الرسائل

1

مواضيع الحياة العامة في بلاد المهجر (امريكا) / رد: استفسار من الاخوة المقيمين في الولايات المتحدة

« في: 06:08 01/03/2015  »

الاخت ام بسام حسب معلوماتي ممكن تقدمين على وثيقة سفر   Travel document,  Re-Entry permit فورم I-131   . شوفي هذا الرابط بيه معلومات.
http://www.uscis.gov/green-card/green-card-processes-and-procedures/travel-documents
و لما توصلين العراق قدمي على جواز جديد .

      . 

2

الهجرة و واللاجئين / رد: بشرى سارة لاعضاء ومتابعي قسم الهجرة واللاجئيــــــن

« في: 05:53 01/03/2015  »

كل الشكر و التقدير للاخت ساوند على جهودها الرائعة في تقديم المعلومات المفيدة للعراقيين في المهجر . و ان شاء الله دوم النجاح و الازدهار .

3

مواضيع الحياة العامة في بلاد المهجر (امريكا) / رد: كيفية الشكوى على دائرة ال سوشيل سيرفيس (social service)

« في: 05:35 26/02/2015  »

السلام عليكم اختي العزيزة ام محمد . اسفة ما عندي معلومات عن الموضوع بس حبيت اسلم و اتمنالج الموفقية و ان شاء الله دائرة السوشيال يعدلون عن قرارهم .
الله يسهل امركم و يفتحها عليكم ان شاء الله .

4

الهجرة و واللاجئين / رد: مصرفي في بلاد العم سام ( الجزء الاول )

« في: 00:49 23/02/2015  »

الحمد لله على سلامة الوصول و تمنياتي بالتوفيق و النجاح في حياتكم الجديدة ان شاء الله

5

الهجرة و واللاجئين / رد: الانجاب وتكاليف الولادة في أمريكا

« في: 01:16 22/02/2015  »

انتو رايحين زيارة لو لجوء ؟ اذا زيارة فتوقع العملية راح تكلف مبلغ كبير لان ما مشمولين بالتامين الصحي و طبعا التكاليف تختلف حسب الولاية و المستشفى .

6

مواضيع الحياة العامة في بلاد المهجر (امريكا) / رد: تجربتي القصيرة القاسية في أمريكا

« في: 05:33 20/02/2015  »

الاخ الكريم .. اسفة للمعاناة اللي واجهتها انت و عائلتك بامريكا و اتمنالكم التوفيق و النجاح.
اكيد كل انسان عنده تجربة مختلفة . اني اشوف امريكا احلى بلد بالدنيا لا اوروبا و لا الشرق الاوسط  يضاهيها .
اني جيت لامريكا قبل 8 سنوات هجرة لم شمل و ليس لجوء يعني لا مساعدات و لاشي و لا منظمة ولا شغل . و الله يعلم الظروف الصعبة اللي عشتها اول سنة ماديا و معنويا .
بس هذا الشي كان حافز قوي دفعني اعتمد على نفسي و كدرت  اشتغل باختصاصي  بعدها الامور تحسنت و بديت اشوف الجانب الحلو من امريكا.
يبين ولايتك او منطقتك تعبانة اشوف لو تغيرها و تروح لغير ولاية كاليفورنيا مثلا  . حتى شيكاغو هم اكو بيها مناطق زينة و نظيفة. انطي فرصة لنفسك للتاقلم و تدور على شغل او دراسة . اكيد بالبداية تحس بغربة و ضيق و راح تحتاج وقت الى ان تتعود على الحياة الجديدة.
ارجو ان تتقبل مروري مع تمنياتي بالنجاح و التوفيق

7

دردشة منتدى الهجرة واللاجئين / رد: حكم...

« في: 03:40 09/02/2015  »

مشكور اخي الكريم على الحكم الرائعة .

8

الهجرة و واللاجئين / رد: فلسفة الحياة الامريكية للاجيء الجديد ....وجهة نظر

« في: 23:54 08/02/2015  »

اخ  Oracle عاشت ايدك على الموضوع الرائع  . تمنياتي بالتوفيق و النجاح .

9

مواضيع الحياة العامة في بلاد المهجر (امريكا) / رد: شلونكم يا حلوين اني وصلت أمريكا

« في: 19:34 08/02/2015  »

الحمد لله على سلامة الوصول و بالتوفيق ان شاء الله .

10

مواضيع الحياة العامة في بلاد المهجر (امريكا) / رد: حامل ووحيدة في شيكاغو اريد التواصل مع نساء في وضعي

« في: 03:15 29/01/2015  »

الاخت الكريمة . للاسف اني اعيش بكاليفورنيا مو بشيكاغو  يا ريت لو قريبة علي يمكن اكدر اسوي شي .
اتمنى الاخوة و الاخوات اهل الغيرة في شيكاغو مساعدة الاخت بكل اللي يكدرون عليه.
ان شاء تنتهي محنتك و تتسهل امورك و تمنياتي بالتوفيق ان شاء الله .
اختج امل

11

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 20:32 18/01/2015  »

تم اصدار كتب جديدةتتوافق مع الامتحان الFE الجديد على الرابط.

http://newimmigrant-welcome-to-usa.blogspot.com/2014/05/fundamental-engineering-exam-fe.html
 اما بخصوص رخصة الPE لابدمن معادلة الشهادة مع الشهادة الامريكية وذلك بدراسة جميع المواد المطلوبة وعند اكمال هذه المواد تقدم شهادة اكمال هذه المواد الى NCEES لاعادة تقييم الشهادة وتقديمها الى البورد مع نتيجة امتحان ال PE

مشكور على المعلومات المفيدة .

12

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 20:05 18/01/2015  »

السلام عليكم
اني اختصاص Industrial Engineer واريد امتحن FE في كاليفورنيا
فاذا ممكن اختنا المهندسة المدنية هل استطيع ان امتحن FE Other Disciplines
وهل يكتبون بالشهادة كمهندس متدرب مع الاختصاص
وشكرا
[/quot/]


الاخ الكريم .. نعم بامكانك ان تقدم على امتحان     FE-other Disciplines   او اي موضوع اخر في كاليفورنيا (بدون معادلة شهادة) .  ( Engineer In Training Certificate)    لا يكتب فيها نوع الاختصاص  . فقط   PE License   يكتب فيه نوع الاختصاص .  هذا اللنك بيه  نماذج كتب تحضير امتحان FE-other Disciplines .

http://www.amazon.com/s/ref=nb_sb_ss_i_0_7?url=search-alias%3Daps&field-keywords=fe+other+disciplines+review+manual&sprefix=fe+othe%2Caps%2C717

الكتب المستعملة ارخص و تفي بالغرض .

ايضا الاخ newatusa زودنا بمعلومات قيمة عن اخر الاصدارات من كتب التحضير لامتحان  FE  .

مع التمنيات بالتوفيق

13

مواضيع الحياة العامة في بلاد المهجر (امريكا) / رد: كما سالتكم الاختيار اشاركم القرار

« في: 20:41 17/01/2015  »

تمنياتي لك بحياة سعيدة و بالنجاح و الموفقية ان شاء الله .
اختك المهندسة المدنية

14

مواضيع الحياة العامة في بلاد المهجر (امريكا) / رد: نزلت السؤال ومحد جاوبني بس وحده من الأخوات بالمنتدى محتاج أجابه مفصله الله يخليكم

« في: 05:53 17/01/2015  »

UP

15

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 02:42 17/01/2015  »

المواد اللي يدرسها المهندس المدني تختلف عن مهندس المساحة . المهندس المدني يدرس   Structure   , ميكانيك موائع , هيدروليك و هيدرولوجي , ميكانيك مواد , ميكانيك تربة , Environmental , Transportation  .
اذا انت دارس او عندك خبرة هذه المواد فبامكانك تمتحن    FE  . اما اذا دراستك فقط مساحة فامتحن   FS . القرار يرجع لك .

بالنسبة للامتحان الصباحي و المسائي .. قبل سنة 2014 امتحان FE كان بالورقة    written exam  و كان   يتكون من جزئين : صباحي 4 ساعات  ( عام   General). بعدها ساعة للغداء . ثم امتحان مسائي 4 ساعات و يكون امتحان تخصصي للمادة اللي انت تختارها .

في عام 2014  تغيرت طريقة امتحان FE  واصبح امتحان حاسبة  (CBT - Computer Based test ) و مدته 6 ساعات و يحتوي على 110 سؤال.

بالنسبة لمعادلة الشهادة . معظم الولايات  تطلب معادلة الشهادات الاجنبية . و لاية كاليفورنيا لا تطلب معادلة شهادة . يفضل ان تتصل بالبورد في ولايتك  و تسالهم  .
اختك المهندسة المدنية

16

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 03:30 16/01/2015  »

  FS Exam  او  (Fundamental Surveying) هو الخطوة الاولى لللحصول على لايسنس للمساح . الاجابة عن سؤالك ايهما افضل  FE, FS يعتمد عليك و على تحصيلك الدراسي و الخبرة التي تملكها . اذا انت مهندس مدني , كهرباء او ميكانيك  او لديك خبرة في هاي الاختصاصات فامتحن   FE .اما اذا دراستك و خبرتك بالمساحة فامتحن FS .
امتحان   FS  يشمل مبادئ المساحة بالاضافة الى الرياضيات و   Basic sciences و غيرها.
شوف هذا الرابط بيه مواضيع الامتحان .

.http://ncees.org/wp-content/uploads/2013/10/FS-January-2014_with-ranges.pdf
اذا سؤالك ايهما افضل في سوق العمل الاثنين بنفس المستوى واكو حاجة  لهاي الاختصاصات دائما .

17

مواضيع الحياة العامة في بلاد المهجر (امريكا) / رد: للمهندسين, طريق الى P.E.

« في: 05:50 15/01/2015  »

اني حصلت على PE License   بالهندسة المدنية من كاليفورنيا في 2013.
امتحان PEِ Civil  في كاليفورنيا يختلف عن باقي الولايات لان يتكون من 3 امتحانات :  الهندسة المدنية Civil Engineering , المساحة     Surveying و الزلازل     Seismic.
الامتحانات الثلاثة اخذت مني سنتين  .  كنت اركز على امتحان واحد في كل مرة . يعني احضر لاول امتحان و لما انجح احضر للامتحان الثاني و هكذا .

اذا اي واحد من الاخوة عنده سؤال بخصوص امتحان الهندسة المدنية و خاصة بكاليفورنيا او طريقة التقديم على الامتحان فاني حاضرة للاجابة على اي سوال اعرفه.

مع التحية . اختكم المهندسة المدنية

18

مواضيع الحياة العامة في بلاد المهجر (امريكا) / رد: سؤال للاخوه أهل الخبره

« في: 05:28 15/01/2015  »

حسب معلوماتي الطفل اللي يولد بامريكا يحصل على الجنسية الامريكية . و لما يصير عمرة 18 سنة يكدر يسحب الوالدين ( اذا كانوا خارج امريكا)  . 
هذا الشي ما يفيدكم هواية لان انتو هسة بامريكا و اذا بقيتو  5 سنين تكدرون تقدمون على جنسية .
هاي معلوماتي و اذا الاخوة عدهم معلومات عن المساعدات في حالة الطفل فيا ريت يتفضلون بيها.
مع التحية . اختك المهندسة المدنية

19

الهجرة و واللاجئين / رد: الرجء النصيحة اخواني

« في: 04:33 11/01/2015  »

تكدر تقدم على دراسة ماجستير مثلا؟

20

الهجرة و واللاجئين / رد: الرجء النصيحة اخواني

« في: 02:42 11/01/2015  »

اخوك عندة جنسية امريكية  ؟ اذا عندة جنسية ممكن يقدملك على هجرة immigration فورم I-130 . تسمى لم شمل للاخ . وممكن تقدمها سواء كنت  خارج امريكا او داخلها ( في زيارة ). شوف هذا الرابط :
http://www.us-immigration.com/I-130-immigrant-petition-green-card.jsp?lang=en
ايضا ممكن تقدم على هجرة اذا تزوجت مواطنة امريكية و هاي الطريقة اسرع.
 تمنياتي بالتوفيق
اختك المهندسة المدنية

21

الهجرة و واللاجئين / رد: الرجء النصيحة اخواني

« في: 01:59 11/01/2015  »

السلام عليكم اخي الكريم .سؤال:  هل دخلت المانيا كلاجئ ؟ في هذه الحالة لا يمكن منح انسان لجوء في دولتين.
ثم ان امريكا تمنح لجوء للعراقيين لان العراق بلد فيه عنف طائفي و قتل و خطف و تهديد . فلماذا يمنح لجوء لمواطن الماني و المانيا واحدة من افضل دول العالم ؟
صحيح انت جنسيتك عراقية لكن غير مجبر ان تعيش في العراق .اما اذا تقصد تقدم على لجوء و ما تكول عن الجنسية  الالمانية .. شلون؟ اذا انت جاي زيارة لامريكا و اكيد بجوازك الالماني؟ و مثل ما ذكر الاخ سمك بني امريكا و اوروبا بينهم تعاون امني.
اني مدا اشوف اي المشكلة . بجوازك الالماني تكدر تحصل فيزا زيارة لامريكا في أي وقت  و ايضا تكدر تقدم على اقامة دائمية و كرين كارد و تحصل جنسيةامريكية بعد 5 سنوات .

