عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - oosi

صفحات: [1]
1
الهجرة و واللاجئين / رد: جماعه تامبا
« في: 01:40 19/06/2013  »
عليكم السلام


انا اسكن في مدينه تامبا المدينه حلوه عاديه مو ذاك الشي بيه مناطق غاليه وبيه مناطق رخيصه يعني حسب الي انت اتريده و شنو طبيعت شغلك  بيه محلات ومقاهي عربيه اهواي العراقيين قلييلين اهنا مارعرف ليش   اول شي تعال ابفندق وبعدين شوفلك سكن حسب ضروفك يعني انت متزوج لا

2
الهجرة و واللاجئين / السفر الي امريكا … مع اعصار ساندي
« في: 17:09 03/11/2012  »
السلام عليكم ورحنة الله وبركاته…..

اخوان حبيت اسولف الكم قصتي من البدايه الى ان وصلت لمريكا

 الفصل الاول .. تحديد السفر

انا من سكنه البصرة حددت مع المنظمه موعد السفر على يوم 29 اكتوبر قبل لا يوصل الاعصار لمريكا كان في المحيط , بس غلست اشوي لان صار عندي حاله قلق بالبيت اتعرفون النسوان شنو يسون اذا احد سافر دك بواجي فه غلست ماكلت لهلي على الاعصار حتى لا ازيد من الطين بله, المهم رحت للمطار البصره الدولي اخذت كل اوراقي والقليل من الملابس لان الموديل في امريكا يختلف فه اول وتالي لازم تشتري ملابس من امريكا
, كانت مخطط الرحله انوا اروح من البصرة الى عمان ومن ثم الى نيويورك و من ثم الى تامبا فلوريدا , وصلت لمطار البصره ثم طرت الى عمان وهنا بدت المشاكل

الفصل الثاني …. عمان عاااااا

وصلت الى عمان في ساعتين وقت الرحله من البصرة في المطار  عاليا كنت ادور على ابو المنظمه وماكليته فه طكت رووحي نصيحه اخويه لحد يعتمد على المنظمه المهم رحت الى مكتب الملكيه الاردنيه شركة الطيران وكتلهم انا لاجىء واريد اسوي ترانزيت على رحله ثانيه على اليوم الثاني فه الموظفه الصاكه كالت اووكي بس الرحله الى نيويورك اتكنسلت الى يوم الاربعاء  بسبب الاعصار كمت اخبط الاوان وين اروح وين اولي فه كلتلي انو راح تحجزلي على الفندق مال مطار على حساب الشركه الطيران يومين بالفندق و ما طتني البوردنك الي هي التكت مالت رحله نيويورك فه ودوني للفندق , الفندق حلو وو مريح اسمه كولدن تولب سايقا اسمه فندق عاليا  طبعا الكئابه وصلت للستار وانا اتاني احد يرحم اباحالي من المنظمه ماكوا , الى وصلت خابر واحد من المنظمه بالتليفون كلي راح اجيك والعلسه علسه فه ظليت بالفندق الى يوم الخميس يعني من الاتنين الى الخميس يله سافرت الى نبوبورك بس اذتني الكأبه كلش كرهت روحي

الفصل الثالث … نيويورك عااااا
الخميس طلعت من الفندق على المطار اساعه 2 باليل وكانت الرحله ساعه 7 الصبح المهم طرت الرحله 12 ساعه فه حاول اتنام وتحلم واتشوف الافلام بالطياره دك الى ان توصل , المهم وصلت لنيويورك كوكب ثاني من الكره الارضيه اتخبل ها انا وصل على اساس انو المدينه منكوبه و منطقة كوارث بس انظف من ارقى منطقه ابغداد , اثناء الرحله راح يصير بيك هووم سك يعني راح اتفكر  واتكول انا اشورطني اشجابني اهنا بس صدكني بس توصل للمطار مال جي اف كي راح اتكول ياعراق يا انه , وتالي رحت للفتدق وراه ماخلصنه الكمارك والاوراق مالت المنظمه الفندق زين مال مطار اسمه لكوارديا بس الاحلى لمن يودوك للفندق اشوف الي ماشايفه

