني واخواتي وانشاء الله يسهل ربي امرهم وامري وامرك
تحياتي الك 

26

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 16:46 29/01/2014  »

السلام عليكم جميعا اشلونكم يااحلى كروب انشاء الله زينين
البارحة خابرت قسم الحقوق او مايعرف بالقانونية المهم الموظف كالي انو تم تحويل ملفك من قسم الحقوق الى قسم التوطين بيوم 27 /1/ 2104 لان اني الاسبوع اللي فات يوم الخميس خابرتهم لقسم التوطين كالو ملفك ماوصل النه اخوان يعني تعتقدون اشوكت ينزلي التوطين حسب تجاربكم وخبراتكم
تحياتي لكم وادعو من الله للكل تسهيل الامور ياااارب

27

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 20:50 27/01/2014  »

السلام عليكم جميعا
صديقي قابل قبل شهر ونص لحد الان مانزله نتيجه بالموقع مالته والي استلمه من اليو ان عباره عن ورقه بيضاء يشبه الفسفوره بس مو هي الفسفوره ومكتوب بيه تاريخ نهايه الورقه 22/11/2104 شنو معناه هذا الورقه الكل يكول اعادة مقابله هل هي حقا اعاده مقابله لو انتظار بس ينزله قبول وياهذ الفسفوره بدون مقابله    تحياتي لكم والله يسهل امرنا جميعاااا يااااااارب

 
عليكم السلام اخي turkmen هذه الورقة هي ورقة الحماية ويوجد فيها تاريخ وعادتا تكون موعد مقابلة تكميلية في منظمة الامم المتحدة في انقرا بعد اتصال الموضف المختص يتم تحديد موعد للمقابلة او يتم تحديد موعد عن طريق موقع اليو ان الاصفر وقسم من الاشخاص الغت اليو ان مقابلتهم وحصلو على القبول على الموقع مباشرتا وقسم تم مقابلتهم فقط عن طريق الهاتف وبعدها حصلو على القبول تحياتي لكم .




                                                                     اخوكم / البرق

اشكرك اخوية البرق الله يسهل امرك ياذهب

28

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 08:47 27/01/2014  »

السلام عليكم جميعا
صديقي قابل قبل شهر ونص لحد الان مانزله نتيجه بالموقع مالته والي استلمه من اليو ان عباره عن ورقه بيضاء يشبه الفسفوره بس مو هي الفسفوره ومكتوب بيه تاريخ نهايه الورقه 22/11/2104 شنو معناه هذا الورقه الكل يكول اعادة مقابله هل هي حقا اعاده مقابله لو انتظار بس ينزله قبول وياهذ الفسفوره بدون مقابله    تحياتي لكم والله يسهل امرنا جميعاااا يااااااارب

29

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:25 23/01/2014  »

السلام عليكم اخوان
البارحة خابرت القانونية وحجيت وياهم واستفسرت عن ملفي كلولي اسال ملفك بالتوطين المهم كلت يابه اشكركم واليوم خابرت التوطين وحجيت وياهم كالي الموظف ملفك ماوصل عندي شنو السالفة ماادري ...
اعود اخابرهم الاسبوع الي يجي ؟؟

30

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 09:26 22/01/2014  »

السلام عليكم اعزائي

بس حبيت اسأل اذا وصلت لاتثنقره وين اروح اسكن اول يومين اني وزوجتي وبنتي

مااحصلي شقه مفروشه اجار يومي قريبه عن اليو ان لو اله فندق

والي عنده عنوان فندق شقق مفروشه ياريت يساعدني



وشنو المحافظات الي مفتوحه هسه

تحياتي لكم جميعاً

وعليكم السلام عزيزي اني اعرف فندق قريب جدا من مكان التسجيل لليو ان او الاسام بلمشي توصله او عن طريق الميترو مسافة محطه وحده وبس الغرفه  130 ليره  فندق محترم وراقي  اسمه Göksu ANT Hotel / عنوانه / GMK Bulvarı no:66 Maltepe-Ankara

31

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:17 19/01/2014  »

سلام عليكم يااحلى كرووووب
اخوان اشو اني مادا احصل القانونيه مال اليو ان ولا احصل الاستيطان يعني الاسبوع الي فات كل يوم من الصبح لحد الخمسة اخابر القانونية ويوم الخميس من 2 الى 5 خابرت الاستيطان بااصرار شديد  بس مع الاسف لو مشغول لو الرقم غلط لو مايجاوبون والله  اشتاقيت اسمع صوت موظف اليو ان .....

