الرسائل

1

الهجرة و واللاجئين / رد: الرجاء الدخوووول

« في: 15:09 10/02/2015  »

عفوا بالعكس اني ماسويت شي وابني ممكن يساعدك هواية لأن هواية ناس اصدقاء راحو عليه للهند واجروا عمليات بالفقرات وتبديل مفاصل الركبة والحوض وعمليات عيون وعمليات تجميل وعمليات قلب وغيرها  وكانت عمليات ناحجة مية بالمية وبأحسن النتائج واني نصيحتي الك ان تروح للهند ولا تردد ابد وتكدر طبعا تتواصل مع ابني بالفايبر او الواتساب ,,

ممنون منك اخي
بالنسبة للعملية ليست بالكبرى لكنها دقيقة جدا  وبخصوص الاتصال اني بعثت مسج لابنك عالواتساب ومنتظر جوابه
ممنون منك مرة ثانية

2

الهجرة و واللاجئين / رد: الرجاء الدخوووول

« في: 11:57 10/02/2015  »

أنصحك بالذهاب للهند لأن مثل ما كال الأخ ابو روان شاطرين واذكياء ومتطورين والطب متطور جدا لديهم بالعيون وبكافة الأمراض الأخرى ,,,  وأذا تريد تروح للهند اخلي ابني الي  يدرس صيدلة بالهند  يستقبلك اهناك من المطار ويوديك الى افضل المستشفيات  و هذا رقمه (00917404305939)اذا يعجبك خابره وافتهم منه كل شي ,,,,  مع العلم الهند افضل من الأردن بهواية واسعار العمليات ايضا ارخص بكثير من الأردن وغيرها ,,, واني الممنون مع امنياتي بالشفاء لكل مريض

والله ماعرف شلون اتشكرك على كلامك الحلو وهيجي تسهلي الطريق وياريت اتواصل مع ابنك حتى اعرف منة معلومات عن العلاج اذا عنده وقت يكلمني واتساب او فايبر اني رح اكتبله

3

الهجرة و واللاجئين / رد: الرجاء الدخوووول

« في: 11:52 10/02/2015  »

اني اشكركم جاسمين وابو روان ممنون منكم

4

الهجرة و واللاجئين / الرجاء الدخوووول

« في: 22:21 09/02/2015  »

السلام عليكم

طبعا الموضوع بعيد عن اللجوء لكن حبيت استفاد من خبرتكم من خلال تواجدكم ببلاد الغربة وربي يعينكم
اريد اسأل عن عمليات تجميل العيون وين احسن دكاترة وعناوينهم هل هي الاردن ام ايران او اي دولة ؟؟؟
اذا كانت الاردن فماعندي احد هناكة واريد اسأل عن الايجار والمصرف لان رح ابقى اسبوع تقريبا

5

الهجرة و واللاجئين / رد: محامي لجوء في تركيا... والسفر خلال اشهر!

« في: 23:21 08/08/2014  »

اخي متصل S.PRESS اعتذر مرة اخرى لان انا من تسبب بهذا الجدال .لاني انا من كتب الردود التي تخص الرشوة.ومن حقك اخي ان تطرح اي سؤال وتستفسر .وفي النهاي ربي يسهل امركم جميعا.واعتذر من الجميع على الحاحي بما يخص الرشوة .

حبيبي اوس ماكو داعي تعتذر لان ردودك جانت عفوية وجانت تبرير موقف ونفس الشي للاعضاء اللي حاولو ينبهون من القفاصة وهذا القسم من المنتدى مخصص للتعاون والمساعدة وابداء الاراء وان كانت مختلفة وموضوعي جان  واضح وطلبت النصيحة او التوضيح فما ادري وين المشكلة؟؟؟

6

الهجرة و واللاجئين / رد: محامي لجوء في تركيا... والسفر خلال اشهر!

« في: 23:08 08/08/2014  »

السلام عليكم ورحمة الله وبركاته
انا عندي سؤال للجميع من الذين يعارضون على انه لا توجد رشاوي او مع الذين يأيدون وجود الرشاوي ...رحمة الى جميع اهلكم هل المنظمة مال ابو اي احد منكم بالطبع سوف يجيبني الجميع بكلا ...اذا المنظمة ليس مال ابوه اي احد منكم لماذا هذا الخلاف العميق والغير مجدي ..نحن نريد مواضبع تهم الناس بعمل المنظمة وسير العملية الى ان يتم اجلائنا الى بر الامان لا ان نبقى نتحاور ويخرج علينا شخص يسمعنا كلام قاسي ولا يليق بالمنتدى اولاً ولا بكرامة جميع المشاركين ...نعم مسالة وجود ريشا ام من عدمها هي مسألة لا تتعدى التحذي فاذا انا احب ان اصعد على اكتاف الغير وبفلوسي ماذا يؤثر على البقية ...المسألة في نظرني اخلاقية لا اكثر ومع الاسف نحن قسم منا لا يريد ان يتعلم من دروس الحياة اينما نحل بأي مكان سوف نظهر صورتنا القبيحة حتى وان كان عندنا اموال الدنيا ....وتوجد مسألة يمكن غابت على اكثرنا اذا انا اليوم عندي امكانية مادية لماذا اتي الى تركيا واعطي ريشا للموظيفين لكي يجعلو موعد المقابلة الاولى عام 2014 وليس عام 2020 يا اخوان اليس هذا المنطق رب الغباء واين الله من هؤلاء يمكن يعثرك الله عنده المحلف او بالمقابلة الثانية تختلف اقوالك ....
فيا جميع اهلي وناسي لنحث بمواضيع تثقفنا لا تفرقنا ونبدأ نختلف مع بعضنا ويبدأ التطاول والاساءة والجميع لا يرضاها فانا نصيجتي للذين يكتبون مثل هذه المواضيع ترد بعبارة صغيرة جداً وعلى قولة المثل العراقي الدارج (( كلمن عقلة براسه يعرف خلاصة )) يعني الواحد بينه جلده ايحكه ويريد ايكع افلوس لو نحلفله بكل الاديان والانبياء هو قافل من الابي واريد ايكع الفلوس فأتركو الناس تسترزق وكل واحد حر بماله ...
وأتمنى من الجميع ان يحفظكم عن كل حالة تقفيص وكل سوء واعذروني لصراحتي لانني احب الجميع واحترم الجميع حتى وان خالفوني بالرأي فهذا حقهم ولنكون جميعاً من ينادي للايجابية وليس من الذين ينادون للسلبية ...ربي سهل عليكم جميعاً سير ملفاتكم وان شاء الله اتمنى السفر العاجل غير الاجل ولكم مني فائق الشكر والتقدير



             أخوكم أبو توفي

اخي ترى المساعدة والنصيحة حلوة وماعتقد ضريت او جرحت مشاعر احد بموضوعي والموضوع مطروح من بين الاف المواضيع وماكو احد مجبور ان يتجاوز او حتى يدخل بالنسبة للتجاوزات فهي مجرد مسألة اخلاق

7

الهجرة و واللاجئين / رد: محامي لجوء في تركيا... والسفر خلال اشهر!