تقبل مروري

22

مواضيع الحياة العامة في بلاد المهجر (امريكا) / رد: وصلت أمريكا ،،،،إليكم رحلتي الطويلة وبعض الملاحظات للمقبلين على السفر

« في: 06:51 10/01/2015  »

الحمد لله على سلامة الوصول و تمنياتي بالموفقية و النجاح ان شاء الله

23

مواضيع الحياة العامة في بلاد المهجر (امريكا) / رد: حقيبة سفر مفقودة

« في: 03:25 08/01/2015  »

اخوان تحياتي للجميع وصلنا الى أمريكا يوم ١٨ تشرين الثاني ٢٠١٤ احنا و مجموعة من العوائل الجنط ما وصلت كلها على العموم وصلتني الجنطة المفقودة مالتي بعد يومين و ايضا وصلتني حقيبة ثانية بس بالخطأ مو مالتي أرجو من فقد حقيبته يتصل بيه

اخي الكريم.. يستحسن الاتصال بالخطوط الجوية اللي سافرت عليها و تبلغهم انك استلمت جنطة بالخطا  . مو شرط ان صاحب الجنطة من اعضاء المنتدى حتى يقرا تعليقك . تقبل مروري

24

مواضيع الحياة العامة في بلاد المهجر (امريكا) / رد: معلومات وافية عن ولايات امريكا بالتفصيل

« في: 22:43 04/01/2015  »

اخي الكريم dole مشكور على الجهد في تقديم هاي المعلومات المفيدة . مع التقدير

25

الهجرة و واللاجئين / رد: دخولي لاميركا بعد بقائي بالعراق سنتين وثلاث اشهر تفاصيل الرحلة

« في: 04:07 03/01/2015  »

الف مبروك دخولك امريكا و ان شاء الله توصل العائلة باسرع وقت . تمنياتي بالموفقية و النجاح الدائم .

26

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 23:49 01/01/2015  »

بالتوفيق ان شاء الله .

27

الهجرة و واللاجئين / رد: وصولي لامريكا بعدما بقيت بالعراق سنتين وثلاث اشهر

« في: 23:47 01/01/2015  »

الحمد لله على سلامة الوصول و تمنياتي بالنجاح و الموفقية ان شاء الله .

28

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 23:29 01/01/2015  »

هسة دخلت على بورد ويسكونسن . هم ذاكرين بان شرط التقديم ان يكون برنامج الجامعة  accredited  بالنسبة للخريجين من جامعات اجنبية لم يذكروا  الشرط  الافضل ان تتصل بيهم .
اتوقع ان يطلبون معادلة الشهادة عن طريق   NCEES مثل غالبية الولايات .
انت ذكرت بان دزيت لهم ايميل فاقترح ان تنتظر جوابهم .
هذا الرابط مال البورد اذا ردت تتصل بيهم ( سوي حساب ) :
http://new.engineerintrainingexam.com/eit-exam/state-by-state-requirements/wisconsin/

29

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 22:58 01/01/2015  »

كلامك صحيح اخي الكريم شهادتك العراقية لازم تعادلها في   NCEES لان الجامعات العراقية ليست accredited  . ولاية كاليفورنيا لا تطلب معادلة شهادة لامتحان FE
سؤال ... انت تريد تقدم على امتحان  FE  لو  PE ؟
لان تعليقك الاول تتكلم بيه عن   FE و الثاني عن PE  .
 

30

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 20:01 01/01/2015  »

الجامعات العراقية ليست   Accredited . لهذا السبب فان معظم الولايات تطلب معادلة الشهادة .

31

مواضيع الحياة العامة في بلاد المهجر (امريكا) / رد: للمهندسين, طريق الى P.E.

« في: 05:09 30/12/2014  »

up

32

مواضيع الحياة العامة في بلاد المهجر (امريكا) / رد: تكساس

« في: 19:41 25/12/2014  »

UP

33

مواضيع الحياة العامة في بلاد المهجر (امريكا) / رد: un ماليزيا

« في: 04:56 24/12/2014  »

مشكور اخي على النصيحة و المعلومات القيمة و بارك الله بيك .

34

مواضيع الحياة العامة في بلاد المهجر (امريكا) / رد: انتبه رجاءاً !! ((...هل فكرت يوماً كيف تتصرف اذا انحرف أبنك أو أبنتك عن الطريق بعد وصولك الى امريكا ...؟ ))

« في: 04:26 23/12/2014  »

سلام عليكم اخوان .. من خلال تجربتي في امريكا توصلت الى قناعة : الانسان اللي عنده التزام و تريية و اخلاق راح يكون اكثر التزاما و خلقا في المهجر . اما الانسان اللي تربيته و مبادئه ضعيفة راح يفقد هويته .
المهم ان تربي اطفالك منذ الصغر على الالتزام و القيم و الاخلاق لكن بدون تزمت  . الالتزام بهويتهم و تربيتهم و ان يحترمون الاخرين و ينفتحون على باقي الحضارات . الايمان و التوكل على الله عز و جل يقوي قلب الانسان و يمنحه السكينة و الامان . تقبلوا مروري

35

دردشة منتدى الهجرة واللاجئين / رد: مسلسل أجنبي في ذاكرة طفولتك (الوادي الكبير) The Big Valley بطولة باربارا ستانويك

« في: 03:52 20/12/2014  »

شكرا جزيلا الاخ  Maple  و الاخوات   Sound و  Ray  على الموضوع  الجميل . اني كلش احب مشاهدة مسلسل (البيت الصغير ) و (الوادي الكبير ) و لما اشوفها استعيد ذكريات عزيزة على قلبي .
المسلسل الكلاسيكي الاخر اللي احبه  (    Wild Wild West  ) كلش مسلي و ممتع .

36

دردشة منتدى الهجرة واللاجئين / رد: للترفيه : أجمل السيدات الفاتنات في كلاسيكيات الشاشة الأمريكية - زمان الأسود والأبيض

« في: 04:36 16/12/2014  »

الاخ  Maple Leave احييك على هذا الموضوع الممتع . من اعمال بربارا ستانويك الجميلة مسلسل ( الوادي الكبير  -The Big Valley ) الحلقات متوفرة على اليوتيوب .

37

دردشة منتدى الهجرة واللاجئين / رد: للترفيه : الأفلام الأمريكية القديم والجديد منذ ولادة عصرالسينما والصورة المتحركة MOTION PICTURE

« في: 17:23 14/12/2014  »

الاخ Maple Leave  شكرا على هذا الموضوع الجميل . اني هوايتي المفضلة مشاهدة الافلام بكل انواعها الكلاسيك و الحديثة .

 البارحة شفت فلم (  Gone With The wind )  . رغم ان هذا الفلم انتاج سنة 1939 و لكن يبقى واحد من اروع و اجمل الافلام في تاريخ السينما .

بالمناسبة ( YouTube.com ) مصدر جيد لمشاهدة الافلام و المسلسلات الكلاسيكية و الحديثة . اني دائما اشوف افلام و مسلسلات امريكية بيها مثل مسلسل    Wild Wild West.

ارجو تقبل مروري مع التقدير . اختك المهندسة المدنية

38

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 05:10 12/12/2014  »

UP

39

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 04:58 12/12/2014  »

كاليفورنيا ما تطلب معادلة شهادة . فقط تقديم  الابليكاشن و الرسوم . بالنسبة للكتب اكو هواية كتب للتحضير لامتحان  FE . مثال على ذلك الرابط ادناه من امازون :
http://www.amazon.com/s/ref=nb_sb_noss_2?url=search-alias%3Dstripbooks&field-keywords=fe+exam+&rh=n%3A283155%2Ck%3Afe+exam+

الامتحان مو كلش صعب لكن يحتاج تحضير و حل اكبر عدد من المسائل  . مع التحية

40

مواضيع الحياة العامة في بلاد المهجر (امريكا) / رد: الي عمره فوق ال 60 سنة ممكن يسجل على ال ESL مجانا في الكومينتي كولج في ولايته

« في: 04:58 30/11/2014  »

الاخت ام محمد . اني في غاية الاسف و الخجل  . اليوم فتحت الرسائل الواردة و شفت رسالة منج و من بعض الاخوة.
اعتذر منج و ن جميع الاخوة على تاخري في الرد . و ان شاء الله راح اجاوب الرسائل القادمة بدون تاخير .
دزيتلج رسالة على الخاص و اذا عندج أي سؤال اني حاضرة . مع التقدير

41

الهجرة و واللاجئين / رد: بعد سنه و٨ أشهر هذه اخر اخباري

« في: 20:05 28/11/2014  »

واضح ان كل واحد يتكلم عن امريكا من خلال تجربته الخاصة . فاللي يكول امريكا مو زينة اكيد انصدم بيها و شاف مصاعب و طبعا هو محق لان ما شاف بيها خير .
بس اكو هواية ناس نجحوا بمجهودهم بدون واسطات و لا علاقات و لا محسوبيات  و عادلوا شهاداتهم او درسوا ماجستير . قسم حتى ما عادلوا شهادات  واشتغلوا و تاقلموا  في حياتهم في امريكا . و هؤلاء الناس لما يكولون امريكا زينة هم  صادقين بكلامهم  100%  لان تعبوا و شفوا ثمرة تعبهم و ما يتكلمون عن ""دريم"" .   
 خلاصة الكلام كل انسان من حقه ان يتكلم عن تجربته الشخصية لكن ما يحاول يفرض رايه و تجربته على الاخرين كانها حقيقة ثابتة .

 

42

مواضيع الحياة العامة في بلاد المهجر (امريكا) / رد: توضيح حول الزواج من امريكيه

« في: 23:38 27/11/2014  »

اخذ كل الوثائق من جواز و جنسية و شهادة جنسية .
عندك خيارين للفيزا :  فيزا هجرة ( K-3  ) بعد الزواج . الفيزا احتمال تاخذ سنتين .

الخيار الثاني  :  فيزا الخطوبة  ( K-1 ) و تكون اسرع  من فيزا  الهجرة . لازم يتم الزواج خلال 90 يوم من دخولك امريكا .

 لكن ما راح تحصل على أي نوع من المساعدات او تامين صحي من الحكومة الامريكية .
يعني تكون مستعد ان تعتمد على نفسك من اول يوم .

43

الهجرة و واللاجئين / رد: بعد سنه و٨ أشهر هذه اخر اخباري

« في: 17:04 27/11/2014  »

كلامج صح دكتورة  Sarab .. بس احب اكول ان الطبيب بالعراق على الرغم من تمتعه بوظيفة محترمة و مرموقة و راتب كبير لكن عايش تحت خطر التهديد بالقتل و الخطف و الابتزاز و الفصل العشائري و ما اتصور عايش فايخ .

 افهم تماما معاناة الاخ  gohn cena  و كل الناس اللي خسروا وظائف مرموقة و جوي لامريكا و بدوا من الصفر لان اني همين خسرت وظيفة  زينة و بديت من الصفر بامريكا . محد كال ان امريكا جنة و لا الغربة سهلة.  ظروف بلدنا الماساوية  هي اللي اجبرتنا على الغربة و لازم نتحمل و نكافح .   

الشغل اليدوي مو عيب  كل الاطباء و المهندسين و اصحاب الشهادات الامريكيين اشتغلول ببداية حياتهم  عمال و منظفين  الى ان اخذوا شهاداتهم .

بالمناسبة  40 ساعة بالاسبوع عادي و مو هواية . اني اشتغل بين الاوفيس و  موقع العمل 40 ساعة بالاسبوع اضافة الى ساعات الاوفر تايم و تعتبر شي عادي .

اخ جون سينا تمنياتي بالتوفيق و النجاح

44

الهجرة و واللاجئين / رد: بعد سنه و٨ أشهر هذه اخر اخباري

« في: 08:53 27/11/2014  »

اخويه العزيز جون سينا
طبعا من قريت الفتره الي قضيتها بامريكا نفس الفتره الي احنه قضيناها دخلت الموضوع حرت شكتبلك
ربي ألهي يوفقك بكل خطوات حياتك والي صبر سنه وثماني شهور اكيد يكدر يكمل المشوار
يارب يقويك ويصبرك ويهديك للتفكير الصحيح
يارب اسمع اخبارك الطيبه دائما
تحياتي
اختك ام شاهين

و اني اضم صوتي لصوت الاخت ام شاهين و ادعو الله عز و جل ان يفرج همك و يوفقك .
بس احب اكول لك اللي يشوف مصيبة غيره تهون عليه مصيبته . اكو ناس  بالعراق و الله حالتهم تبجي الصخر . تمنياتي بالتوفيق و النجاح . اختك المهندسة المدنية

45

مواضيع الحياة العامة في بلاد المهجر (امريكا) / رد: تجربتي بعد 6 شهور من وصولي للولايات المتحدة الامريكية

« في: 06:22 27/11/2014  »

مشكور الاخ الكريم على هاي المعلومات المفيدة و الموضوع الممتع .
 تمنياتي بالنجاح و الموفقية .

46

الهجرة و واللاجئين / رد: اعلان..!!!! تبرع بأثاث بيت في تركيا

« في: 03:49 27/11/2014  »

بارك الله بك الاخ المحترم ابو سيف و جعلها الله في ميزان حسناتك .
و ان شاء فاتحة خير و بركة عليك و تتحقق كل امانيك .

47

دردشة منتدى الهجرة واللاجئين / رد: الاخ حسين الجبوري والاخوة العراقيين في مدينة سانت لويس،، طمأنونا عنكم

« في: 03:22 27/11/2014  »

الف الحمد لله على السلامة و الله يحرسكم و يبعد عنكم كل مكروه .
ارجو ان تسمحوا لي بتعليق . اني قريت بالانترنيت تفاصيل الخبر و رغم شعوري بالحزن  لمقتل الشاب الاسود لكن اشوف الشرطي لم يرتكب خطا و  كان في حالة دفاع عن النفس كما ان الشاب القتيل كان قد سرق محل قبل دقائق و تم  تصويره في كامرا المحل .  الحادث حصل كالاتي :

قبل دقائق من حادث مقتل الشاب الاسود (مايكل براون ) , حدث سطو على احد المحلات و تم ابلاغ سيارات الشرطة بذلك . بعد دقائق كان ضابط يقود سيارة الشرطة و شاهد شابين من السود يمشون في وسط الشارع وهذي مخالفة في امريكا. الشرطي في السيارة طلب منهم ان يمشوا على الرصيف و ليس في وسط الشارع لكن الشابين رفضوا الانصياع للضابط و بدؤا بتوجيه شتائم و كلمات نابية و عندما حاول الضابط النزول من السيارة منعوه وكانوا يسدون الباب و انهالوا علي بالضرب من الشباك ثم هربوا كل واحد بجهة  . الشرطي ركض ورة (مايكل) و طلب منه ان يتوقف لكن رفض فاطلق عليه النار و قتله .

 بعد يوم من الحادث تم عرض فديو من كامرا المحل المسروق واتضح ان الشخص اللي سرق المحل كان القتيل نفسه مايكل براون .