32

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:17 15/01/2014  »

اخوية رافت الله يسهل امرك اخوية تدري هل الاسبوع دك اخابرهم ومايردون او الرقم مشغول اكو رقم ثاني لو لازم  اصرار

33

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:08 15/01/2014  »

الف الف مبروووك اخ رافت واخ المستغيث على نزول الاستيطان يارب يسهل امركم وامرنا بحق الحبيب المصطفى (ص)                             اخوان يرحم والديك بيا ارقام اكدر استفسر عن احوال ملفي وين واصل اني اخذت الفسفورة  - القبول - في 2013/12/11

34

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 23:20 01/01/2014  »

سلام عليكم يااحلى واعز كروب
 كل عام وانتم ابخير انشاء الله هذا العام يكون عام خير النه جميعا وكل ملفاتنه تمشي يارب                                                                                                                                                                                                
اذا ممكن  اريد رقم والفاكس والايميل للاستفسار عن ملفي  عندي فسفورة ولحد الان مانزلي توطين اريد استفسر عن ملفي وارسلهم فاكسات  واكون ممنون منكم

35

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:11 14/12/2013  »

شكر لكم جميعا اخوان والشكر المخصوص للأخ عراقي مغترب وأخ البرق والاخ رأفت الله يوفقكم على هذا التوضيح

36

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:01 13/12/2013  »

السلام عليكم جميعا

ماهو الاجراءات التي تتبع بعد ان ينزل التوطين استراليا او كندا  للموقع اليو ان في تركيا ؟؟؟  مالذي يحصل بعد ذلك  ؟؟؟ هل هناك ملىء لفورم او ماشاكل ؟؟؟؟

37

الهجرة و واللاجئين / توطين استراليا وكندا ؟

« في: 21:59 13/12/2013  »

السلام عليكم جميعا

ماهو الاجراءات التي تتبع بعد ان ينزل التوطين استراليا او كندا  للموقع اليو ان في تركيا ؟؟؟  مالذي يحصل بعد ذلك  ؟؟؟ هل هناك ملىء لفورم او ماشاكل ؟؟؟؟

38

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 08:54 03/12/2013  »

سلام عليكم كروب تركيا

اخوان ياموقع الي يتحدث كل اسبوع اني بس الي اعرفة موقع http://results.unhcr.org.tr/index.php
اكو غير هذا الموقع ينزل بيه تحديث
اني قابلت مقابله اولى يوم 11/25 واليوم من دخلت الموقع شفت متغير تاريخ تسجيلي من 9/25 الى 11/25 طبعا بعده حقل النتيجة فارغة
لان النتيجة مامستلمة لحد الان

39

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 16:14 30/11/2013  »

مبروك للأخ اطير واطيح على تقديم المقابلة وانشاء الله القبول  

40

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 12:14 20/09/2013  »

ارجو من الاخوة والاخوات الي عدهم معلومات عن اسطنبول؟؟  اذا كان اسطنبول من ضمن المحافظات المفتوحة  هل قدر الاقامة فيه مثل باقي المحافظات المفتوحة ام يكون الاقامة في اسطنبول بشكل مؤقت يعني من 3 الى 6 اشهر ويرحلك الامنيات مال اسطنبول بغير محافظة ...
 ياريت  الي عندة معلومة يفيدني واكون ممنون منكم

41

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:52 17/09/2013  »