« في: 22:51 08/08/2014  »

اخي الكريم والله العضيم اعتذر وجدا خجلان من ردودي لان والله اعرف امراءة لديها اربع بنات و3 سنوات فقط فسفورة .وتبجي .وناس معوقين وارامل وشياب.والله العضيم متاذين من هذا الموضوع.وانا شديد الحزن.واني شنو المستفاد .اخي لا استطيع ان اشتكي والله يجون يقتلوني بالشقة ومحد يعرف قتالي.اني ماكدر اشوف هكذا حالات الناس شنو ذنبهم الي عبرو سنة وسنة ونص ممقابلين ويجي واحد الله لايوفقة ولا ينطي ياخذ مكان غيرة .حسبي الله ونعم الوكيل

اخي طبعا اني من نشرت الموضوع تفاجئت بالردود لان مجنت متوقع اكو شي اسمة رشوة باليو ان اني كل اللي اقدة جنت هوة محامي يساعد بتسهيل الامور مثل ترتيب القصة او ارشادات او من هالقبيل،،  اما بالنسبة الك اني اعرفك واعرف اخلاقك وطيبتك من زمان مو بس بهالمنتدى بس الي ميعرفك ويجي يقرة ردودك رح يكول انت دتساعد هالناس ودتسويلهم دعاية واني متأكد اكثر من شخص ومن خلال ردودك كتبولك بالخاص ويريدون عناوين هالناس فأخي اترجاك حاول تغير طريقة ردك وبالنسبة للي ديتعامل وية هالناس وهية مسألة عمر وعيشة فماعرف شلون رح يتوفقون ويدوسون عالفقير ويطلعون

8

الهجرة و واللاجئين / رد: محامي لجوء في تركيا... والسفر خلال اشهر!

« في: 22:33 08/08/2014  »

والله بلوة احنة نخلص من الرشوة والفساد بالعراق ونلكاها بتركيا واحد وين يروح بعد وشنو ذنب العالم الدتنتظر
رجاءا اخي اوس انت بهالحالة دتساعد هالناس الي متخاف الله ودسويلهم شعبية وادري بدون قصد وقصدك دتبرر موقفك بس مو بهالطريقة وتحياتي الك

9

الهجرة و واللاجئين / رد: محامي لجوء في تركيا... والسفر خلال اشهر!

« في: 20:21 07/08/2014  »

اخوية العزيز انا جدا خجلان منك واعتذر عن اي رد.واني الحمد لله سمعتي طيبة والي يريد يسائل عني اقرب شخص الي هوة رافت .ويوجد بعض الاعضاء جيراني بالمنطقة يشهدون على ذالك.ولكن هذا الشخص الذي يتهمني انا عرفه فهو لديه حساب اخر لديه حسابان صاحب وجهان .وانا انتظر الادارة اتخاذ الاجراء اللازم تجاهة.وسوف امسح تجاوزي

اخوية اوس ماكو داعي تعتذر قابل ماعرفك 

10

الهجرة و واللاجئين / رد: محامي لجوء في تركيا... والسفر خلال اشهر!

« في: 18:23 06/08/2014  »

والله شهيتنا بس العزيمه على خوينا S PRESS لان الدبل صاعدعنده وهو تبن الموضوع احسن ما المحامي العربي يبلش بيهن ويسكتهن على ايده ههههه
واما انت احس بديت تغار من عدنه ماطول كلت يم مشمشه فعليك الروحه والرده يعني انت تاخذنا وجيبنا
مع كل الحب والتقدير لكم سادتي الافاضل
اخوكم ابو الوليد

ههههه والله احسن متروح الفلوس للغريب شنو تريدون اني حاظر

11

الهجرة و واللاجئين / رد: محامي لجوء في تركيا... والسفر خلال اشهر!

« في: 23:12 05/08/2014  »

السلام عليكم...مثل متفضل اخوية وصديقي اطير فعلا هذولة نصابين وكلهم56 وديستغلون الناس بشتى الوسائل ..اخي العزيز اني ب تركيا صارلي اكثر من سنة ونص وهذولة الشكولات شبعنا منهم وخصوصا بأنقرة وبالمدن اللي بيها عراقيين هواية..اما بخصوص اليوأن ومن خلال تجربتي الشخصية وبعد خمس مقابلات ماكو شي اسمه رشوة عدهم وماكو شي اسمه فساد اداري ولا اكو شخص يكدر يخترق نظامهم لان نظام عملهم دقيق جدا ونظام المنظمة هو نظام هرمي وكل موظف اكو لجنة تدقق وراه فلتصدك بحجي القفاصة حتى لو يكولك متدفع ولادرهم لان ماكو هيج شي هنا وكلشي عدهم يمشي حسب الاصول والقوانين...احذر اخوية من هيج نماذج..تحياتي لكم ودمتم بخير

والله على هالحجي ومع احترامي للطيبين طلعو الاتراك اشرف من العراقيين الي بتركيا لا وفوكاها يكلي لتشتري شقة انت اشهر وطالع ويكلي اذا متعجبك امريكا احولك ع كندا او استراليا يعني سوالياها ع كولت المثل (گمرة وربيعة) 

12

الهجرة و واللاجئين / رد: محامي لجوء في تركيا... والسفر خلال اشهر!

« في: 22:28 05/08/2014  »

وحق هو الحق صاير النصب بتركية بفلس وهذا الي يدعي محامي احمد العربي اكبر نصاب وعنده سماسره وياه عراقيين ينطيهم حصة وهم عراقيين بمحافظة اماسية وجرم وانقره وقيصري وكيرشهير وكله كلاوات وتقفيص بتقفيص بلبداية ايكلك لاتدفع شي وبعدين يشتغل الحلب عمي جذب ماكو لا استيطان بفلوس ولا سفر بفلوس ولاتقريب مواعيد بس شغل القفاصة زاد لان ناس هواي وزدحام ويستغلون العالم بحجة محامي وكلاوات وسمسرة عصابات وسوالف الشيطان مايسويه وانه نبهتكم واجري على الله

           اطير يريد ينصحكم

اشكرك عالنصيحة بس للامانة اني ماعرف اذا هذا الشخص اسمة احمد العربي او غيرة 

13

الهجرة و واللاجئين / رد: محامي لجوء في تركيا... والسفر خلال اشهر!