مع اسفي لمقتل الشاب لكن ليس من الصحيح ان الانسان يسرق الاخرين , و لا ان يتهجم على رجل قانون . اسفة على الاطالة و شكرا

48

مواضيع الحياة العامة في بلاد المهجر (امريكا) / رد: الي عمره فوق ال 60 سنة ممكن يسجل على ال ESL مجانا في الكومينتي كولج في ولايته

« في: 06:01 26/11/2014  »

اخوانا واخواتنا

حبيت افيدكم بهاي المعلومة اذا كان احد من اخوانا او اخواتنا ما يعرفون بيها

هو ان ممكن التسجيل لدراسة كورسات اللغة الأنكليزية ال ESL مجانا في الكومينتي كولج لمن عمره فوق ال60 سنة (سينيور)

تمنياتنا للجميع بالتوفيق

مشكورة اخت ام محمد و بارك الله بيج على هاي المعلومات مع تحياتي.

49

الهجرة و واللاجئين / رد: ارجو ممن يستطيع مساعدتي التفضل وله الشكر الجزيل مقدما

« في: 05:10 26/11/2014  »

تتدللين و اني بالخدمة .

50

الهجرة و واللاجئين / رد: شراء البيت تكسلس

« في: 05:41 24/11/2014  »

الف مبروك و ان شاء الله شايف كل الخير .

51

اجتماعيات (ترحيب، تهاني و تعازي منتدى الهجرة) / رد: مهاجر الجنوب يصل الى الولايات المتحدة

« في: 03:56 24/11/2014  »

الحمد لله على سلامتك و الف مبروك و تمنياتي بالموفقية و النجاح و ان شاء الله تجتمع انت و اسرتك بالقريب العاجل باذن الله . مثل ما ذكروا الاخوة افضل طريقة تشغل بيها نفسك ان تشتغل و تقوي لغتك و تهئ امورك لاستقبال عائلتك .
ذكرتني اول يوم لما وصلت مطار نيويورك ترانزيت  و كان عندي رحلة ثانية لسان فرانسيكو . كنت ميتة من الخوف و التعب و ما اعرف وين اروح . شفت اثنين عراقيين يحجون عراقي طرت من الفرح و رحت اسالهم واحجي وياهم بس علمود احس باطمئنان لان الغربة صعبة و تبجي  . و  الله العظيم هذولة الاثنين ما دارو لي بال و عافوني و مشوا و لا كالوا محتاجة ما محتاجة .
  طبعا مو قصدي اقلل من شان الاخوة العراقيين لان اكثريتهم اخوة من صدك و رفعة راس و خير سند وقت الشدة ..بس مرات تشوف ناس غير شكل .. ارجو ان تتقبل مروري

52

اجتماعيات (ترحيب، تهاني و تعازي منتدى الهجرة) / رد: الحمد لله بعد اكثر من ٤ سنوات وصلت الى الولايات المتحدة الامريكية

« في: 07:22 23/11/2014  »

الف مبروك و الحمد لله على السلامة . تمنياتي بالنجاح و التوفيق ان شاء الله .

53

اخبار الهجرة و اللجوء / رد: قرار الرئيس اوباما بالجديد بحق المهاجرين الغير شرعيين ...

« في: 16:52 22/11/2014  »

قرار بائس ومن وجهة النظر العامه هو قرار يعزز اللاشرعيه في وجود المهاجرين اللاشرعيين في امريكا كما يقوي سلطة اللاشرعيين على القانون .. قرار بائس جدا .

اؤيد وجهة نظرك 100%  . فاللاجئ الذي يسلك الطر ق القانونية و يخسر ماله و سنين من حياته في انتظار فيزا او لجوء قد لا تحصل ابدا . بينما يجي واحد بائس يعبر الحدود و ينتهك القانون و يشارك ابن البلد في العمل و التامين الصحي و الغذاء و يمكن يكون عالة عليه .

54

الهجرة و واللاجئين / رد: ارجو ممن يستطيع مساعدتي التفضل وله الشكر الجزيل مقدما

« في: 04:56 22/11/2014  »

الاخت الكريمة تحية طيبة و ان شاء الله تتسهل اموركم و تتوفقون بحياتكم في امريكا. اني اعيش بكاليفورنيا, انت في اي ولاية و أي مدينة ؟ .
 غالبية الامريكان  يحبون الناس اللي يشتغلون و اللي ما عنده كردت احسن من اللي عنده كردت سئ. ممكن صاحب الملك يزيد مبلغ  Deposit او الايجار عليكم لان ما عدكم كردت .
حاولوا تقدمون على شغل اول ما توصلون لامريكا  موقفكم يصير متين مع وجود الشغل لان صاحب الملك يريد يتاكد من وجود دخل مالي لدفع الايجار  . ايضا راح تحتاجون تكتبون اسماء بعض المعارف او الاصدقاء كمرجع(  reference)  في الابليكاشن . ممكن تؤجرون  غرفة او غرفتين مع عائلة لفترة قصيرة  . تاجير الغرف عادة لا تتطلب كثير من الشروط  . احسن مكان تدورون على سكن في مكاتب (  Property Management) في مدينتكم  تكدرون تروحون للمكتب و تقدمون معاملة . ايضا بالصحف المحلية بالمدينة مالتكم ( Local Newspaper ) او موقع  Craig List( كريغ لست) سووا بحث Craig list apartment Rental.
 الخطة باء (الخطة البديلة ) هي الموتيل .. دخلوا للانترنيت و دوروا على موتيل  مناسب ( بس مو كلش رخيص لان احتمال بيه منغصات)  ممكن تبقون بالفندق الى ان تلكون شقة اكو اسعار اسبوعية تكون ارخص من اليومية . اهم نصيحة اقدمها الكم انكم تكونون على تواصل بالجالية العراقية او العربية و الاخوة في هذا الملتقى . حاولوا تتعرفون على ناس في الولاية و بالتحديد المدينة اللي انتو بيها  يمكن تحتاجون كفيل او شخص يدليكم الطريق او ينطيكم نصيحة بالبداية . اسفة طولت عليج اتمنى ان تكون اجابتي مفيدة .

         

55

مواضيع الحياة العامة في بلاد المهجر (امريكا) / رد: معادلة شهادة الاعدادية للتقديم على الجيش الامريكي

« في: 03:06 22/11/2014  »

ان شاء الله الاخوة ما يقصرون بالاجابة و تمنياتي بالتوفيق

56

الهجرة و واللاجئين / رد: مساعده عاجله يرحم والديكم

« في: 04:01 21/11/2014  »

حسب معلوماتي لازم تقدم على ترافل دوكيومنت قبل ان تسافر خارج الولايات المتحدة .اذا عندك حالة طارئة لازم تاخذ موافقة و تسافر قبل ما تخلص المعاملة على ان تستلم الترافل دوكيومنت من االقنصلية الامريكية .

57

اجتماعيات (ترحيب، تهاني و تعازي منتدى الهجرة) / رد: رحلتي من بغداد الى نيويورك بالتفصيل الممل

« في: 05:48 20/11/2014  »

الحمد لله على السلامة و تمنياتي بالتوفيق و النجاح ان شاء .
بمناسبة الحديث عن الافغان اني شفت هواية افغان بامريكا و كانوا في غاية الثقافة و الرقي .
  تحياتي

58

الهجرة و واللاجئين / رد: ارجو ممن يستطيع مساعدتي التفضل وله الشكر الجزيل مقدما

« في: 05:26 20/11/2014  »

ممكن تشرح لصاحب الملك انك مهاجر جديد . راح تحتاج كفيل او كفيلين من الاصدقاء او الاقارب فتكتب اسماءهم و ارقام هواتفهم في الابليكاشن . و هناك بعض المناطق لا تطلب كردت هستوري خاصة البعيدة او في احياء رخيصة مثل ما ذكر الاخ سمك بني .
اني كنت في نفس الموقف لان جيت هجرة مو لجوء فوضحت للمالك اني مهاجرة جديدة و ما عندي رفرنس او كردت .
 يفضل ان تبقى في نفس الشقة لمدة 4-6 اشهر على الاقل و تدفع الايجار بوقته . هذا المالك راح يكون رفرنس او مرجع الك لما تؤجر شقة جديدة. بالتوفيق ان شاء الله

59

مواضيع الحياة العامة في بلاد المهجر (امريكا) / رد: انتبه رجاءاً !! ((...هل فكرت يوماً كيف تتصرف اذا انحرف أبنك أو أبنتك عن الطريق بعد وصولك الى امريكا ...؟ ))

« في: 06:11 19/11/2014  »

ها ونسيت شغلة اللي عندة استعداد ينحرف ينحرف بغض النظر عن المكان وتبقة شغلة الهداية من رب العالمين (انك لاتهدي من احببت ولكن الله يهدي من يشاء )
شكرا اخي ابو سيف على طرح الموضوع

اخ ابو ريم..  كلامك صحيح 100% و احسنت بالتعبير .

60

الهجرة و واللاجئين / رد: مساعدتــــــكم رجااااااااااءاً

« في: 05:02 19/11/2014  »

 الترافل دوكيومنت Travel document او ما يسمى وثيقة دخول ٌ Re-entery permit  هاي الوثيقة يقدمها المقيم او اللاجئ في امريكا اذا اراد يغادر الولايات المتحدة لمدة تزيد عن سنة . هذا اللنك باللغة الانكليزية بيه معلومات كيفية التقديم على ترافل دوكيومنت  فورم  I-131

http://www.immigrationdirect.com/uscis-forms/Form-I-131-Application-Travel
                 
شرط ان يقدم اللاجيء او المقيم على هاي الوثيقة من داخل امريكا قبل السفر و ممكن يسافر قبل ما تخلص المعاملة على ان يستلمها من القنصلية الامريكية في البلد اللي يسافر اله .
اذا احد من الاخوة عنده معلومات اضافية او مختلفة عما ذكرتها  فيا ريت يقدموها للفائدة . مع الشكر

61

مواضيع الحياة العامة في بلاد المهجر (امريكا) / رد: استفسار ضروري تجاوبوني الله يخليكم

« في: 23:08 16/11/2014  »

تمنياتي بالتوفيق.. اسفة ما عندي معلومات و ان شاء الله الاخوة ما يقصرون بالاجابة .

62

مواضيع الحياة العامة في بلاد المهجر (امريكا) / رد: العوده الى العراق

« في: 19:22 16/11/2014  »

الاخ المحترم ..  لا توجد صعوبات تمنعك من الرجوع للعراق بجواز امريكي لكن الصعوبة في التاقلم . الحكومة العراقية ما تقدم مساعدات للعوائل الراجعة من الخارج . تكاليف السكن و العيشة بالعراق اصبحت غالية مقارنة بالسنوات السابقة . اذا كان عندك وظيفة و تحاول ترجع الها فالامر صعب الا اذا عندك واسطة . بخصوص اطفالك للاسف راح يعانون بالمدرسة اذا ما يتكلمون عربي زين .. السبب لان ما كو توعية و تثقيف للاطفال بخصوص احترام باقي الحضارات و الناس اللي يختلفون عنهم .
ارجو ان تتقبل مروري  و طبعا القرار يعود الك .تمنياتي بالتوفيق

63

مواضيع الحياة العامة في بلاد المهجر (امريكا) / رد: اخوان اخوات هذا شنو ممكن اريد تفاصيل عنه form w-4

« في: 06:16 14/11/2014  »

اخ عامر .. مثل ما تفضلوا الاخوة الاستمارة ما بيها شي بس علمود يستقطعون منك ضريبة لما تشتغل . توكل على الله و املي الاستمارة و قدمها و بالتوفيق ان شاء الله

64

مواضيع الحياة العامة في بلاد المهجر (امريكا) / رد: انتبه رجاءاً !! ((...هل فكرت يوماً كيف تتصرف اذا انحرف أبنك أو أبنتك عن الطريق بعد وصولك الى امريكا ...؟ ))

« في: 03:25 12/11/2014  »

تحية طيبة الاخ ابو سيف  .. برايي ان المشكلة بين ابو شنشول و ام شنشول لم تولد من الفراغ . يعني اكيد اكو اوليات و خلفيات للموضوع . الزوج و الزوجة اذا اكو بينهم احترام و تفاهم ما يكول لزوجته (بسيطة اني اعلمج بالبيت) و لا هي تكوم تضربه راجدي . الظاهر الاثنين مشحونين على بعضهم و المسالة وصلت حدها  . يمكن يكونون متعلمين بس التعليم ما يمنع انهيار اسرة اذا انفقد الاحترام و التفاهم بين الطرفين .  الله يعلم اذا نفس الزوجين  كانوا  عايشين بالعراق يمكن حياتهم تكون مليانة مشاكل و زعل . لكن الغربة لعبت دور في تسريع انهيار هذي الاسرة . . تقبلوا مروري 

65

مواضيع الحياة العامة في بلاد المهجر (امريكا) / رد: انتبه رجاءاً !! ((...هل فكرت يوماً كيف تتصرف اذا انحرف أبنك أو أبنتك عن الطريق بعد وصولك الى امريكا ...؟ ))

« في: 03:38 11/11/2014  »

ممنون اختي المهندسة المدنية .. اصلا انا مرات - والله شاهد على كلامي - ادخل لاي موضوع بي تعليق حضرتك لان اعرف ارائك وتعليقاتك ممتازة جدا سواء بموضوع معادلة الشهادة اللي استفاديت منه جدا او بباقي المواضيع وكذلك اعرف شلون نجحتي بدراستك وعملك بامريكا بعد جهد كبير وانا دائما اضرب بحضرتك المثل بالعزيمة والاصرار والنجاح لان اعرف هواية مهندسين ماكدروا يعادلون شهاداتهم مثل ما حضرتك عملتي . انا كان قصدي اوضح انه فعلا اكو معاناة لدى العوائل الملتزمة بالدول الاجنبية اكثر من معاناتهم بالدول العربية بسبب الحرية المطلقة للاطفال بتلك الدول . اعتقد ممكن نعاقب الاطفال لكن بشكل لطيف وبعيد عن العنف .. اتذكر ايام طفولتي لما كنت ( اسوي وكاحة ) الوالد يصدر قرار اسمه ( مقاطعة اسرائيل ) يعني اللي بالبيت يقاطعوني مثل ما العرب قاطعوا اسرئايل بالسبعينات هههههههه فاظل احكي مع نفسي ومحد يجاوبني الى ان اعتذر وتنرفع عني المقاطعة ! او مكن العقاب يكون بحرمان من المصروف اليومي لفترة من الزمن او من سفرة او اي عقاب يكون اله تاثير نفسي مو جسدي . لا يفوتني ان اثني على دماثة خلق السيد كاتب الموضوع ابو سيف المحترم اللي كل كلماته تدل على رقي وثقافة عاليين .. كثر الله من امثالك وجزاك الله الف خير وحققلك امنياتك ..وكذلك تحياتي للاخ حامد اللي عودنا على مداخلاته المميزة ..تحياتي للجميع