شكرا اختي نانسي على الرد

واني بعد فترة اجي التركيا بس بصراحة شايل هم

لان بنتي عمرها 3 شهور وزوجتي وياية وتعرفون

غراضي الاحتاجها وماعرف احد ولا اعرف لغة تركية

متعرفون فد شخص دليل يعني يدليني فندق او فد مكان قريب

ولو اختي راي انطتني عنوان فندق وال يو ان

بس وراها شفت ردود كاتبين غير عنوان لل يو ان

وحاير كولشي مااندل

والوزن المسموح للشخص الواحد بلطيران شكد

وكم ياخذون اذا اكو وزن زاىد على الكيلو

واكدر اهلي يدزولي غراضي بجمسي التركيا لولا

لان تعرفون غراض طفلة واحنة غراضنة هواية

ومااكدر اجي برا لان تعرفون عندي طفلة صغيرة وتتبهذل بلطريق

اررررجو احد يساعدني

لان ماعندي غيركم يقدملي هاي الاجوبة

وشلونة الجو بشهر ال عاشر بارد كولش لو لا

تحياتي

اخي عمر عنوان اليوان  للتسجيل الجديد مثل حضرتك هو هذا
تقريبا بدايه هاي السنه صار هذا العنوان للمتقدمين الجدد


EMEK . MAHELLESI . 8 GADDE . 29. SOKAK  NO = 37
BAHGELIEVLR / ANKARA.  ASAMI

اما العنوان الثاني هو العنوان القديم لل يوان والي اصبح حاليا للمقابلات والاستفسار عن الملف
 ان كان هذا الي تقصده


ANKARA : Sancak Mahallesi - 12. Cadde - 212. Sokak - No3

ومنطقه اولص هي منطقه بيهه فنادق هوايه هذا الي سامعته عنهه  وباقي التفاصيل جاوبت عليهه الاخت نانسي مشكوره
اما كشخص يساعدك راح ادزلك رساله ع الخاص

اختي راي هذا العنوان
EMEK . MAHELLESI . 8 GADDE . 29. SOKAK  NO = 37
BAHGELIEVLR / ANKARA.  ASAMI 
للمقدمين الجدد يعني مانروح للعنوان القديم للمركز الرئيسي للامم المتحدة في Tiflis Cad. 552. Sok. No:3 Sancak Mah

42

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:44 17/09/2013  »

اخوان ترة التسجيل على اليوان يصير من انقرة واسطنبول ايضا وانا متاكدة من كلامي
لكن الناس ماخذة فكرة التسجيل فقط من انقرة لهذا تشوفون زحام جدا هناك وديوزعون العراقيين بمحافظات تعبانة جدا من انقرة وبعيددددة
لكن من اسطنبول افضل ماكو زحام و محافظتها كلش زينة

تحياتي

تحياتي الك اخي newlife هل انت متاكد من هذا المعلومة لان حسب علمي اول تقديم يكون من انقره حصرا اكو احد قدم اول تقديم من اسطنبول .. وياريت الي عندة معلومة مايبخل ...

43

الهجرة و واللاجئين / رد: المحافظات التركية المفتوحة الى اللاجئين العراقيين 2-9-2013

« في: 19:50 13/09/2013  »

محافظات تعبانه جدا ياريت لو يتغير

44

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 07:41 01/09/2013  »

اخوي البرق انشاء الله يسهل رب العالمين امرك

بالنسبة لاسم محافظتك توكات صحيح بالانكلش بزونتين بس بالتركي توكات يعني ( البوكس او الراشدي ) باللهجة العراقية
واتمنى ان يكون حياة كل عراقي بعيد عن الراشديات والبوكسات لان اهنا بالعراق ملينه من شي اسمه العنف
واتمنى من كل العراقيين الموجودين ابتركيا انو يتعاملو مع الاتراك ابكد عقولهم لاتفرضو عليهم فكرك او اسلوبك او معلوماتك لان همه ناس فكرهم محصور فقط بالحدود التركيه وليس لديهم معلومات عامة مثلنه  

45

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 09:19 31/08/2013  »

صباح الخير اليوم راح احجيلكم على الايجارت ومكاتب العقارات شويه اني حبيت اغير الشقة من صوبه الى دوار غاز ليش لان انلعب بي طوبة  في فصل الشتاء من حمل اكياس الفحم واكياس الخشب ومو بس هاي تعال جيب مادة تشعلهن لعد شلون تشعلهن مثل العصر الحجري  المهم بديت ادور ولكوني اطكطك بتركي  افتر واقرة الشقة المكتوب عليه كرالك يعني للايجار وساتلك للبيع ومكتوب ارقام التلفونات واخوكم يعبي رصيد ويرجع ليوره  المهم كل ما اخابر واحجي ويا يكلي عربجة يوك يعني ما ائجر للعرب والله قهر ليش شبينه احنه انعض نعلعلا وهاي صارت اكثر من 10 شقق المهم كلت اروح للدلال وانطي دلالية واخلص تخيلو شباب الشقة الي 400 ايكلي 600 والي 500 ايكلي 700 اضافتا ياخذ دلالية قيمة الايجار كاملة اشتعل بليسة  المهم ما ايست اخوكم شاد محرك 8 سلندر  رياضة وبعدني ادور دوختم اني لاكن اهنا اكو سؤال ليش ميئجرون للعرب يعني يجوز احنه من غير كوكب لو مثلا نتحول بليل  تحياتي الكم اعزائي اخوكم البرق