الفصل الرابع …. فلوريدا تامبا
ثاني يوم اجوي المنظمه وطرت على تامبا ووصلت باليل للمدينه استقبلني اخوي هسه الصبح انا كاعدت وقررت اكتب الكم القصه

نصائح عامه

اخذ الك نقال مال زين لان يشتغل وين ماكان بس عبيه رصيد فد مية دولار لان يكلف الرووومنك

جيك الطقس في اي مكان قبل لاتسافر لان نيويورك بارده وانا امصيف فه بوري امعدل

لا تاخذ اهواي اغراض لان كلشي يختلف حتى الملابس

 دورلك على تقسيم يونفرسل حتى تكدر تسخدمه تشحن بيه كل شي كهربائي لاب توب او نقال غيرهن لا تاخذ
اخذ الك هاند باك خلي بيه الاوراق والضروريات ملابس داخليه جواريب اكل بسكت كليجه  اذا عندك اطفال حفاظات

اخذ دوه وياك مثلا مال التهابات اوي اشي ثاني بس افتح الباكيت لا اتخليه اباكيتته مي يقبلون
ا
 اخذ افلوس وياك خرده دولارات اتفيدك لاتاخذ اكثر من 10 الاف دولار

وشكرا



3
الهجرة و واللاجئين / رد: منو موعد سفرة يوم 29 -10-2012
« في: 21:15 18/10/2012  »
انا من العراق كبد

4
الهجرة و واللاجئين / منو موعد سفرة يوم 29 -10-2012
« في: 21:08 18/10/2012  »
مرحبا شباب انا راح يحددولي موعد سفر على يوم 29 بشهر العاشر فه ردت اعرف مو عنده نفس الموعد؟ حتى نعرف شنو الي علينه ولي ماعلينه

5
الهجرة و واللاجئين / براكولي اخوان واخيرا...... انطمغت اجت الفيزا !!!!!!!!@@@@!!!!!!
« في: 16:15 20/09/2012  »
سلام عليكم جميعا..



اخواني حبيت ابشركم انوا انا حصلت على الفيزا  واستلمته اليوم من الـDHL
بس عند سؤال هسه كلولي شنو اسوي وره ما استلمت الفيزا؟
 يعني وين ادزه المن ؟ واشلون احدد موعد السفر ؟
 او منوا؟
 بعد شنو احتاج املي استماير او ادز غراض؟
اكدر احدد يمتة اسافر؟ يعني مثلا ابنهاية شهر العاشر

 فهموني شباب لان دخت من الفرحه الله يخليكم انا الكاع ماسايعنتني من الفرحه بس انقهر على امي لان ضاجت حيل بس كتله اسحبه وياي لهناك بالمستقبل   خخخخ

انا قدمت على الـ SIV بالـ 2010 نهايته
انا قابلت ابشهر السادس 2011
وعدت الفحص ابشهر السابع 2012

قبل 3 ايام صدرت الفيزا واليوم استلمته

ان شاء الله الكل مقدم على الهجره يسافر ويفتك من الظيم

وشكرا جزيلا اخوكم ايهاب من البصرة الفيحاء

6
الهجرة و واللاجئين / اشولن اسوي عدمةمحكوميه الله يخليكم محتاج مساعدكم
« في: 07:49 11/08/2012  »
السلام عليكم اخوان ...".

