الفرق بين العراقي المهاجر والفرق بين صاحب البلد اي الشخص الامريكي ،،
اخواني واخواتي الاعضاء الجدد والقدماء ،تحية وسلام لكم جميعا من سماء مشكن بلد الحرية والاستقرار ،،
اخواني خلي شوي اسولفكم عن اخوانا هنا بعد خبرتي بيهم هاي كم سنه ،،
اولا خلي احجيلكم عن الناس الاميركان هنا وشلون حياتهم وشلون يعيشون والفرق بينا وبينهم
1- خلي نبدي عن حياتهم حياة الاميركان وشلون ، يشتغلون طول السنه بدون ما ياخذون اجازة الى الصيف بعد ياخذوها اجازتهم يرحون يفترون كل اماكن بيها سياحة ويعيشون احلى ايامهم
2- هما من النوع مايعجبهم الاختلاط يعني اخوهم ميعرفون شكل الى اذا صارت مناسبه يلى يلتقون باهلهم مو مثلنا احنا ماشااللة علينا المهم ماعلينا
3- من يرحون للسوك يسوكون اخ لو تعرفون شلون يسوكون عبالك ماخذين الاكل حتى يحلفون عليه مو ياكلوا مرة جيرانتي صارلها اسبوع ورايه حتى اروح وياها للسوك تكول امشي ويايه حتى اسوواك يعني تشتري خظروات ولحم وصمون مسواك عادي واني اختكم راحت وياها كلت خطيه خاف مسواك هوايه وهي خاف تنسى بعض الاغراض حتى اساعدها ورحت اخ واخ من رحت ياريت مارحت ما اعرف اضحك لو ابجي على حالنا احنا العراقين ،،،، ماعلينا ،،،، المهم تعرفون شنو اشترت مسواك لا تستعجلون راح احجيلكم انطوني مجال لانه بعدني مصدومه من الموقف يا عيني اختنا الامريكية والي هي جيراني اشترت اشترت شنو راح اكول 1- اشترت طماطه وحدة اي واللة واشترت فلفلايه هم وحده وصمونه وحدة وبنجانه هم وحدة وخيار هم واحد وبطاطة الي ابو قمر وعكعوك يوميه ماكلين كونيه هم اشترت وحده واشترت ببسي واحد بس بعدين كالت كافي اني هل يوم هوايه سرفت فلوس يلى امشي نروح للبيت هذا المسواك مال اسبوع واني اباوع عليها اختكم ما تتحمل كتلها هذا المسواك راح تاكليه لو تحلفين عليه ضحكت وكالت لعد شنو اني اصلا هل يوم سوكت هوايه بربكم شااحجي وياها هاي وجماله صار اسبوع ورايه تريد اروح وياها تسوك اني عبالي راح تشيله كله المحل المهم هم ،،،، ماعلينا ،، هاي لو احنا جان هذا المسواك نحلف عليه بس مو ناكله يلى هم ماعلينا،،، اني هسى حجيت الكم هاي السالفة حتى تشوفون الفرق بينا وبينهم بعدين احجي على العراقي شلون من يروح للسوك هسى خلي نكمل سالفت اخوانا الامريكان نرجع للموضوع ،،،
3- الامريكان يعيشون على كد راتبهم مو مثلنا يعني قليل مهنم عدهم بيوت اكثريتهم يعيشون بشقق حتى يوفرون فلوس التكسات ما بيوت مو مثلنا احنا هنا عبالك دنسوي سباق ياهو الي يكون عندا احسن بيت لو احسن سيارة لو النسوان ماشااللة عليهم ياهو الي يكون عدها اكثر ذهب من غيرها وووو هوايه اشياء تختلف عنهم رغم احنا لاجئين واللة لو دخلتوا بيوت العراقين راح تشوفون العجب من اثاث وكل شي عبالك احنا اهل امريكا الاصليين هم بالعافية اني ما داحسد لا بس شنو الفائدة اذا الرجال طول اليوم بالشغل مايعرف اي شي من الحياة غير شغل وما يعرف حتى اولاده يشوفهم زين على مود شنو بس على مود المراة لا تعوفه وتكول شوف فلان شلون عايش وشوف اني شلون داعيش هوايه بيوت هدمت من ورى هل سوالف ويامه اطفال تشردوا من وراى مشاكل بين الزوجة والزوج قبل شما كان الزوج يحجي ويا الزوجة تسكت وما تكدر تفتح حلكها هس عيوني عليهم اذا الرجال كال لزوجته هيه راسا تخابر الشرطة عليه وتكول شلون انت تكول هيه حتى الامريكان يستغربون علينا وعلى تصرفاتنا هنا كلشي راح تشوف عيونكم بس يبقى كل واحد واصله ،،،،