اخوية العزيز المهندس الزورائي .. رايك هذا اعتز و افتخر  بيه و اني بغاية الامتنان و الشكر لكلماتك الطيبة . كلامك صحيح جدا فالعوائل اللي عدها اطفال بالفعل تحس بقلق و معاناة بسبب الاختلاف في العادات و التقاليد و الحرية المطلقة الممنوحة للاطفال في اوروبا و امريكا . اني شخصيا اتمنى لو النظام الامريكي يكون اكثر صرامة مع المراهقين و يحد من الحرية الممنوحة الهم لان هذا الامر يصب لمصلحتهم .
 بس اني هم شفت العديد من الاسر المهاجرة نجحت بتربية اطفالها بشكل يبعث على الفخر من خلال غرس القيم و الاخلاق بدون حاجة للضغط و استعمال القوة لان القوة تجيب نتائج عكسية . المهمة صعبة لكن ليست مستحيلة . من خلال تجربتي شفت الناس اللي عدهم قيم و اخلاق قوية صاروا اكثر التزاما و حرصا على هويتهم  في دول المهجر . تقبل تحياتي و احترامي

66

مواضيع الحياة العامة في بلاد المهجر (امريكا) / رد: انتبه رجاءاً !! ((...هل فكرت يوماً كيف تتصرف اذا انحرف أبنك أو أبنتك عن الطريق بعد وصولك الى امريكا ...؟ ))

« في: 04:10 10/11/2014  »

تحياتي اخي ابو سيف و ان شاء الله نبقى دائما على تواصل بهذا الموقع الجميل اللي يجمع كل العراقيين حتى لو اختلفت اراءهم .
اخوية المهندس الزورائي تقيل تحياتي و احترامي. و شكرا

67

مواضيع الحياة العامة في بلاد المهجر (امريكا) / رد: انتبه رجاءاً !! هل فكرت يوماً كيف تتصرف اذا انحرف أبن

« في: 20:32 09/11/2014  »

+1

اعتذر اخي فتى المدينة اذا كلامي كان عن الامارات كان بيه نوع من التعميم او الانتقاد . انا شخصيا احب دولة الامارات جدا و اتمنى اعيش بيها . اني مجرد نقلت كلام عن صديقتي ربما شافت شغلات ما تعجبها بالامارات و على الارجح من الاجانب المقيمين بيها  . بس خلاصة الكلام ان ظاهرة الانفتاح اصبحت ليست  غريبة في الدول الشرق اوسطية الان . و اني ذكرت ان الاخلاق الحميدة موجودة بكل مكان بالعالم و كذلك الاخلاق السيئة . مع تقديري

68

مواضيع الحياة العامة في بلاد المهجر (امريكا) / رد: انتبه رجاءاً !! هل فكرت يوماً كيف تتصرف اذا انحرف أبنك أو أبنتك عن الطريق بعد وصولك الى امريكا ؟؟؟؟؟

« في: 20:44 08/11/2014  »

 احب اشارككم بهاي القصة و هي حقيقية . عندي صديقة امريكية اعتنقت الاسلام عن قناعة و تزوجت من مسلم مصري و هي ملتزمة بتعاليم الاسلام بشكل يثير الاعجاب . قبل سنين زوجها حصل عقد باجر كبير جدا بالامارات مع شقة و سيارة و خادمة و راحوا هناك لكن الاسرة بعد فترة فضلت العودة لامريكا . اني سالتها شعجب عفتوا الامارات و العيشة الرغيدة في دولة مسلمة رغم  انه عدكم اولاد و بنت (جانوا بعدهم زغار ) و انتوا فعلا ملتزمين بالدين قلبا و قالبا . كان جوابها : لان شفت فساد اخلاقي كبير بالامارات . كلما اروح للبحر اشوف شغلات لا اخلاقية . و الرجال يتحرشون  في المولات و المواعيد و ...الخ. اني تعجبت و كلتلها بس امريكا ايضا دولة منفتحة و بيها اختلاط بين الجنسين و تواعد و من هاي الشغلات . كالت بس بامريكا  لما جهالي يسالوني عن اللي يشوفوه اكول لهم احنا مسلمين و نختلف عنهم ديانتنا علمتنا الالتزام و الحشمة و لازم ما نقلدهم .. و جهالي يقتنعون بكلامي . لكن بالامارات شنو تفسيري للانحلال علما بان المجتمع مسلم . الخلاصة ان الاولاد تربوا بامريكا . البنت الكبرى كملت دراستها الجامعية في جامعة ستانفورد و كانت متفوقة جدا و اخذت منحة دراسية و كاعدة تدرس ماجستير و ناوية على الدكتوراه و البنت محجبة و انسانة رائعة بمعنى الكلمة.  خلاصة كلامي ان الاخلاق الحميدة موجودة في أي مكان بالعالم و كذلك الانحلال موجود حتى في الدول الاسلامية بل يمكن اكثر . و التربية هي الحكم . تقبلوا مروري . اختكم المهندسة المدنية

69

الهجرة و واللاجئين / رد: بعد 48 يوم من الوصول لأمريكا

« في: 05:01 06/11/2014  »

الف مبروك و تمنياتي بالنجاح و التوفيق . اختك المهندسة المدنية

70

مواضيع الحياة العامة في بلاد المهجر (امريكا) / رد: اريد ادز غراض الى بغداد ؟؟(الشحن من امريكا الى بغداد)

« في: 04:05 04/11/2014  »

اخ محمد مشكور على الاجابة . اقتراح جيد بس للاسف ما عدنه احد بالاردن . مع التقدير

71

مواضيع الحياة العامة في بلاد المهجر (امريكا) / رد: اريد ادز غراض الى بغداد ؟؟(الشحن من امريكا الى بغداد)

« في: 03:35 03/11/2014  »

مشكور اخوية   Humanitarian على هذي المعلومات القيمة .. مع التقدير . 

72

اجتماعيات (ترحيب، تهاني و تعازي منتدى الهجرة) / رد: الملك أدوار يحلق في سماء الولايات المتحدة

« في: 02:39 03/11/2014  »

الف الف مبروك تمنياتي بالتوفيق و النجاح ان شاء الله .

73

مواضيع الحياة العامة في بلاد المهجر (امريكا) / رد: اريد ادز غراض الى بغداد ؟؟(الشحن من امريكا الى بغداد)

« في: 16:32 02/11/2014  »

اخوية ابو نبا .. شكرا على الاجابة كفيت و وفيت . تمنياتي بالتوفيق و النجاح الدائم . اختك المهندسة المدنية

74

مواضيع الحياة العامة في بلاد المهجر (امريكا) / رد: تكاليف المعيشة بامريكا ارجوا من الي ساكن بامريكا يدخل وياكد الاسعار !!!!

« في: 16:24 02/11/2014  »

مشكور .. تحياتي و تمنياتي بالتوفيق

75

مواضيع الحياة العامة في بلاد المهجر (امريكا) / رد: اريد ادز غراض الى بغداد ؟؟(الشحن من امريكا الى بغداد)

« في: 02:39 02/11/2014  »

اذا ادز اغراض لاهلي ببغداد شنو العنوان اللي اكتبه ؟. عنوان البيت ؟ يعني راح يوصلوها للبيت ؟ لو اكو مكتب لفديكس ببغداد يستلم الشحنات (وين صاير بلا زحمة) ؟

76

مواضيع الحياة العامة في بلاد المهجر (امريكا) / رد: اخوان اخوات ضروري الاجابه

« في: 15:13 01/11/2014  »

الاخ   Amer Abud  شغلتين مهمة بالوظيفة : التحصيل الدراسي و شهادة الخبرة ( رفرنس reference ). شغلة المتطوع  volunteer زينة لان راح تكون بمثابة  reference  و تقوي فرصتك بالحصول على شغل . اللي اعرفه الحكومة تدفع اجور الدراسة في   Community College   فحاول تدرس و تقوي لغتك .  الحكومة تريد كل اللاجئين  يشتغلون و يدفعون ضريبة و يندمجون بالمجتمع

77

مواضيع الحياة العامة في بلاد المهجر (امريكا) / رد: تكاليف المعيشة بامريكا ارجوا من الي ساكن بامريكا يدخل وياكد الاسعار !!!!

« في: 03:02 31/10/2014  »

اخ  dole احب اوضح اني مو رجال . مع التقدير . اختك  CivlEng 

78

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 02:38 28/10/2014  »

 انت بس قدم شهادتك ل  NCESS و هم يقومون بالشغل و يفاتحون الجامعة ; لان انت ما كو بيدك أي شي و ان شاء الله الجامعة مالتك تجاوب يسرعة . احتمال الشغلة مو معقدة مثل ما انت متصور . ايضا اكو ولايات ما تحتاج معادلة شهادة مثل كاليفورنيا تكدر تقدم عليها في حالة اذا الجامعة ما تجاوب لا سامح الله و كل شي بوقته . 

79

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 05:10 27/10/2014  »

تحياتي اخ جوكر الهندسة و تمنياتي بالنجاح و التوفيق . ولاية كونكتيكت تطلب معادلة الشهادة قبل التقديم على امتحان FE. شوف هذا الرابط بيه معلومات:

http://ct.gov/dcp/cwp/view.asp?a=1622&q=446468

 يعني اول شي تسويه ان تعادل شهادتك .النص التالي بيه تعليمات لخريجي الكليات الاجنبية  و يكول ان يتم معادلة الشهادة من قبل  NCEE قبل ان تقدم معاملتك للبورد .

  Applying for the EIT Registration: 
If you only hold a foreign undergraduate degree (BS) in engineering and no US Masters degree, you must have your degree evaluated by NCEES before the Board will review your application under Class 10.
 
تكدر تتصل ب NCESS لغرض معادلة الشهادة على هذا الهاتف او الايميل :
 
NCEES (National Council of Examiners for Engineering & Surveying) web site:  www.ncees.org click onto Credentials Evaluations (Telephone 1-800-464-7650)  .
 
بعد ان تعادل الشهادة تكدر تقدم معاملتك للبورد و تفتح حساب مع  Ncess و تحدد موعد للامتحان و هو امتحان كومبيوتر و تكدر تاخذ الامتحان 3 مرات بالسنة . اذا عندك أي سؤال اني حاضرة مع التمنيات بالنجاح .                         

80

مواضيع الحياة العامة في بلاد المهجر (امريكا) / رد: تكاليف المعيشة بامريكا ارجوا من الي ساكن بامريكا يدخل وياكد الاسعار !!!!

« في: 15:57 26/10/2014  »

اخ  dole 79 ماكو مقارنة بين اربيل و امريكا فرغم التقدم الكبير الذي احرزه اقليم كردستان لكن تبقى امريكا احدى الدول الصناعية الكبرى و اكيد مستوى الدخل و المعيشة اكبر .  اسعار الايجارات و المعيشة بامريكا تتناسب مع الرواتب . اللي راتبه زين يكدر يؤجر (او حتى يشتري) بيت . اللي دخله مو كلش  فيكدر يؤجر شقة صغيرة ( ستوديو) او غرفة في بيت مع عائلة. بالنسبة للاكل فتوجد اسواق و مطاعم تناسب كل دخل . يعني اكو اسواق و مطاعم راقية و غالية . و توجد اسواق رخيصة تشتري بيها الحاجة بنصف قيمتها .اكو مطاعم وجبات سريعة تقدم وجبة ب 5 دولارات . اما بالنسبة للجرائم ..  المعروف انه بعض المدن و الاحياء بيها نسبة جرائم عالية بشكل استثنائي بسبب الكساد و الفقر . للاسف بعض  العراقيين يعيشون في مدن و احياء معينة  فينطون انطباع ان امريكا كلها بيها نسبة جرائم عالية و الحقيقة انه يتكلم عن منطقته و عن تجربته الشخصية .  امريكا بلد يسود فيه النظام و العدالة و القانون . عموما الجرائم موجودة في كل مكان بالعالم و اكو دول اسوا من امريكا الف مرة . تقبلوا مروري . اختكم المهندسة المدنية

81

مواضيع الحياة العامة في بلاد المهجر (امريكا) / رد: السفر الى بغداد عن طريق الخطوط الجويه الاماراتيه

« في: 15:34 26/10/2014  »

 اني سافرت لبغداد من سان فرانسيسكو على الاماراتية في شهر ايلول . جانوا مقلصين عدد الرحلات بس ما لغوها كليا. تكدر تروح لموقع الاماراتية اونلاين و تجرب تسوي حجز و تدخل  مطار بغداد كبلد الوصول و شوف النتيجة.

82

مواضيع الحياة العامة في بلاد المهجر (امريكا) / رد: مساعده من الكل

« في: 17:04 25/10/2014  »

تمنياتي بالتوفيق و النجاح ان شاء الله .

83

مواضيع الحياة العامة في بلاد المهجر (امريكا) / رد: سؤال حول visa card

« في: 16:40 25/10/2014  »

 اخوان بلا زحمة..اي مصرف بمنطقة الكرادة يصدر بطاقة ماستر كارد او فيزا كارد؟ مع الشكر   

84

مواضيع الحياة العامة في بلاد المهجر (امريكا) / رد: ارجو النصيحه لرجل قليل المعرفه في اوستن.

« في: 22:21 11/10/2014  »

UP

85

مواضيع الحياة العامة في بلاد المهجر (امريكا) / رد: ارجو النصيحه لرجل قليل المعرفه في اوستن.