« في: 22:19 05/08/2014  »

اخي صاحب الموضوع احتمال هذا المحامي نصاب احتمااااال لان عرف حضرتك تريد تشتري شقه ميدري احنه العراقين دنكطع من لكمتنه ولكمة جهالنه حتى نوصل بر الامان بس للاسف اكو هواية نصابين يستغلون ويعيشون على معناة غيرهم واصلا صديقك اكيد حاله من حالك ميعرف بيه نصاب ...واحنه لحد هسه مسمعنه اكو محامين بتركيا للجوء واتمنى من الاخوان اذا احد سامع انو اكو محامين يبلغنه حتى منشك  ....وهو بالبداية اكيد حيكلك مااريد فلوس عود بعدين ...ويقدملك على اليو ان عادي مثل ما انته تقدم وره فتره يكلك جيب مال معامله مو الي ومن هلحجي  اذا كان المحامي نصاب ....هذي وجهة نظري وانت تكدر تروح وحدك لتركيا وتستفسر منه شخصيا يجوز المقابله حتخليك تغير هوايه امور.

شكرا للمرور وللنصيحة والله هية بعد متتعارف بس واحد يدور على كشاية يجلب بيهة حتى يطلع من هالكارثة الي وكعت على روسنة وإلا واحد يترك وضيفتة واهلة وبيتة ويتبهذل على شنو 

14

الهجرة و واللاجئين / رد: محامي لجوء في تركيا... والسفر خلال اشهر!

« في: 22:16 05/08/2014  »

اخويه العزيز هذا المحامي اسمه احمد العربي ؟؟؟

اخوية ماعرف اسمة بس شبي هذا الي كلت عليه اخاف يطلع هوة ؟

15

الهجرة و واللاجئين / رد: محامي لجوء في تركيا... والسفر خلال اشهر!

« في: 22:15 05/08/2014  »

يابه هاي هيه ماطول صارت بيناتكم حبيبي وحياتي وعمري لعد خلي نشرب شربات الفرح على كولة اخوانا المصريين ويلة واحد منكم يعزمنا يم مشمشمة هسة على فد عصير رمان مرتب ههههههههههههه,,,,,,,,,,,,,, الله يديم المحبة و الاخوة بين الجميع يارب ويسهل اموركم جميعا

جنك على عصير يمعود تدلل انت وابو الوليد الورد 

16

الهجرة و واللاجئين / رد: محامي لجوء في تركيا... والسفر خلال اشهر!

« في: 20:54 05/08/2014  »

بربك هاي هم يرادله اهل خبره
خويا كاعد بغداد كاعد بانقره كاعد بجزيرة شنو اذا شفت لابس قاط ونظارات وطويل وشعره ابيض ولابس معطف كاسوفي هو هذا الصادق
هذا نصب واحتيال واضح واتصل بصاحبك اذا من اهل الله خلي يبتعد عنه فورا واعتذر منك لاني خفت عليك من هكذا نماذج موجوده
اخوك ابو الوليد

اشكرك ياغالي وردي مكان بي اي قصد سوء الك 

17

الهجرة و واللاجئين / رد: محامي لجوء في تركيا... والسفر خلال اشهر!

« في: 20:11 05/08/2014  »

اخوية العزيز S.PRESS ترة ابو الوليد كان يقصد من سؤاله انه انته شنو رايك بالموضوع اللي طرحه عليك صديقك وهل انته واثق من هذا الصديق او لا لانه اكيد انته تعرف اكثر من عدنة بهاي السالفة ,,,,,,,,,,, لذلك ابو الوليد حب يعرف رايك بالموضوع قبل مايرد عليك وتره اراء ابو الوليد كلهه سديدة وممكن تبني عليهه قرارك ولا تضوج اخوية احنة هنا كلنة اخوتك

واني هم مجان قصدي شي واني احترمة واعرفة مو جديد هنانة وصاحب خبرة وصاحبي اصلا ميريد لجوء وميعرف المحامي بس صدفه لاكاه 
تحياتي الك وللغالي ابو الوليد

18

الهجرة و واللاجئين / رد: محامي لجوء في تركيا... والسفر خلال اشهر!

« في: 20:07 05/08/2014  »

زين هوه هذا المحامي عراقي لو تركي ووين موجود ,,,,,,,, بس خلي اكلك شغلة من رخصة الاخوان الموجودين ترة اكو هواية نصب واحتيال حاليا بتركيا وديشتغلون على موضوع اللجوء ويلعبون على الناس البسطاء ويستغلون طيبتهم وظرفهم التعبان على اساس مقابل مبلغ معين يوصل الى 15 و20 ورقة حتى يقدملك موعد المقابلة الاولى و10 اوراق حتى يخليك تسكن بمحافظة مغلقة وسوالف غيرهه هواية ,,,,,, ومع الاسف اكول هاي الحجاية بس صار التركي يرحم العراقي ويحن عليه اكثر من العراقي الموجود بتركيا اللي بس يريد يستغلك ويمص دمك باي طريقة وللعلم اكو هواية عراقيين هنا بتركيا يساعدون اخوتهم العراقيين بدون مقابل ولوجه الله وبنفس الوكت اكو فئة قليلة من العراقيين ضعاف النفوس اللي شاف نفسه كام يعرف كم كلمة تركي وصارله كم شهر بتركيا وتعرف على وين ماكو واحد تعبان مثله وكام يدور نصب واحتيال على العراقيين بس مع الاسف هوه الخير يخص والشر يعم ولو خليت قلبت ,,,,,,,,,, دير بالك اخوية زين ولاتوكع بهاي الحفرة

والله كلامك ذهب اخويه هذا المحامي عراقي واني مو غشيم على سوالف التقفيص لان مشتغل وياهم واعرف دروبهم بس اللي خلاني بشك لان كلي متدفع ولا فلس الة تقابل

19

الهجرة و واللاجئين / رد: محامي لجوء في تركيا... والسفر خلال اشهر!