اريد اسوي عدم محكوميه بس ما اندل وين و شنو مطلوب مني  ممكن احد يكتبلي التفاصيل لان محتاج لي هاي المعلومه حتى ماروح اطرش بالزفه


انا راح اروح هذا الاسبوع لبغداد  بس وين مادري كالو بالكراده شبر شبرين هي الكراده  بس لو احد يكلي التفاصيل اكون ممنو اله


وادري بيكم ماتقصورن مشكوررين رحمه الله والديكم

7
الهجرة و واللاجئين / رد: عدم محكومه اشلون اسويه؟؟؟؟؟
« في: 19:36 07/08/2012  »
اخوي انا الجواز مالتي بالسفارة فه هاي اشلون   

8
الهجرة و واللاجئين / عدم محكومه اشلون اسويه؟؟؟؟؟
« في: 19:20 07/08/2012  »
سلام عليكم


اخواني السفارة طلبت مني اسوي عدم محكوميه جديده بس المشكله انا نسيت اشلون سويته ممكن احد يكلي اشلون ااسويه وهم اطول 10 ايام 
 
ملاحظه انا من البصرة

مشكورين مقدما

9
الهجرة و واللاجئين / رد: حاله غريبه فد سؤال رجاء انا SIV خابرت الـ uscis .......
« في: 22:30 06/08/2012  »
اي والله صرلي اكثر من سنه

10
الهجرة و واللاجئين / رد: حاله غريبه فد سؤال رجاء انا SIV خابرت الـ uscis .......
« في: 22:27 06/08/2012  »
عادي انا siv خابرت وجاوبوني ما اشوف اكو فرق

11
الهجرة و واللاجئين / حاله غريبه فد سؤال رجاء انا SIV خابرت الـ uscis .......
« في: 22:19 06/08/2012  »
 سلام عليكم ..

اخوان انا خابر دائرة الـ  uscis  على الرقم  USCIS  001 202- 663-1225       لان حسب الي قريته بالمنتدى هذا الرقم لللاستفسار
انا طلبو مني اعادة الفحص الطبي فه من خابرت طلعلي المجيب الالي وتالي كلي اودوس على ارقام  اهوا كل رقم ونوع من القضايا الى انو وصلت للرقم صفر دست عليه وحوليني الى بينه صوته ناعم فه كلته اريد اعرف حالة الفيزا مالتي كلتلي شنو الكيس نمبر مالتك فد ردية اله وسألتني عن مواليدي واسمي  وكلتلي انو استلمو الفحص الطبي الجديد  و اكو نقص الي هو تقرير الشرطه  حسب الي اعرفه انو انا سويت واحد عدم محكومه واخذو منو بالمقابله ... الغريب انو نقص عرفته قبل لا يكلولي بيه السفارة فه شتكولون اسويه من جديد او ادز القديم الهم ملاحظه ترة السفارة ماكلولي اي شي  لو اتاني  السفارة يطلبونه مني ... انا دختتتتت اشوي شنو رايكم ؟؟؟؟؟؟؟؟؟؟؟   
بالمناسبه هذا الرقم يفييد للي يرييد يعرف شنو موضوعه

فد معلومات بسطه
انا قابلت بالسادس 2011

وجددت الفحص قبل اسبوع حسب طلبهم

وشكرا الكم مسبقا... مع تحياتي الى من دمر حياتي الفيزاااااااا

12
الهجرة و واللاجئين / رد: الي مقابلة بالشهر السادس 2011....... فوت اهنا
« في: 06:00 28/04/2012  »
مشكوريين شباب على الردود

13
الهجرة و واللاجئين / الي مقابلة بالشهر السادس 2011....... فوت اهنا
« في: 10:40 27/04/2012  »
السلام عليكم شلع....


حبيت اكتب هذا الموضوع حتى اعرف التطورات الي صارت للي قابل في الشهر السادس 2011   
 منو بيكم سافر او على وشك السفر او في ايوم  قابلت  او احد طلب منك اتعيد الفحص الطبي ويا حبذا لو تذكرون التواريخ اكو انا المنون


بالنسبه الي انا قابلت يوم 21 6 2011
 صديقي قابل بالشهر الرابع  وجتة الفيزه .......