اخوية العزيز البرق

انت ابيا محافظة ابتركيا ؟؟ يمكن اكدر اساعد بحول الله

46

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 14:03 30/08/2013  »

سلامي وتحياتي الى كل كروب تركيا الاكثر من رائعين والمتألقين دائما 

ياترى عند تسجيل اسمي لاول مرة يعطوني رقم كيس ؟؟ لو بس ياخذون رقم موبايل مني ويعطوني موعد المقابله الاولى ويعطوني ورقة حماية حتى اوديه للامنيات ؟؟
واذ قدمت ملفي اني اكوللهم عائلة لو همه يسالون ؟؟؟
 واذا خيروني بالمحافظات المفتوحة اكوللهم عندي اقارب بتركيا لو مااكول لو اكول ماعنده فد تأثير على ملفي ؟



واسف على الاطالة بسؤال بس من كثر ماانتم رائعين فالواحد يريد دائما يستفسر من عدكم

 الله يوفقكم جميعا يااااارب ويسهل امركم الي منتظرين والي مسافرين

47

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 21:51 29/08/2013  »

اخوتي عندي اقرباء من الدرجة الاولى في بيريطانيا وعندهم الجنسية البيريطانية.. هل بيريطانيا يعطي اعادة استيطان من تركيا لمن له اقارب من الدرجة الاولى في لندن ...؟؟؟؟

  اخي العزيز تركمان اني اعرف شخص بتركيا اهلة في بريطانيا وسفرو البريطانيا من تركيا عن طريق اليو ان ويارب يسهل امرك اخوك البرق

شكرا اخوية البرق الله يسهل امرك ويسهل امر جميع اعضاء الكروب

اني اختي في بيريطانيا وعدها جنسية  بس يعني بيرطانيا تقبل لاجئين من تركيا ؟؟ لان اشوف الناس تحجي بس على امريكا وكندا واستراليا

48

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:52 29/08/2013  »

سلامي لجميع كروب تركيا
بالنسبه لقضية التركمان
 اخوان احمد وعبود ماقصرو
 اني صحيح اللهجة مالتي بالعربي زين لا بأس بها ولكن اذا أي عربي يكعد  وياي ويحجي فد ربع ساعة بااستمرار يعرفني اني مو عربي واكيد يكلي انت تركماني

نحن هنا بقضاء طوز نسمع الكثير من الاخبار انو المنظمات يقبل التركمان بس مانعرف مصداقية الحجي الي جاي يوصلنه لان جاي نتعرض لاباده منظمة .

اخوان ياريت كل من اله معلومات لا يبخل
والتوفيق من رب العالمين

السلام عليكم
اخي الكريم ماتفضل به الاخ عبود بطاطا واحمد صحيح فقد لاحظنا تأخر في معاملات الاخوة التركمان لكن هذا لا يعني ان قضيتك سوف تعامل بنفس الروتين فالمعروف ان كل قضية تدرس على حده وكل ملف يختلف حسب القصة التي يعيشها من تهديد لحياته
ولا انصحك بأن تخفي عنهم انك تركماني لأنهم لو تفطنو لأمرك فسيكون مصيرك الرفض من اليو ان ومن السلطات التركية لان هذا يعتبر تحايل وكذب
توكل على الله اخي الكريم وتأكد انه لن يخيبك وهو دائما عند حسن ظن عبده به ومادمت مظلوما فلن يخيبك الله