المهم هم ماعلينا ،، هاي مشكلتهم ، يعني مقصد الحجي احنا العراقين استغليناهذا البلد على انه بلد الحرية وما يعرفون انه الحرية الها حدود نريد نطبق كل شي مثل اميركنا ونسينا عاداتنا وتقاليدنا اني والحمد اللة لو ابقى مليون سنه ما اتغير ابدا ابدا ،،،
هسى خلي احجي على العراقين الجدد والقدماء هنا مو كلهم بس الاغلبيه بيهم ...
خلي نبدي بالقدماء ،،،
احنا القدماء اقصد الناس الي جاين هنا من زمان شوفوا المشاكل مالهم ..
1- الزوج طول النهار بالشغل مايعرف شي عن البيت شكو ماكو منو مات منو عاش عادي مالا علاقة حاسب البيت فندق يجي ينام وثاني يوم يروح للشغل كنك مالك علاقة بالموضوع عادي ،ماعلينا ،
2- الزوجة اما كل ليوم تحجي بالتلفون او مقابل التلفزيون تتفرج حلقات مهند لو يحيى ولميس لو طول اليوم بالسوك ما تعرف شكو ماكو بالبيت حتى شغل البيت عدها خدامه تنظف وهي بس شغلها دير بال على نفسها هاي مهمت الزوجة بدون حسد
3- الاولاد ياعيني على الاولاد مثل ما يكول المثل ،،، غاب القط العب يافار ،،، طبعا الاب بالشغل والام ملتهيا بنفسها عبالك ديانا اللة يرحمها والاولاد ماخذين حريتهم عل كامل اذا البنيه ماشااللة مقابل النت وكاعد
لو لازمه تلفون ساعات تحجي لو ويا صديقاتها لو ويا حبيب الغفله لو بالشارع مثل ماما
والولد اخ من الولد حاسب نفسه هو وماكو غيره بالدنيا يومية صديقة شكل عطال بطال بالشوارع مثل ماما والحبيبة اخته ماعدى اصدقاء السوء الي يعلموه على الحشيشه والمخدرات وشرب الجكاير وسيارة اخر موديل تحت امره وارواح لناس لعبه بيده ياما وياما صارت حوادث من ورى المراهقين الى اهلهم عايفين سيارات بيدهم وما يعرفون اولادهم شديسوون الاب بالشغل لو بالكازينو لعب قمار هم الام نفس الحال والاولاد ماخذين كل حريتهم هنا راح تشوفون العجب ،، بس هم ارجع واكول مو كلهم بس الاغلبيه
نرجع على المصرف مال لعراقين ومال جيرانتي العزيزة ..شوف الفرق ..
احنا من نروح للسوق ناخذ عربانه ومرات عربانتين ونروح اللة من نروح نسوك شلون مسواك طبعا ما نطلع من ناك الى وحنا صارفين على الاقل 200 دولار ويمكن اكثر شوفوا شكو بالمحل نشتريه عبالك راح تصير ازمه بالعالم كله مو بس باميركا حتى اذا مانحتاج هذا الشي بس الهم نصرف اي واللة صدقوني هيجي يسون العراقين هنا بس صرف يابه ليش ها بلكنا بعدين مراح يكون بالسوق غير وقت عبالك عايشين بحصار طبعا الاميركان يباعون علينا يكولون شنو هل يوم عدكم حفلة اني اضحك عليهم اكو اي عدنا حفلة اخ لو يعرفون هذا الاكل والمسواك مال شنو اخ بس هم ماعلينا بالعافية على حساب الرجال وحساب الولفر اللة يخلي الحكومه
لانه اغلبتهم يبجون بوجه اللة ويكولون ماعدنا فلوس بس للقمار والكازينو عدهم يلى هم عوافي ..