شكار الكم مقدما

14
الهجرة و واللاجئين / رد: قصة مقابله او الدلييل للمقابله,,,
« في: 08:51 23/06/2011  »
شكرا لكم جميعا

15
الهجرة و واللاجئين / رد: صور قيد57
« في: 08:50 23/06/2011  »
حسب علمي اعتقد حتى الى زوجتك لان الغرض منه يثبت عراقيتك انت وزوجتك والله اعلم

16
الهجرة و واللاجئين / قصة مقابله او الدلييل للمقابله,,,
« في: 21:42 22/06/2011  »

بسم الله الرحمن الرحيم

اعزائي وأخواني العنكوايين تحيه طيبه

 قابلت وبتاريخ 21-6-2011  على برنامج الـSIV   وحبيت اكللكم تفاصيل المقابله من الساعه سته ونص الى الساعه الى الساعه ثنتيين

التفاصيل هي وكما يلي

 كعدت الصبح بالخمسه الفجر طبعا هي سباحه على تبديله على ريووك صارت بالسته ونص طلعت اخذت تكسي وكتله يابه الى ساحة النسوور  الكروة حوالي تقريبا عشرة المهممم ظلييت اسولف وياه البو التكسي سالفه اتجيب سالفه طبعا جان عصبي اشوي لان مضل واحد من السواق ما غلط عليه شنو الوضوع مأدري المهم وصلت للساحه طبعا الي مي يعرفه هي الي بيه برج صدام سابقا وصلت تقريبا ساعة سبعه وثلث نزلت ولكيت فد شرطي الصغيرون بالتقاطع كلته مناا تدخل للسفارة كلي اي المهم عبرت الشارع وصللت الى شرطي ثاني هم اصغير سلمت عليه وكتله عندي مقابله فه سالني كلي اولى لو الثانيه كتله لا اولى  جان يأشرلي على درب ضيك وكلي اطلع كبل على كولت اهل بغداد لي غاد المهم مشيت والدرب هوه الي يوجهك الى ان وصلت الى اخر شي والكه سره اشطوله من البشر والمخلوقات الغريبه الي القصد بيه البنات منيين مأدري شنو الجمال شنو الاخلاق طبعا كلهن عراقيات يعني الي جايه ويه رجله او الي جايه والعائله او الي جايه ابوحده نعم ابوحده فه ظليت اصرف نظر واشبع قهر المهم ظليت انتظر فد ربع ساعه وهناك جان يصير انفجار الله افلت كظ اخوك لايموت علك الرمي والصرييخ فه الحرس خلونه ندخل لي جوه واره طبعا مخلو احد يوفت لمدة عشرة دقائق الى ان شفت واحد شكله من امريكا اللاتينيه كتله يابه انا عندي مقابله على اليوم اخذ الجوواز والجنسيه انطاهن للمترجم جيك بالسته الي بيه الاسماء لكه اسمي الحمد لله فتت جوه كلولي ذب الغراض الي هي الاكسسوارات الحزام الساعه المحفضه الاوراق كلهن اخليهن ابطاسه كلولي امشي لي غاد مشت فد 3امتار اوكف وكفت انطيني السطله انطيته حطهن ابقفص اجه مكرم القاري جلب كعد يشمشم ماشم شي اخذ الغراض اامشي روح يم البنيه سجلت اسمي حسب الي بالجوازامسي كبل مشيت فوت اهنا فتت كوا فد جهاز ثاني بيه سكنر خلي السطله بالجهاز وطلعت امشي الى ان وصلت الى فد مكان امدور بيه ميز