صراحة اني هسة حرت اريد اقدم وعندي كل الدلائل اني مهدد ومفجرين بيتي بس المشكلة شااكوا اكول تركماني اخاف اتطورت يكولون انت تعرف لغة اشبع ابتركيا ... اقول عربي اكدر امثل عربي بس لا يكون واحد من جمعتنا ينافق بال يو ان ويورطني واني راح اجيب عائلتي وياي وادمر
والله مااعرف شااسوي الله شاهد

49

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 12:29 29/08/2013  »

سلامي لجميع كروب تركيا
بالنسبه لقضية التركمان
 اخوان احمد وعبود ماقصرو
 اني صحيح اللهجة مالتي بالعربي زين لا بأس بها ولكن اذا أي عربي يكعد  وياي ويحجي فد ربع ساعة بااستمرار يعرفني اني مو عربي واكيد يكلي انت تركماني

نحن هنا بقضاء طوز نسمع الكثير من الاخبار انو المنظمات يقبل التركمان بس مانعرف مصداقية الحجي الي جاي يوصلنه لان جاي نتعرض لاباده منظمة .

اخوان ياريت كل من اله معلومات لا يبخل
والتوفيق من رب العالمين

50

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:39 28/08/2013  »

مساء الخير للجميع

صديقنه واخونه البرق وجه سؤال وجيه جدا  ومهم جدا
 اني تركماني واريد اقدم لليو ان هل حقا هناك تاخير للتركمان لانهم يعرفون التركية لو هو على قوة القضية مالتك لان حتى لو يعرف التركماني اللغة بس يكون تعامل السلطات التركية وياه تعامل عراقي ولايجد لدية أي امتيازات قانونية

ياريت الي عندة علم مفصل بالموضوع ينورنه

اخي الي اعرفه انو التركمان ما ينطوهم اي استيطان يعني انته من اتروح حاول انو انته ما تتكلم تركماني لان التركمان يعتبرون عدهم وطن ثاني ولي هوه تركيا هاي وحده الشي الثاني انته دير بالك تتكلم تركي لان اكو بعض النفوس الضعيفه الي اتوصل للامنيات انو انته تركماني همه مالهم اي علاقه بيك بس راح يدزون خبر لليوان انو انته تركماني او راح يتاخر ملفك اني اعرف ناس كانو تركمان انرفظو من اليوان لان همه تركمان او اكو شخص ما كال اني تركماني او قابل او بعدين كشفوه اليوان انو تركماني او لحد الان ملفه ما ماشي صارله سنتين واكف ليش ما اعرف الاخبار اتكول كودن تركماني
حتلو كان الخبر الو تناقل الاخبار غير صحيح انته احذر من هل موضوع انته من عرب كركوك انته من اكراد كركوك او انته من اي قوميه من القوميات المستضعفه الموجوده بالعراق او هنه اهوايه او قوي الكيس مالتك الله يسهل ان شاء الله


احمد

اشكرك اخ احمد على اهتمامك والله يوفقك
اني من تركمان قضاء الطوز الي تابعة لمحافظة صلاح الدين طبعا هسة الكل تعرف بينا لان مدينتنا منكوبة من كثر الانفجارات الي يستهدف التركمان بالذات .. اذا يعتبرون تركيا بلدنه الثاني لعد هاي هية ربحنا ... ماشاء الله خوش بلد ... الاتراك بس بالاعلام  يحجون عن التركمان ودعمهم وبالواقع مثلك مثل أي واحد عراقي الله شاهد ولا الك أي امتيازات بالدولة التركية .. اشكرك على اهتمامك بسؤالي وياريت لو بعد تحققلي عن الموضوع اكون ممنون منك  اخوية احمد
يارب ينكتب في ميزان حسناتك

51

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 21:35 28/08/2013  »

اخوتي عندي اقرباء من الدرجة الاولى في بيريطانيا وعندهم الجنسية البيريطانية.. هل بيريطانيا يعطي اعادة استيطان من تركيا لمن له اقارب من الدرجة الاولى في لندن ...؟؟؟؟

52

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 18:49 28/08/2013  »

مساء الخير للجميع

صديقنه واخونه البرق وجه سؤال وجيه جدا  ومهم جدا
 اني تركماني واريد اقدم لليو ان هل حقا هناك تاخير للتركمان لانهم يعرفون التركية لو هو على قوة القضية مالتك لان حتى لو يعرف التركماني اللغة بس يكون تعامل السلطات التركية وياه تعامل عراقي ولايجد لدية أي امتيازات قانونية