« في: 19:59 05/08/2014  »

انت شتكول هذا صحيح لو لا بس لا تكلي والله ما ادري
وبعدين اني اجاوبك
ابو الوليد

 اني كاعد بالعراق ولو اعرف جان مستعانيت بأهل الخبرة وماعتقد عيب ابو حرام لو كلتلك ما ادري  لان تاهت علينة وبعد ماكو لا امان ولا صدق بس واحد من لاجارة يريد يخلص نفسه

20

الهجرة و واللاجئين / محامي لجوء في تركيا... والسفر خلال اشهر!

« في: 03:26 05/08/2014  »

السلام عليكم




اني كنت مقرر اشتري شقة في تركيا / سامسون وما اخذ عليهة اقامة حتى اكدر اقدم لجوء فأذا طلعلي اللجوء اني طالع ومأجر او بايع الشقة واذا مطلعلي لجوء اني باقي بتركيا لان ماكدر ارجع للعراق فقبل كم يوم خابرني صديق بتركيا رايح سياحة كلي لكيتلك محامي لجوء وهذا احجي وياه حجيت وياه وفهمتة شنو اريد اسوي كلي ماكو داعي تشتري شقة لان اذا اتفقنة شغلتك اطول اشهر واكثر شي سنة وانت طالع وكلي متدفع ولا فلس اله نخلص نص الشغل بس بالضبط نص الشغل متأكدت منة يامرحلة من التقديم واذا طلعلك بلد متريده نغيره بس حساب هذي الشغلة وحد واذا تريد تشتري شقة بمحافظة مغلقة هم نمشيهة!!




يعني معقولة اكو هيجي شي لو هذا دربة 56 ؟؟ شنو تنصحوني ابقة بفكرتي لو شسوي؟؟

21

الهجرة و واللاجئين / محامي لجوء في تركيا... والسفر خلال اشهر!

« في: 03:23 05/08/2014  »

السلام عليكم

اني كنت مقرر اشتري شقة في تركيا / سامسون وما اخذ عليهة اقامة حتى اكدر اقدم لجوء فأذا طلعلي اللجوء اني طالع ومأجر او بايع الشقة واذا مطلعلي لجوء اني باقي بتركيا لان ماكدر ارجع للعراق فقبل كم يوم  خابرني صديق بتركيا رايح سياحة كلي لكيتلك محامي لجوء وهذا احجي وياه حجيت وياه وفهمتة شنو اريد اسوي كلي ماكو داعي تشتري شقة لان اذا اتفقنة شغلتك اطول اشهر واكثر شي سنة وانت طالع وكلي متدفع ولا فلس اله نخلص نص الشغل بس بالضبط نص الشغل متأكدت منة يامرحلة من التقديم  واذا طلعلك بلد متريده نغيره بس حساب هذي الشغلة وحد واذا تريد تشتري شقة بمحافظة مغلقة هم نمشيهة!!

يعني معقولة اكو هيجي شي لو هذا دربة 56  ؟؟ شنو تنصحوني ابقة بفكرتي لو شسوي؟؟

22

الهجرة و واللاجئين / رد: الاقامة الدائمية في تركيا والاردن ....

« في: 03:02 03/08/2014  »

والله اني هم دايخ كلش بهذا الموضوع ونشرته ومحد جاوبني حتى الي عندة معلومة يتعاجز يكتبها
اني اريد اشتري شقة بسامسون واقدم لجوء علما ان سامسون مغلقه حاليا وماعرف شسوي بهالحالة؟؟

23

الهجرة و واللاجئين / رد: بالنسبة للسفارة الامريكية ببغداد .. لا خبر لا حامض حلو لا جفية !

« في: 22:45 28/07/2014  »

يعني يحقلنه نطلع فيزا سياحة لامريكا من اربيل؟ 

24

الهجرة و واللاجئين / رد: الرجاء المساعدة - فيزا لامريكا سياحة و زيارة بنفس الوقت

« في: 17:20 28/07/2014  »

الاخ الكريم
الدعوة متفيدك انساها
بس ممكن انك تبرر مجرد سبب لهاي الشغلة
تحتاج مبلغ رصيد بالبنك
تحتاج اثبات عمل وتحتاج اثبات انك عندك اجازة والاهم تحتاج اثبات انك عندك سكن بعمان او بعموم الاردن

وتدفع فلوس الفيزا وتشتري من دي اج ال ظرف وتحدد موعد للمقابلة وتروح تقابل وانت وحظك

زين اني موظف والاجايز منعوهة علينه شلون بهذي الحالة؟ ومنو تنطي فيزا اسرع سفارة لي بتركيا او عمان او ماكو فرق؟ 

25

الهجرة و واللاجئين / رد: من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 17:15 28/07/2014  »

وبالنسبة للمعيشة اخونا الكريم ؟؟
شتفضل حضرتك اوروبا لو امريكا ؟
عن ثنينهن موجودات واللجوء مفتوح بكم دولة اوروبية وكذلك موجود عبر اليو ان لامريكا
بس انت شتعتقد ياهو الاحسن ؟ اوروبا لو امريكا من ناحية اللجوء ؟؟

اخي هوه اللجوء عن طريق دول الجوار صار شي شبه مستحيل بسبب اوضاع الاخيره للدول العربية مو بس العراق وتنتظر 4 سنوات تقريبا ولو تنقبل لو رفض والانتظار قاتل 
اما طريق التهريب فبمنو تثق كلها قفاصة 
بس بقة شغلة فيزا سياحية لامريكا وقبل فترة واحد بألمانيا هم كلي فيز لالمانيا سياحة وقدم لجوء
بس سؤالي كان من افضل من بالمعيشة والاستقرار

26

الهجرة و واللاجئين / رد: من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 03:55 28/07/2014  »

ايامكم سعيده وكل عام وأنتم بألف مليون ترليون مبروك

وانت بألف خير وصحة وسعادة ممنون اخوية

27

الهجرة و واللاجئين / رد: من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 22:42 27/07/2014  »

ممنون منكم على التوضيح والنصيحة وهسه حتى الفيزا وقفوهة ببغداد وصارت صعبة جدا بس نكول الله يفرجهة عالجميع

28

الهجرة و واللاجئين / رد: (((للاجابه عن الاسئله التي تخص الهجره والتوطين......................................................هنا)))

« في: 16:02 26/07/2014  »