هسى نرجع للعراقين الجدد سملى عليهم ...بدون زعل اي اقصد البعض مو كلهم ...
العراقي الي جاي جديد يريد يصير حاله مثل الي مشعول ابو ابوه هنا قبل 30 او 20 او حتى 10 سنين
يريد يكون عنده بيت بارقى منطقة وسيارة اخر موديل وستور حاله حال غيره القديم الي شاف الويل على ماوصل الي هو بيه يريد بسرعة يصير غني ما يهم شلون بس يريد يكون مثل الي جاين قبله اكو ماكو لازم يصير مثلهم والى امريكا مو زينه اول ما وصلوا راحوا اشتروا كمبيوتر باغلى سعر واشتروا تلفلونات الجيب هم باغلى السعر الي اني صارلي 17 سنه بامريكا ماعندي مثل تلفونهم وما عندي كمبيوتر مثل نوع كمبيوترهم
وسيارة اخر موديل واثاث هم اخر موديل وهما بعد عايشين على الولفر بعدين هم شغل ما مشتغلين زين ليش ماكو مكان ارخص حتى تشتري كل هذة الحاجات ليش ما نقتصد الى ما نشوف الوضع شلون يصير هلكت جان مهم تلفون جيب شنو انت صاحب بزنز صاحب اعمال ضروري يكون تلفون جيب حتى المراهقين كل واحد تلفون هاي مو مصرف وغيرها وغيرها من الاشياء الي مالها داعي ليش ما اخليها هاي الفلوس على ما اشوف شغل وليش كل هل الفخفخه ليش اي واللة اني راح اتخبل اذا انت ماعندك فلوس شكو مشتري اثاث جديد وشكو مشتري سيارة اخرموديل وانت تاخذ من الحكومه ليش ماتعيش على كد حالك الى ان اللة يفتحه بوجهك شوي شوي وكونه نفسك مثل غيرك اخوان اني مو قصدي شي بس قصدي انه شكد ما بيكم اقتصدوا الى ان تلكون شغل وماكو داعي الفخفخه عيش على كد حالك ولا تشوفون على غيركم الي قبلكم ترى هما هم مثلكم جانوا ويمكن اكثر منكم ماكو شي يجي بالساهل لازم تغيرون فكرتكم وتعيشون الواقع الي يريد يعيش يتحمل كل شي وكل الظروف هاي امريكا وهذا الوضع ووين ماتروح راح تشوف نفس الحياة ماكو غير ان نكول اللة كريم وهو الي ماينسى عبده اتمنى ان تقتنعون بكلامي وتعيشون احسن عيشة يارب ،،،، انجي
عرض المشاركات
انجي عليج سوالف تضحكه يلى مشوها هو ماديسمعنا عادي يلى وين وصلنا هم نسيت لا لا اتذكرت هسى وصلنا شلون تشترون حاجات المطبخ مثل مواعين كلاصات وخواشيك وكل شي اكو محلات هنا اسمها ،،، داره ستور ،،، يعني حاجة بدولار من كلشي وحتى صابون الغسيل وهنجانات للاستعمال اثناء الطبخ كلشي بدون ما اذكر انتوا من تروحون هناك راح تشوفون كلشي وكلاشي ،، ماعلينا ،،، طبعا الناس الي راح تنزلون عدهم راح يسالون هاي من وين عرفتوا كل هل شي ،انتوا كولوا من الدورة التثقفيه هما علمونا هيجي شي لا تكولون انجي ها ترى بعدين راح يفشرون عليه ،، اني معليه ها يلى ميخالف امشيها لخاطركم اني مراح اسمع عادي 