ياريت الي عندة علم مفصل بالموضوع ينورنه

53

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 23:14 27/08/2013  »

مساء الخير لكل اخوتي في كروب تركيا

اشكركم واحد واحد والشكر الخاص لأختنا راي والتوفيق للجميع .
سؤال / هل اقدم في ملفي ورقة من مركز الشرطة يثبت اني متعرض لتهديد من قبل الارهابين ؟؟ هل هذا ينفع ام يضر ؟؟ لان قرأت بعض الاخوان ذكروا لقاءاتهم مع المحلفين ولقد سئلوا  من قبل المحلف بما يلي .. س / اذا كنت مهدد لماذ لا تذهب الى مركز الشرطة وتشتكي على من هددك او تخبرهم بقصة التهديد؟؟
فهل عندما اقدم ورقة من الشرطة يضر بالقضية الطلب ؟؟؟
ياريت تنوروني بمعلوماتكم وخبراتكم القيمة

الله يوفقكم يااااااااااااارب .....

54

الهجرة و واللاجئين / السفر بالعبارة من المانيا الى فلندا ؟؟

« في: 20:38 27/08/2013  »

مساء الخير للجميع


 عرفت طريقا انشاء الله يوصلني الى المانيا طبعا قجغ بدون جواز ولكن عندي سؤال  هل من الممكن ان اسافر من المانيا الى فلندا عن طريق العبارات عبر بحر البلطيق لان يوجد سفريات اسبوعيا من مدينه Rostock المانية الى العاصمة الفلندية وهل عندما اخذ تذكرة يطلبون مني الجواز ام لا ؟؟ واذا ذهب صديق مقيم بالمانيا واشترى لي التذكرة هل اقدر ان اسافر به ؟؟ ياريت الي عنده معلومة لا يبخله عني

55

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 07:16 27/08/2013  »

مبروك  hamid299 على موعد السفر
وانشاء الله الكل  اتروح وتسافر ومن ضمنهم اني الي بعدني ما مقدم لان جواز بنتي  الطفلة ما اكتملت بعد

56

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 13:32 25/08/2013  »

اشكر كل الي يساعدوني بالمعلومات القيمة الرائعة وخاصة اختنه راي
وادري انو اسلتي هل الايام كثرت اعذروني لأني جديد بهل المسائل ومحتاج معاونتكم وانت اهل لذلك
سؤال اذا اقدم وثائق وشهادات تقديريه لأخو زوجتي هو مهندس  جان يشتغل مع القوات الامريكية وعندة صور ووثائق من الامريكان  هل هذا الشي يفيدني بالقضية مع العلم هو تم تهديدة قبل ودفع فلوس وساكتين عنة بس اني مهدد وملزوم  ادفع بس اني ماعندي امكانية مثل ماذكرت قبل للمنتداكم الرائع ... ياترى هل الاشياء والوثائق يفيدني اني وزوجتي بالطلب

تحياتي الكم احبائي 

57

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 22:17 24/08/2013  »

اشكرج اختي راي على ردج واتمنى التواصل
يعني من اقدم لليو ان باانقرة همة يقررون بيا محافظة اروح لو اني اختار لو اشلون بدايتها اتصير ؟؟؟؟؟



موفقين جميعا يارب

58

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 18:50 24/08/2013  »

مساء الخير اخواني اخواتي اني صديق جديد الكم بالمنتدى
تركماني من قضاء طوز خورماتو المنكوبة
 اريد منكم معلومات عن اللجوء عن طريق اليو ان في انقرة  اني مهدد بدفع مبلغ كبير جدا بالنسبة لي  ((  بدفع هذا المبلغ - للمجاهدين حسب تعبيرهم )) ولقد تم تفجير بيتي وهسة اني ابيت الوالد ممكن تدلوني على طريق وهسة اشلونه وضع التقديم ابتركيا اني متزوج ولدي طفلة عمرها 11 شهر فقط .


متمنيا لكم جميعا التوفيق
 ارجو منكم التعاون معي بالمعلومات والخبرة التي تمتلكونها