بالنص اتخلي عليه السطله وتاخذ غراضك تلبس الحزام وتنتظر الباص اكوا واحد مترجم رجال جبيركتله يابه انا اس اي في كلي امشي وراي مشيت خلوني ابكرفان لكيت وعائله كلهم يخبلون حتى ابوهم اي والله, وحده مكسيكيه اطتني كارت ازرك وراحت وتالي اجه واحد امريكي لابس مناضر قديمه حييل مالت الخمسينات كال منو عنده باج طبعا بس انا اخذني للباص كلي انتضر اهناك انتضرت فد خمسة دقايق تالي جابو العائله   و ولد امقدم على برنامج مالت الفوبرهايت مالزملات يعني الشغله بيه دارسه المهم مشه الباص يمنه يسره يمنه يسره الى ان وصلنه للسفاره نزلنه وبالسرة العوائل اولا والعزابيه اخيرا يعني لاتعب رووحك تجي من وكك ماكوا فايده وكفت بالسره الى ان اجه دوري فتت للغرفه انزع الحزام نزعت شنو عندك غراض ذبهن بالسطله ذبيتهن طب بالجهاز طبيت الحمد لله ماكو شي عدت على خير اخذ غراضك اخذتهن افتح الباب وامشي كبل مشيت اذا ارى السفاره امامي طبعا نفس الصورة الي محطوطه بالفيس بوك مال السفاره اكوا على اليسرة اشلون الكراج مالسياره رحت بيه اكوا حرس صحاني كلي منا افتح الباب فتحت حرس ثاني موجود راويت الباجي كلي الشباك الثاني باوعت على اليمنى اذا ارى البشر والمخلوقات الغريبه الجميله العوائل واعزابيه كلهم يظاهر انا كنت اخر واحد المهم رحت للشباك كلي انطيني الجواز انتيطه هو والجنسبه اكلي استريح الى ينادوك على الشباك الثامن  باوعت وين اكعد مأدري  تالي بالاخير اكوا مكان مال اطفال بيه العاب ويمه كراس   وثلاجه مالت ماي فد كعدت  اشو وره خمس دايق صاحوني بأسمي كلت خير يألله انا اخر واحد اصير اول واحد معقوله!!!  المهم جان اروح للشباك الثامن والك فتاة جميل الشكل والمعان والـ خلوني ساكت احسن هي عراقيه متأمركه شعره امكنكر بس حلوة كلتلي شنو عندك اوارق  انطيني الوصل مالـ 260 الكتروني دورت عليه وبالكوا يله لكيته انطيته وطلبت مني العدم محكوميه وكتاب القيد وبيان الولاده طبعا بس الولاده اخذة النسخه مو الاصليه ها للعلم انا مامصدقه من الخاريجيه بس امترجمه  ونطيته وصل الـdhl جان اتكلي انت بعدك تشتغل لو لا كتله لالا بطلت من زمانننننننننننننننن سألنتي اشكد عمرك كتله سته وعشرين سنه جان اتنطيني استمارتين وحده مالت الخدمه الالزاميه الامريكيه في الجيش الامريكي والثانيه مالت اكتب بيه اسماء اخواني واخواتي وانا ماعندي خوات و مواليدهم رحت اكو منظده على الحايط المقابل كتبت ومليت وقعت وخليت الايميل والتليفونات مالتي المهم  هذا الحجي كله صارت الساعه بالعشره الصبح