« في: 05:43 09/10/2014  »

اسال الله عز و جل ان يسهل امرك و يمنحك الرزق و العافية . ان شاء الله الاخوة ما يقصرون بالاجابة.

86

مواضيع الحياة العامة في بلاد المهجر (امريكا) / رد: مهندس زراعي

« في: 04:26 09/10/2014  »

 طبعا المهندس الزراعي ووظيفة محترمة جدا و فخر . بالحقيقية كل الوظائف بامريكا محترمة حتى عامل القمامة و المنظف موظف محترم . فكيف بالمهندس الزراعي الحاصل على شهادة جامعية ؟ الاخ مصطفى يسال هل يستطيع المهندس الزراعي المتخرج من العراق الحصول على عمل باختصاصه بامريكا اذا عادل شهادته. اني مهندسة مدنية خريجة بغداد و من خلال تجربتي اقول من الصعب الحصول على و ظيفة باختصاصك بشهادتك العراقية حتى اذا تعادلها . محتمل  بعض الاخوة نجحوا بالعمل بشهادتهم العراقية و لكن هذه الحالات نادرة و تعتمد على الحظ و المعارف .  مو قصدي اهبط معنويات الاخوة او اسبب لهم الاحباط لكن  واجبي يحتم ان ان اكول الكلام الصحيح و المفيد . بالنسبة للهندسة الزراعية الاحصائيات اللي نشرها مكتب العمل  Bureau of labor تقول بان وظيفة المهندس الزراعي ابطا بالنمو من باقي الوظائف . الراتب جيد 35 دولار بالساعة. المهندسين الزراعيين اتجهوا الى باختصاصات اخرى كمصادر المياه و التطبيقات التكنولوجية لتعزيز فرص العمل .  الشغل اولا و اخيرا يعتمد على الاجتهاد و التوفيق من الله عز و جل.  . شوف هذا الرابط . http://www.bls.gov/ooh/architecture-and-engineering/agricultural-engineers.htm

87

مواضيع الحياة العامة في بلاد المهجر (امريكا) / رد: معادلة شهادة الهندسة للي درجاتهم ضعيفة بالعراق

« في: 03:48 28/09/2014  »

كلامك صحيح  لكن المشكلة ان معادلة الشهادة لا تفيد بالحصول على عمل بامريكا بينما شهادة   FE   تزيد بنسبة كبيرة فرص الحصول على عمل بالنسبة للمهندس .

88

مواضيع الحياة العامة في بلاد المهجر (امريكا) / رد: مهندس زراعي

« في: 18:45 21/09/2014  »

UP

89

مواضيع الحياة العامة في بلاد المهجر (امريكا) / رد: معادلة شهادة الهندسة للي درجاتهم ضعيفة بالعراق

« في: 04:29 20/09/2014  »

تعتمد على الولاية. اكو ولايات تشترط معادلة الشهادة حتى تقدم على امتحان FE و اكو ولايات ما تطلب شهادة .

90

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 04:04 15/09/2014  »

UP

91

مواضيع الحياة العامة في بلاد المهجر (امريكا) / رد: مهندس زراعي

« في: 18:22 14/09/2014  »

UP .

92

مواضيع الحياة العامة في بلاد المهجر (امريكا) / رد: كيفية عمل سائق في الولايات المتحدة الامريكية

« في: 18:16 14/09/2014  »

موضوع مفيد جدا .مشكور اخ كوست

93

الهجرة و واللاجئين / رد: فرص المهندس العراقي في امريكا.

« في: 05:27 14/09/2014  »

ربما شهادة FE    لا تضمن الحصول على عمل كمهندس 100%  لكن فرصة المهندس الحاصل على هذه الشهادة افضل من غير الحاصل عليها عشرات المرات . المهندس العراقي الذي يحاول يشتغل بشهادته العراقية فقط ( حتى لو كانت الشهادة معادلة في WES او غيرها ) فرصته قليلة و ربما شبه معدومة . و لا اقصد ان اثبط عزيمة الاخوة المهندسين او اهبط معنوياتهم لكن هذه هي الحقيقة . بالنسبة للبرامج الهندسية البرايمافيرا و الاوتوكاد فهي ليست  مشكلة و لا صعبة جدا و يمكن تعلمها من خلال الدخول في دورات .  الاوتوكاد مجال جدا ممتع و ممكن تعلمه و التخصص فيه . 

94

الهجرة و واللاجئين / رد: فرص المهندس العراقي في امريكا.

« في: 22:31 13/09/2014  »

http://www.ankawa.com/index.php/ankawaforum/index.php?topic=602118.0
هذا اللنك بيها معلومات كاملة عن امتحان   FE و PE .  شهادة ال   FE   (تسمى ايضا  EIT) هي اسهل طريقة تبدي بيها حياتك كمهندس بامريكا . الطريقة الثانية هي الحصول على ماجستير اذا عندك الوقت و المال اللازم للدراسة . ما اعرف شنو تقصد بامتحان نقابة المهندسين الامريكية ؟ . هل تقصد    Board of Professional Engineers ؟ اذا هذا قصدك فلازم تحصل شهادة      FE كخطوة اولى  و تشتغل على الاقل سنتين في المجال الهندسي و تعادل الشهادة على الارجح حسب الولاية . لما تجتاز الامتحان تحصل على لايسنس   PE اللي ذكرتها اعلاه . تحياتي

95

مواضيع الحياة العامة في بلاد المهجر (امريكا) / رد: مقارنة بسيطة حول العمل في امريكا والعمل في العراق .

« في: 19:50 05/09/2014  »

الاخ      Ghost  .  الاجورللعامل  الدائمي permanent employee الذي يعمل Full time  في الشركة اللي اشتغل فيها كالاتي :  العامل  يعمل 40 ساعة بالاسبوع (الاثنين للجمعة)  بمعدل 8 ساعات باليوم باجر اعتيادي     Regular rate . اذا اشتغل اكثر من 8 ساعات باليوم فما زاد عن 8 ساعات يعتبر اوفر تايم يستلم اجر مرة و نص الاجر الاعتيادي. الاجر لايام السبت و الاحد يكون مرة و نص  . ايام العطل الرسمية تكون مدفوعة الاجر .  العامل يمنح رصيد اجازات لكل شهر , مثلا يمنح  رصيد يوم اجازة اعتيادية + يوم اجازة مرضية. يكدر  يستخدم رصيد الاجازات عند الحاجة و تكون مدفوعة الاجر . تقبلوا مروري

96

مواضيع الحياة العامة في بلاد المهجر (امريكا) / رد: سؤال بسيط بعد الزواج من امريكية ؟

« في: 19:19 04/09/2014  »

 تحصل على الكرين كارد بعد 3-4 اسابيع و الجنسية بعد  3 سنوات . زياراتك الى العراق لا تؤثر اطلاقا (لانك مو لاجئ) لكن الفترة اللي تقضيها خارج امريكا لا تحتسب ضمن 3 سنوات المطلوبة للحصول على الجنسية يعني يحسبون اقامة فعلية . تحياتي

97

اجتماعيات (ترحيب، تهاني و تعازي منتدى الهجرة) / رد: وفاة الكفيل والذي هو اخي قبل السفر باسبوعين

« في: 12:55 03/09/2014  »

 انا لله و انا اليه راجعون . الله يرحمه برحمته الواسعة و يصبركم على هذي الفاجعة .

98

الهجرة و واللاجئين / رد: سؤال حول ولادة طفل في امريكا

« في: 12:54 01/09/2014  »

UP

99

مواضيع الحياة العامة في بلاد المهجر (امريكا) / رد: ممكن شباب عراقيين اسكن وياهم في شيكاغو من 2 اسبوع الى شهر وادفع ايجار

« في: 19:52 30/08/2014  »

UP

100

مواضيع الحياة العامة في بلاد المهجر (امريكا) / رد: انفصام الشخصية الامريكية .....الشيزوفرينية الامريكية

« في: 10:25 30/08/2014  »

صحيح .. اكو ناس يكرهون امريكا لكن يستقتلون حتى يروحون يعيشون بيها و  يكعدون يسبوها يومية و يكولون عنصرية و مساعدات قليلة  و شغل ماكو. امريكا ليست مثالية و لا توجد دولة في العالم مثالية 100% . كل دولة  بيها ايجابيات و سلبيات . لازم الانسان يقرر هل عنده استعداد  يكافح و يعيش بيها او لا . يكفي ان اكول ان ملايين البشر هاجروا لامريكا مفلسين و حققوا نجاحات منقطعة النظير وكل شئ بالحياة يعتمد على الاجتهاد و التوفيق من الله عز و جل .

101

مواضيع الحياة العامة في بلاد المهجر (امريكا) / رد: ما افضل دولة للهجرة اليها ؟

« في: 12:38 29/08/2014  »

هنا انقلب الموضوع من ما اهي افضل الدول للجوء اليها الى لماذا تعبتر امريكا هي الاكثر استقبالا للاجئين.؟
امريكا بحر غزير من غير السهل الخوض فيه وسبر اعماقة
امريكا دولة غنية جدا وامكانياتها كبيرة
امريكا شعبها او عدد نفوسها الاصلية قليلة مقارنة بباقي الدول
امريكا انتهزت الفرصة لكل حرب وقعت في العالم لكي تسحب العقول النيرة اولا ومن ثم اللاجئين العاديين
امريكا فتحت باب العلم والتعلم لكل من يريد ذالك عكس بلادنا العربية التي كل من ياتي باختراع يسجن وربما يعدم على اختراعه هذا كما حصل مع صديق لوالدي عندما قام باختراع سيارة على الغاز في الثمانينات وكان من اهل العمارة في العراق فقد اعدم !!!
امرييكا فتحت باب التجارة المشروعة والاستثمار لكل من يريد ان يستثمر على اراضيها وكلا الطرفين يستفاد
امريكا لا تخطو خطوة الا ولها نصيب مما تخطوه
امريكا امريكا امريكا
ما رايت احد يتحدث على امريكا بالصالح في بلادنا العربية
كل اثنان يجتمعان ويتكلمان في امريكا تراهم يقولان انها الشيطان الاكبر انها راس الافعى انها منبع الارهاب انها العقل المدبر للارهاب انها انها انها
ما رايت ازدواجية في العالم كما رايتها في امريكا
ما رايت انفصام في الشخصية وازدواجية في الشخصية الفردية كما رايتها في امريكا
ما رايت من حالات نفسية عميقة ورهيبة كما رايتها في امريكا
الناس جمعها تكرهها وتمقتها وتتمنى ان تموت اليوم قبل غدا
الناس تتمنى ان ترى امريكا ممزقة ومبعثرة
الناس تتمنى ان تسمع اخبار سيئة على امريكا
وتتمنى وتتمنى وتتمنى
ولكن ما ان تجمع هؤلاء الاثنان اللذان يتكلمان على امريكا وتقول لهما هيا بنا لنزور امريكا
ما ان تراهما يتوافدان على السفارة الامريكة في بلدهم لكي ياخذو الفيزا الى امريكا
وبعد ذالك يتمنون ان يعيشو بقية حياتهم فيها هناك


عجيب امور غريب قضية

سلامي

احسنت القول اخي

102

مواضيع الحياة العامة في بلاد المهجر (امريكا) / رد: ما افضل دولة للهجرة اليها ؟

« في: 09:04 29/08/2014  »

UP

103

مواضيع الحياة العامة في بلاد المهجر (امريكا) / رد: ما افضل دولة للهجرة اليها ؟

« في: 16:47 28/08/2014  »

UP

104

دردشة منتدى الهجرة واللاجئين / رد: الله يرحم ايام زمان ايام 2009 -2010

« في: 08:10 25/08/2014  »

 اني مو من الاعضاء القدامى لكن معجبة جدا بهذا المنتدى اللي يجمع ابناء الوطن الواحد في غربتهم .  بالفعل اني اشوف المشاركات قليلة جدا رغم كثرة عدد المشاهدات . عندي ملاحظتين اذا تسمحون : اولا بعض الاخوة يعطون اجوبة غير صحيحة او غير دقيقة مما يؤثر سلبا على طالب النصيحة فيرجى التاكد من المعلومة قبل تقديمها . الملاحظة الثانية ان بعض الاخوة يطرحون سؤال و انت تجاوب على سؤالهم (و احيانا تبذل جهد و تقوم بالبحث للحصول على الاجابة  ) ولكن ما يجاوبوك لا شكرا و لا UP و لا أي شئ  و يتجاهلون جوابك تماما فيكون هذا عامل محبط للشخص اللي يجاوب . تحياتي و تمنياتي. ارجو قبول مروري

105

الهجرة و واللاجئين / رد: notary public

« في: 18:49 23/08/2014  »

قبل سنوات قبل ما اروح  لامريكا  احتاجيت ان اوقع وثائق بحضور  Notary . رحت للسفارة الامريكية ببغداد ووقعت امام الموظف المختص بالسفارة . اعتقد تكدر تسوي نفس الشئ في السفارة او القنصلية الاسترالية .

106

مواضيع الحياة العامة في بلاد المهجر (امريكا) / رد: نائب ضابط

« في: 17:19 23/08/2014  »

Deputy Officer

107

دردشة منتدى الهجرة واللاجئين / رد: عتب على أعضاء المنتدى

« في: 14:32 15/08/2014  »

اخوتي الاحبه
تحيه طيبه
بالبداية لازم نعرف العتب بين الاحبه
طبعا لا أتكلم عن الجميع ولكن عن البعض ،
١. عندما نحتاج رأيكم و مشورتكم لا نجد سوى المشاهدات ولكن عندما تطلب احدى خواتنا مشورتكم اجد الردود كثيره جدا
٢. عندما يكتب احدهم وصلت امريكا تجد الردود كثيره واتصور ان من وصل امريكا لا يحتاج ردود مثلما يحتاجه اخ لنا تم رفض ملفه

هذا عتبي وقد أكون غلطان ولكن وجهة نظري عن تجربتي
ارجو ان يسامحني من هو ليس من هذا النوع وهم يعرفون أنفسهم

اؤيد راي الاخ سوق الشيوخ المشاهدات كثيرة و الاجابات قليلة  و تعتمد على العلاقة  مع صاحب السؤال.

