الرسائل

1

الهجرة و واللاجئين / رد: الله يخليكم اخواني ساعدوني

« في: 15:34 12/02/2015  »

لا لا غلقوا ملفي ولا راح التوطين مااعرف بس  محد اتصل بية بعد  قابلت مقابلة وحدة وهايهية  صارلي فوك السنة وبعد مقابلت الثانية فااني داكول اخاف مدزوا علية لان رجعت ولصتهة واقرة على هذا الموقع العالم تكول نزل تحديث او الملف معلق او انتظار ومن هذا القبيل فمااعرف هاي وين ديتابعون ملفاتهم

2

الهجرة و واللاجئين / رد: الله يخليكم اخواني ساعدوني

« في: 07:55 12/02/2015  »

شلون اتابع ملفي بالانترنت شنو هوة الموقع وشلون الطريقة

3

الهجرة و واللاجئين / الله يخليكم اخواني ساعدوني

« في: 21:21 11/02/2015  »

السلام عليكم اخواني حاب انزل قصتي ورايد من اهل الغيرة يساعدوني باللي يعرفوه لان والله تعبت وبعد مدااعرف شسوي اني مقدم يو ان عمان عبرت السنة اول مجيت السنة الماضية قدمت على اليو ان  وقابلت المقابلة الاولى ومشت الامور حسب الاصول وقبلوني كلاجئ وورة المقابلة بشهر تقريبا صارت عندي ظروف اضطرتني ارجع البغداد وابقة اهناك شهرين ومن ضمن اللي صار بهاي الشهرين رحت عمرة وية والدتي لان والدتي الله يعافيكم مصابة بالسرطان وطبعا عندي اوراق تثبت هذا الحجي علما انو زوجتي بقت بعمان ومرجعت وراها رجعت العمان ومضت شكم شهر ورحنة دنجدد ورقة الحماية وماخذ وياية الاوراق اللي تشرح سبب رجعتي عبالي مقابلة طلعت لا مقابلة ولا شي ومطولت ٥ دقايق بالغرفة ومسألوني ولا سؤال ولا اي شي بس طبعا سجلوا انو اني رجعت البغداد وشافوا ختم العمرة فحبيت اشرحلهم سبب رجعتي كالولي مو يمنة احنة مو مقابلة ونازلة عندك مقابلة قريبة وسألوني بس منو عندي باميركا جاوبتهم اهلي وهايهية وهذاك يوم وهذا يوم وصارلي فوك السنة المشكلة انو داتصل بيهم بس رقم اليون ان يمكن عاطل لان مداحصل ابددد كالولي اكو موقع الكتروني ادك الكايس نبر وتطلعلي حالة الملف واني مااعرفة ياريت اليعرفة ينزلة للموقع لان مااعرف وين اروح والمن اسأل بصراحة اني تعبت هواية لان ماكو شغل وكاعد وممرتب امري دالزكهة منا ومنا والمشكلة مااعرف اني لصتهة لو لا  ودافكر بالرجعة ورة مصفيت الاول والتالي اسف جدا عالأطالة بس ردت من اهل الخبرة يكونون بالصورة علمود يساعدوني برأيهم ورحمة الله والديكم مقدما على ردودكم وأرأكم

4

الهجرة و واللاجئين / رد: اخوان رحمة الواليدكم محتاج مساعدتكم ورأيكم

« في: 15:08 07/04/2014  »

شكرا اخوان على ردودكم واهتمامكم ورحمة الله والديكم

5

الهجرة و واللاجئين / رد: اخوان رحمة الواليدكم محتاج مساعدتكم ورأيكم

« في: 17:05 06/04/2014  »

الف رحمة على والديكم انشالله اخ zead واخ espero على اهتمامكم وردودكم  بس رايد اسال اذا سألوني يعني بالسفارة انت مقدم لو لا شاكولهم اي لو اكولهم لا وتحياتي

6

الهجرة و واللاجئين / رد: اخوان رحمة الواليدكم محتاج مساعدتكم ورأيكم

« في: 15:31 06/04/2014  »

اي داسأل على الفيزا لامريكا  اذا اقدم ينطوني علما انو مقدم على يو ان وليهساه ملفي موجود ابعمان

7

الهجرة و واللاجئين / اخوان رحمة الواليدكم محتاج مساعدتكم ورأيكم

« في: 13:35 06/04/2014  »