السلام عليكم اخي الجبوري

انا موظف وصحفي اعزب من بغداد وضعي حرج جدا في العراق نويت الذهاب الى تركيا للتقديم على اليو ان ولكن بعد الاوضاع الاخيرة وهجرة اعداد كبيرة من العراق وباقي الدول الى تركيا اصبح من المستحيل الحصول على الهجرة من تركيا وغيرها فغيرت رأيي والان انوي الهجرة واللجوء عن طريقتين اما فيزا الى امريكا والتقديم من داخلها او الذهاب بطرق غير شريعة الى اوربا...
سؤال:
1- ماهو رأيك واي طريقة اضمن وانجح واسرع؟
2- من هي الافضل اوربا ام امريكا بصورة مختصرة للعيشة؟
3- اين وكيف يمكنني الحصول على الفيزا السياحية للولايات المتحدة بعد توقفها من العراق؟
4- اين وكيف يمكنني الحصول على فيزا الشنكن بدون بصمة من اناس موثوقين؟
5- اذا ذهب الى امريكا بفيزا سياحية والتقديم من داخلها ماهو المبلغ الذي يكفيني لمدة سنة مع تكاليف المحامي وغيرها؟

ارجوا الاجابات الوافية لأسئلتي وذلك لقلة معلوماتي حول الموضوع.

مع فائق احترامي...

29

الهجرة و واللاجئين / رد: الى ابن عمي وتاج راسي حسين الجبوري

« في: 13:46 26/07/2014  »

شركرا للتوضيح ربي يوفقك...

30

الهجرة و واللاجئين / رد: الى ابن عمي وتاج راسي حسين الجبوري

« في: 13:33 26/07/2014  »

اخ حسين الجبور حظرتك موجود حتى تفيد الناس بمعلوماتك بس ليش قافل الرسائل ؟ 

31

الهجرة و واللاجئين / رد: افضل مدن امريكا

« في: 22:46 25/07/2014  »

الله يوفقك على هالتعب وعاشت ايدك على الترتيب ياطيب

32

الهجرة و واللاجئين / رد: اذا كنت تنوي السفر الى امريكا بفيزا سياحيه وتنوي البقاء وتقديم اللجوء من هناك!!

« في: 18:55 24/07/2014  »

زين الفيزا يكدر واحد ياخذها من تركيا؟ وممكن احد يوضحنا الكفاله الخماسيه لكندا رجاءا

33

الهجرة و واللاجئين / رد: اذا كنت تنوي السفر الى امريكا بفيزا سياحيه وتنوي البقاء وتقديم اللجوء من هناك!!

« في: 18:38 24/07/2014  »

واشنطن .. نيويورك .. المدن والولايات الكبيرة

اشكرك ياغالي

34

الهجرة و واللاجئين / رد: اذا كنت تنوي السفر الى امريكا بفيزا سياحيه وتنوي البقاء وتقديم اللجوء من هناك!!

« في: 01:52 24/07/2014  »

معلومات مهمة ... شكرا

بس اي ولاية افضل؟ ؟ واذا اوصل يصير يدزولي جنطي من العراق ع طريق مكاتب شحن اكو هيجي شي؟

35

الهجرة و واللاجئين / رد: الفيزا السياحية الى امريكا

« في: 01:44 24/07/2014  »

ياريت اذا تعرف تنطيني علم واذا تريد نطفر اني وياك اذا وحدك

36

الهجرة و واللاجئين / رد: من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 19:31 23/07/2014  »

شكرا للجواب 
بس اخي الوكت خلانه نروحلهم وننذل ونخسر كل شي وكل عزيز بس حتى نهرب من عراقنا
ممكن توضحلي اكثر ع كندا منين وشلون؟

37

الهجرة و واللاجئين / من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 15:25 23/07/2014  »

السلام عليكم 
اخواني منو افضل للجوء والعيش واسرع في اعطاء اللجوء اوربا ام امريكا ؟؟؟
يعني ماذا تنصحوننا فيزا لامريكا ومن ثم طلب اللجوء ام تهريب الى اوربا؟؟ رجاءا افيدونا

38

الهجرة و واللاجئين / رد: بعيدا عن اللجوء ... موضوع انساني مستعجل جدا

« في: 21:11 21/07/2014  »

السلام عليكم
اذا يكدر يسافر خلي يروح الى لبنان ويسال على الكريتاز الكنائسي هذولة ايسوون عمليات بس مو ببلاش بس يدفع تكلفة اتكون اقل بهاي من المبلغ الي ذكرتة اني اخوية سوة بلاتين بالقدم ومكلفت بكد السعر المطلوب ويتعاملون وي مستشفيات امريكية وبريطانية
ويسال ايضا على الجمعيات التابعة للجنوب همين نفس الشي والله المعين بالشفاء

ممكن العنوان للكريتاز الكنائسي الكامل لين هوة كلولة اكثر شي علاجة بالبنان فبلكي يساعدوه بشي

39

الهجرة و واللاجئين / رد: بعيدا عن اللجوء ... موضوع انساني مستعجل جدا

« في: 21:03 21/07/2014  »

الله يشافي مرضاكم ويرفع عنكم كل هم وغم على هالدعاء 
بالنسبه للمقترحات رح اوصلهه الة ولو هوه الطفل وضعيته متتحمل تأخير لان بطنه بدت تكبر بشكل موطبيعي
وربي يشافيه

40

الهجرة و واللاجئين / رد: بعيدا عن اللجوء ... موضوع انساني مستعجل جدا

« في: 16:04 21/07/2014  »

اشكر مشاركاتكم

والله يا اخوان لو تشوفون حال الطفل وابوه يصعب عالكافر هوة جان حاير بفلوس اللجوء يريد يطلع لين منطقتهم خطرة وطلعتلة هالشغلة صفح

41

الهجرة و واللاجئين / بعيدا عن اللجوء ... موضوع انساني مستعجل جدا

« في: 13:35 21/07/2014  »

السلام عليكم
 
صديقي عنده ابن عمرة سنتين طلع بيه مرض خبيث ( الله يحفظ اطفالكم ) وهذا المرض صاير عالكله وماخذ من كليته 80% راح افتر بيه لبغداد كل واحد يكله شكل وواحد يكله اجرب بيه الله اكبر هذا طفل سنتين يريد يسوي تجارب عليه 
المهم هسه كلوله ع مستشفى بلبنان والولد حالته تعبانه عنده سيارة راد يبيعهه ويطلع بيها لجوء لان هوة بأبو غريب ووضعيتهم تعبانه وعمليه ابنه اقل شي 25 مليون غير التكاليف الباقيه 
سؤالي:: اكو منظمه او كنيسه او اي شي تكدر تساعده؟ 
الولد بعدله يومين يطلع فياريت تستعجلون بالجواب




الله يقدركم على فعل الخير 

42

المنبر الحر / رد: للنقذ جميعاً مسيحيو العراق الاصلاء

« في: 14:45 20/07/2014  »

مع احترامي...

