الرسائل

1

الهجرة و واللاجئين / طلب لجوء مرفوض من داخل اميركا كيفية المتابعة؟

« في: 19:24 14/10/2009  »

سلام لجميع الاخوة والاخوات،

  ارجو من اللي عنده خبرة بموضوع اللجوء بعد الدخول الى اميركا (Asylum) وليس من الخارج (Refugee) يساعدني بموضوعي. اني قدمت على لجوء بعد ماوصلت بفيزا زيارة وبعدين انطوني موعد مقابلة وبعد المقابلة انطوني موعد لاستلام النتيجة وكانت النتيجة الرفض والاحالة الى المحكمة لبيان راي القاضي. سوالي لجميع الاخوة هو ماهي المدة التي تاخذها القضية لحين البت بصورة عامة؟ ماهي الاجراءات ؟ و ماذا لو اردت الخروج من اميركا اذا كانت القضية تاخذ وقت طويل؟ وهل يحق لي التقديم على لجوء من خارج اميركا (refugee) ام لا؟
مع الممنونية للجميع

2

الهجرة و واللاجئين / رد: انا عراقي ام امريكي..سنة في امريكا...الجزء الثالث

« في: 10:19 24/09/2009  »

والله اخوية حجيك يكلب كل واحد ببس شنو الحل وين نروح اذا اخوانا اللي جنا فاتحين لهم بلدنا بالحلوة والمرة ماوكفوا لنا ... الله المستعان هذه قصيدة مااعرف منو كاتبها بس اللي اعرفه انه مرة اجا واحد عراقي مغترب لبغداد ومن شافها بجا ياريت اللي يعرف الكاتب بكوللنا:

                        مدينة الشمس – بغداد الغالية

مدينة الشمس مدي الظلال يدا              وارجعي مامضى من عمرنا بددا
مدينة الشمس ياحزنا نبعثره      على الدروب التي ماأوصلت أحدا
ياأرث الف حنين يستبد بنا      وذكريات هوى نقتاتها كمــــــــدا
ياكل من رحلوا في الريح اشرعة   ولم يفنوا لغيــر الملتقى ابــــــــدا
ياطين من تركوا اسمائهم صورا   مل العيون وقالوا قد نعود غـــــدا
فلم يعودوا ولم توقد مجامرهم      لكن مزف هواهــــــم ضل متقــدا
مدينة الشمس ردي وقع اغنية    كانت هنا واحضني ايامنا الجددا
وهدهدي في ليالي الشعر معزفها   فسامر الشط رغم الحزن مارقدا
أنا عشقناك جرحا لانغادره      ولن تضيع جراح العاشقين سدى
فأنت اول طير حط في دمنا       مساؤه قبلات والصباح ندى
وأنت قاربنا المسحور يحملنا       مهما الح علينا الموج واحتشدا
وأنت اثوابنا البيضاء ماارتعشت    الالكي تنفض الحرمان والعقدا
فكم تشابهت الالحان صاخبة       لكن لحنك فينا ظل منفردا   
والعابرون الى لقياك قد ولدوا    كما الطيور مع الفجر الذي ولدا
سيتركون على اسوار غربتهم   ويقطهون الى عينيك كل مدى   
فلتغفري ان غدا عادت مراكبهم    لمن تناسك في يوم ومن جحدا
فكلما اغتربوا او هدهم سفر      كنت الملاذ لهم والاهل والبلدا
الامس مازال طفلا" في شوارعنا   وصوته يتدانى كلما بعدا
على النوافذ بقايا من ملامحنا       وفي المرايا حكايات ورجع صدى
والنهر لم ينسانا عبر السنين وقد    احصت طفولتنا امواجه عددا
والنخل قد حفظ العهد القديم لنا    وذا ترابك قد اوفى بما وعدا
هنا رسائل حب اينعت       وهنا قصيدة لو تلاها شاعر سجدا   
   

3

الهجرة و واللاجئين / رد: ختكم محتاجتكم ارجو الدخول

« في: 07:49 05/09/2009  »

اختي اذا كدرت تحصلين فيزا الى اميركا تكدرين تقدمين لحوء بعد ماتوصلين لهنا وقضية اللجوء اغلب الناس تخلي محامي بس هي ماتحتاج محامي اذا تعرفين الاجراءات والقضبة مرات تاخذ 3 او 4 اشهر ومرات تاخذ هواية اكثر وتعتمد على الولاية اللي تقدمين عليها لان كل ولاية واجراءاتها . عندي صديق قدم وحصل قبول خلال 3 اشهر والثاني صاحبه قدم بولاية ثانية وانرفض فقدم استئناف وداينتظر وصار له هواية.  بس في حالة حصلت قبول ماتكدرين تجيبين اولادج مباشرة لان بعد الموافقة على اللجوء تبقين فترة بحدود بين السنة واربغ تشهر والسنة والثمانية اشهر (قبل كانت اطول بس هسه مسهليها للعراقيين) الى ان تاخذين الكرين كارت وبعد ماتاخذيه يالله يحق لج تدزين على اولادج. الا اذا كدرت تجيبهم وياج وتقدمون سوء ( بس المشكلة من يشوفون هواية بالسفارة احتمال يرفضون ينطوج فيزا ) . بس مااعرف اذا تكدرين بعد دخولج انه تقدمين لجوء بحيث تخلين اسماء اولادج بالقضية مالتج وهم خارج البلد هذه ماعندي علم بها ولازم تسالين محامي او وياريت الاخوة بالمنتدى اللي يعرف بها يبلغج.