المهم انتضرت الى ايصيحون بأسمي للساعه اهدعش على كولت اهل بغداد بدعش   خلي انطيكم اواصاف الي يسون المقابله اكوا وحده تحجي عربي امكسر اتخبل بالثلاثينات حلوه ومرحه تظحك وياالناس الثاني شكره هم بس طويله يمكن تحجي عربي وكردي بس امكسر و اكوا وحده تطلع باليتيوب او الفيس بوك مأدري وين شايفه هم شكره بس عجووز اشويه واكوا وحده يابنيه او كوريه و وحده سمرة  الشباك العاشر مال الامريكان المواطنين لحد يروح يمه الحاصل من صاحوا باسمي طبعا الي صاح باسمي واحد جاي يتعلم يسوي مقابله يم اليابانيه بعده مايعرف الشغله واليابانيه جاي اتعلم بيه صاحني  رحت يم الشباك يمكن السابع او الثامن أذكر بالظبط ها اكو فد ملاحظ ترة الاسماء بالترتيب يعني قبل لاتفوت للسفاره راح اينطوك رقمك حسب التسلسل الموجود عدهم احفظه لان راح يصيحو بلارقام  الحاصل رحت يمه بس وين شايفه مأدري  يمكن هو السفير مأعرف  اول شي كلي بيه شكر للخدمه الي قدمته للجيش  الله اشكد حلوه هاي الشكرا وتالي كلي انا راح اسوي المقابله وياك طبعا اليابانيه جاي اتلقن بيه كلي اريد اسوي بصمة عين كتله اوتي  وخذ صورة اخذ الثانيه ماكوا جان يكلي خرب الجهاز ملص البلك وركبه جاني يكلي ماشي الصورة زينه الحمد لله عدت على خير   كلي هسه راح اخذ بصمات اصابعك انطاني كلينكس اكلي امسحه بيه مسحت وبصمت اليمنه وتالي اليسره وتالي الثامز نسيت شنو بالعربي  تالي كلي اوكي  بده يسأل  يمتى بديت بالشغل جاوبته  ويمتى بطلت ونسيت يمتى بطلت وبالكوا يله اتذكرت فه جاوابته وليش بطلت هم جاوبته سألني هسه اذا احد عرف بيك مشتغل مترجم شنو يصير بيك كتله اموت غير  وراه قرالي الكليشله مالت القسم قسمت يابه اي سوير  تالي سألني انت تدري اشكد تتأخر المعامله كتله اي كلي اشكد كتله بين سته الى ثمانية اشهر كلي رايت ثمانية اشهر واحتمال اكثر كتله اي اعرف موشكال كالي هاك هاي غراضك الي اخذوهن هي الجنسيه والشهاده الجنسيه والبيان مال الولاده   وكلي شكر لخدمات للجيش الله مرة ثانيه كلي بيه اشكد حلوه       خلصت الساعه اهدعش ورعشره رحت ادور على الباص  كلولي ارجع الباص يجي بالوحده ظليت انتظر للوحده طبعا هذا الرجال الي قابلني واتعلم الزيان براسي قابل وراي ولد وابنيه كرديه متعرف عربي   المهم وانا جاي انتظر الباص بالقاعه جا فجئتن يدخل برهم صالح هذا السياسي دخلوه مالت الفي اي بي رووووم  وصارت بالوحده واجده الباص وصلنه للباب مال البره الي دخلت بيه وطلعت رأس تكسي للـــــــــــــــــــــ  كلي اثنعش كتله عشرة قبل وافلتت  هاي هيه خلص المقابله مالتي  وراح انتظر فد ثمانية اشهر والزم سرة حالي حال غيري
 