السلام عليكم اني قدمت على اليو ان وقابلت وقبلوني وكالولي انتظر ووراها صار عندي ظرف مرض والدتي واضطريت ارجع للعراق وهسة صارت الامور صعبة علية ان ارجع وامشي بدرب اليو ان ، زين هسة اني مقدم على اليو ان ووافقوا علية وبنفس الوقت بعد مااكدر ارجع وابقة اعيش اهناك فااريد اقدم على الفيزة السياحية بس المشكلة انو اني عندي ملف بال يو ان فشلون شنو الحل وشسوي برأيكم  لو عادي مو مشكلة اكو ناس عدهة ملفات مغالقتهة ليهسة وقدمت عالفيزة وطلعتلهة الله يخليكم ساعدوني وشكرا جزيلا مقدما الكل من ساهم بآرائة .

8

الهجرة و واللاجئين / قصتي غريبة شوية ومحتاج مساعدتكم

« في: 02:00 11/03/2014  »

السلام عليكم اخواني اعرف ان شوية قصتي غريبة بس ظرفي صعب وماعرف والله تاليهة اني قبل فترة اتخذت قرار اليو ان وصفيت اموري ورة مضاكت بية الدنية وجيت وقدمت عاليو ان والله سهل وقابلت وقبلوني كلاجئ وطبعا مثل ماتعرفون حضراتكم لازم بعد مارجع البغداد علما انو اني اضطريت ان اترك والدتي ووضعهة الصحي شوية مو هالكد وخصوصا هي كانت مصابة بمرض السرطان والحمد لله اتخلصت منة لكن صارت صحتهة ضعيفة بعدهة فقررت الوالدة تروح عمرة وماعدهة احد غيري ان يرافقهة فطبعا اضطريت ارجع البغداد ، زين هسة هم اني انختملي دخول العراق وهم فيزة من بغداد لعمل عمرة هسة وراها اذا ارجع وطلبوني لمقابلة ثانية وراح يعرفون من الجواز طبعا باللي صار شنو موقفي راح يكون يعني باعتقادتكم وبالعامية اني ( لصتهة) على نفسي علما انو زوجتي بقيتهة ومرجعتهة وياية لو عادي اكولهم الحقيقة واللي صار وممكن يقدرون لو من حيسمعوني رايح عمرة حيصخنون اني اسف عالاطالة واشكر اهتمامكم وردودكم مقدما بس اني متاكد لو كان اي احد بمكاني كان سوة نفس الشي السويتة مع كل الصحة والعافية لامهاتكم بس الله يخليكم ساعدوني بأرأكم .

9

الهجرة و واللاجئين / رد: اخوان يرحم والديكم محتاج مساعدة عاجلة

« في: 17:47 03/12/2013  »

بس اني ماعندي اي مستمسك كل قصتي حجي وبس يعني اتفيد لو لا

10

الهجرة و واللاجئين / اخوان يرحم والديكم محتاج مساعدة عاجلة

« في: 15:44 03/12/2013  »

السلام عليكم يالعراقيين الاصيلين ياهل الطيبة والله يفرج على كل مهموم انشالله ويحفظ العراقيين بكل مكان اخواني باجر عندي موعد المقابلة الاولى الي باليو ان واني عندي خطوط عريضة عن اللي راح اكولة بس هسة اتصلو بية على غفلة وبلغوني انو باجر موعد المقابلة مالتي واني مااعرف شنو اللي همة يريدون يسمعوه وشنو اللي اكولة وشنو اللي مااكولة  يعني عندي بعض الاسئلة دفتر الخدمة مالتي نسيت اجيبة واني مخادم عسكرية وحيدزولياه مستنسخ هذا يفيدني الدفتر لو ميفيد زين احجي موضوع سنة وشيعة انو تهددت من منطقة معينة لو لا ومرتي عدهة تقارير طبية اذكرهة لو ماجيبلهة طاري وشنو بعد تنصحوني بيه اذكرة وشنو اتفاداه وبارك الله بيكم مقدما على كل من اهتم لامري وشارك برأية ونصيحتة

11

الهجرة و واللاجئين / اخوان غلطت وماعرف شسوي

« في: 22:05 10/11/2013  »