مكان طرحك للموضوع غلط هذا المكان متخصص بمواضيع الهجرة والمهجرين فما دخل السياسة به؟ يكفي هموم ومعاناة الناس في الغربية؟ ومن المعروف في مثل هذه المواضيع الحساسة سوف يتم التجاوز على فئة معينة.

43

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 16:21 18/07/2014  »

للأسف الأخبار القادمة من بولو لا تبشر بالخير !!
لا اعرف كيف ارفع الصور ، لكن ملخص ما رأيت قرأت و استفسرت من صديق هو :
ان مجموعة من الأتراك يتعرضون لشباب عراقي كانوا في البارك او الحديقة وبعد الاستفسار
اتضح انهم متطاولين عليهم و التحرش المستمر هناك ، هذا و وكتبوا مجموعة اخرى من الأتراك على بناية دولة او الوالي جملة اللعنة على العراق !!! وتوجد عندي صورة لهذه الجملة وكما ذكرت لكم لا اعرف كيف ارفعها لربما بسبب اني أتواصل. من الـ I Phone ؟
وبعد الاستفسار منكر من صديق يقولون لي ( نستاهل !) وعندما يقولون لي نستاهل اذا نستاهل لآني اعرفهن جيدا .
وشرحوا لي تصرفات ٨٠٪ من العراقيين هناك علمت لما قالوا الأتراك اللعنة على العراق ( حاشى العراق و بريء من تصرفات الهمج )
وهناك اعلان لشاب عراقي يدعوا العراقيين في بولو للتجمع في ساحة الوالي للاحتجاج ورد الصاع صاعين للمعتدين !!!!!؟
أطلت عليكم لكن هذا واقع حال .
تحياتي

اي عفية اكلبوهة بينه انوب بتركيا وين نولي اذا ديحونه همة العراقيين همج وين ميروحون يفلشون همة بلدهم العراق مخلص منهم يله بالخارج .. الله يساعد تركيا وامريكا فوكاها تريد اتسوي مظاهرة وانتو حتى المنتجات التركية حرموهة اهل النجف عمي بطلو كعدو راحة

44

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 15:58 18/07/2014  »

شباب  رحمة لاهلكم اريد اشتري شقه انصحوني بيا محافظة اشو سمعت اسطنبول واللي يعرف شقه مناسبه بسطنبول ينطيني خبر

45

الهجرة و واللاجئين / ماهي افضل محافظة تركيا لغرض شراء شقة ... المساعدة رجاءا

« في: 14:01 18/07/2014  »

السلام عليكم 
اريد اشتري شقة بتركيا بس ماعرف اي محافظة احسن من حيث الناس اللي بيها والعمل والجو واللي يعرف شقة حلوة ومناسبة يكلي 
ولحد يكلي حسب رغبتك لان ماعرف اي شي بتركيا
شكرا

46

الهجرة و واللاجئين / رد: فاعل خير... الى الاخوة في تركيا

« في: 12:11 18/07/2014  »

الله يباركم بيكم ممنون عالمرور والكلام الحلو

47

الهجرة و واللاجئين / فاعل خير... الى الاخوة في تركيا

« في: 01:49 18/07/2014  »

الى الموجودين في تركيا...
اي احد يعرف عائلة عليهم إيجارات متأخرة عندهم حكم طرد. حولهم للمحاسب 
0538442845








اي احد يعرف عائلة محتاجة أغراض رمضان من مأكل ومشرب وملبس وماديات الرجاء الاتصال على الارقام التالية 
0508911159
0541119404






اي احد يعرف معاقين يحتاجون كراسي كهربائية مجانا الرجاء الاتصال على الارقام التالية
0555753312
0502997239

منقول...

48

الهجرة و واللاجئين / رد: محتاج نصيحتكم لحد يبخل بيها...

« في: 22:59 16/07/2014  »

والله ممنون منكم ومقصرتو تعبتك حبيبي انسان واني عندي معلومات ع التقديم من تركيا بس مشكلتي شنو الاضمن اليه والاسهل للجوء يعني اي طريقة واذا اشتري شقه رح تفيدني لو لا ووين اخذها بسطنبول لو انقرة

49

الهجرة و واللاجئين / رد: محتاج نصيحتكم لحد يبخل بيها...

« في: 20:42 16/07/2014  »

اني مو بتركيا بالعراق العظيم زين شنو بس اني محد يشوف سؤالي يعني تنكلب الدنيا اذا واحد عندة فد فكرة او طريقة ويحجيهة؟؟؟

50

الهجرة و واللاجئين / رد: محتاج نصيحتكم لحد يبخل بيها...

« في: 20:38 16/07/2014  »

55 مشاهدة وولا جواب شلون بلة محد يجاوب ؟ رح اشتري بيهن سايبة

51

الهجرة و واللاجئين / رد: محتاج نصيحتكم لحد يبخل بيها...

« في: 11:22 16/07/2014  »

صدك جذب شطالب من عدكم؟؟؟؟ 

52

الهجرة و واللاجئين / محتاج نصيحتكم لحد يبخل بيها...

« في: 01:32 16/07/2014  »

السلام عليكم
اخواني تابعتكم وادري بيكم متبخلون بمعلومة ورايد منكم نصيحة 
اني من بغداد اعزب وعندي مبلغ من المال واريد اطلع لجوء بس متحير بالطريقه يعني تهريب لو عن طريق تركيا لو من داخل امريكا لو اشتري شقه بتركيا وبنفس الوقت اقدم لجوء؟؟؟ واذا اشتري شقه واخذ اقامه يحقلي اشتغل؟ ومنو افضل محافظه اسطنبول لو انقرة من حيث مناخها وناسها؟ 
رجاء لحد يبخل بمعلومة لان ابسط معلومة منكم تفيدني هوايه ...