الله يوفقج وسهل امرج

4

الهجرة و واللاجئين / رد: الذهاب الى العراق بعد الحصول على كرين كارت

« في: 10:01 03/09/2009  »

الاخوة علي حسن والبغدادي اشكركم شكر جزيل بس ياريت الاخ علي يكولنا شنو وضعية الشخص اللي راح على حالة الوفاة ( يعني IOM لو SIV لو لاجي بعد دخول البلد)

اخوية البغدادي كلامك صحيح بالنسبة للرابط هو للي دخل البلد وقدم لجوء بس اللي عرفته من صديقي ان هذا ينطبق على جماعة الIOM اللي دخلوا ك Refugee هم بس مااعرف بالنسبة لل SIV

مشكورين

5

الهجرة و واللاجئين / رد: الذهاب الى العراق بعد الحصول على كرين كارت

« في: 04:53 02/09/2009  »

لا اخوية اقصد بالبلد هو البلد اللي قدمت اللجوء عليه واقصد العراق لكن باقي البلدان ممكن تسافر لها . اذا مقدم من مصر يحق لك تروح لها عادي لان انت المفروض مقدم لجوء خوفا" من الرجوع للعراق مالها علاقة اذا قدمت الطلب مال اللجوء من مصر او سوريا عادي تكدر نروح لهم

 بالموفقية

6

الهجرة و واللاجئين / الذهاب الى العراق بعد الحصول على كرين كارت

« في: 00:06 02/09/2009  »

الاخوة الاعزاء

 حبيت بس انوه انه اللي يحصل على موافقة اللجوء يحق له يقدم على ترافيل دوكيومنت مثل ما تفضلوا الاخوة وبعد سنه او اكثر ممكن يحصل على كرين كارت بس سواءا" عندك ترافيل دوكيومنت او كرين كارت مايحق لك الذهاب الى بلدك او البلد اللي قدمت قصة اللجوء عليه ( حتى لو عندك كرين كارت) وهذا واضح بموقع ال USCIS


http://www.uscis.gov/files/pressrelease/AsylumTravel122706FS.pdf

حسب هذا الرابط اللي يروح لبلده حتى لو حاصل على كرين كارت ممكن يعرض نفسه انه ينلغي الركين كارت ماله . ارجو من الجميع التاكد حتى لا يضيع تعبكم

ولدي صديق لديه كرين كارت وعند رجوعه الى اميركا طلبوا جوازه وسالوه هل ذهبت للعراق

اللي عنده تجربة اخرى الرجاء ذكرها حتى يستفيد الجميع

مع تمنياتي للجميع بالموفقية

7

الهجرة و واللاجئين / رد: مغادرة الولايات المتحدة بعد تقديم طلب اللجوء

« في: 11:40 24/08/2009  »

الاخوة جميعا اشكركم شكر جزيل على النصيحة والمعلومات

الله يوفق الجميع

8

الهجرة و واللاجئين / مغادرة الولايات المتحدة بعد تقديم طلب اللجوء

« في: 08:36 23/08/2009  »

ارجو من الاخوة الاعزاء من الذين لهم خبرة او معلومات عن الحالة التالية الرد عليها مع الشكر:

 انا قدمت الى الولايات المتحدة وقدمت طلب لجوء وقد وصلتني رسالة من دائرة الهجرة بان حالتي تحت الدراسة وسوف تحدد لي موعد للمقابلة والان اشعر بان الوضع هنا من ناحية العمل والظرف الاقتصادي غير جيد وارغب بالمغادرة علما" باني حاليا قد تجاوزت مدة الفيزا التي قدمت عليها وهي فيزا زيارة "Out of status". سوالي هو ماهو المظلوب مني للمغادرة حيث ان البعض يقول انيي باستطاعتي المغادرة مباشرة وفي المطار سوف يسجلون باني قد تجاوزت المدة ولا استطيع الرجوع لمدة 3 سنوات والبعض الاخر يقول يجب اخذ كتاب من الهجرة قبل المغادرة حتى لو كنت لا ترغب بالعودة الى هنا بالمستقبل.  الرجاء اعلامي لمن لهو معرفة بهكذا حالة و شكرا" مقدما"