108

الهجرة و واللاجئين / رد: ممكن عنوان وكيل شركة امازون Amazon في بغداد ؟

« في: 17:35 13/08/2014  »

مشكورين اخوان على الردود .  تحياتي . اختكم المهندسة المدنية

109

مواضيع الحياة العامة في بلاد المهجر (امريكا) / رد: مقارنة بسيطة حول العمل في امريكا والعمل في العراق .

« في: 06:34 12/08/2014  »

اخي Ahmeedmansoor... لا بالعكس اني مقصدت هيج...
وحتى متصح المقارنة بين العراق وبين اميركا ..
وحرام نقارن بيناتهم من كل النواحي باستثماء فراق الاهل والاصدقاء... اميركا بلد متقدم علينه بمئات السنين ومراح يجي يوم العراق يوصل ولو 1% من اللي واصلتله اميركا..
اميركا بلد القانون اللي يطبق على الجميع بدون استثناء....
اميركا البلد اللي بيهه الشرطي يحمي القانون وليس يدافع الحكومة...
اميركا البلد اللي اذا اخذت من جامعاتهه شهاده راح تعتبر راس مالك بالحياة ...
اميركا اللي تدافع عن مواطنيها بينما العراق يتفق ويه بقية الدول حتى يعيد اللاجئين.
اميركا البلد اللي كل شخص بيهه يحس بمسؤليته في حماية المجتمع والتبليغ عن اي حركة مشبوهه بينما بالعراق اكو ناس تتستر على المجرمين والمليشيات وداعش...
والمقارنه متخلص اخويه العزيز... وشكد مجنت متردد استقيل من وظيفتي وزوجتي تترك كليتهه وجنت خايف يجي يوم اندم.. بس هنا يوم بعد يوم أحس بقيمة القرار اللي اتخذته واشكر رب العالمين...
تحياتي الكم وربي يحفظ جميع العراقيين.

   كلام صحيح . المهم ان يعيش الانسان في بلد يسود فيه القانون و النظام و العدالة. اما الشغل فهو يعتمد على المثابرة و الاجتهاد و التوكل على الله عز و جل

110

الهجرة و واللاجئين / ممكن عنوان وكيل شركة امازون Amazon في بغداد ؟

« في: 06:20 12/08/2014  »

سلام عليكم اخوان . سمعت اكو وكيل لشركة امازون ( Amazon ) ببغداد . يعني تكدر تشتري حاجة اونلاين و تشحنها لبغداد . رجاء اذا احد يعرف عنوان او  رقم تلفون امازون -بغداد  ممكن تزودونا بيه ؟ 
هل يستقبل هذا الفرع شحنات كبيرة الى حد ما (مثل اجهزة كهربائية و غيرها)  ؟  مع الشكر الجزيل

111

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 08:16 11/08/2014  »

UP

112

مواضيع الحياة العامة في بلاد المهجر (امريكا) / رد: مقارنة بسيطة حول العمل في امريكا والعمل في العراق .

« في: 03:32 11/08/2014  »

شكرا اخوية      Ghost of Baghdad  مع تمنياتي بالموفقية النجاح .

113

مواضيع الحياة العامة في بلاد المهجر (امريكا) / رد: مقارنة بسيطة حول العمل في امريكا والعمل في العراق .

« في: 06:50 10/08/2014  »

sameer 88
بس كولي شلون تكفيك 650 الف بالشهر .... صح اذا كنت اعزب ممكن بس لا تتصور راح تكدر تتزوج و تفتح بيت بيها

اما اذا كنت متزوج فارجوك تكولي طريقتك علمود اعرف شلون اكدر اعيش عائلتي بال 650 الف مالتك ... شلون حسبتها 650 الف تكفيك ...

1.ما تفكر بالكهرباء اقل شي 5 امبرات هاي اقل شي علمود تكدر تشغل بيت و على فرض سعر الامبير 20 الف مثل ما معمول بيه حاليا يعني 100 الف بالشهر( علما الي اني د اادفع 160 لان ساحب 8 امبيرات )  .

2. يلحكك مسوالك بيت يعني ( لحم بكل انواعه ( حلال ، همبركر ، كبه .. الخ )  دجاج،  فاكهه ( ما تريد تاكل ركية بالشهر اقل شي 5000 دينار الفاكهه على اقل شي 1500 و اكثر شي 2500 )، خضرة ( طماطة على خيار على شجر على بتيته على بطل على باذنجان هاي اقل شي الكيلو مالتها 1000  و اغلى شي 1500 )  ، معجون ، بيبسي ، صمون خبر ، تمن ، شكر ، زيت  ) على فرض كل اسبوع 50 الف هاي بالشهر مع الاقتصاد 200 الف هاي بقى من راتبك 350 .

3. بانزين سيارة حسب ما تكول 25 الف  في الاسبوع يعني 100 الف بالشهر بقى 250 .

4. زايدة ناكصة بالبيت كهرباء وطني ، مي ، كارتات موبايل ،حاجه عطلت ، سيارة تريد تبددلها دهن و فلتر ، واير مولدة انكطع ، جينج افر عطل هذا اقل شي سعره 35000 ، مولدة مال بيت الصغير عطلت و تروح تصلحها ، بانزين للمولدة الصغيرة ) خلي نكول كلها كلها فد 100 الف بالشهر ( على فرض انه نص هاي الامور ما تصير بكل شهر )  .

 بقى من الراتب ما حضرت جنابك 150 الف ... هسه كولي 150 تكفيك مصرف الك و الزوجتك ... ما تريد تنطيها مصرف الها بالشهر تشتري بيها ( هدمه حذاء حمره كحله عطر  ) لو تريد تبقيها بالهدوم الي جابتها من بيت اهلها لمن تصير مناسبة زواج و عيد ميلاد ما تجيبلها هديه بسيطة ما اكلك فد شي غالي ( عمي لا تجيبلها كلشي خليها يابسة و تمن ) ما تريد فد يوم واحد بالشهر اطلعها بمطعم تاكلون  ( يابه لا تطلع لمطعم راقي ) ما تريد تفترها توديهه للسوك لو لمول  ( قابل تريدها تباوع على الشغلات و تتحسر )... هاي كلها و انت بعدك ما رحت لطبيب لو اشتريت دواء الله يبعدنا .

 عدا الشغلات الي مو بالحسبان مثلا فضل للناس ( هذا اجاه طفل ، هذاك تزوج ، فلان نجح ، علان طلع من عملية بسلامات ) ... هاي كلها 150 الف تريد تسويها ( قابل 150 مالك راح تفرخ ) ... و هاااااااااااااااااااااااااااااااااااااااااااااااااااي كلللللللها و بعد ما جايك طفل و حفاضات و حليب و اطباء و مي معقم ( قابل تشربة من بوري الاسالة الى كله طين      و قرطاسية لو خط مال مدرسة  ) ..... عدا اذا تسوي معاملة و الفلوس الي تتفعها  مثل الي صار خطية ويه اهل سيارات المنفيست ( الي هم ثلث ارباعهم يتشغلون بيها تكسيات ) لو لمن تريد اطلع جواز و تدفع صدك و استمارة و استنساخات ( اقل شي 50 الف )  عساس راح تفتر بيه كل العالم .. و الفيزا تاخذها  لمن توصل للمطار (  اون ارايفل ) .

 هذا كله الراتب مالتك خلص و انت ما مجمع من عنده و لا فلس ( رااااااااح     بببببببببببببببببببببببببببببح )....يعني انت بهيجي حالة ما مستعد تتقبل اي شغلة قوية تصير لا سامح الله .. و هذا كله على فرض انه انت ساكن ببيت ملك مو ايجار (  اريد اشوف اذا تكعد ببيت ايجار شلون تكفيك 650 الف ) ... عمي اني و المرة ثنيناتنا موظفين د نركض و ما د نلحك .

عمي كون موضوعي و لا تحجي اشياء بعيده عن الواقع و سولف للناس الاسعار و طبيعة الشغل الي هنا ... ناهيك لمن يجي واحد  عليك بالشغل مايسواله فلس يكعد يكمز عليك .

عذرا على الاطاله للاخوة القراء و ادري حجيت بسوالف  تخرب من الضحك مال طماطة و خيار و الخضرة ... بس  والله  ( طكه لقلبي من يكولي 650 تكفي ) 

اني عايشة بامريكا و ازور اهلي كل سنة و اكول بكل امانة ان العيشة في بغداد ( و لا اتكلم عن المحافظات لان ما اعرف عنها ) اصبحت مكلفة جدا و شاقة و متعبة ناهيك عن المخاطر الامنية المعروفة . اما الخدمات فهي شبه معدومة مقارنة حتى بدول الجوار و لا اقول اوروبا او امريكا .اسعار  الايجارات في بغداد تكاد تكون مساوية لاسعار الايجارات في امريكا مع الفارق في النوعية. المولدات وحدها تكلف مئة الف دينار على اقل تقدير اضافة الى ان كلفة ماء الشرب  لعدم صلاحية مياه الحنفية . اذا تروح لابسط مطعم فان وجبة الاكل غالية جدا قياسا لدخل الفرد العراقي عدا الفلافل ( و بعض الاحيان تؤدي للتسمم لاسباب معروفة) بينما في امريكا توجد مطاعم تناسب كل جيب. اكثر ما يصدمني ان اشوف سعر شراء بيت في منطقة شوية زينة مساوي لسعر بيت راقي في كاليفورنيا التي تعتبر اغلى ولاية امريكية . و المصيبة اكو ناس يشترون ما اعرف منين يجيبون الفلوس (؟؟؟) . اذا تمرض الشخص راح يضطر يبيع سيارته و يمكن حتى بيته حتى يسافر للهند او لبنان او غيرها.. لان العلاج في بغداد اصبح رحلة ازلية من العذاب قد تنتهي بالموت و الله يكفينا و يكفيكم شر المرض. اسفة جدا على الاطالة لكن اتعجب على هذا البلد الذي كل شئ فيه غالي الا حياة الانسان و كرامته . تقبلوا مروري و اسفة للاطالة و الازعاج

114

مواضيع الحياة العامة في بلاد المهجر (امريكا) / رد: ما هي نوع الاعمال المتوفرة للعراقي اللاجيء في امريكا

« في: 02:39 10/08/2014  »

UP

115

الهجرة و واللاجئين / رد: في امريكا واريد اللجوء الى اوربا

« في: 18:10 09/08/2014  »

للأسف وضعك فيه الكثير من المخاطر . لهذا يجب دراسة القرار بشكل جدي..

لنفرض انك وصلت لسويد وقدمت علي اللجوء.. ولنفرض انه تم رفض لجوئك لأي سبب من الأسباب ولنفرض مثلاَ استطاعو اكتشاف حملك للاقامة الدائمة في امريكا والتي تعتبر بلد مستقر.. اي انه لايتوفر فيك صفات اللاجئ وهو الذي هرب من بلد فيه الكتير من المخاطر علي حياته او مهدد بسبب فكره او ديانته او غيره من الامور الذي يتم تصنيف فيها الشخص علي انه لاجئ .


فلهذا للأسف لو تم رفض لجوئك في السويد ستكون بين نارين... نار ترحيلك من السويد.. ونار فقدانك لحقك بالاقامة الدائمة في امريكا لأنك بتأكيد ستكون قد تجاوزت فترة السنة منذ مغادرتك للولايات المتحدة عند النطق بحكم رفض لجوئك في السويد .


لهذا أنا لو كنت مكانك لفكرت بطريقة مختلفة.. يعني لا اذهب في طريق اللجوء بينما اختار طريق الهجرة النظامية للسويد ويجب عليك قراءة طرق الهجرة للسويد سواء بالزواج بأجنبية او الحصول علي عقد عمل في السويد وما ألي ذالك .

كلام صحيح

116

مواضيع الحياة العامة في بلاد المهجر (امريكا) / رد: سؤال .. شنو رأيكم بهذي الطريقة للوصول الى بلاد العم سام ؟

« في: 03:48 08/08/2014  »

اخوي هذه طريقة قديمة والكثيرين يسووها، بس لازم تكون متأكد من البنية الي راح تسويلك إياها لانه احتمال يصير من وراءها دوخة راس، من تكمل المعاملة تجي هنا و ينطوك green.card مباشرة بس يكون لمدة سنة و تجدده بوجود زوجتك كل سنة حتى يتاكدون انه انت عايش وإياها ومن تكمل ثلاث سنوات تقدم على الجنسية و بعدها تكدر شمتريد تسوي بس خلال هذه السنوات الثلاثة لازم تكون دائما على اتصال وإياها ومتسويلك أي مشاكل لانه اذا عرفوا راح ميجددون الكارت مالتك و لازم تطلع من هنا.

حسب معلوماتي ينطون كرين كارد (بعد شهر واحد) و يكون نافذ لمدة عشر سنوات . الزوج راح يجي هجرة و يكون مقيم دائم   permanent resident.  بمجرد دخوله لامريكا فان الشغلة تعتبر منتهية و محد يساله طالما يحترم القوانين  . الجنسية  ياخذها بعد 3 سنوات على شرط انه مستمر بالزواج .  .في حالة الطلاق يكدر يحصل الجنسية بعد 5 سنوات .الشغلة بيها محاذير لان الطلاق بامريكا مو سهل . يعني اذا انت تشتغل و هي ما تشتغل لازم تنطيها نفقة و تنطيها نص ممتلكاتك او رصيدك اللي كونته خلال فترة الزواج.