53

الهجرة و واللاجئين / رد: اخواني اريد موقع اغراض مستخدمة

« في: 01:12 16/11/2013  »

هذي مواقع عديدة وحلوة واختار اللي يناسبك (( منقول من الاعظاء في المنتدى ))


http://www.gosale.com/show_product.php/1813569-620

http://www.shopzilla.com/6E_-_mid--132587

http://www.nextag.com/RainbowTronics...z1zmainz17-htm

http://www.bizrate.com/ratings_guide...d--132587.html

http://www10.shopping.com/xMR-Rainbo...MRD-411277~S-1

http://www.pricegrabber.com/rating_g...31/m=11259024/

http://www.pricescan.com/digiphoto/v...bowtronics.asp

http://www.resellerratings.com/seller11706.html

54

الهجرة و واللاجئين / رد: اخوان معلوماتكم على لم الشمل مشمول بيها اني؟

« في: 01:03 16/11/2013  »

لعد شمنتظر باقي بالعراق يمعود ....
hkr دتحجي صدك 10 سنوات؟؟؟؟؟؟؟؟؟ متأكد؟؟؟

55

الهجرة و واللاجئين / رد: امطار بغداد-متردد للسفر

« في: 23:20 11/11/2013  »

بغداد خلصت حياته ازدحامات بكل مكان وتفجيرات ومفخخات شوارع بغداد كلها مسدوده يعني مو شغلة جديده اعرف ليش اليوم بالذات حضراتكم ضجتو ومعجبكم الوضع شنو يعني لان محرم وطبخ ومواكب انتو نزلتو ركبة ونص والقميص الاسود مشفت يوم واحد يحاسب عليه اني لابس قميص ازرق محد حاسبني ولا سالني لو بس تحبون تستهزئون اعتبرو هذا الاسبوع مثل الاسبوع الدامي او غيره مثل الاسابيع والاشهر والسنوات الي تمر بيها بغداد من 35 سنة شنو الجديد الي اعرفة انو المنتدى يرفض اي كلام طائفي بس ما اعرف هذا الموضوع بيه استثناء

والله كل كلامكم صحيح ماعدا كلام ( عديل الروح ) كله حقد وطائفيه وجماله يكول ( اعتبرو هذا الاسبوع مثل الاسبوع الدامي او غيره مثل الاسابيع والاشهر والسنوات الي تمر بيها بغداد من 35 سنة شنو الجديد ) !!!!!!!! هذا شتريد تجاوبه بله؟؟؟ بس اكول هذا وامثاله اللي الناس هاجه من وراهم الله يخلصنه منهم دمرو بغداد حاقدين عليهه

56

دردشة منتدى الهجرة واللاجئين / رد: الحمد الله وصلنا زززززززز الباب الشرجي بعد اكتمال الامنيه عجل الله فرجها

« في: 22:31 11/11/2013  »

ههههههههههههه هاي عود ليش

57

الهجرة و واللاجئين / رد: ( دع القل وابدء الحياة) امريكا بلاد النظام والعلم والاجتهاد

« في: 22:19 11/11/2013  »

احييك على روح التفائل اللي عندك...

58

الهجرة و واللاجئين / رد: الوصــــول الى امريكا وخيبة الامـــل

« في: 22:18 07/11/2013  »

شنووووووووووووووووووووووووووووو؟ يقره بل منتدى و يعرف؟ شيعرف يعني مثلا ؟ اذا انتو هنا مسويها  الحياه الورديه -- كمره و ربيعه    و جنه الاحلام خصوصا ذاك الرجال الي بالي جان مسويها جنه  و هي و بس و الباقي خس

و اذا واحد فك حلكه و حجه و كال مو زينه و راح ارجع و شغل ماكو و حياه صعبه تركعوه ب 45 على حلكه و تصير عليه وليه
[/quote]


عزيزي اول شي اني مكاتب ولا موظوع عن امريكا ومكايل زينه او موزينه لان اني اصلا موبأمريكا وثاني شي اني من كلتله يقرة بالمنتدى موقصدي يقرة وبس يعني مثل مكالو هوايه اخوان اللي يروح خلي يحظر مبلغ زين او يرتبله وارد من العراق تحسبا للاوظاع واذا ماعندة خلي يدبر كفيل يساعدة واذا محصل كفيل خلي يغير ولايته يعني عنده هوايه حلول اما اذا كانت الحياة صعبه عليه فرجعته مو مستحيله والله يااخي اني بعدني مرايح وعندي مبلغ زين ومن هسه دارتب حته اخلي وارد ثابت يجيني من العراق.

59

الهجرة و واللاجئين / رد: الوصــــول الى امريكا وخيبة الامـــل

« في: 02:03 06/11/2013  »

والله خابصينه بشهايدكم ليش هيه دراسه العراق هم تسمه دراسه اشو همة (نص) الاساتذة والدكاترة والمهندسين بالعراق ميفتهمون ونجاحهم كلك مع كل احترامي للباقين هسه ع اساس بالعراق احد معترف بشهادتك يله تريد امريكا ام  العلم العلماء تعترف بشهادتك وبعدين اشو 80% من اهل الشهايد بالعراق كاعدين وساكتين والواسطات بالشغل 100% بعدين انت طالب لجوء يعني ددور امان مو رايح تاكل وتنام وتريد فلوس تجيك اشو اكثر اللي ديحجون هيجي جانو عطاله بطاله وكاعد ايجار بالعراق بلدة الحقيقي وممعترض وهسه ضايجين درجعو وخلصونه لخاطر روح الله لخاطر الانبياء والرسل عمي ارجعو وفلوس الطيارة على حسابي

60

الهجرة و واللاجئين / رد: الوصــــول الى امريكا وخيبة الامـــل

« في: 14:17 05/11/2013  »

ياساتر يارب

اخي اللي يسمعك يكول رايح للشعبه الخامسه زين رحمه على والديك انت مجنت تعرف هالمنتدى قبل متسافر وتحلم يعني مجنت تقرة عن السفر؟؟ واذا كان كلامك صحيح يا اخي انت موبسجن يعني تكدر ترجع بس ميصير هيجي تهبط معنويات العالم اللي منتظرة صارلهه سنين والله حرام عليكم هالحجي احنه منصدك نخلص من جحيم العراق ومتأملين يجينه واحد يرسملنه جحيم ثاني والله حيرتونه كل واحد يحجي شكل واحد يطلعهه جنه واللاخ يطلعهه كابوس بنسبه اختلاف 1000000000000000% يعني منعرف منو اللي ديحمة علينه بعدين انت شكد صارلك حتى تحكم هيجي عالوظع ع اقل استقر فد 4 اشهر يله تكدر تقرر.. منكول غير الله يفتحهة بوجهك ويريح كلبك

61

الهجرة و واللاجئين / للاخوة في تركيا الباحثين عن سكن ايجار

« في: 03:24 03/11/2013  »

مرحبا...