طبعا الاسئله الي يسئلون الواحد بيه تختلف من كل شخص الى اخر  وانا غير مسؤال على اي شي  ههههعهعهعهعه
 الي كتبته صار بيه  واكوا اهوا ولد غير صار بيهم غير شي 

هسه عندي فد سؤال شنو اسوي هسه وره المقابله هم اكوا اوراق وايملات لازم ادزهن  او مثلا الشهادات مالت الكليه او مالت الاعداديه يعني فد نصييحه من اخواني العكاويين   خاف انا مسيت احد بسؤ فوالله لم اقصد اي شخص بأي شي
 وشكرا


17
الهجرة و واللاجئين / رد: منو مقابله على يوم 21-6-2011
« في: 11:37 19/06/2011  »
انا بالنسبه الي SIV

18
الهجرة و واللاجئين / منو مقابله على يوم 21-6-2011
« في: 11:32 19/06/2011  »
سلام عليكم اشلونكم ااخواني شخباركم منو عنده مقابله على يوم 21 -6
حتى نعرف شنو الاوراق المطلوبه النقص الغراض السوالف المطلوبه
 مثلا العنوان ويين ما ويين لو السالفه بيه علسسسسس شتكولووون

19
الهجرة و واللاجئين / رد: ds-260
« في: 12:40 18/06/2011  »
استاذي العزيز هاي الفورمه ماتنسحب تمليه مثل مالتملي الفورمه لمن اتسجل في منتدى يعني المفروص بنطوك يوزر نيم وباسورد اعتقد كلهن ارقام وحرووف مأذكر شنو يسموهن المهم وتدخل على الرابط او النك الي دزوا الك وراح تطلعلك فورمه تمليه ورما ماتكمل الملي سييفه وخلص راح توصل الهم ورها راح يجيك وصل  استلام  او ريست الـ DS_260 احتمال راح بحتجونه منك بالمقابله هذا والله اعلم

20
الهجرة و واللاجئين / رد: جمعية الي عدهم مقابله على يوم 27-06-2011
« في: 11:11 01/04/2011  »
يا هلا ومية هلا هلا بيكم

21
الهجرة و واللاجئين / رد: جمعية الي عدهم مقابله على يوم 27-06-2011
« في: 10:52 01/04/2011  »
اخي العزيززز انا من عمام بني SIV  عذروتي لان نسيت اكتب اي برنامج انا عليه

22
الهجرة و واللاجئين / جمعية الي عدهم مقابله على يوم 27-06-2011
« في: 10:05 01/04/2011  »
السلام عليكم ورحمة الله وبركاته......



اخواني الاعزا انا عندي مقابله على يووم 27- 06-2011 اي شخص عندهم قابله ابهذا اليوم او اي يوم على الشهر السادس خلي ينظم الى الجمعية ونستفاد من المعلومات المتوافرة وشكرا

اخواني عندي سؤال اجاي موعد المقابلة بس مأجاي اي شي على الفحص الطبي وشلون يكون طريقة الفحص الطبي و المقابله

اخواني اي شخص عنده اي ملاحظه او اي معلومه او نصيحه خلي يفيدنه بيه وشكراااااا

 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8) 8)

23
الهجرة و واللاجئين / رد: اخوان عندي سؤال بخصوص الزوجه اذا امكن؟؟؟؟؟؟
« في: 21:30 05/02/2011  »
شكرا جزيلا اخي

24
الهجرة و واللاجئين / اخوان عندي سؤال بخصوص الزوجه اذا امكن؟؟؟؟؟؟
« في: 21:24 05/02/2011  »
السلام عليكم
 اشلونكم احوالكم انا فد نفر جديد اهنا  عندي فد سؤال انا واصل بالمعاملة مالـ SIV   في المرحلة الثانية يعني استوني دزيت اوراقي والفورمه I360 الى امريكا   بس  شنو المعضلة انو قررة اتزوج فد بنت حلال و متتعوض  فه سؤالي هو اكدر اضيف البينه حتى نتزوج واخذه وياي لو ماترهم لو امن اروح للمريكا اسحبه من اهناك انتم شتكولون احسن ؟؟؟
  عندي سؤال ثاني هم اذا ميصير زحمه اريد التعليمات مالت الفورم I-360 لان ماجاي افتهم اله و من من مليت الفوورم اهواي اغلاط بيه فه ممكن طريقة املاء الفوورم بشكل صحيح اذا امكن؟؟
 

 وشكرا

25
الهجرة و واللاجئين / رد: اريد جواز ساعدوني مو راح امووت؟
« في: 19:55 07/07/2010  »
مشكوريين ورحمه الله والديكم ماقصرتوا يضاهر السالفه مأله حل الا اببغداد هذا يعين انو لازم ابطل من الشغل واصبح عاطل( من المخييخ )عن العمل  وهكذا يعني السالفه ميووووووووووو وعاشوا عيشى سعيده وماتوا بالحلقه الاخيرة
                                 