117

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 01:51 08/08/2014  »

UP

118

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 08:49 07/08/2014  »

Civil Eng.
لو اكو لايك جان سويت لايك لتعليقج ....
اني مهندسة معمارية ومتاكدة اذا قيموا الشهادة مالتي راح اكون غير مستوفية لبعض المواد وممكن اضطر ادرسها حسب بورد المهندسين في تكساس !!!! على فرض انه معاملتي مشت بسرعة في اروقة قسم المعماري / تكنولوجية
سؤالي الاول : هو ممكن امتحن  FE Environmental ; كبديل لامتحان التخصص للمعماري المسمى ب ARE على اساس انه هو اقرب التخصصات للمعماري ولانه كما هو معروف انه المعماري ما دارس فيزياء ولا رياضياء بشكل معمق مثل باقي الاختصاصات ..
سوالي الثاني : لو افترضت انه قيموا شهاداتي المعماري من الجامعة التكنولوجية مستوفية كل المواد  حسب ال NCEES , هل سيسمحوا لي بامتحان ال FE Environmental  .....اقصد هل يجوز اغير الاختصاص بدون اي مشاكل على اعتبار اني شهادتي  معماري ؟؟؟ لانه حسب تقديري مجالات شغل ال Environmental  اكثر من امعماري ...
 ارجوا الرد مع الشكر مقدما

الاخت     Alnagash . اني في غاية الامتنان لكلامج الجميل و اتمنالج النجاح و التوفيق من كل قلبي.

  اني  امتحنت في كاليفورنيا و هاي الولاية ما تطلب معادلة للشهادة في امتحان   FE فاذا وجدت صعوبة في معادلة شهادتج في ولايتج فممكن التقديم على الامتحان في بورد  كاليفورنيا حتى تتجاوزين هاي العقبة . ثانيا : نعم تقدرين تمتحنين في أي فرع من فروع الهندسة و منها    Environmental و ايضا  تقدرين تمتحنين   Other Disciplines وهذا الفرع  عام  . الكيمياء و الفيزياء و الرياضيات مهمة جدا في امتحان   FE . اتمنى ان يكون جوابي مفيد .  اتمنالج النجاح و التوفيق ان شاء الله  . و تذكري ان رحلة الاف ميل تبدا بخطوة واحدة فقط و شكرا

119

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 09:06 06/08/2014  »

اخوان لحد يمتحن ولا يقدم ترى اي شي اسمه معادلة كلاوات لا يشغلوه ولا يعترفون بيه هم اليتخرجون من امريكا ملاكين شغل يعينون المعادلين
شهاداتكم نكعوها واشربو ميها اولا وثانيا امريكا متفييييد .... اني سكنت بيها شويه اكثر من سنة ونص وهسه اني الحمد لله بالسويد متنعم صدك بلد خييير وناس خير وحباة اوادم وشعب ادمي بكل المقاييس  وخلصت من الحرامية والكلاوات والغباء الامريكي اغبى دول العالم

اخوية اذا انت ما حققت أي نجاح  في امريكا فلا داعي لان تعمم تجربتك على كل الناس و تثبط عزيمة االناس اللي يحاولون  يشقون طريقهم في امريكا .  اني امتحنت  FE  و     PE و نجحت بالاثنين و صار عنواني مهندس محترف Professional Engineer. والحمد لله فان نجاحي كان مدعاة للتقدير و الاحترام  من قبل زملائي لسببين:  لاني اجنبية جيت من العراق البلد اللي مزقته الحروب و كافحت , و ثانيا   لاني نجحت بامتحان صعب وفق المقاييس الامريكية . و بصراحة فان ملايين المهاجرين و اللاجئين حققوا نجاحات كبيرة في امريكا و هذي اول مرة اسمع واحد يحجي عن (الغباء و الحرامية و الكلاوات في امريكا) .

120

الهجرة و واللاجئين / رد: من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 08:41 06/08/2014  »

أخوية أبو الموضوع ...
بالنسبة للعراقي يشوف الأسرع و يطلع , مشكلة أوروبا الوصول الها شبه مستحيل , بس تبصم يحترك فلمك و مينطوك لجوء لو تطلع براسك نخلة
و حتى لو وصلت بمعجزة و مبصمت هم احتمال يخلوك ووراها يرفضون طلب اللجوء ورا ما تنتظر سنين و ترجع للعراق مثل الورد.
أمريكا أفضل من أوروبا , صح تطول اللهجرة بس من تروح بعد متقلق من الترحيل القسري .
كلا المكانين أوروبا و أمريكا أفضل بمليار مرة من العراق و العراقي ميختار , يشوف السبيل المتاح امامة و يمشي بي
و اللي يريد يظل عايش عالة ع المجتمع و يبقى ع المساعدات هذا ميصير براسة خير لو بعد مليون سنة
و اللي يريد ينجح ينجح بعد جهد و عناء و شغل و راح تجيب نتيجه هناك لأن شعوب تحترم الانسان و الاخلاص بالعمل

  صحيح .  المفروض بطالب اللجوء ان يرضى باي دولة تطلع له سواء امريكا او اوروبا و يحمد الله خاصة و ان الحياة في العراق اصبحت مستحيلة بالنسبة للانسان الشريف الذي  لا جاه  و لا نفوذ له . المساعدات في اوروبا اكثر من امريكا لكن اللغة الانكيزية  اسهل و ايضا الحصول على عمل في امريكا متاح . ثم ان دول المهجر تحترم و تقدر اللاجئ العامل المثابر اكثر من اللاجئ اللي جاي فقط ليغرف من خيرات هذه الدول بدون ان يسهم في بناء البلد.

121

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 05:45 28/07/2014  »

الاخ مهندس بغداد , درجة النجاح اكثر من 50% و تتغير من امتحان لاخر لان يحولوها الى   curve   . حاول تحل اكبر قدر من الاسئلة و اذا ما تعرف الجواب احزر . اني امتحنت قبل 6 سنوات و كان بوقتها الامتحان كتابي و قسمين امتحان الصباح  General . الظهر اما اختيار احد الاختصاصات الهندسية  او عام  general disciplene. درجة الصعوبة نفسها سواء  احد فروع الهندسة  او    Other Disciplines     . الفائدة  اذا امتحنت باختصاصك راح تفيدك الدراسة  بعملك كمهندس و ايضا راح تكون اساس للمرحلة الثانية و هي   PE exam   اذا عندك رغبة .

122

اجتماعيات (ترحيب، تهاني و تعازي منتدى الهجرة) / رد: عيد فطر مبارك للجميع

« في: 20:03 27/07/2014  »

كل عام و انتو بالف خير و ان شاء الله ينعاد على الجميع بالخير و الامان و تحقيق الاماني .

123

الهجرة و واللاجئين / رد: من افضل اوربا ام امريكا؟؟ ولماذا ؟؟ ممكن تفيدونا رجاءا

« في: 19:56 26/07/2014  »

وين أكو هيجي فلم
لو أوروبا بهالسهولة جان ما ظل عراقي بتبهذل بدول الجوار .
بتركيا تحصل فييز شنكن لكن كلها ببصمة و متفيدك لأن يرجعوك للبلد اللي مبصم بية
المهربجية كلها كلاوجية تاخذ فلوسك و سلملي بعد
أكو يكلك روح لروسيا و مناك اطفر لفنلندا بس شلون توصل ؟
مهربجية ؟ شلون تأمن على حياتك و شلون تضمنة للمهربجي  ؟
طريق صعب و شائل و شبه مستحيل

هذا الواقع مال أوروبا , خليك أنتظر امريكا لأن هية الوحيدة اللي دة تلفي العراقيين

. كلامك صحيح اخوية .

124

مواضيع الحياة العامة في بلاد المهجر (امريكا) / رد: سؤال بخصوص الفرق بين صفة العراقي اللاجئ و العراقي المقيم

« في: 05:40 25/07/2014  »

up

125

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 03:19 24/07/2014  »

اخ كومار .. اني امتحنت بكاليفورنيا و ما طلبوا  مني معادلة الشهادة . بالنسبة لأوهايو  الاجابة على اسئلتك  في موقع بورد المهندسين المحترفين-اوهايو . ادخل على هذا الرابط و اقراه http://www.peps.ohio.gov/Exams/FE.aspx      . حالتك تنطبق عليها الفقرة رقم 4 لان شهادتك من خارج امريكا  لازم تعادل شهادتك عن طريق   NCEES  و بعدين تقدم التقرير مال الشهادة  للبورد قبل 120 يوم من موعد الامتحان . اذا    NCEES قررت  ان شهادتك تفتقد الى بعض المواد لازم تعوض النقص و تاخذ دروس.  بعد موافقة البورد تدخل على موقع  NCEES   و تفتح حساب و تحدد موعد الامتحان .  هذا موقع   NCEE    تكدر تاخذ فكرة شاملة عن ضوابط الامتحان            http://ncees.org/exams/state-pages/ohio-exam-registration   

126

مواضيع الحياة العامة في بلاد المهجر (امريكا) / رد: سؤال بخصوص الفرق بين صفة العراقي اللاجئ و العراقي المقيم

« في: 20:53 20/07/2014  »

حسب فهمي (و ارجو من الاخوة تصحيحي اذا اخطات ) ان  الطفل المولود في الولايات المتحدة يكتسب حق الجنسية الامريكية . و بالطبع الوالدين  من حقهم يقدمون على اقامة دائمية و كرين كارد  . و يكون من حقك العمل و العيش في امريكا و كافة الحقوق و بعد 5 سنين تحصلون جنسية.

127

مواضيع الحياة العامة في بلاد المهجر (امريكا) / رد: سؤال بخصوص الفرق بين صفة العراقي اللاجئ و العراقي المقيم

« في: 18:22 20/07/2014  »

و الله عشت وية اقاربي سنة و كنت اعمل بالنهار اعمال بسيطة كاشيرة .  بالليل كنت  ادرس بالبيت للتحضير للامتحان  FE الى ان نجحت و اشتغلت ( بعد سنة و اربع اشهر)  من مجيئي لامريكا. و بعدها الحمد لله الامور تسهلت . اقترح ان تستشير محامي فاذا قبلوك لاجي خير على خير و اذا فقط مهاجر فهذا شئ كلش زين ايضا . بالتوفيق

128

مواضيع الحياة العامة في بلاد المهجر (امريكا) / رد: سؤال بخصوص الفرق بين صفة العراقي اللاجئ و العراقي المقيم

« في: 17:56 20/07/2014  »

السلام عليكم اخواني في هذا المنتدى الكبير
قبل اسبوع الله رزقني بطفله و الحمدلله في ولاية كونيكتكت و الحمدلله كانت فيزتنا سياحيه ولكن بفضل الله و بعض المنظمات الخيرية تم اشراك زوجتي في برنامج الهسكي
سؤالي هل هذه الطفله رح تحصل جنسية امريكية و جواز لو فقط بيان ولاده ؟
هل اذا قدمت ع لجوء من الداخل رح تتسرع عملية القبول لحالتي انه عندي بنية مولودة بأمريكا و اني بالعراق ساكن بتكريت و تكريت حالياً ليست بأيدي القوات الحكومية؟
ما اخفيلكم اني احد الاقارب في نيويورك قال مينطوك لجوء و انما فقط ينطوك تجديد اقامه و ماعرف اذا نطوني تجديد اقامه هالشي زين مو زين
مع العلم اني مهندس و خايف اذا فقط اقامه صعب جدا اكدر اشتغل بأي مكان
ارجو الرد و شكراًمقدماً

الاخ المحترم . اقترح ان تشوف محامي و هو يوضح اذا ممكن تقدم على لجوء فخير و بركة . اما اذا تحصل على اقامة فقط فهذا شئ جيد و ليس بالقليل . ملايين المهاجرين  من دول العالم جاؤا الى امريكا كمهاجرين و ليس لاجئين و حققوا نجاحات تفوق الوصف و بعضهم اصبح من اصحاب الملايين في حين  البعض الاخر لا يزال يعيش في ضيق  كل شئ يعتمد على العزيمة و الاصرار و الكفاءة . الامر صعب بس مو مستحيل و ما دام ملايين غيرك سووها فاكيد انت تكدر تسويها بالمثابرة و الاصرار و العمل الدؤوب.  لكن القرار اولا و اخيرا يرجع الك . و للعلم انت عندك اطفال يعني الحكومة راح تنطيكم بعض المساعدات و ما راح تتخلى عنكم  . اصعب ما بالموضوع هو التامين الصحي لان غالي في امريكا لكن مع خطة اوباما الجديدة  للتامين الصحي اصبحت ارخص من قبل . بعد 5 سنوات من الاقامة  راح تصير مواطن امريكي  الك كافة حقوق المواطن و الحكومة راح تنطيك تامين صحي و فود ستامب اذا كان دخلك تحت مستوى الفقر . لكن باذن الله تعالى ما راح  تحتاج مساعدة و ان شاء الله يصير  دخلك اعلى بهواية من خط الفقر .امريكا تسوة التعب و العمل الدؤوب ما اكولك راح تصير مليونير بس راح  تحس بقيمتك كانسان و اولادك يعيشون حياة كريمة و امنة . اني جيت لامريكا هجرة في عام 2007  و ليس لاجئة . لم احصل على أي  مساعدات و لا تامين و لا أي  شئ على الاطلاق .  المهم اني  درست الى ان حصلت شهادة    FE و حصلت  وظيفة  كمهندسة .  اكو هواية مواضيع و تعليقات و نصائح قيمة من الاخوة كيفية الحصول على   FE certificate  موجودة في هذا الموقع القيم  تكدر ترجع الها . بالتوفيق ان شاء الله

129

الهجرة و واللاجئين / رد: الاخوة الي بعمان انسرق مني جواز ومحتاجة رأيكم بليززززز

« في: 18:30 19/07/2014  »

السلام عليكم اخت ريام . اني احس بمعاناتك جدا لان نفس الشي صار ويه جواز امي بسوريا (كنا في زيارة بوقتها مو هجرة ) . ما ادري اذا نفس الاجراءات متيعة بالاردن بس راح اذكرها عسى تكون مفيدة . بوقتها سوينا  بلاغ سرقة للشرطة و كملنا اجراءات الشرطة و بعدين رحنا للسفارة العراقية و انطو امي جواز مرور مؤقت يستخدم مرة واحدة للسفر للعراق . و رحنا للعراق و قدمت امي على جواز جديد مع تقديم كتاب الشرطة السورية و حصلت عليه .  انت لازم تسوين نفس الشي و تقدمين البلاغ للسفارة العراقية بالاردن بس تقدمين و تحصلين على جواز دائمي من السفارة لان انت مقيمة بالاردن  مو زيارة .  للعلم بوقتها لما سرق جواز امي كان الحصول على جواز عراقي صعب جدا و الزخم كبير لان الحكومة الغت الجواز  (س) و اصدروا الجواز ( جي) و كانت هوسة . هسة اصدار الجواز اسهل و مجرد اجراءات  اما بخصوص الوقت فما اعرف للاسف. و ادعو الله ان يسهل امرك وامر كل انسان واقع في ضيق. بالتوفيق ان شاء الله . اختك المهندسة المدنية

130

مواضيع الحياة العامة في بلاد المهجر (امريكا) / رد: ما هي الالتزامات المترتبة على الكفيل ؟

« في: 03:31 16/07/2014  »

للمفارقة مرة اتصلوا عليه المنظمة طبعا اني تفاجئت لان المنظمة ميتصلون وبودهم ميشوفون حتى وجه اللاجئ المهم گلولي انته كفيل
فلان ابن فلان طبعا اني ما اعرف هذا الشخص بس كلت خطية يمكن يتأخر سفرة والظاهر صاير خربطة بالكفيل مالته او يمكن احد منطي اسمي وناسي يگلي
المهم گلتلهم اي نعم اني كفيلة وبعدها مشت الامور واجه الولد هنا وتشكر مني طلع كفيلة عالسة ومغير الرقم وممبلغه ولا مبلغ المنظمة
وگعد يمي اسبوع ضيفته وهسه من يشوفني ميسلم عليه يگول انته ورطتني بهاي الولاية!! واني اصلا ما اعرفة هههههههه وللعلم حاليا وضعة المعاشي احسن مني ! الله يرزق الجميع ويكفينة شر المتعافي

هههههه والله صحيح اتق شر من احسنت اليه . و الله اخوية  افهم قصدك لان اني  هواية سويت شغلات زينة و ما شفت غير التعالي و الجحود . عموما كل واحد يعمل باصله و اخلاقه .