اخوان في تركيا اللي ديدورن عن سكن ايجار مناسب تكدر من خلال هذا الموقع تحصل على الشقه اللي ابالك وتكدر تحدد سعرها ومساحتها بلاضافة الى بيع وشراء جميع الاشياء المستعملة والجديدة.

http://www.sahibinden.com/en/

شكرا...

62

الهجرة و واللاجئين / رد: كيف احصل شقة ...في تركيا في منطقة جيده

« في: 03:13 03/11/2013  »

اخوية تكدر تبحث عن طريق هذا الموقع وتكدر تحدد السعر والمساحة والمنطقة وغيرهة

http://www.sahibinden.com/en/

63

الهجرة و واللاجئين / رد: ماهوة السبب حسب تجربتك كلاجئ؟؟؟؟

« في: 21:12 23/10/2013  »

حبيبي ممنون منك كفيت ووفيت بس انت ذكرت اذا اعزب شغلته تختلف يعني من اي ناحيه تقصد؟؟ بعدين انت ددكول بتركيا مستقبل مجهول يعني احنه بالعراق وين المستقبل اللي منتظرنه؟ اشو يوم عن يوم الوضع مثل مدتسمع ميحتاجله اي شرح ومنعرف باجر شمكتوبلنه من نطلع للشغل بعدين اني صارلي 4 سنوات عايش بغربه عن اهلي لاسباب جبرتني ع هالشي جان املي بالسفر بس هسه ماعرف شراح اسوي يعني صارت تركيا كابوس عندي واني بعدني مرايح حته اذا كلت كل واحد وظرفه بس يااخي واحد من يقرة ويسمع هالمأساة اكيد رح يتراجع ويتردد

شكرا...

64

الهجرة و واللاجئين / ماهوة السبب حسب تجربتك كلاجئ؟؟؟؟

« في: 19:13 23/10/2013  »

مرحبا اخواني...

بس حبيت استفسر من شغلة يعني هوايه داشوف اللي مقدم لجوء من تركيا ديشكي من كل نواحي الحياة ومنتظر الحلم الكبير اللي هوة يوم السفر ومنهم من يأس ورجع للعراق واللي باقين عايشين بعذاب حسب ميحجون؟! زين سؤالي من شنو متأذين ؟ يعني تركيا بلد جميل وامين واسعارة مقاربه لاسعار العراق ويمكن ارخص يعني هسه بالعراق مشتمل 80 متر او اقل ومنطقه تعبانه جدا ميـتأجر غير 300 الف وانت صاعد غير الذله اللي دنعيشهه بالعراق وغير الاوضاع المأساويه وغير وغير وغير ... اما اللي يكول شغل ماكو فبالعراق همين وين منروح نسمع هالكلمه بس السبع ويريد يعيش الشغل بكل مكان موجود واذا ممنوع عالاجئ بتركيا فأعرف هوايه لاجئين ديشتغلون..  طبعا اني بكد الحجي اللي داسمعه وداقرة حته واهسي للسفر هم بدة يقل مع ما اني مهدد وحياتي بخطر وحاليا مساكن يم اهلي وابيتي فياريت احد يفهمني عن السبب وممنون منكم

شكرا مقدما...

65

الهجرة و واللاجئين / رد: كم من المال يجب ان يكون معك للسفر وبعد الوصول

« في: 03:39 23/10/2013  »

زين سؤال... يكدر الواحد ياخذ مبلغ قليل والباقي يخليه بالعراق وبعدين يدزولهياه من العراق؟

66

مواضيع الحياة العامة في بلاد المهجر (استرالياا) / رد: هدية الاحلى منتدى تجربتي مع استراليا والع

« في: 16:29 22/10/2013  »

تحياتي لصاحب الموضوع...

انشاء الله ترجع بالسلامه والله يكتبلك الخير وين متكون, طبعا هذا مستقبلك وانت اعرف بي من غيرك وكلمن وظروفه مثل مهوايه شايفين موضوع الهجرة فاشل اكو هوايه يشوفون البقاء بالعراق فاشل فماكو احد يكدر يحكم على احد بدون ميعرف الاسباب اما تعقبا على كلامك وكلام بعض الاخوة فيا اخي رح احجيلك عن نفسي.. اني من بغداد طلع تعييني ابغداد وورة فترة من المراجعات اللي الله ليراويلكياها شمروني بمحافظه من محافظات الجنوب اللي هيه اطراف العراق سألت عن السبب كالو انت معاملتك متأخرة وعدنا فائض وللعلم عدد الموظفين 8 الاف موظف ومن وصلت يمي صار عدهم فائض واللي اجه ورايه  يعني جان  بالاحتياط ومعدله اقل مني هسه حيا يرزق ابغداد خلوه لان عنده واسطه قويه فمخليت احد مرحتله ومخليت كتاب مقدمته واخير شي صدرو بيه كتاب اذا اطالب بنقل انفصل !!! فسلمت امري لله وصارلي 4 سنوات اني شايف المر من غربه وبهذله وطبعا الناس بهايه المحافظه الله ليثردلك وياهم يكولون انت لو تبقه 20 سنه تبقه غريب !!! (امريكا بعظمتهه 5 سنوات ينطوك جنسيه) طبعا وايجارات ميأجرون للغريب وخصه لاهل بغداد وناس عنصريين وطائفيين بشكل ولحد هاليوم اني موجود فلو مقدم على لجوء هوايه اشرفلي جان هسه طالع  وماخذ الجنسيه.. من غير الطائفيه بالعراق اللي حته بين الاخوان  صارت فياحبيبي بالنسبه للعراق يرادله يوم كامل ومنتدى بحاله حته نكتب عن خيبات الامل اللي بيه وعن وضعه المأساوي غير تصنيف بغداد ثالث اخطر مدينه بالعالم غير الحكومه الفاشله غير وغير وغير.......الى ماله نهايه فهسه مقرر بس ارتب وضعي اترك شغلي واطفر لتركيا لان العراق مو النه صار للاسف وهوة اصلا متقسما قبل 10 سنين ارقى مناطق بغداد اخذوهه العربنجيه يعني احنه بي ضيوف بس نحرك بدمنه وهمه ماشين بالمقوله (( اذا تصالحو سرقونا واذا تخاصمو قتلونا )) والله يحفظ العراق وبغداد ويخلصنه من هالمافيات اللي ترسته

شكرا...

67

الهجرة و واللاجئين / رد: جـــــــــمــــــــا عـــــــــة تــــــــــــــركـــــــــــيــــــــــا

« في: 15:00 21/10/2013  »

متقصرون وروح التعاون عدكم حلوة شكرا...