                                         :P :P :P :P :P :P :P :P :P :P :P :P :P :P :P :P :P

26
الهجرة و واللاجئين / اريد جواز ساعدوني مو راح امووت؟
« في: 11:38 07/07/2010  »
اخوان منو عنده واسطة على الجوازات الي بالبصرة حتى لو بفلووووس والله ملييت اريد جوازز صارلي 5 اشهر ادور على جواز وماكوا

اخوان الي عنده واسطة خلي يكيلي ابيش ؟ اشكد  يطول ؟ بيه روحه للبغداد ؟ انا مأكدر ارووح للبغداد لان انتو اتعرفون النزله اشكد صعبه بس مستعجل عليه كلش    اللف رحمه على والديكووم
الي عنده واسطة ابجوازات البصرة
دزولي ايميل على smeagol1985@yahoo.com

بس اترخص من الشرفيين والمدير ولو الموضوع مو ابمكانه الصحيحة لاتاخذون على خاطركم من لان انا كلش متأذي من وروه سالفة الجواز


 :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'(

27
الهجرة و واللاجئين / رد: سؤال جدا حرج لاصحاب الاس اي في
« في: 16:01 30/05/2010  »
حسب خبرتي ماعتقد اكو اشكال بالسبلينك مال الجواز دزلهم ايميل وسولفلهم القصة وكلهم على السبلينك الجديد

28
الهجرة و واللاجئين / رد: جماعة SIV شنو رايكم بالي صارلي ??????!!!!!!!!???????
« في: 15:31 30/05/2010  »
لا موسهله سالفت الجوازات اهنا بالبصرة واذا ماعندك واسطة  اييس يومية يكولون السستم خربان
حتى بغداد موسهله وانا ظايج كشل من وراها
على العموم و خصوصي هع مشكور و ما قصرت

 8) 8) 8) 8) 8) 8) 8) 8) 8) 8) 8) 8) 8) 8) 8)

29
الهجرة و واللاجئين / رد: جماعة SIV شنو رايكم بالي صارلي ??????!!!!!!!!???????
« في: 20:31 29/05/2010  »
شكرا شكرا الله يوفقج ان شاء الله ويحقق الي ابالج center]

30
الهجرة و واللاجئين / رد: جماعة SIV شنو رايكم بالي صارلي ??????!!!!!!!!???????
« في: 20:20 29/05/2010  »
اخت سرى طبعا شكرا على الرد السريع  وشلت الارقام  بس اكدر اعرف شنو الضرر اذا خليت الارقام ؟؟؟؟؟؟؟
ثانكيو فرررري ماج

31
الهجرة و واللاجئين / جماعة SIV شنو رايكم بالي صارلي ??????!!!!!!!!???????
« في: 20:06 29/05/2010  »
يابة الله يساعدكم انا اخوكم الجديد اوسكار وقدمت على (الاس اي في) بس بدون جواز لان صارت علي لويصة وصارلي اهواي انتظر وماطلعلي الجواز المهم طبعا دزيت الجنسية مالتي مترجمة وكملت الغراض كلهن ودزيتهن وره فترة دزولي ايميل كلولي ليش ماعندك جواز رد عليهم  وسولفت القصة كله ورة فترة دزو ايميل لل( بي او سي)  بس السالفة و ما هي  انو هاي الامو كله صارت خلال شهر فه حبيت اعرف رايكم شتكولون على قصتي بيه خير لو امكيييسه      وهاي التواريخ

٣-٥-٢٠١٠ قدمت على الاس اي في بدون جواز
١١-٥-٢٠١٠ دزولي ايميل كالوا ليش ماعندك جواز و رد الهم شنو السالفة
٢٧-٥-٢٠١٠ دزو الى الـ بي او سي ايميل يسئلونه علي خوش لو ما خوش
 ??? ??? ??? ??? ??? ??? ??? ??? ??? ???

ها وعندي سؤال ثاني طبعا عنوان الايميلات الي دزوه الي غريب اشوية ممكن اتفسروه الي
NVCXXXXXXXXXX


صفحات: [1]