131

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 02:59 16/07/2014  »

باش مهندسة CivilEng  دائما اتفائل لما اقرا مواضيعج وتعليقاتج .. وافرح هواية لما اسمع اخبار حلوة عن المهندسين بامريكا . اتمنى ما تبخلين علينا بملاحظاتج عن طبيعة الحياة المهنية للمهندسين العراقيين بامريكا .. تحياتي

اخوية المهندس الزورائي اني حاضرة لاي سؤال و اتمنى اقدم أي شئ يفيد الاخوة بهذا المنتدى ان شاء الله. تحياتي

132

الهجرة و واللاجئين / رد: ياااقوووم.... لعل وعسى تساعدوني وتجاوبون رحمه لموتاكم

« في: 01:31 16/07/2014  »

اشكرج عزيزتي تمنياتي بالموفقية و النجاح الدائم .

133

دردشة منتدى الهجرة واللاجئين / رد: الاسرار السبعه لتعلم اللغه الانكليزيه

« في: 05:27 15/07/2014  »

شكرا على المعلومات القيمة . عاشت ايدك

134

دردشة منتدى الهجرة واللاجئين / رد: مدير متواضع ( قصه قصيره )

« في: 03:31 15/07/2014  »

قصة جميلة و مؤثرة جدا . الاخ العراقي 11 تحياتي و  تمنياتي بالموفقية و النجاح

135

الهجرة و واللاجئين / رد: ياااقوووم.... لعل وعسى تساعدوني وتجاوبون رحمه لموتاكم

« في: 03:10 15/07/2014  »

تحية  للاخوة جون ماير و كيمو . بالفعل الايجارات و المعيشة بكاليفورنيا غالية مقارنة بباقي الولايات و هذا دليل على ارتفاع مستوى المعيشة و الرواتب . ايضا  اسعار شراء البيوت اغلى من كل الولايات . بالنسبة للشغل مع احترامي لكل الاراء اعتقد كل انسان يتكلم بحكم جربته . صديقتي و زوجها  درسوا على حساب المنظمة اول سنة و بعدين اشتغلوا بوظائف زينة و  هسة كلش هم مرتاحين. اني اشتغلت باختصاصي (مهندسة مدنية ) بعد سنة و نص من قدومي لكاليفورنيا علما اني محجبة و بعض الناس كالولي من الصعب جدا ان احصل شغل و اتضح هذا الكلام  مو صحيح . لهذا السبب اني كلش احب  كاليفورنيا لان ما عدهم نظرة ضيقة . الشغل يجي بالاجتهاد والمثابرة و التوفيق من الله عز و جل .

136

مواضيع الحياة العامة في بلاد المهجر (امريكا) / رد: كيف افتح حساب في بنك امريكي من العراق

« في: 19:50 13/07/2014  »

UP

137

الهجرة و واللاجئين / رد: 45 يوم في هيوستن تكساس ماذا احتاجيت

« في: 16:37 13/07/2014  »

مساء الخير لرواد عين كاوه الكرام صارلي 45 يوم من وصلت امريكا تكساس هيوستن ...... واللي يريد يسال عل الاحتياجيات بل البدايه واساعده بموضوع اني حاضر  اني اول ماجيت فتحت حساب بل البنك   اشتريت بايسكل  لحد ماتطلع اجازه السوق هنا اهل امريكا يعرفون نظري وعملي النظري تدخل معهد يسموه driving school  ورها تاخذ موعد يجوز شهر اكثر اقل وتختبر وينطوك  الاجازه واكو معاهد بيها عرب للي اللغه الانكليزيه ضعيفه مثلي  سحبت انترنت من شركه att 40$ بل الشهر..... اشتريت سيم كارت مع انترنت من شركه T- mobil شهريا 50$ لانه الا نترنت بل البدايه حيل مهم بل الشارع علمود تروح تجي تعرف الباص الي يوديك وين ماوين عن طريق الخرائط مال كوكل سويت اكاونت   ويه اهل النت واهل الموبايل وقريبا ويه اهل الكهرباء علمود تدفع الاشتراكات  عن طريق كارت البنك ادفعه اولاين اشتركت بل الامازون  وسويت حساب وياهم علمود اليحتاج شي بل البدايه لايروح ولايعرف منين منين يجيب المواد هو ابيته تجي الحاجه ليمه  وهذا هم موقع بيع وشراء خاص بهيوستن http://houston.craigslist.org/  وانشاء الله اكون فدتكم ولو شي بسيط   بس هيه البدايه شويه صعبه بس ربك يسهل الامور عليكم وعلينا

  تمنياتي بالتوفيق ان شاء الله

138

الهجرة و واللاجئين / رد: ياااقوووم.... لعل وعسى تساعدوني وتجاوبون رحمه لموتاكم

« في: 07:28 13/07/2014  »

اني عايشة بكاليفورنيا من 8 سنوات و كلش احبها جوها معتدل و طبيعتها متنوعة بيها كل شي جبال  ,ثلوج و غابات و صحارى و بحر و شواطئ رائعة الجمال . و ناسها كلش منفتحين و راقين و بيها شغل اكثر من معظم الولايات.  . تمنياتي بالموفقية

139

مواضيع الحياة العامة في بلاد المهجر (امريكا) / رد: للمهندسين , كيفية اجتياز امتحان ال (EIT (FE

« في: 05:23 13/07/2014  »

شكرا  على  المعلومات القيمة.

140

دردشة منتدى الهجرة واللاجئين / رد: رمضان كريم ياعراقنا ألحبيب

« في: 20:53 29/06/2014  »

رمضان كريم و ان شاء الله ينعاد عالجميع بالصحة و الامان و كل عام و انتو بالف خير

141

مواضيع الحياة العامة في بلاد المهجر (امريكا) / رد: ولاية كالفورنيا

« في: 05:46 25/06/2014  »

up

142

مواضيع الحياة العامة في بلاد المهجر (امريكا) / رد: ارجوكم سااااااعدوووووووني

« في: 06:04 19/06/2014  »

UP

143

مواضيع الحياة العامة في بلاد المهجر (امريكا) / رد: التحضير واجتياز امتحان FE للمهندسين

« في: 19:39 15/06/2014  »

مشكور على هذا الموضوع  معلومات تفصيلية و قيمة . تحياتي

144

الهجرة و واللاجئين / رد: ارجو الدخول للكل لان الوضوع تخص الكل(عاجل عاجل)

« في: 19:04 15/06/2014  »

اؤيد راي الاخ (سمك بني)   .و لو  اني اجيت هجرة بس هم نفس الشئ  معاملة و اجراءات و انتظار . الدرس اللي تعلمته  ان الالحاح قد يؤدي الى نتائج عكسية و بعض الموظفين مزاجيين .  فخليها على الله و ان شاء الله بالتوفيق

145

الهجرة و واللاجئين / رد: برنامج لتشغيا الفابر والواتس اب بعد الحجب من وزارة الاتصالات

« في: 17:45 13/06/2014  »

شكرا جزيلا على هاي المعلومة

146

الهجرة و واللاجئين / رد: وينهم المهندسين ؟ معقولة ؟! اقروا القصة وانطوني رأيكم

« في: 05:20 12/06/2014  »

اخي المهندس الزورائي .   اولا كل فروع الهندسة جيدة  . و الاحصائيات الحالية  الهندسة  تعتبر الهندسة المدنية من  المهن الناجحة و المطلوبة في الولايات المتحدة و خاصة في مجال المواصلات و البيئة .. و الاهم من هذا ان  الاحصائيات المستقبلية تتوقع ان تكون الهندسة المدنية من اكثر فروع الهندسة نموا في المستقبل و يتوقع ان تنمو 19% في عام 2020. و السبب هو ان البنى  التحتية ( الطرق و الجسور ) في الولايات المتحدة  تحتاج مشاريع كبيرة  للصيانة او اعادة انشاء بسبب قدمها . و الهندسة البيئية و موارد المياه     Environmental and Water Resources ( احد فروع الهندسة المدنية )  تلقى نموا كبيرا حاليا وستكون اكثر نموا في المستقبل بسبب زيادة الاهتمام بالبيئة  في السنوات الاخيرة .  الاخوة أللي ما حالفهم الحظ مو قصدي احبط معنوياتهم بس اعتقد  ان من الصعب جدا ان تعمل مهندس في امريكا اعتمادا على شهادة من جامعة عراقية .  السبب هو ان امريكا سوق مفتوحة و فيها منافسة شديدة و الاف المهندسين القادمين من الهند و الصين و روسيا.. و غيرها حاملين شهادات ماستر و دكتوراه من جامعات معترف بيها . و الشغل اولا و اخيرا رزق و توفيق من الله..  تمنياتي بالتوفيق للجميع

147

الهجرة و واللاجئين / رد: رجاءاً المساعدة ؟ عضوة جديدة في المنتدى

« في: 00:07 09/06/2014  »

الاخ المهندس الزورائي . الله يسهل امرك و توصل لامريكا بالسلامة ان شاء الله .و شايف كل على الخير الشقة الجديدة  .

148

الهجرة و واللاجئين / رد: رجاءاً المساعدة ؟ عضوة جديدة في المنتدى

« في: 01:51 07/06/2014  »

مشكور على الاجابة . بارك الله بيك اخوية.

149

مواضيع الحياة العامة في بلاد المهجر (امريكا) / رد: هل اصير كفيلة ؟

« في: 00:19 07/06/2014  »

مشكورين على الاجابة . بارك الله بيكم و جزاكم خير .

150

مواضيع الحياة العامة في بلاد المهجر (امريكا) / رد: هل اصير كفيلة ؟

« في: 20:09 06/06/2014  »

اني في غاية الامتنان للاجابة على سؤالي و التوضيح . هسة اكدر اصير كفيلة و اني مطمئنة . مع الشكر و الامتنان

151

مواضيع الحياة العامة في بلاد المهجر (امريكا) / ما هي الالتزامات المترتبة على الكفيل ؟

« في: 06:30 06/06/2014  »

اخوان عندي سؤال و اكون جدا شاكرة اذا تجاوبون عليه.

اكو واحد من اقربائي مقدم على لجوء لامريكا و طلب مني ان اكون اني كفيلته . اني مو للاجئة و اجيت لامريكا بفيزة هجرة . هسة اني متجنسة  و اشتغل .  اتمنى اكفل قريبي بس سؤالي هو هل راح اتحمل التبعات المادية و القانونية و الاعالة و العلاج  ؟ بهيج حالة راح تصير المسالة جدا صعبة و معقدة. بماذا تنصحوني اخوان ؟

152

مواضيع الحياة العامة في بلاد المهجر (امريكا) / رد: ارجوكم سااااااعدوووووووني

« في: 22:19 04/06/2014  »

الاخت .افهم من رسالتك انت تريدين القدوم كمهاجرة immigrant و ليس لاجئة , صح؟ . في هذه الحالة فان مسالة الكفيل في غاية الصعوبة و ليست سهلة كما تتصورين . .  الضامن او الكفيل سيوقع على تعهد  بان يتحمل كافة نفقاتك سواء المعيشية او التامين الصحي و كل ما له يتعلق باعالتك اذا  لم يتمكن زوجك من ذلك كونه لا يعمل.  التامين الصحي في امريكا صعب جدا و غالي جدا . الشخص الذي يقبل ان يتكفلك لازم يكون في وضع مادي ممتاز حتى يتحمل التبعات . الحل الافضل ان ياتي زوجك اولا و يجد عمل ثم يتكفلك . تمنياتي بالتوفيق.

153

الهجرة و واللاجئين / رد: ملتقى المهندسين

« في: 04:44 21/05/2014  »

السلام عليكم . بامكان المهندس (المدني و الكهربائي و الميكانيك) ان يشتغل باختصاصه بعد اجتيازه امتحان  (FE (fundamental Engineering . اني مهندسة مدنية خريجة جامعة بغداد و اشتغلت باختصاصي بعد نجاحي  بهذا الامتحان . جميع المعلومات حول هذا الامتحان متوفرة بالانترنيت لازم تسجل في  NCEES .  اذا الواحد عنده طموح يكدر باخذ لايسنس  PE License باختصاصه بعد اجتياز امتحان   PE و تكون فرصته بالعمل اكبر و الراتب مجزي.  اما اذا عندك امكانية لنيل الماجستير فهذا شئ كلش زين . تمنياتي للجميع بالموفقية
.http://ncees.org/exams/fe-exam/