السلام عليكم اخواني طبعا اني مستجد على موضوع اللجوء واليو ان وكل هاي التفاصيل  واني قدمت هسة على اليو ان من عمان وانطوني موعد مقابلة بشهر السابع لحد اهنا ماكو مشكلة المشكلة انو لمن رجعنة اني وزوجتي انتبهنة انو كاتبين عدد الاشخاص 3 واحنة اثنين بس اني وزوجتي واني كتلة للموظف من سألني كتلة اثنين هسة شلون كاتبينة 3 والمشكلة انو اذا ميجيون الاشخاص على العدد المسجل ينلغي الملف ارجع عليهم اكولهم غلطتو وياية لو انتظر موعد المقابلة واكولهم لو محيدخلونة اصلا من يشوفونة 2وهية 3 مسجل تحياتي للكل والله يوفق الجميع

12

اخبار الهجرة و اللجوء / رد: طالبي اللجوء العراقيين في فنلندا

« في: 20:51 03/10/2013  »

اخوان رحمة الوالديكم اريد من اهل الخبرة الجواب لان والله مداعرف ارتب اموري يكولون همينة لتكول انو انت موظف والله هم متعرف العالم دتحجي عن دراية لو عالسمع بس لذلك اني جيت  للمنتدى وحاب اطرح اسألتي  وراجي منكم اتساعدوني علما انو اني انشالله ناوي اطلع تهريب

13

اخبار الهجرة و اللجوء / رد: طالبي اللجوء العراقيين في فنلندا

« في: 16:06 03/10/2013  »

السلام عليكم اخواني اني نويت اسافر انشالله لاوربا بس بعدني في وضعية ترتيب اموري يعني مو خلصت كلشي وباقي بس السفر فاريد استفسر عن بعض الاشياء هسة داسمع من العالم من الواحد يروح ويسلم نفسة ديطلب اللجوء ويبدي يحجي قصتة يعني يكولك لازم قصة قوية لازم قصة قوية وتجي تكوللهم يابة مثلا اتهددت يكولك لا متاكل زين اني موظف وخطفوني لا متاكل زين الكهوة اللي اكعد بيهة اتفجرت هم متاكل لازم شي الك يمسك هسة اكثر من هاي الاشياء اللي دتصير يعني والله دخت ومداعرف حتى اخطي خطوة بهالموضوع انو شنو اللي الواحد يحجي خاف تالي يحجي حجي هالمرة ديكحلهة يعميهة اخواني الله يخليكم اني اول مرة داعيش هاي التجربة ولا عندي تجارب  سابقة ولا مقدم على اي مكان ولا هم يحزنون بس والله ضاكت الدنية بية اهنا من كلشي والوضعية تعبانة كلش اريد اجوبة اهل الخبرة بشنو ينصحوني رحمة الوالديكم .

14

الهجرة و واللاجئين / رد: الفيزااااااااااااا

« في: 02:40 16/09/2013  »

الف الف مبرووووووووك بس احب اسالك الفيزا اللي طلعتلك سياحية مال امريكا لو شنووو مع الشكر الجزيل وانشالله توصل بالسلامة

15

الهجرة و واللاجئين / رد: حصلت الفيزا الي ولم تحصل زوجتي على فيزا . ارجوا المساعدة

« في: 02:42 11/09/2013  »

السلام عليكم اخواني والله يفرجهة عالجميع انشالله بس حبيت اسألكم شنو هاي الفيزا ال siv وشلون الواحد يقدم عليهة ووين وشنو شروطهة او التفاصيل مالتهة واشكركم على ردودكم مقدما وتحياتي

16

الهجرة و واللاجئين / رد: جـــــــــمــــــــا عـــــــــة تـ 

« في: 06:33 07/09/2013  »

[/color]السلام  عليكم  اخواني انشالله الكل بخير وانشالله الله يفرجهة علينة وعليكم حاب اخذ رأيكم لان ماعرف شسوي اني قررت السفر بعد فترة انشالله اني وزوجتي بس اكمل التزاماتي وارتب اموري واقدم على اليو ان بس ردت اعرف اللي عندة ورقة انو هوة جان معتقل تفيدة بالقضية لو بالعكس وثانيا هل فعلا اللي عندة دفتر الخدمة العسكرية بس مخادم هم تكون مهمة بالقضية واعذروني عالاطالة بس محتاج مساعدتكم وأراكم ياطيبين لان والله كلش محتار ومداعرف شنو الاوراق اللي اخذهة وشنو اللي اجيبلة طاري وشنو اللي ماأكولة وسؤالي الاخير اللي عندة قضية من مركز شرطة وصاعدة قاضي بس مو القضية جنائيا تفيد لو لا وبس ردت اعرف ايهما الافضل بالتقديم من ناحية تسريع المعاملات الاردن لو تركيا واني ممنون منكم مقدما على اهتمامكم وردودكم .